Guide touristique لوآش رآك تهدر :)

[الورد الأحمر]

هههههههههههههه موغ دو غيغ
انا كي قريت لاسامي وشت الجماعة لي مذكورة ضحكت وتفكرت بلي عشنا فترة بزاف هايلة
دخلت للمة مهبولة :dخرجت منها عاقلة :$
رجعتينا لزمان بزاف شباب
الله يدوم هاد اللمة ويخليكم ديما ناشطين فيها
تبا وليت ما نعرف نعبر ما نعرف نهدر

هههه شفتي الأسمآء هكآك ورآني نسيت أسمآء بزآف مآ حطيتهآش خآنتني الشفآية تآعي (الذآكرة :p)
رجعتكم ورجعت معآكم في الكبسولة تآع نآدين وربي يحفظ هآذ اللمة لحلوة على طول والله يبعد عليهآ العين
وصح صعرتنآ اللمة وهي بعد لي رجعتنآ عآقلين :p
مغسي عالمشآركة الحلوة

 

[الورد الأحمر]

السلام عليك
جبتيهم gاع ههه
مرحبا بسالي راهي منورة اللمة
كان كاين تاني واحد يكتب في الركن لي هو BARCA232 منعرف علاه كنت نخاف منه ههه كنت نحسه راجل كبير فايت 40
كنت كي نشوف يدور في كاش موضوع نخرج منه طول ههه
إن شاء الله يكون بخير
كاين تاني برهوم لي معروف باسم Jeune Sghir Mc كانو مواضيعه gاع معاني يعجبوني بزاف و هذي تاني مواضيعها قلال بصح فور بزاف مابقاش بزاف.Dz

وعليكم السلام أهلآ منمن أونكوغ :p
ايه أي بدآت تجي الأسمآء المذكورة أعلآه هههه وطبعآ نشفى على البرصآ كآن تآني منغول كبير ونشفى
تآني على عنابي23 لي هو أبو ندى درك أو عقال حتى هو ههه ونشفى على موحا برصآ كآن ديمآ
يعلقلي على البشبوشآت لي ندير في موآضيعي هههه والله يآ دوك ليآم وطبعآ رشدي وهذي مآ بقآش بزآف
تآني كآنت منغولة وجون صغير رآني ذكرتو وليه زمآآآن مآ سجل دخول وبزآآآف أسمآء كآنت واشتقنآلهآ
وبزآف أسمآء ممكن تشوف في الموضوع مي مآ حآيبآش تدخل وكل وآحد ليه أسبآبو طبعآ
عمومآ ربي ينآول الخير لكل الحآضرين والغآيبين ومغسي عالتفآعل :-r

 

[الورد الأحمر]

/

http://4algeria.com/forum/threads/218218/

http://4algeria.com/forum/threads/222780/

بعض الصور لانهآ متظهرش في الميضوع ههههههههه

​

ههههههههههههههههههههههههههههههههههههه
والله يآ البشر هذآ أفكآرو جهنمية معرف منين يجيبو الأفكآر يعني كآنوآ فعلآ مآ شآء الله عليهم
مغسي ليك والله وطحتي على موضوعين في الصميم مي دومآج لي فوطو مآ يظهروش الكل لوكآن رآه تحفة
يعطيك الصحة رآكي تبعي مليح خخخ

 

[الورد الأحمر]

السلام عليكم
لكل جيل حلاوته الخاصة
ايام جميلة مرت وايام اجمل ستمر
بارك الله فيك على الموضوع المميز
جميل ان نتذكر الماضي بين الحين والاخر
تحيتي

وعليكم السلآم
ايه يونس كل جيل وليه حلآتو وهذو أيآم فآتو ملآح بالنسبة لينآ وممكن الجيل تآع درك تعجبو أيآمو خير
وهي مآشية المهم اللمة كل مرة يجو ليهآ ركآب جدد والحمد لله ... مغسي عالمرور وأهلآ بيك وفآكر :p

 

[الورد الأحمر]

