ماذا ستطبخين اليوم سيدتي ..الجزء ال50 .

[الحلم الوردي]

ألف مبروووك الجزء 50
الف مبروك للاخت عفاف الزواج ربي يهنيها
اطباقك روووعة اختي ام ندى
بصحتكم كــآمل
اليوم درنا
كسكس ,سلآطة,ديســآر
​

 

[shahrazad]

صباااح النور عليكم
جمعة مباركة حبيبتي​

 

[الحلم الوردي]

اسعد الله صباحكن
ان شـآء الله راكم مـلآح
جمعة مباركة للجميع
​

 

[Oum Loukmane]

shahrazadبنتي ماذابيك تعطيني الوصفة تاع المحاجب بالتفصيل الممل
​

 

[السلطانة]

نهاركم زين

 

[*amina*]

اهلا لبنات
الف مبيروك للاخت عفاف ان شاء الله ربي يهنيها و يرزقها السعادة يا رب
الف مبروك الجزء الخمسين
توحشت نحط اطباقي راني كل يوم نطيب بصح حصار شديد راه عليا ههههههههه
و عجوزتي مسكينة لاطونسيو راهي طالعة الف من التقلاق الضياف بزاف

 

[الحلم الوردي]

بصحتكم لغدا كــآمل
غدآنــآ
عدس,لابيري ,رولي بالشوكولا

فورماج مصنوع في البيت وهريسة

رولي بالشوكولآ

​

 

[Oum Loukmane]

السلام عليكم الف الف مبروك لعفاف الله يهنيها

 

[*amina*]

بصحتك اختي ملاك
شهرزاد يعطيك الصحة على البريوش بصح عجوزتي لصقت كل يوم تقلي ديريه هههههههههههه
اهلا ام لقمان

 

[الحلم الوردي]

الله يسلمك اختي امينة
ربي يكون في العون
​

 

[Oum Loukmane]

ملاك اطباق تشهي هاتي وصفة الجبن و الرولي

 

[الحلم الوردي]

الله يسلمك اختي
بالنسبة لرولي بالشوكولا
المقادير
4 بيض _100غ فرينة_100غ سكر _مغرفة صغيرة فاني
نخبطوة البيض مع السكر مليح حتى يتضاعف الحجم ديالو
من بعد تزيد الفرينة وتحطيه يطيب قبل لازم تكوني شعلتي الفرن نتاعك ب15 دقيقة من قبل
وتحطي الخليط نتاعك في بلا بيه ورق الزبدة باش مايلصقش
وتخليه يطيب 10دقائق
اما لحشو الرولي اختياري
يا كريم شونتي يا كريمة الزبدة
ومن الفوق انا درت الكريم شونتي وشوكولا نواغ
الجبن المنزلي
نص كاس لبن _شوي ملح وفلفل اسود
يتخلطو مليح في الميكسور
كاس زيت بالشوية تضيفيه كيما المايونز وفي الاخير نص حبة ليمون والتوابل التوم
​

 

[shahrazad]

سندي حررااااام عليك هاديك التارت تع لشكول تهبببببل جيبيلي دوك حقييي اممممممممم
ملاك لله لله وشنو هد لخير يمييييي يعطيك الصحة ياالفحلة والرولي جاك تحفة
امينة هههههههه بصحتها بصحتها معليش تدي الاجر وخلاص خخخخ....قوليلي يخي كتبتلك فالوصفة كاس تع الماء دافي باسك مديتها لصاحبتي ونسيتلها الماء دارتو هكدك مجاهاش مليح تبهدلت هههه
ام لقمان المحاجب ندير فيهم السميد عيني ميزاني وشوية فرينة وملح ممبعد ندلكو بالماء مليح ونخليه يريح
والحشو نقطع البصل مربعات ويتقلى مليح ثم نزدلها الطماطم مرحية وفلفل اكحل وملح و طمطم مصبرة

 

[هُدُوء المَطَر]

ام لقمان المحاجب ندير فيهم السميد عيني ميزاني وشوية فرينة وملح ممبعد ندلكو بالماء مليح ونخليه يريح
والحشو نقطع البصل مربعات ويتقلى مليح ثم نزدلها الطماطم مرحية وفلفل اكحل وملح و طمطم مصبرة

السلام عليكم اخواتي

جمعتكم مباركة .. ألف ألف مبروك على عفوفة ربي يرزقها زواج الدهر ان شا الله .. بالرفاه و البنين !

شهرورة انا عندي مشكل كيفاش في كيفاش نطويهم باه نطيبهم :$ خطرات يجوني شوية يابسين ولا ما نعرف عليهم قوليلي كيفاش ندير :$
​

 

[بنت الجسور المعلقة]

شخشوخة الظفر من يدين الوالدة

 

[Oum Loukmane]

السلام يا بنت الجسور المعلقه شخشوخه ها يله الله يخليلك الواليده

 

[shahrazad]

ممممم رقية ربي يحفظك للوالدة على هاد الشخشوخة ماشاء الله
هدوء المطر هوما لازملهم وقت يعني لازم الواحد دايما يجرب مايصلوحش من المرة الأولى انا شحاال باش تعلمتهم عاد دوكا ديفوا ندير معوج هههه
وتاني يابس بالاك مادلكتيهش مليح وخليه يريح بيان وتاني زيت يحبو زيت بيان كي تحليهم وتطويهم وكي يطيبو دايما غطيهم وكل حبة تحطيها تحت ختها
هههه هادي نصائح بسيطة من مبتدئة​

 

[قوقا]

السلام البنات واش حوالكم

 

[نبض الحياة]

الســـــــــــــــــــــــــلآم عليكم
جمعــــــــــــــة مبآآركة للجميع
ما توحشتوووني ما قلتو المخلووقة وينها ما بآنت :very_mad::very_mad:
الف مبرووووووووك الجزء 50 كيما قآلت عفوفتي عمرو ما يموت :p
الله الله عليكم حراااير اللمة كل شيء بالطبع ماااااااااا شاء الله عليكم
اللهم لآحسد
وحدة وحدة يعطيكم الصحة حبآبآتي
شهرورتي البارح درتهم مع خالتي طحت فيهم ههههههه زدت 10 كغ ما بين يامس واليوم ههههه
واصلن واصلن
انا حتى لغدوا ندخل لكوزنتنا اذا كتب ربي
مع دخول متردد، خولني نتفكر بوليكوباتي شويا سمحت فيهم :down:
صح عشآآآكم
​

 

[قوقا]

يا عمري شكون لي قال ماستخصيناكش توحشتااااااااااااك