هل انا حالة خاصة’؟؟؟ انصحوني عاجلا جزاكم الله خيرا

ربي يكتبلك اللي فيه الخير
 
يقولك الراجل قبل ما يجي راح يتزوج يتعوج

اعذريه راهو في مرحلة انتقال واحساس بمسؤولة كبيرة ستاتي على عاتقه

وتاني راه يحضر للعرس ولاشومبر والذبيحة بلاك عمرو ما خرج من مكتوبو واش راه يدير دركا

افهمي يا لاللات لبنات بلي الابتعاد راح يزيد من تشوقكم بعض ياك تعرفيه و حاكية معاه من قبل

ومصلية الاستخارة وداركم مسقسيين عليه دك انت علاش تهبلي فروحك

ما تتشوكاي ما والو واقعدي توجدي فيوم تصديرتك وكيفاه تماكيي وصحتك صحتك صحتك مشي تشياني ويقولو شقا على زوج متارق

اضحكي ومرة على مرة اتفكريه بمساج شباب وقوليلو نوقف معاك فالمليحة والدونيا راجلي وهكذا منطولش الكلام راكي تعرفي وراني سور بلي شاطرة

ربي يهنيك وعاقيبا للبنات لي مازالو

سلامي
 
امين حبيبــــــــــــــــتي وايــــــــــــاكي ان شاء الله ♥​
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top