تغير الحليب للطفل

[houda madrid]

السلام عليكم
ابني يبلغ من العمر 10 اشهر واريد ان اغير له الحليب يعني راه يشرب بيوميل2 وحابة نغيرلو باللحظة
هل هدا العمر نورمال نغيرلوا ولا مازال عليه شوية؟؟
واش نوع اللحظة الممتاز لي تنصحوني بيه نمدهله؟؟

 

[houda madrid]

ولا رد؟؟؟؟

 

[anissa 13]

ايه تقدري تغيرولي عادي
نظن لويا ماركة مليحة انا ماجربتهاش لولدي بصح نسمع يشكروها الناس
ادا شفتي ولدك ماحبهاش او دارتلو امساك جربي ماركة اخرى
موفقة اختي
​

 

[قوقا]

لا لا ماتغلطيش نفس الغلطة لي درت انا غيرتهلها في العمر 12 وصرالها مشاكل في المصران كونستبي ولادياري اعزكم الله
تندمي يعني كمليلها بيوميل 3 وحتى بعد 18 شهر وديريله الحليب العادي اي نتاع البز بروجو نصحوني ولقيتو مليح
وتقبلي مروري

 

[anissa 13]

قوقا الاطفال مش كيفكيف كاين اللي يخرج عليه وكاين اللي لا
وحدة نعرفها من 9 اشهر تولي تعطي لولادها الحليب العادي
وشفت بزاف فالفاميليا اللي يمدو لاولادهم لحظة وعادي
بلاك ولدك ماخرجش عليه
انا ولدي نعطيه في زوج وعندو امساك حاد ماعرفتش من اي حليب جاه الامساك

​

 

[houda madrid]

ايه تقدري تغيرولي عادي
نظن لويا ماركة مليحة انا ماجربتهاش لولدي بصح نسمع يشكروها الناس
ادا شفتي ولدك ماحبهاش او دارتلو امساك جربي ماركة اخرى
موفقة اختي
​

نشكرك اختي انيسة على الرد وربي يحفظلك ابنك

 

[houda madrid]

لا لا ماتغلطيش نفس الغلطة لي درت انا غيرتهلها في العمر 12 وصرالها مشاكل في المصران كونستبي ولادياري اعزكم الله
تندمي يعني كمليلها بيوميل 3 وحتى بعد 18 شهر وديريله الحليب العادي اي نتاع البز بروجو نصحوني ولقيتو مليح
وتقبلي مروري

بارك الله فيك اختي

 

[houda madrid]

قوقا الاطفال مش كيفكيف كاين اللي يخرج عليه وكاين اللي لا
وحدة نعرفها من 9 اشهر تولي تعطي لولادها الحليب العادي
وشفت بزاف فالفاميليا اللي يمدو لاولادهم لحظة وعادي
بلاك ولدك ماخرجش عليه
انا ولدي نعطيه في زوج وعندو امساك حاد ماعرفتش من اي حليب جاه الامساك

​

عندك الحق انيسة كاين 6 اشهر يمدولهم اللحظة وعادي انا قلت هو راهو صغير وحليب تاع الطفل ماشي كما اللحظة يعني في المكونات ونعرفو الصغير يحتاج الكالسيوم والفيتامينات باه ينمو بصحة جيدة علبيها كملتلو في بيوميل 2 وراهي تبانلي نخليه حتى يدير 12 شهر ونعطيه اللحظة ان شاء الله