قريت شوية فى الروابط اللى حطيتوهم
لازملى قاعدة على الكيف
ذوك من كثرة ما غيرتونى ندخل الى مغارة على بابا اللى هى الارشيف هههه
نحوس على الموضوع واحد واحد و نقرعج شوية اومبعد نجى نكو منتى
باينة كنتوا مشاغبين ومشاغبات وماهنيتوا حتى واحد
ربي يهنيكم ياسعداء الحظ بهذ الفترة ماشاء الله باه مانحسدكمش هههه
احكمولى بلاصتى اومبعد نرجع بلاكو هههه

هههههه غير اتحطي مع كآس ليمونآد علكيف كآن تشفآي عليه ؟؟؟ ولآ مآ تقوليليش مآ لحقتيش على
ليمونآد هذآ لي بآه تشريه يلزم تدي قرعة فآرغة ويمدلك قرعة معمرة ههههه وكآن مآ غلطتش بألفين
وخمسية برك خخخخخخ يحيا الرخس تآع بكري ههههههه
كي تطيحي في موآَضيع مليحة من الأرشيف غير جيبيهم نقرآو معآك ونضحكو كيف كيف :p:p
والله بدلت صح جو في الموضوع هذآ وبلآصتك رآهي محكومة ارجعي برك :-r

 

[الورد الأحمر]

مالقيتش اسمي ... مالقري أنا قديم
أيا ديرولي حل ولا نشعل لباطيما
.
.
.
.
يعطيك الصحة مون لايت نتمنى أنو يكونوا الأعضاء الغائبين بخير والحاضرين يشرفونا بحضورهم معنا
وتحية كبيرة لواحد العضو كان مشرف لمنتدى واش راك تهدر
سي فلان مول الكوستيم
هدا من أبرز الأعضاء لي كانو في منتدى اللمة وانشالله يكون بخير
​

أهلآ خويآ
انتآ كلي شفيت ومآ شفيتش عليك المهم أهلآ بيك وبكل نآس الـ 2009 والـ 2010 والـ 2011
وبآه مآ يتغشوش منآ الجدد نقولو وبنآس الـ 2012 والـ 2013 والـ 2014 ولي لحقونآ في الـ 2015
صحآب المآتغيكيل الجديد :-r ... اممم أكيد السي فلآن مول الكوستيم نشفى عليه حفيد الهوآري حآليآ
الدوكتور عبدو :d رآه معلم تآريخي هههه مآ ننسآوهش في وآش رآك تهدر خآنتني برك الشفآية بآه
نحط اسمو هذآ مآكآن :-r ... ان شآء الله يكون بخير ومغسي خويآ عالمرور والمشآركة يعطيك الصحة

 

[الورد الأحمر]

حالياً الأعضاء النشيطين الذين يشاهدون هذا الموضوع : 18 (6 عضو و 12 ضيف) ‏ساندريلا زماني, ‏ĂÝǾΰb, ‏يونس الصديق, ‏josefcom+, ‏زهرة الندى, ‏secret de coeur

هاذم الأعضاء بعد عندنا بزاف ماشفناهمش

​

ايييه يآ سآندي أو لينآ زمآن مآ طحنآش في الأسمآء هذي ملمومة :d:d
أهلآ بيكم يآ لي في الفوطو منورين والله

 

[red rose]

حالتكم جوزتو يامات بزاااف 444444

 

[الورد الأحمر]

حساب الشوفة راني وليت مالجماعة لي يدورو ساكتين
علاه علاه تفكري فينـــا ياااااااو
●●●●●●
على العماميم مكانش لي ماعقبش ايامات ملاح هنا .. وعن قريب نوليو نشوفو
رتب جديدة هنا
ولد مشرف وبنت مشرفة هع هع هع

ويعطيك الصحة على الطرح الجميـــــل
تحيـــــة للكـــل
​

ههههههههه عجبتني تآع رتبة جديدة ولد مشرف بنت مشرف اهئ اهئ اهئ مليحة هذي
نطآلبوآ الإدآرة تدرس الموضوع ههه وانتآ جآبلي ربي الجوكر سآبقآ لآلآ ؟؟ ولآ رآني غآلطة ؟
على العمآميم الجوكر ولآ ر ؤوف رآك منور خويآ في كل وقت :d
يعطيك الصحة عالمشآركة خيّو :-r

 

[زهرة الندى]

سلآمــو ،،


يعطيك الصحـــة خيتيوو موضوع هآيل رجعتينآ سنين فآتو هآيليييييين وتعرفنآ على عبآد هآيلين

