جميع وصفات عضوات ماذا ستطبخين اليوم سيدتي

[rose09000]

رد: جميع وصفات عضوات ماذا ستطبخين اليوم سيدتي

غراتان ماشطو لندى242008​

تحضري مرقة بيضا بالدجاج شوية مش ياسر
المونجتو تغسليها وتقطعيها وتفوريها مليح
البطاطا تقطعيها مربعات وتقليها
بعد ماتطيب مرقة الدجاج تصفيها
والدجاج تفتيه بيديك
تحضري المول تاعك
تخلطي البطاطا المقلية مع المونجتو
تحطي طبقة من المونجتو وطبقة دجاج مفتت وطبقة مونجتو
ومن بعد تجيبي حوالي كاس مرقة الدجاج + بيضتين //او اكثر حسب عدد الافراد
تخبطيهم مليح وتسقي بيهم القراتان
تدخليها للكوشة كي تتجمر وتشرب المرقة حطي فوقها فرماج مبشور وزيدي دخليها حتان يذوب

 

[rose09000]

رد: جميع وصفات عضوات ماذا ستطبخين اليوم سيدتي

بغرير لتسنيم55​

2 كيلات سميد يكون ارطب كيلة زايدة فرينة بيضة شوية ملح 2 ملاعق خميرة الخبز دريها في شوية ماء دافئ وسكر. 1 خمارة تاع الحلوى 4 كيلات الى5 ماء دافي وخبطيهم بالميكسور حتى دير بزاف الرغوة وخليها ترتاح حتى يتضاعف الحجم وكي طيبي متحركيهاش غير هزي بالغراف وطيبي في المقلة تاع التليفال

المخبز لتسنيم55​

3 كيلات لوز ان استعملت بكيلة سكر ارطب اي قلاصي قشور حبة قارص بيضة كاملة والباقي صفار مغرف زبدة باش يكون طري ولميها حتى تصبح عجينة وكي تخدميهم مذابيك قبل مادخليهم للفرن خليهم يرتاحو باش ايجيك امنيح والقلاصاج معروف كيما تاع العرايش

 

[rose09000]

رد: جميع وصفات عضوات ماذا ستطبخين اليوم سيدتي

الحوت لروز​

الحوت قطعتلو الكسبر رقيق مع الثوم مقطع صغير و الكمون والفلفل الاحمر وشوية ملح ورابيتلو حبة طماطم كبيرة وملعقة صغيييرة زيت زيتون هادا للريجيم

والعادي يزيدولو طماطم مصبرة وملعقة سمن ولا زبدة

خلطتهم وبعد مانقيت الحوت درت الدرسة هادي من داخل شغل حشوةوثنيتها على زوج ولي بقات دهنتها بيه من برا وستفتو حذا بعضاه كما شفتيه محطوط في الطبسي ودرتو يفور مع الخضرة رحمة ربي احسن من القلي والدخان والريحة ماتشميش ريحتو ابدا

 

[rose09000]

رد: جميع وصفات عضوات ماذا ستطبخين اليوم سيدتي

خبز الشيبس لأم دودو​

بالنسبة لخبز الشيبس هذا نديره دايما مع الشربة و جاري الفريك ساهل و ما يديش الوقت
- كأس و نص فرينة + أقل شوي من الفنجان زيت و ملح و رشة سكر و مغرفة صغيرة خميرة فورية و تبسسيهم و تضيفيلهم بيضة صغيرة و تسقيها بالماء حتى تصبح عجينة متماسكة تتركيها نص ساعة تتخمر و من بعد ترشي الطاولة بالفرينة و تبسطي العجينة بالحلال و يكون سمكها نصف سنتيمتر و تجيبي الجرارة أداة اللي تقصي بيها البيتزا و تون السنة تاعها مشرشفة تقصي بيها العجينة مثلثات مثل حبة الصامصة و تقليها مباشرة في الزيت السخون و تنشفيها فوق ورق المطبخ و تقديه بطريقتك و من الأحسن تقدميها سخونة

 

[rose09000]

رد: جميع وصفات عضوات ماذا ستطبخين اليوم سيدتي

السفنج لروعة2005​

باط طماطم فارغ / احنا دايما نكيلو بيه
1 باط دقيق عادي+مغرف كبيرة تاع سكر عادي+مغرف كبيرة خميرة خبز+قرصة ملح+ واعجني با الماء بشوية يشوية حتان يولي كيما تاع الرقاقة وادلكيه مليح ومباشرة لوزيه دوائر صغار ثم في زيت غزير سخون هبطي اللوزة بيدك شوية /سطحيها ولوحي في الزيت وفرغي با المغرف فوقو الزيت حتى يتنفخ وعسليه ولا ديري المعجون في الوسط يجي فارغ من الداخل وبنين ممم

