كرهتونا

[zagane]

السلام عليكم
مالك ومال الجالية في فرنسا
راك فرحت كي فازت الجزائر على روسيا في كاس العالم بالبرازيل
هداك كان من فعل الجالية لي تون فريقنا منها 90 في المائة
رئيسنا كي مرض راح يعالج في فرنسا
وانت كي يخصك دوا يدبروه ليك من فرنسا لي زيميقري
كل واحد يعيش وين يقدر وين يلقى عمل مريح ومكان مريح
وانا
" غير في بلادي ونحرڤ راهي كبيرة "

 

[salah.f]

يا اخي انت تهجمت على الجالية وبالاك لوكان يعطوهالك تروح تجري اخي كل واحد والظروف تاعوا كاين الي راح من الحقرة كاين الي راح لانوا المسؤولين تاوعنا ماقيموش شهادته وكاين الي راح لانوا ضاع فبلاد وكاين وكاين ...الي نعطيهالك هذا الي راك تحكي عليه راه يحب بلادوا واكثر منك ...

 

[anissa 13]

يا اخي انت تهجمت على الجالية وبالاك لوكان يعطوهالك تروح تجري اخي كل واحد والظروف تاعوا كاين الي راح من الحقرة كاين الي راح لانوا المسؤولين تاوعنا ماقيموش شهادته وكاين الي راح لانوا ضاع فبلاد وكاين وكاين ...الي نعطيهالك هذا الي راك تحكي عليه راه يحب بلادوا واكثر منك ...

اصلا هادو اللي يهدرو يااخي ماصحتلهمش كيما هدا
مسكين واقيلا راه يخدم ويبعث الجالية
حتى المعلومة جايبها خاطئة
والموضوع في منتدى الحوار والنقاش الهادف ههههههههه

 

[Hakan]

ايا نسقسيك خويا حاجة برك
انت واش درت مع 40مليون عبد اللي راهم هنا في الجزائر
انا نقلك الصراحة لوكان بانت ما نعيشش هنا في دزاير ياك كي هنا كي فرانسا
عندهم مساجد عندنا مساجد عندهم مداررس عندنا مدارس
النظام نتاتعهم ما يحكمش بشرع الله
النظام نتاعنا ما يحكمش بشرع الله
العدل ما عندناش والعدل عندهم
الفسق والدعارة والخمر والملاهي عندنا وعندهم
يعني ما هو الفرق بين الجزائر وفرنسا لامام كاليتي
بصح كاين فروق
الطرق نتاعهم جديدة والطرق نتاعنا مكسرة
الشركات نتاعهمناجحة وشركاتنا فاشلة
الشعب نتاعهم كي يحب التغيير يغير ما يفتيلهم واحد ما يقلهم البابا نتاعهم
واللي يجي ويقلك الهجرة لبلاد الكفر حرام قلو حاجة وحدة برك
وين راهي بلاد الاسلام
رانا نشوفو في المانيا والدعاة نتاعهم ناشطين في الشوارع وفي المقاهي وحنا يا عباد ربي في بلاد اسلامية ولازملك طوليزاسيون باش دير جمعية لتحفيظ القران
روح شوف الماريكان ومع احداث 11 سبتمبر وتشوف البولحية يمشي ورافع راسو ومن بعد يجيك في الاخير ويقلك طاعة ولي الامر ولا يجب الخروج يا خاوتي بركا من الهف قلوب مريضة وما راهي عارفة والو قاعدين غير يصفقو على فلان وفلان
الله يغفرلنا وما تزيدش خويا ثم
روح شوف الجالية الدزيرية كيفاش راهي عايشة في العزة ومن بعد ارواح احكي عليهم ديجا لوكان جا الميت يهدر بعد ما يموت يقولهم ما تدفنونيش في دزاير وادفنوني في فرانسا ياك منكر ونكير هنا ولهيه قاع كيف كيف وفتنة القبر هنا ولا في فرانسا كيف كيف
بصح لتم كي تموت وتخلي دراري عندهم خدمتهم وعايشين
روح شوف الاولاد لتم كيفاش متربيين على الرجلة وارواح شوف الشباب نتاع ضرك اللي يطعن في خوه عيني عينك ويجي يقلك عيش بين اهلك وخلانك ياناس صح نتوما كرهتونا في هذي البلاد سلام.​

 

[ثَسْكُورْثْ نَثْدُوكْلِي]

سلام عليكم

كل واحد والظروف تاعو ومانقدروش نحكمو على اي واحد

على كل تبقى الجزائر بلدنا وبلد الجالية سواءاا في فرنسا اغتربو او في امريكا او ,,,,

فالجزائر تجمعنا وتوحدنا ولا داعي للدخول في تفاصيل هذا لما اختار فرنسا ولم يختر امريكا او بلد اخر او لما لم يبقى في بلده الام كل واحد وظروفو الخاصة واهدافه ومشاريعه
الله يعين كل واحد