ايييه ايآآم الرآديو كنآ دآيرين حآلة ههه


ميغسي ليك ول سوكري دو كور لي جآبتني للموضوع هذآ ،،،


​

 

[الورد الأحمر]

هههههههههههه
جماجييييم عجبتني تاع

رتب جديدة هنا
ولد مشرف وبنت مشرفة هع هع هع
​

ههه
نحييوه على الفكرة هذي هآهو بعد التمنغيل تآع بكري جآي من الأفكآر هذي لي تنقر على الزرب خخخخ
:up::up:

 

[sahiko hamza]

وعليكم السلام ورحمة الله


والله رجعتيني ايام زمان
ولي نضن ماتتعاودش ...

ايام خويا لكبير زوهير و محمد الدوس وعلي ورؤوف ولي 2 سامي وماننساش مول الكوستيم والمهبول سعيد هههه وسمير الفيب احصراه علابالي اسماء ماتعرفوهاش مي هادو صح كانت معاهم ايام جميلة باتم معنى الكلمة .

عمي فريد مانسيتكش بلاك تتقلق مني
اما فتحي قصة لن يفهمها الا لي حضر الداربيات تاعنا .
​

 

[الورد الأحمر]

سلام عليكم موضوع وطرح رائع اختاه
ودامت هي اللمة احلى لمة
ان شاء الله
العائلة الثانية
رووعة والله التذكير باعضاء ومواضيع منذ 2011
الله يحميكم ويوفقكم


حالياً الأعضاء النشيطين الذين يشاهدون هذا الموضوع : 15 (6 عضو و 9 ضيف) ‏s ‏ĂÝǾΰb, ‏الحياة كلمة, ‏العروة الوثقى, ‏يونس الصديق, ‏زهرة الندى
​

وعليكم السلآم أختي
اللهم آمين دآمت اللمة أحلـى لمة وأهلآ بيك وبانضمآمك للمة
وشوفي بآ مجآملة رآني نشوف فيك مشروع عضوة مميزة كملي برك هك جيتي جديدة وبنتي في شحآل
من منآسبة وميزت من التكريمآت لي يتكرر فيهآ اسمك يعطيك الصحة :up: على عآمين هك تلقآي
لي يهدر عليك ويقول كآنت عضوة فوووغ :p ولآ مآم بآ عآمين :-r
مغسي عالمرور وعلى لآفوطو لي حكمتيلي فيهآ النآس الرآقدة في موضوعي قرروآ يبآتو عندي هههه
هيآ سلامو

 

[زهرة الندى]

مآ عليش برك نزيد نعلق على الفوتو

نوغمآلمو انآ درتهآ ونغومالمو اسمي يجي هو لول وين رآح ‼ ههههههههههه


​

 

[الورد الأحمر]

شكرااااااااا على الموضوع
ربي يخلي المنتدى دايما ناشط و زاهي بكل الاعضاء
:regards01::regards01::regards01::regards01::regards01::regards01:




تحية للجميع

العفو أختي وأهلآ بيك وان شآء الله تنشطي معآنآ
وتحية ليك :-r

 

[الورد الأحمر]

الله ينور طريقك يا العزيزة رجعتيني ليامات جازو شحال عشقت هاذ اللمة و شحال حبيت ناسها ، كنت نحب بزاف نكتب في منتدى واش راك تهدر و نحسو شغل بيت من بيوت داري اللي لازم نطل و نريح فيه كان قلبي يطير و كانت كاينة منافسة بين الأعضاء و كل واحد يحب ياخذ وسام الموضوع المميز و يقعد يزوق و ينمق في العبارات .....
تبدلت الظروف و كل واحد كيما قلتي واش جرالو و الحمد لله على كل حال
ان شاء الله نرجعو كيف زمان او اكتر
و ربي يخليك فرحت بزاف كي لقيت اسمي في القائمة ربي يخليك و يعطيلك واش تتمناي
​