 

[rose09000]

رد: جميع وصفات عضوات ماذا ستطبخين اليوم سيدتي

ديسار بالشكولاطة للأختان سوسو و نونا​

الطبقة الاولى
كريم باتيسري اي نوع الي يتباع في الساشيات تخلطيهم نص ليترا تاع لحليب وطيبيهم ومبعد تفرغيهم في اكواب
الطبقة الثانية
ا
لبسكيت الشكولاطة مبشور خشين

لطبقة الثالثة
كريم شانتي مع علبة شكولاطة المكسرات وتحطيهم في الثلاجة

 

[rose09000]

رد: جميع وصفات عضوات ماذا ستطبخين اليوم سيدتي

دونات الأختان سوسو و نونا​

4كيسان فرنة
بيضة
ملعقة ملح
5ملعق سكر
ملعقة كبيرة خميرةفورية
1كيس خمارة كيميائية
وتعجنيهم بماء الدافىء
وتخليهم يرتاحو ومبعد تقطعيهم دوائر مثقوبين وتخليهم يرتاحو ومبعد تقليهم
وتحطيهم في السكر قلاصي

 

[rose09000]

رد: جميع وصفات عضوات ماذا ستطبخين اليوم سيدتي

خبز الدار بالفرينة لأم دودو​

-5 أكواب فرينة
-ملعقة كبيرة حليب غبرة
- ملعقة و نص خميرة فورية
- ملح
- ملعقة كبيرة سكر
- كوب زيت
و نخلط جميع المكونات مليح و من بعد نضيف بيضة و الماء الدافئ بالشوي و نعجن مليح و نسقي حتى تولي تلتصق باليد
ندهن صينيات الفرن بالزيت و ندهن يدينا و نكور 2 خبزات و كل خبزة نحطها في صينية و نبسطها و بسكين حاد نعمل خطوط أفقية و عمودية و تكون مائلة و نغطيهم و نتركهم يتخمروا و ين يتضاعف حجمهم نسخن الفرن و ندهنهم بصفار بيضة مخلوط بشوي قهوة سائلة و نرش فوقهم حبة البركة و ندخلهم للفرن

 

[rose09000]

رد: جميع وصفات عضوات ماذا ستطبخين اليوم سيدتي

السفنج لتسنيم55​

500غ فرينة + 2 ملاعق خميرة تاع الخبز تاع قهوة + ملعقة سكر + شوية ملح وتلمي لعجينة بالماء وتعجنيها شوية وتزيدي الماء حتى تصبح طرية تغطى وتترك لتخمر ثم يقطع كويرات صغيرة كيما تاع الكسرة ونخليها ترتاح 10 دقائق ومن بعد نقرص بالوزة في صحن فيه شوية زيت مارقيقة ماهي خشينة وهنا في الزيت منرميش عليها الزيت كيما تحمار من تحت قلبيها
ملاحظة: والنار تكون قوية في الاول فقط مين يسخن بزاف نقصي شوية برك

 

[rose09000]

رد: جميع وصفات عضوات ماذا ستطبخين اليوم سيدتي

فريكاسي لإبتسام​

ملعقة اكل خميرة
2ملاعق صغار سكر
ماء دافي للخلط الخميرة فقط
4اكواب فرينة ملعقة كبيرة سكر
2ملاعق كبار زيت
كاس حليب دافي
2بيض
ملعقة صغيرة ملح
التحضير
نضع النواشف اولا ثم البيض والزيت والخميرة والكل يخلط في الخلاط وادا كان محتاج حليب نضف قليلا
نترك العجينة ترتاح ساعة
ونحلها بالحلال ونقطعها دوائر
ونتركهم يرتاحو يضا نسخن الزيت ونبدا في القلي

 

[rose09000]

رد: جميع وصفات عضوات ماذا ستطبخين اليوم سيدتي

مسكوتة بالنشا لأسيا دز​

5حبات بيض+ 9مغارف سكر+200غ نشا+1خميرة الحلوى+فانيلا
تخبطي صفار البيض مع السكر حتى يبياض الخليط، ومبعد حطي النشا والخميرة بعد ما تغربليهم، وفي الاخير حطي بياض البيض مضرب كالثلج وقلبي برك البياض باش ما تكسريهش وحطي الخليط في مول مدهون ودخليه للكوشة سخونة وخليه على نار هادئة حتى يطيب.
كي تطيب نحيها من المول وخليها تبرد ومبعد اقسميها في الوسط وحطي الكرام باتيسياروزيدي حطيها على الوجه والجناب وزيني بكوكاو أحرش او فارميسال ...

