شعب مفهمناهش

[@R@ZIK]

وعليكم السلام ورحمة الله تعالى وبركاته
يعطيك الصحة ختي على الموضوع
كلامك يوفي ومانقدرو نزيدو حتى كلمة مي باينة الرؤساء مادارو والو وهذي سياسة عارفين بلي الغاشي تاعنا اذا خرج أكيد يكون فيها تخريب ودمار وراح هكذا يكونو ضربو عصفورين بحجر واحد سب الرسول صلى الله عليه وسلم ودمار الشعوب في بعضها
لازم نتمسكو بدينا وسنة رسولنا عليه افضل الصلوات والسلام​

 

[dz2000]

مشكلة سب الرسول هي مشكلة الناس الساكنين في فرنسا و الذين يتابعون الاعلام الفرنسي
ناسنا اللي عايشين فرنسا يتفكرونا غير في المصائب
هم عايشين في اوروبا و حابينا احنا اللي عايشين في افريقيا نحلولهم مشاكلهم
انا لست شارلي و مانيش الارهابي اللي قتلهم
الرسول في المدينة المنورة و تعاليمه في قلبي و عقلي
اتمنى من ناس الغربة ان لا ينقلوا لنا مشاكلهم نحن نعيش ازمة انهيار اسعار البترول

 

[anissa 13]

مشكلة سب الرسول هي مشكلة الناس الساكنين في فرنسا و الذين يتابعون الاعلام الفرنسي
ناسنا اللي عايشين فرنسا يتفكرونا غير في المصائب
هم عايشين في اوروبا و حابينا احنا اللي عايشين في افريقيا نحلولهم مشاكلهم
انا لست شارلي و مانيش الارهابي اللي قتلهم
الرسول في المدينة المنورة و تعاليمه في قلبي و عقلي
اتمنى من ناس الغربة ان لا ينقلوا لنا مشاكلهم نحن نعيش ازمة انهيار اسعار البترول

مشكلة الناس اللي ساكنين في فرنسا ؟ يعني الامر مايهمكش ؟ هدا مش رسولك انت ايضا ؟
يعني كل هاد المشكل برك ناس الغربة اللي نقلوه ؟
بلوكيتني ياخويا ماحكمت والو في ردك

 

[anissa 13]

غلبني الضحك من هاديك المسيرة تاع جوسوي شارلي ومعا ضد الارهاب هههه
المسيرة داروها قالك زعما ماراناش خايفين من الارهاب هههه
ياختي غي يلعبوها والله راهم ميتين بالخوف اكثر من قبل
ياختي مدام حكام العرب ساكتين واش راح يعمل الشعب الضعيف
هدا اللي قدرو عليه انهم ينصرو الرسول عبر الانترنيت وتاكدي اختي الغرب كل شي راه يوصلهم راهم يشوفو هاد الحملات عبر النت
الحمد لله خرج الشعب الجزائري يوم الجمعة ان شاء الله برك مايكونش هناك تخريب
اما الحثالة اللي ماتو فشارلي والله مايهموني يهموني اخواننا في سوريا وفلسطين
اللهم صل وسلم على سيدنا وحبيبنا محمد
مشكورة منيني على الموضوع واعذريني ان خرجت عنه
​

 

[dz2000]

مشكلة الناس اللي ساكنين في فرنسا ؟ يعني الامر مايهمكش ؟ هدا مش رسولك انت ايضا ؟
يعني كل هاد المشكل برك ناس الغربة اللي نقلوه ؟
بلوكيتني ياخويا ماحكمت والو في ردك

ردي واضح
اما عندك مشكلة في اللغة العربية او في عدم تقبل فكرتي
لماذا لم تقم الجالية باحتجاجات ضد الرسومات الجديدة?
هل يخافون على رفاهيتهم بفرنسا
الاحتجاجات عندنا خرجت عن السيطرة في بعص المناطق
لماذا نغامر نحن باستقرارنا
و لماذا نحن من عليه الضغط على فرنسا

 

[dz2000]

باختصار
قبر الرسول الكريم في المدينة
تعاليمه و وصاياه في قلبي و عقلي
انا اعيش في الجزائر
بالنسبة لي عام 2015 عام رائع و لم يحدث فيه اي مشاكل

 

[~ غيث ~]

السلام عليكم ورحمة الله وبركاته
حيّاكِ الله أختي على الموضوع ، الصراحة على قدر ما الموضوع مُحزن ، الواحد يقول الصّح ، هل المظاهرات نفسها وسيلة شرعية ونافعة ؟؟؟ شفناهم لي داروا مظاهرات في العاصمة الجمعة لي فاتت تكسير وعُنف ، الله المستعان ، هذه نُصرة لرسول الله صلى الله عليه وسلم ، من بعد يدخل لسيارتو يشغل أغنية راي ، أو يعاكس فتاة كلي ما صرا والو ؟؟

المشكل الحقيقي فينا والله المستعان ، لا نعرِف الرسول صلى الله عليه وسلم حقّ المعرفة ، سيرته ، أخلاقه ، لم نتبعّه حق الاتّباع أين نحن من السُّنن ، لكن الآن لي يتّبع السُّنة راهم أبناء دينه يسخروا منو قبل الكُفّار ، يقولو معقّد ...المشكل فينا نحن والله المستعان ....