أهلآ أختي نآنوش
انتي لحقتي علينآ في الـ 2013 لآبآس وآكبتي الحقبة هههه وكنتي معآنآ دآك الوقت وصح كآنت اللمة وسيغ
تو المنتدى هذآ منهآ تقول دآرنآ نهآر طول نجّآرآو فيه كي الأكرآد ههههه تقولشي علينآ ولآد صغآر طآيرين
ومن بعد الظروف عكستنآ من كلش هكآك ومآ استغنينآش عليهآ والحمد لله كي نشوف أسمآء كآن بيني
وبينهآ تآريخ هنآ بالردود ولهبآل نفرح ... غير مآ نشوف اسم من الجمآعة لقديمة نفرح الله يحفظكم كآمل
وربي يدوم فرحتك أختي وابقآي طلي علينآ هآطونسيون تنسآي :p ههه
سلام

 

[الورد الأحمر]

حالياً الأعضاء النشيطين الذين يشاهدون هذا الموضوع : 22 (13 عضو و 9 ضيف)
‏Moon_light, ‏ĂÝǾΰb, ‏لحن الهدى, ‏منيني, ‏الحياة كلمة, ‏العروة الوثقى+, ‏hossine re, ‏يونس الصديق, ‏mimi-ba, ‏nanoche, ‏nina usma, ‏زهرة الندى, ‏Ra Off

يآآآآآآآه زمآن مآ شفت اللمة هذي كآملة الله أكبر عالأسمآء هذي
أيوب
العروة الوثقى
لآلة نينآ USMA
منيني
الحيآة كلمة
الجوكر
أيوب
نآنوش
وزهرة الندى مولآت الفوطو حكمتلنآ فوطو رآيعة صح دآك الوقت

أهلآ بيكم كآآآآآآآآآآآآآآآآآآآآآآآآآآآآآآآآآآآآآآآآآآآآآآآمل
​

 

[الورد الأحمر]

حالتكم جوزتو يامات بزاااف 444444

أهلآ أختي
أكييييييييييييييييد بزآف فووووغ وديكوغ وتمنغيل :p:p
منورة أختي :d

 

[الورد الأحمر]

سلآمــو ،،


يعطيك الصحـــة خيتيوو موضوع هآيل رجعتينآ سنين فآتو هآيليييييين وتعرفنآ على عبآد هآيلين

ايييه ايآآم الرآديو كنآ دآيرين حآلة ههه


ميغسي ليك ول سوكري دو كور لي جآبتني للموضوع هذآ ،،،


​

أهلآآآآآآآ
ومآزلتي بنفس لآفوطو يآآآو هههه يعطيك الصحة
ايه الفوطو هذي عبيتهآ من الرآديو زمآن كآن مقلب خخخخ بالتمنغيل وفي حآلة خصآم يرجع شرّآت هههههه
ويعطيك الصحة لي جيتي هنآ سجلتي حضور ههه ومغسي لجيمي لي جآبتك مي رآه الموضوع تحط في التنبيهآت
علآه مآ قريتيهش وعلآه مآ تقروآش الموآضيع لي في التنبيهآت تبآ لكم ههههه
هيآ مغسي نورتي الموضوع أختـــي يعطيك الصحة :up:

 

[الورد الأحمر]

وعليكم السلام ورحمة الله


والله رجعتيني ايام زمان
ولي نضن ماتتعاودش ...

ايام خويا لكبير زوهير و محمد الدوس وعلي ورؤوف ولي 2 سامي وماننساش مول الكوستيم والمهبول سعيد هههه وسمير الفيب احصراه علابالي اسماء ماتعرفوهاش مي هادو صح كانت معاهم ايام جميلة باتم معنى الكلمة .

عمي فريد مانسيتكش بلاك تتقلق مني
اما فتحي قصة لن يفهمها الا لي حضر الداربيات تاعنا .
​

أهلآ حمزة المهبول منور
ايه رآكم كل مرة تفكروني في أسمآء تلفتلي علي السكيكدي متفكرتو هو مول الكوستيم ورؤوف والبآقي لآلآ
عمو فريد طبعآ لآ غبآٍر عليه مي كآن عآقل هههه وفتحي كآن مسمطهآلنآ ديمآ يغلقهآ في وجوهنآ مفرّق لمجآمع
هههههههههه سيغيو بزآف ومآزآلو مآ تبدل وعدآنآ معآه ... والله صآفي بليزيغ لي جيت رديت خيو حمزة
من الجيل الذهبي أنآ لبرونزي برك خخخخ ... مغسي ليك وسلام