ماذا ستطبخين اليوم سيدتي ..الجزء ال50 .

[Oum Loukmane]

صباح الخير اخواتي وبناتي صفاء راكي ديره قعده خاصيه جماعه برك

 

[Oum Loukmane]

السلام عليكم اختي ام انا س لي تارت جا وك ها يلين يعطيك الصحه

 

[ام اشراق]

مرحبااا بيك نوور الهناء
امممممممم ليقآطووو هباااااااال
والبيتزااا تشهي يعطيك الصحة حبيبتي
​

اهلين بحبيبتى روكا تعيشى ربى يخليك
حشمتينى :$ وين ابان مع حلوياتك يا شيف
تسلمى يالغاليا

 

[Oum Loukmane]

السلام عليكم صباح الخير عليكم

يعطيكم الصحة حباباتي كل وحدة باسمها اطباقكم الله يبارك تشهي .. بالصحة عليكم

هاذا عشايا تع البارح صورته في الكوزينة خاطر لا فات تحط فوق الطابلة ما نلحق نصور والو "الهجوووم"

اللهم أدمها نعمة
​

 

[الحلم الوردي]

بصحتــك
اممممممممممم الكارانتيكا رووووووووعة:up:
باسكو نحب نديرها
مي عجبتني نتاعك اختي روكا
معليش تقوليلي الوصفة كيفــآش:$
​

 

[قوقا]

اه يا روكا تعفسي علي الجرح انا نطالب ما يزيدوش يدخلوك معانا في هدا السيت

 

[iman88]

السلام عليكم و الرحمة و الاكرام

هذه اطباقي ليوم امس

عملت رشتة





و قطايف



لا سلاد د فروي





و عملت تارت الجينواز بالليمون

​

 

[نبض الحياة]

طاطا ام لقمآآن اممممممم يعطيك الصحة حبيبتي كل شيء يشهي
ملووكتي الله يخليك بدلي الخط واللون حسبتها مشاركتي قلتها شكون كتبها هههههههه :p
شوفي حبوبة على حساب الpلا اللي عندك: انا ندير 2 كيسان حمص مطحوون معاه كاس شابلووغ، 4 كيسان ماء، شوية زيت، ملح و حرور وديفوا ندير حبة بيض ديفوا لالا
قوقا ههههههههه والو غير انا اللي ما يقدروش يستغنوا عليا ^^
فطور كاسكروووط عندي خدمة في الكوزينة ما فطرتش نورمال ههههههه

​

 

[نبض الحياة]

يـــــــــــآ ايمآآآن ما شاء الله عليك
سخفتيني في جينوااز الليمون عندي مدة ما درتهاش توحشتها لكان غير تبعثيلي مورصو اذا باقي طبعا :p
​

 

[Oum Loukmane]

ايمان88 اطباق تههههههبل يعطيك الصحه خصوصا الجنواز

 

[Oum Loukmane]

خبز يشهى الله يعطيك الصحه حبوبتي

 

[la_safa]

السسسلآم عليكم ^^

الله يبآآآآرك مآ شآآآآء الله عليكم كآآآآآآآآآآآآمل :$

رآني مآنيش نحط كآمل في الاطبآق و السبب البوليكوبآت اللعينة :surrender01:
نكمل نروح نقرى :sport01: و لعشيآ نحطلكم الأطبآآق و نردلكم كآمل وحدة وحدة :graduation::love01:

ادعوووووووووووووووووولي :cray02:
​

 

[Oum Loukmane]

خبز روعههههههههههههههههه الله يحفضك

 

[نبض الحياة]

ربي يقدرك صفصوووفتي
أحسن حل انك تكوني حبآآب انت والبوليكوب :p
هاك باه ما يخلعكش وما يهبلكش هههه
​

 

[iman88]

http://4algeria.com/forum/threads/416821/

 

[قوقا]

ماشاء الله على بنات بلادي شاطرات كل وحدة تقول لاختها لزي لهيه ربي يستركم من العين
روكا راكي باغيا تهبليني وقيلة متزيديش توريلي الاطباق الخفيفة سوغتولي كاسكروط عندي مرض الليل منو نوض وندير نابوغت واحد واليوم سير يجي في خاطري هاداك الله يسامحك

 

[نبض الحياة]

هههههههههههههههه قوقا والله لا قتلتيني بالضحك
قتلك داك النهآر بلي انا ملكة الشر هنا
نحط نحط وربي كبير :p
​

 

[نبض الحياة]

مسآء الانوار
اليوم جربت قلب اللوز لحبيبتي شهرا
والله يا جماعة ما امنتش بلي راني ناكل فيه يا وحد الذوق امممممممممممممممممم فور على اللي نشرووه من براااا :yahoo01::yahoo01::yahoo01:
برك المشكلة جاني غليظ شوية المرة الجاية ندير نص العبر في هاد البلا
ما تضحكووووش رانا نتعلمو برك :very_mad::very_mad:
واش نقوولك يا شهرورتي روووووووحي راكي راااااااابحة

​

 

[هدوء المطر]

السلآم عليكم ورحمة الله
مسآء الفل عليكم بنآت، يعطيكم الصحة على الأطباق ربي يدومها نعمة إن شاء الله
البآرح كنت معرسة، دآرو في العشاء شربة فريك باللحم، وجلبآنة بالدجاج، طآجين حلو، سلآطة، والديسآر تشينة ما قدرتش نصوّرلكم عيب قدام الغاشي ههه، تعشينا وفي السهرة سربآو تآغتولات فوقهم دي تخونش نتآع بنآن وكيوي، لاتاي، المقروط والقآطو، المقروط والتاغتولات قضيت عليهم ثم في العرس:d، مي القآطو جبتو معايآ للدار وصورتو، اليوم الدخول مي أنا ما رحتش رآحو غير دارنا تآلي لوكان راني صورتلكم عشاء دار العريس :p
نخليكم مع الصور:
هذا le pliage de serviette en papier :

وهذآ واش في داخلها:

سلآمو.​

 

[نبض الحياة]

بصحتها بصحتها العرس
بالهنا والسعد ولعقووبة لييك ان شاء الله
انا لابغيتي غير خبيلي ديك لابواات وكولي القاطو :p
راني نلم من كل نوع نهار عرسي ندير كولاكسيون مادارتش ههههههههه
الدعوة راهي غالية خخخخخ
​