وفصل الخطاب قوله تعالى : [ قل إن كنتم تحبون الله فاتبعوني يُحبِبكم الله ويغفر لكم ذنوبكم والله غفور رحيم]

ربي يهدينا سواء السبيل ، أمّا رسول الله صلى الله عليه وسلم فقد كفاهُ الله المُستهزِئين ...

 

[Mr Brahim]

اخيرا لقيت واحد يفهم الحمد لله
فقط كاضافة صغيرة حمالات الفايسبوك و التجاوب الكبير معها يضاعف ارباح الشركة بشكل كبير و الفاهم يفهم
​

 

[: Imane :]

السلام عليكم
عندك الحق في اللي قلتيه ، المفروض انهم يخرجوا احسن لان هذا شي يستحق و بكل تاكيد التظاهر
و عندك الحق انك تزعفي ، لان ما يحصل لا يحتمل
هوما يخرجوا ضد الارهاب و هم الارهاب بنفسه
لكن كي تشوفيهم كامل ينشروا منشورات تعرفي على الاقل بلي ما نساوش
راهم حاطين في بالهم نبيهم عليه الصلاة و السلام
هذي وسيلة من الوسائل اللي نعبرو فيها ، لا ادافع عن تغيير صورة البروفايل
لكن مواقع التواصل الاجتماعي عندها دور في التحسيس باهمية الوضع و خطورته ،
من المفروض الصحافة يكون ليها دور تاني ، بصح كل شي معكوس عندنا
الرؤساء تاعنا و ما داروا والو
الحكومات راهي في حالة مزرية
انا شخصيا ما لي غير الدعاء ، حسبنا الله و نعم الوكيل
مشكورة على طرح الموضوع

 

[ديسق]

السلام عليكم ورحمة الله وبركاته

تحية طيبة للجميع..

بعد اذنكم عندي وجهة نظر مخالفة لوجهة نظركم، كل الي نشوفوه من المظاهرات والحملات على الفايسبوك
وغيرها من التنديدات انا نشوف فيها على اساس انها اضعف الايمان وذلك من باب انك ما تقدرش تغير الواقع
بيديك وذلك لقوله صلى الله عليه وسلم:"من رأى منكم منكرا فليغيره بيده ، فإن لم يستطع فبلسانه ، فإن لم
يستطع فبقلبه ، وذلك أضعف الإيمان".

وافضل حل الي نشوف فيه مناسب هو محاولة سن قانون تجريم الاساءة للاديان السماوية، وهذا مش راح يعني
ان الاساءة للاسلام راح تقل وانما راح تبقى الى قيام الساعة، في وقت الرسول الكريم صلى الله عليه وسلم
الناس تسب فيه وتشتم وهي عايشة معاه فما بالك بهذا الزمن الناس مش عايشة معاه وانما تسمع عليه او
تشوف تصرفات المسلمين -نقصد الكفار- ويقولك مادام هذا مسلم يدير هكذا فاكيد الاشخاص الي يتابعوه عندهم
نفس الصفات، ونقصد هنا التصرفات التي لا تمت بالدين باي صلة مثل ما تقوم بها داعش واخواتها، حتى انه
في احدى الرسوم المسيئة رسموا الرسول صلى الله عليه وسلم وهو يحمل قنبلة ووجهه عابس، من وين جابوا
هاذي الصورة؟ اكيد من الناس المتطرفين.

اليهود في فرنسا على سبيل المثال في عام 1990 قدروا يديروا قانون معاداة السامية الي اصبحت خط احمر
علاه قدروا اليهود يديروا قانون في صالحهم؟ لانهم عبارة عن لوبي قوي في الجانب الاقتصادي والاعلامي
ويقدر يضغط على الدول، حتى ان النصارى هم في حد ذاتهم ما عندهمش قانون يعاقب كل من يسيء لهم حتى
البابا قال لازم قانون تجريم الاساءة للاديان.


شكرا جزيلا لكم .. مودتي
​

 

[anissa 13]

dz2000

اقرا رد الاخت غيث بتمعن

نصيحة مني التهى فراسك خيرلك
​

 

[قيس محمد]

كلام اكثر من رائع ولكن اعتقد ان المشكلة ماش بكلابنا
المشكلة فينا
....
قبل فترة عملوا فيلم امريكي كوميدي على الزعيم الكوري .. قبل عرضه بلسنما تم حذفة والغائه
..
احنا يعملو صور وكاركتير وافلام ضد نبينا عليه السلام وضد وطنا ( غزة فلوجة افغانستان صومال ..!) واحنا ساكتين .بلعمل !
لو احنا شعب عندو شخصية قوية مثل الشرقيين مثلآ او حتى الغربيين لما حدث كل هذا

 

[hicham500]

والمشكلة ان هذه الحملة حتى ولو كنت اعتبرها بدون فائدة
تأخرت حوالي اسبوع من الحادثة
يعني اصبحنا لا نغضب الا بايعاز
وحوالي اسبوعين او اكثر لخروج مظاهرات سلمية
نقاط استفهام كثيرة
​