ماذا ستطبخين اليوم سيدتي ..الجزء ال50 .

[nada242008]

السلام عليكم ورحمة الله

مرحبا بيكم في الكوزينة اللي تلم طباخات اللمة
اللي مرة ترقد ومرة تنشط بصح ماتموتش بربي ان شاء الله :d
مادامنا حيين راهي حية معانا

ولكن اليوم مش اي يوم :-r
اليوم يصادف زواج الغالية على القلب وتوأم الروح
المشرفة عفاف الجزائرية

كل عبارات التهنئة لا تكفيها
وكل عضوة عرفتها من بعيد ولا من قريب
تعرف مكانتها في قلوبنا
حبيناها وتعلقنا بيها
طيبة فوق الخيااااااااال
بنت اصول وصاحبة واجب وكرم
تمنيت نكون معاها في هاذ اللحظات
لكن الظروف ماساعدتنيش
عفوفة نتمنالك حياة سعيدة وهنية
وان شاء الله ربي يجمع بيناتكم بالخير
ويباركلكم يارب
وترجعي تشاركينا يومياتك المطبخية
..شوفو والله مانحشم ..المرا راهي معرسة وانا ندعيلها
ترجع للكوزيينة نهار عرسها هههه:d
لا مفر من الكوزينة لاحقة لاحقة:p

---
ان شاء الله هذا الخبر يكون فاتحة خير عليها وعلينا
وعام سعيد يدخل علينا بالصحة والهنا

هذي اطباقي

​

 

[la_safa]

السلآم عليكم ^^

ألف ألف مبروووك على عفوف خبرتني أنو عرسهآ فِ ديسمبر
بصح مآكنتش عآآرفة لآدآت ، مشكورة عفوفة :$
ربي يهنيهآ ان شآء الله و يفرحهآ و يرزقهآ الذرية الصآلحة يآ رب

نرجعوو لأطبآقك الهآآيلين طبعآآ :-r كآش نهآر نجرب الزفيطي ديمآآ في بآآلي
يعطيك الصحة عفوفة الله يبآآرك عليك :up: ^^

حبيت ندخل و معآيآ سينية حلوة :

تآآي ، كوكآو ، شآمية ، و ديول محشيين بالمكسرآت و معسلين

:$:$
​

 

[نبيلة شباح]

الف الف مبروك للاخت عفاف السعادة والصحة الدائمتين والله يرزقها بالبنين والبنات انشاء الله

 

[السلطانة]

مبروك الكوزينة الجديدة الله يبارك العدد ال 50
وربي يهني الأخت عفاف
البارح كان عيد ميلاد ولد خالتي جبتلكم واش كان على الطابلة :p
لي طارت هاذو صنعناهم في الدار

​

 

[هدوء المطر]

وعليكم السلآم ورحمة الله
ألف مبروك للأخت عفآف، ربي يهنيها ويرزقها الذرية الصالحة إن شاء الله
هذآ الكآدو نتاعي ليهآ:

ومبروك إفتتاح الجزء الخمسين للكوزينة اللمآوية،.
يعطيك الصحة أم ندوش.​

 

[زهور الشوق]

ألف الللللللللللللللف مروووووووكـ لطاطا عفوفة
عقبال الذرية الصــــــــــآلحة والحيآة المليئة بالحب والمودة والهنـــــــــآء
فرحتلهـــــــآ بزآآآآآآآآآآآآآآف
ومبرك علينا الجزء 50 ^^
يعطيـــــــــك ألف عـــــــآفية طاطا ام ندوشة + كلشي يهبل ماكلآتك روعة بالصحة عليييييكم
صفصوفتي ميرسي بزآف فرحت ي عجبوك اطباقي لهيه هههههههه مام نتي شطوووورة الله يبـــــــآركـ
وهدآ لغدا لي درت اليوم ماعندوش اسمو بيسك خرطتو من راسي هيهيهي وجا هآآآآآآآآآيل


ودرت معاه لآبوري
وبصحتكم كاامل اطباااقكم روووعة
​

 

