سلام عليكم
هدا اول موضوع ليا كنت نشوفكم غير من بعيد عجبتني لمتكم و نصايحكم لبعض و الفتكم قلت ولله غير نطرح عليكم مشكلتي بلاك تريحوني مكانش ليمن نحكي و دارنا لوكان يسمعو يقتلوني :$
مشكلتي هي قريب نزوج و كلشي نورمال مي كاين حاجة مخوفتني من راجلي لي هي عصبيتو الزايدة عن حدها مرات يكون كي لعسل :-r و مراااااااااات يا لطيف - عندو عقلية كي يلصق في كلمة ولا راي صايي ما يبدلوش والو ما يحملش المناقشة لدرجة وين يخبط و لا يكسر اي شي قدامو كيما مرة رمى سنيوة الغدا كاملة كسرها على هدي نبقى نتخيل في معيشتي معاه للقدام و نخااف نقول ااواه نبطل و ما نكدبش عليكم نايفو تاع الصح مي صح صح حتى ل 3 يام على الاكثر ما نحملش فراقو :$ هدة مدة 8 سنين و حنا كيف كيف مشي حاجة ساهلة نسمح نرجع و نقول معليش كيما تقول يما مشي كامل الناس هانيين الكمال لله و نتفكر كلشي مليح فيه
علابالي طولت عليكم سمحولي بصح كاين غي هنا وين نفرغ قلبي قلت بلاك كشما نلقى منكم شي حل رب يحفظكم
السلام عليكم و رحمة الله و بركاته أما بعد:
لعله يتصرف أمامك بهذه الطريقة ليقنعك بطبعه في المستقبل
لا تنسي أنك المرأة و بيدك الحل الذي تريدينه
عندما تتزوجين عوديه على طريقتك يوميا و لا تتركي له مجالا لا للعصبية و لا لكسر شيئ و لو فنجانا
من أول يوم زواج قومي بتعويده على نظام معين دون أن يحس بذلك
حافظي على هدوئك حين ترينه غاضبا و ابتعدي عنه و لا تحاولي مناقشته أبدا و انشغلي بعمل ما بعيدا عنه حتى يعلم أنك غير مهتمة لذلك سوف يعيد حساباته الفاشلة و يعتذر منك .
داومي على هذه الطريقة و حافظي على حياتك الزوجية بالقيام بواجباتك دون إهمال لحقوقك ستسعدين بحول الله
تمنياتي لك بزواج سعيد و حياة هنيئة و لا تنسي أن تخبرينا بعد الزواج إذا نجحت في تغيير زوجك .سلام
السلام عليكم
اختي انا حسبت حاجة كبيرة لقيتها غير مشكل الحل تاعو راح يكون عندك ان شاء الله
اختي كامل الرجال او معظمهم هكدا يحبو يفرضو رايهم و يبينو رجةلتهم خاصة امام الزوجة او الخطيبة
انا راجلي تاني عصبي ميخلينيش حتى ناقشو في امر بصح نسكت و نخليه غير وحدو ينفذلي طلبي هو يقلي كي نقلك لالا اسكتي و خليني متلصقيش في الموضوع و غير وحدي ندلك واش تبغي و صحيح واش يقلي
مرات نقلو ديني لكاش بلاصة يقلي لالا نسكت و نخليه حتى وحدو يقلي ايا تروحي ولا نقلو شريلي حاجة يقلي مش اليوم نسكت حتى نلقاه جابهالي
الراجل تقتليه بالسكات و راح تشوفيه يتبدل
اياكي تزيدي عليه وقت لي يكون عصبي
ربي يتمملك بخير
السلام عليك
أولا أختي الاستخارة هي اول وآخر حل ستبدد حيرتك بإذن الله.إن رأيت بعد اقامتها انك مرتاحة له فافهمي بأن لكن انسان عيب وهذا عيب خاطبك
الحل بيدك اختي..بدل الغضب واثناء حديثك معه ادخلي مواضيع هادفة بحديثكما
مثلا طريقة معاملة النبي صلى الله عليه وسلم مع زوجاته وعلقي عليها قائلة" بأنك تعشقين الرجل صاحب المعاملة اللبقة والرجل الثقيل وانك تجدين هذه الفات فيه حتى لو كانت كذبا صدقيني حتى لو طال الامر فسيحرص على ان يكون ذلك الرجل من اجلك...ولاتنسي الدعاء بصلاتك له ولكما معا بأن يسخره الله لك ويكون نعم الرفيق في الدنيا
دعواتي لك حبيبتي
تقبلي مروري
طيف الشتاء:$
السلام عليكم اختي
احنا النساء عامة كي نصادفو مشكل ولو كان صغير نفكرو في أسهل الحلول على الرغم من أننا المتضرر الاكبر منها
رح نسقسيك: رح تكوني مرتاحة لو بطلتي؟
انتي لو ما كنتيش تحبيه وحابة تعيشي معاه حياة هادئة ما كنتيش رح تفكري في حل لهاد المشكلة
