غربية بشكلها التقليدى لكن بوصفة جديدة

[ام اشراق]

السلام عليكم ورحمة الله وبركاته
جبتلكم وصفة للغربية بشكلها التقليدى ولكن بوصفة عصرية اليكم المقادير

250غ سمن طري
250غ سكر عادى
2 كيسان شاي زيت
1خمارة الحلوى
1كلغ فرينة
طبعا لافانى
تضربى مليح السمن مع السكر كما ذوك البرد استعملى حمام مريم غير تشوفى الخليط بياض نحيه باه مايذوبش السمن زيدى الزيت وانت دائما تضربي لافانى ونضيف الفرينة ونخلطو بايدينا مع 1خمارة حتى نكملوا الفرينة
نشكلوها كما نحبوا انا جربت حبات بالطريقة التقليدية ويمكن استعمال اي طابع
اطيب فى فرن فوق المتوسط لمدة 18د
ملاحظة= جربت الوصفة بالسكر قلاص جات صامطة بزاف
ممكن تعويض السمن بالمرغارين
استعملى حمام مريم لما يكون السمن او الزبدة قاسحة غير تشوفيه حاب اذوب نحيه خلى الاناء يبرد وكررى العملية حتى يبياض الخليط
ان شاء الله تعجبكم الوصفة
تحياتى

 

[السلطانة]

وعليكم السلام
يمممم جاتك هايلة يعطيك الصحة وشكرا على الوصفة

 

[حكايا الورد]

شكـرا جزيلا على المـــوضوع الــرائع و المميز​

 

[ام اشراق]

وعليكم السلام
يمممم جاتك هايلة يعطيك الصحة وشكرا على الوصفة

تسلمى حبيبتى ساندى ربي يخليك ويهنيك

 

[ام اشراق]

شكـرا جزيلا على المـــوضوع الــرائع و المميز​

التميز هو مروك العطر دائما بصفحاتى
الف شكر لك اخت حكايا

 

[ندى الورود]

تشهي يا نور يعطيك الصحة على الوصفة


​

 

[ام اشراق]

تشهي يا نور يعطيك الصحة على الوصفة


​

تسلمى حبيبتى ندى ربي يخليك ويهنيك