[زهور الشوق]

ســــــــــآندي عيد ميلآد سعيد لوليد خآلتو ^^
الله الله على دوك الكيكــــــــــآت يشهو يممممي
رووووووعة بصحتكـــــــــــــــــم​

 

[ام ايناس]

اولا وقبل كل شئ الف الف مبروك لحبيبتنا عفوف تمنيت نكون معاها في هادي اللحظة مي المكتوب والظروف ماقدرتش ربي يهنيها ويحميها ونتمنالها كل خير في حياتها ندوش راني نتخيل فيك تما
الف مبروك الجزء 50 انشاء بهادا الجزء يرجعو لي راهم يطلو من البارسيان ههههه
يعطيييكم الصحة لبنات كلش يشهي من يديكم
ندوش كالعادة اطباق في القمة اعطيني لاغوسات تاع القراتان تاع البطاطا تبانلي بالجاج
لاصافا سنيوة متولة من كلش يعطيك الصحة
شوشو عيد ميلاد سعيد لوليد خالتك لي تارت هايلين وبصحتكم
زهور الشوق بصحتكم البلا لي اخترعتيه يبان هيل روز هاداك ولا واش
صحا عشاااكم لبنات
هادا الباروك تاع الجزء
بيسكوي رولي درتو البارح وباتيسري

​

 

[nada242008]

يعطيكم الصحة لبنات على الخيرات لي حطيتوها
ام نوسة هذاك قراتان شفلور يجي مممممممم
تفوري الشفلور حتان يطرى
ومن بعد تديريلو ملح وفلفل اكحل ..سنات ثوم وفرماج تاع الميزان وتمرسيه بالفرشيطة شوية
تنصبي مرقة بيضا بالدجاج ... ومن بعد تفتتيه ..وتخلي لاصوص تاع الدجاج بجهة
تقطعي بطاطا دوائر وتقليها
ومن بعد في المول ..تحطي الشفلور الممروس + الدجاج المفتت والبطاطا المقلية + زيتون مقطع دوائر ومعدنوس // ماكانوش عندي
تجيبي لاصوص تاع الدجاج تضيفيلها 4 بيضات وتصبيهم على الخليط
اذا عندك زيديلهم فرماج روج من فوق
ودخليها للكوشة
تجي تهبل :up:

 

[زهور الشوق]

طاطا ام ايناس بيسكوي روي والباتيسري جآو قمـــــــة بصحتكـــــــم
وي سكالوب قسمتو على زوج نص درتو فالحشو فتتو وحمستو بشوية زبدة وتوم وتوابل*كروية فلفل اكحل شويية قرفة وكمون+شوية ملح ومعدنوس* بعدها خطتومع الروز + فروماج
والنص لاخر خليتهم صفيحات كل صفحة دهنتها بشوية خردل*لاموتارد* زيت زيتون شوية ملح وتوابل ومعدنوس وحطيت طقة فوق ختها وخليتهم يريحو ابري ستفتهم وعمرت الحشو داخلهم وغلقتهم بالخيط وحطيتهم فالفور​

 

[Oum Loukmane]

safa هاذي الوصفة تاع الكعك
كاس سكر-كاس زيت-2بيض -2كسانماء دافئ-كاس حليب دافئ -مغرف ونصف خمارة الخبز-2خمارة الحلوه-قشو رالبر تقال -سا نوج
التحضير**حطي ماء والحليب+خماره وتركيها تخمر ثم +البيض+الزيت خدمي مليح+باقي المقا دير ثم تركيه يخمر في مكان دافئ
شكلي خبيزات صغار تركيهم شوي ق صيهم مثل الخبز خدي طا بع دائر ثقبي في الوسط وشرطي بالسكين من الحواف ثم دهنيه بصفار البيض وطيبه

 

[ام ايناس]