 

[rose09000]

رد: جميع وصفات عضوات ماذا ستطبخين اليوم سيدتي

معجون المشماش حب لأسيا دز​

1كلغ مشمش، 1كلغ سكر، 3كيسان ماء، عصرة قارص
حطي الماء والسكر على النار كي تشوفيه غلى حطي المشماش حب اللي تكوني غسلتيه ونشفتيه، خليه ولما يغلي نحيه مباشرة وحطيه في حاجة عريضة ومن الأفضل inox ، خاطر رايحة تحطيه في الشمس بزاف، ومواد أخرى قادرة تتفاعل مع الشمس ويروح الطعم نتاعو، حطيه في مكان مقابل الشمس انا نبدلو شحال من مرة في النهار من مكان لمكان نحوس على الشمس، وغطيه بغربال رقيق، وخليه، في الليل دخليه وقلبي الحبات باش يطيب من الجهتين وعاودي خرجيه الصباح، انا استغرقلي 5أيام بصح عندي حاطاتو في الشمس من الصباح حتى للمغرب، تعرفيه وجد كي يعقد السيرو نتاعو وينقص.

 

[rose09000]

رد: جميع وصفات عضوات ماذا ستطبخين اليوم سيدتي

غراتان الشفلور لإيمان27​

فورى شفلور وتعبزيه بلفرشيطة ودريلو 4حبات بيض ملح فلفل لكحل كريمة سائلة فرماج تاع مثلثات وتدهنى بلا بزبدة وتفرغيه وزيدى فوقو فرماج ودخليه لفور حتى يطيب ويحما

خبز الدار لروعة2005​

ندير كار تاع دقيق+بياض بيضة+مغ ك خميرة خبز+مغ ك سكر+مغ ك لحظة او حليب+ 4 مغ ك زيت ونلمو بالماء وماندلك وش وهويطلع 3 مرات وانا نفشو والمرة الرابعة نزيدلو الملح نعجنو شوية مش بزاف ونحطو في مول وندهن الوجه بصفار البيضة+مغ حليب ونتركه يختمر ومبعد نطيبو
راه يجي بزاف طري /يتفرتت في يديك

 

[rose09000]

رد: جميع وصفات عضوات ماذا ستطبخين اليوم سيدتي

القناوية لندى 242008​

القناوية كاينة في بسكرة وتكون مكعبرة وقصيرة
وكاينة في قسنطينة حبتها طويلة ورقيقة
اول حاجة تنقيها تنحيلها الذيل وتمسحيها بمنديل خطراف فيها شوية شوك
كاين اللي يحموصوها في شوية زيت باش تحافظ على شكلها بعد الطياب
طريقة طيابها ساهلة خلاص
في طنجرة الضغط تحطي بصلة مقطعة كالشكشوكة وشوية زيت + دجاج ولا لحم وحبة طماطم مرحية + ملح وفلفل احمر حار وشوية راس الحانوت وطماطم مصبرة تقليهم ومن بعد تمرقي وطفي عليها بعد ماتطيب
ماتحركيهاش ياسر باش ماتتهراش وتحافظ على شكلها

قناوية لأحلام86​

اولا تنزعي الراس ومن بعد تغسليها و تقطريها ومن بعد لاااازم تقليها في زيت حتى تبدى تحمار شوية لسببين
اولهما الشوك لي فيها يروح و تانيا هي تشبه الملوخية يعني فيها لزوجة شوية على هدي لازم تتقلى
نقطروها من الزيت مليح
لاصوص هي الاصلية تطيب بلحم الغنم ...عندنا كي مايكونش لحم الغنم ما نطيبوهاش
صوص عادي بالطماطم يعني حمراء تخليها تنشف شوية و تضيفي القناوية المقلية و تخليها تتجمر حتى تحسيها طابت مليح
و هي عموما تطيب ناشفة شوية

 

[rose09000]

رد: جميع وصفات عضوات ماذا ستطبخين اليوم سيدتي

خبيزات لأسيا دز​

4 كيسان فرينة
2ملاعق خميرة الخبز
2ملاعق سكر
ملعقة ونصف صغيرة ملح
بيضة
تخلطي هذا المقادير مع بعض ثم تعجنيهم بـ ( كاس حليب+ نصف كاس ماء + 50غ مارغرين ذائبة مخلطين مع بعض) تخلي العجينة تخمر ثم شكليها خبيزات صغار وخليهم يخمرو مرة أخرى ادهني الوجه بالبيض وشوية حليب وطيبيهم

 

[rose09000]