انا تاني راني نعاني من خطيبي من نفس المشكلة هو بطبعو يحب يفرض رايو وما يحبش يناقش المشكلة خاصة كي يكون هو الغالط وما ينفع معاه لا أسلوب الحوار الهادئ لا والو
وكيما قالت الاخت امينة أسلوب الصمت هو الحل خاطر هاد النوع من الرجال العصبيين كلما تعانديهم ولا تغاننيهم رح يتأزم الوضع وممكن توصلي لامور لا تحمد عقباها
وانا جربت هاد الاسلوب ونفع جداا بالعكس يولي يدير فالمستحيل باش نرضى
الحياة الزوجية تستحق التضحية ومش سهلة كيما يعتقد البعض كي تكوني في دار باباك زي مهما تتقابدي معاه ويعصب عليك تبقى هدرة فالتلفون والبعد يلعب دور
مي كي تكوني معاه تحت سقف واحد رح تختلف الأمور وكلما تعانديه أكثر رح تخسري في لافار
المراة بطبعها الهدوء والحنانة مهما يكون زوجها معصب تتعامل معاه كأنثى هادئة تصمت وتحاول تهدأ
وهو رح يقدر هاد الشي بعيدن
اما إذا كان هو يعيط وهي تعيط المشكلة مراحش تتحل ورح تتأزم وتزيد المرأة طيح من عينو
هادا ما نقدر نقولك وربي يوفقك
السلام عليكم
اختي مادام صبرتي معاه 8 سنين كاملين وتانيك تحبيه علاه متقدريش تكملي و علاه راكي متردردة هو هذا هو طبعو حاولي تسايريه وبالاك يتبدل بعد الزواج بزاف كان واعرين وعصبين قبل الزواج ومبعد تبدلو ونشاء الله كيشوف ولادو قدامو راح يتبدل و ناكدلك مكانش لميتبدلش بعد الزواج
وربي يهنيك ويسعدك
طبيعة الرجل الجزائري هادي هيا قليل وين تلقاي واحد يسمع ويناقش
الحل اختي في يدك كي يتعصب عليك بالصمت والابتعاد حتى تهدا الامور
ما تزديش الطين بلة
جربي هذا الحل حترتاحي ناكدلك
ورد الاخت مينات اكثر وضوح
السلام عليك يا اختاه لا اضنه سيئ الى هذه الدرجة من الوصف ، انه فقط يحاول اصال ما بداخله من ثقل و من مرارة تنغص عليه معيشته ( اضن و الله اعلم ان بداخله ما لا تستطيعين فهمه )ساعديه فهو بحاجة اليك و الله الموفق
أولا نقوللك مرحبا بيك حبيبتي فلمتنا وإن شاء الله تفيدينا وتستفادي معانا إن شاء الله
واش نقوللك أنا ننصحك بصلاة الاستخارةغير ربي اللي علابالوا بالشي اللي مليح ليك والشي اللي ماشي مليح ليك وكي تستاخري ربي هو يبينلك
و أنا من جيهتي نقوللك بلي المرأة تقدر تبدل الرجل مي اذا كنتي شاطرة حاولي دورك تسيي تبدليه اذا لقيتي بلي قدرتي عليه دورك أعرفي بلي منبعد تلعبي بيه كيما حبيتي وأنا نقوللك ماتخشنيش راسك معاه وكوني لينة وحنونة معاه أنا وحدة خشانة الراس هي اللي جابتلي البلا لداري و ربي يصلحنا ان شاء الله
ربي يسهللك ان شاء الله و يبينلك الطريق الصحيح ان شاء الله ورانا نسناو تعرضينا لعرسك ان شاء الله هههه
ربي يحفظك حبيبتي
سلام
عادي اختي المهم قلتي مرات يكون حنين انا طبع زوجي كي يكون في حالو ماكاش خوه مي كي يتقلق نبعدو نخاف كاش ضربة تجي فيا يكسر اي حاجة تكون قدامه العام الاول نتاع الزواج تشوكيت من ردود افعاله كي يكون مقلق ومنبعد والفت وتاقلمت وعرفت كيفاه نتعامل معاه كي يكون مقلق ماناقشوش نسكت وكي يكون في حالو نطلب واش نحب وسياسة السكوت هي الحل ديفوا ندوموندي كاش حاجة مايحبش نسكت ونخليه هو يولي يحلل وكاين رجال هكا يحب كي يتقلق ماتناقشيهش يالوكان يكون غالط المهم ربي يجيب الخير ويطيب عشرتكم والا فيه الخير ربي يكملك معاه
الصح مي صح صح حتى ل 3 يام على الاكثر ما نحملش فراقو :$ هدة مدة 8 سنين و حنا كيف كيف مشي حاجة ساهلة نسمح نرجع و نقول معليش كيما تقول يما مشي كامل الناس هانيين الكمال لله و نتفكر كلشي مليح فيه 