امممم ندوشة يجي هايل القراتان غدوة بروقرام محكوم انشاء الله السبت نديرها يعطيك الصحة على الوصفة
زهور الشوق ربي يخليك هادا من دوقك والوصفة رووووعة حتى للضياف وتقدري ديريها نجربها انشاء الله مشكووورة

​

 

[بنت الجسور المعلقة]

ألف مبروك عفوفة حنونتي ربي يكمللها ويعمر حجرها بالبنين ربي يجعلو زواج العمر ان شاء الله ♥
انا ليوم صومت دارتلي ختي فريت وسكالوب مصورتش
اطباقكم كي لعادة مميزة

أيا شكون شاطرة تعاوني في زوج كيلو نشخشخوهم

 

[ام سراج الدين وملك]

السلام عليكم ورحمة الله وبركاته وصحا عشاكم كامل
مبروك افتتاح الجزء 50وان شاء الله نكونو ضياف خفاف على الغالية ام ندى
كالعادة اطباقكم هايلة يعطيكم الصحة
تمنيت نشارك معاكم باطباقي بصح تليفوني تكسر مالقيت باه نصور
بصح راني نشارك بالكتابة خير من والو هههه

 

[ام سراج الدين وملك]

ألف مبروك عفوفة حنونتي ربي يكمللها ويعمر حجرها بالبنين ربي يجعلو زواج العمر ان شاء الله ♥

انا ليوم صومت دارتلي ختي فريت وسكالوب مصورتش
اطباقكم كي لعادة مميزة​

أيا شكون شاطرة تعاوني في زوج كيلو نشخشخوهم

اييه يابنت مدينتي كون راني حذاك كون شخشخت معاك
تاكلو بالصحة والهناء ختي

 

[ام سراج الدين وملك]

زواج مبرك لعفاف ان شاء الله زواج الدهر
وربي يهنيها ويهني جميع المسلمين

 

[M3TaZ eLLMa]

السلام عليكم

أولا ألف مبروك افتتااح الجزء 50 ألف مبروك

وألف شكر للأخت ندى على الافتتااااح الرائع والمميز

وإن شاء الله راح يكون جزء مليئ أكلات الجديدة والشهية

وألف ألف مبرووك للأخت الطيبة عفاف على زواجها ونعم الاخت وتستاهل كل خير

وشكرا على أطبااقكم الروعة أخوتي الطيبين

وربي يحفظكم وربي يجزيكم الخير إن شاء الله

وربي يعطيكم ما تتمنوا يارب

وربي يحفظلكم أولادككم وتفرحوا بيهم وربي يحفظلكم أزواجكم يارب

شكرا على المجهود

وشكرا مشرفتنا الطيبة ندى

موفقين
​

 

[la_safa]

السسلآم عليكم
بصحتكم كآمل وش طيبتو الله يبآرك عليكم مآ شآء الله ^^

:up:

خآلتوو أم لقمآن يعطيك الصحة على الوصفة رآني نجربهآ ان شآء الله :-r ^^
​

اختي بنت الجسور المعلقة هآآتي نشخشخ معآآك ديجآ السمآنة لي فآتت
و حنآ نديرو فيهآ :d طآآببوو ظفآري معآهآ رآني وليت بروفيسيونآل فيهآ زعمآ أحم :p
​

 

[ziassia]

ألف مبروووك عفاف ربي يكملك ان شاااء الله و لعقوبة ليا هههههههه

 

[shahrazad]

سلام عليكم
مبرووووووك الجزء 50 الله يبارك ان شاء الله عمرها ولا تتقفل هاد الكوزينة مادامنا حيين كيما قالت ام ندوشة
اليوم تاني يوم سبيسيال بزاف لأخت عزيزة علينا كااامل تمنيت انا تاني نحظر عرسها وكنت صح معولة نروح بصح الله غالب ظروووف
المهم ربي يهنيها يارب وهي تعرف واش تسوى عندي وعند لبنات كامل

يعطيكم الصحة ياالفحلات مالقيت وش نخير كل شي بالطبع ربي يبارك فيكم

انا جبتلكم محاجب ومقروط

​