رد: جميع وصفات عضوات ماذا ستطبخين اليوم سيدتي

معجنات تع l'algeroise​

تخلطي لخميرة و السكر + الماء دافيء+ 2 بيضات + زيت + فرينة + الملح +الماء peu à peu مع العجن و تخليها ترتاح 20 دقيقة
الحشو: تقطعي الفرماج و الكاشير مكعبات
تفتحي العجينة وتحطي داخلها الحشو و تغلقي و تشكلي un boudin و تخليها ترتاح مرة أخرى 30 دقيقة تدهني الوجه بالزيت وطيبيه كي تخرجيه تقطعيه

 

[rose09000]

رد: جميع وصفات عضوات ماذا ستطبخين اليوم سيدتي

كباب لروعة2005​

طيبي اللحم مع فلفل اكحل/ملح/قصبر/كاس ونص ماء في الكوكوط بعد مايطيب اللحم حطيه في صحن التقديم وقطعي البصل رقيق+المعدنوس+غراف تاع الصوص لي طاب فيها اللحم وفرغيه فوق اللحم وقدميع مع البطاطا

سفنج2 لتسنيم 55​

ي جفنة حطي 500غ فرينة+ 3ملاعق صغار خميرة فورية + شوية ملح +3ملاعق كبار زيت وبسيها وبعد لميها بالحليب دافي دريها مثل الكسرة وفي الاخير ضيفي بيضة وهنا خبطيها بيدك وتكون مرخوفة على الكسرة شوية غطيها خليها تخمر وبعد لوزيها في صنية مدهونة امليح بالزيت ولوزيها مثل الكسرة ولما تخمر غير شوية تكوني حضرتي 2 مقالي الاولى فيها 3 ملاعق زيت والثانية فيها الزيت عادي كي يسخن ارفدي بالوزة عبسي في الوسط بصوبعك وجبدي على شكل اسوارة وطيبها في المقلة الاولى غير يتغير اللون لوحيها في المقلة الزوجة وفي نفس الاتجاه وين تغير اللون وبعد قلبيها للاتجاه الاخر
وفي بعض الاحيان نستعمل ملعقة تاع الايسكريم نديرها في الماء وبعد في العجين وبعد في الزيت ولما اطيب اندرها في السكر قلاصي وهذي الطريقة رووووووووووووووعة بزاف وهنا يصبح بيني ويجي خفيف رائع والحبات قدقد مثل المحلات عدنا هنا اي استفسار راني هنا
ملاحظة كل ماتكون لعجينة مرخوفة كل ما تجي هايلة

 

[rose09000]

رد: جميع وصفات عضوات ماذا ستطبخين اليوم سيدتي

تشكشوكة إسبانيول ساهلة تع l'algeroiseR]

قلي البطاطا مقطعة طويلة ولا مكعبات و تقلي الباتنجال مقطع مكعبات و القرعة كيفكيف و تقلي الفلفل و تقطعيه طويل و تقلي البصلة مقطعة شرائح بالطول وفي مقلة تقطعي الطماطم قطع صغيرة بعد ما تنحيلها القشرة و تقليها مع الثوم و تضيفي المقادير المقلية للطماطم ديري شوية ملح و فلفل أكحل و تضربي البيض و تضيفيهولهم وديريها على شكل خبزة​

 

[rose09000]

رد: جميع وصفات عضوات ماذا ستطبخين اليوم سيدتي

مسكوتشو تع​

l'algerois

باطة ياوورت الذوق لي تحبي
تفرغي لباطة وتكيلي بيها
3 فرينة
2 سكر عادي
وحدة زيت ماشي معمرة بزاف
2 أكياس خميرة كيميائة
4 بيضات
تخلطي كلش مع بعض في الروبو تتحصلي على خليط تقريبا سائل ثم تفرغيه في مول كبير ولا دي مول صغار
التزيين كيما تحبي

 

[rose09000]

رد: جميع وصفات عضوات ماذا ستطبخين اليوم سيدتي

الفلفل المفور لأم منصف​

حبات فلفل حلو وحار حليهم ونحي الزريعة فوريهم
اخدمي صوص بحبة طماطم مرحية وفصوص ثوم شوية كروية وكمون وفلفل اسود كي يفور الفلفل نحيه وحطيه على الصوص واضيفيلو زيتون اسود واخضر
يجي هايل وتقدري تحتفظي بيه في الثلاجة

أومليت لندى242008​

قلي البطاطا عادي
في مقلى اخرى ذبلي حبة بصل مقطعة جوانح وزوج حبات فلفل اخضر حلو + حار مع رشة ملح وشوية زيت وتزيديلها زوج حبات طماطم مقطعة مكعبات كي شغل شكشوكة
ومن بعد تخلطي معاها البطاطا وتفقسي فوقها بيضات مخبطين
هذا ماكان تجي هايلة وماتجيش ناشفة في الاوملات العادية