فاعط لاخاك المسلم 40 عذراا

والله يهدينا للخير يارب

​

 

[Amauri]

الجزائر لم تستقل تماما و لكن بقي بعض اثار فرنسا مدسوسة بيننا و ساعة على ساعة يشعروا بالحنين اليها يقدموا المصالح الفرنسية على حساب بلادهم و شعبهم
ربي يعافينا و يهنينا منهم

 

[tadjadit mohamed]

هل الجزائر مقبرة كبيرة ؟

لى عندو ضروف ربى يكون فلعون او ياحليل بساح يعيشو حياتهم قاع فى الخارج ما يمدو والو لبلادهم او كي يجى يموت يحب يتدفن ف بلادو السؤال هل الجزائر مقبرة كبيرة ؟

 

[imy_amani]

كلامك منطقي
وصح

علاش فرنسا
وزاد يروحولها وينسوا كامل واش دارت في هاد البلاد

يمحولها ماضيها وينكروا خير بلادهم

ويرجعوا يتبعوا فرنسا باش يعيشوا افضل

تبان لي خيانة هاد للجزائر
وتاريخها و ثورتها

كانهم يلهثون وراءها
رغم كل ما حدث

وكان شيئا لم يكن يوما
اليس هذا نكرانا

اللي راح قدم لفرنسا وماحاولش حتى يقدم هنا

رغم كل المعوقات في بلادي
ورغم اوقات الضيق
والاحساس بعدم الانصاف
اللي يعشوهم بزاف ناس

تبقى بلادنا

​

 

[mohkarim amine]

الله يرحم الشهداء علخرة بينهم و بين مولاهم
وحنا قاعدين نتفو لحم بعضانا الله يهدينا و يلطف بينا برك اللهم أمين

 

[مهدي الثعالبي]

هل اغترب لاجل نفسه ام لاجل وطنه ؟

 

[anissa 13]

الله يرحم الشهداء علخرة بينهم و بين مولاهم
وحنا قاعدين نتفو لحم بعضانا الله يهدينا و يلطف بينا برك اللهم أمين

يااخي شعبنا عندو ميول للسب والاهانات مافهمتش هدا من الحقد ولا غريزة فيهم
المنتدى الاسلامي يطرح فيه مواضيع مشابهة للمواضيع اللي هنا لكنه شبه مهجور ردود قليييييييلة جدا
تعرف علاش ؟ خاطرش تم مايقدروش يسبو هدا منتدى ااسلامي اما هنا يقولو اللي يحبو اكيد راح يلتفتو لهنا وماي للقسم الاسلامي
بعض الردود نضحك عليها من قلبي يحوسو يعرفو واش قدمو المغتربين اللجزائر على اساس هوما قدمو للجزائر بزااااااف اشياء مانعرف لولا المغتربين واش كان راح يصرا للجزائر
يشجعو الفريق الوطني بجنون مادام يكرهو الجالية علاش يشجعو الفريق ياك اغلب اللاعبين عايشين في فرنسا وحالهم حال شكيب خليل ياخدو دراهم من الجزائر باه يتفحششو بيها فاوروبا عكس المغتربين العاديين اللي يربحو دراهم ويجيو يصرفوهم في بلادهم
حنا راني 2015 مزال الشعب يحصل كلش فالاستعمار ادا واحد يتكلم الفرنسية قالك من الاستعمار قص شعرو قصة غريبة قالك الاستعمار الفتاة تتبرج قالك من الاستعمار
يعني الاستعمار راه يفرض علينا هاد الاشياء ؟ رانا هنا جيل 80 و70 رانا احرار الاستعمار خرج من سنين لكن في كل موضوع يطرح المسؤول الاول هو الاستعمار يااخي كا واحد مسؤول على تصرفاتو واحد ماجبرو عليها
ربي يهدينا هدا مكان ويرجعنا للطريق الصحيح وينصر المسلمين في كل العالم
سمحلي على الاطالة اخي الكريم

 

[mohkarim amine]

السلام عليكم أعضاء منتدى اللمة الجزائرية
خاوتي و حنا علاه رانا نكبرو فالحالة كيقول ...فخاخة....كاين أشياء أهم من هذا!!!!!!!!!!!
وهذو الجالية في أي بلد خارج الجزائر سواءا كان البلد غربي أو عربي ما هم في الاخير الا خاوتنا أو أباءنا العالم ربي علاه تغربو
وعلاه الجالية الجزائرية حتى فالبلدان العربيةكاين اللي صاير فيهم غير العجب و ما ربك الاّ بعلاّم الغيوب و ما تضمر القلوب.....
و ادراك كمائن الأمور ان انت علمتها فذاك خير لك و ان لم تعلم فذاك شر عليك اسئل ربك العافية ليك و لخاوتك و اللي يخرب فالبلاد يجي وقتو غير متخافش وربي ما يضيع حق.
و ان بدوري ناكد على التدخل المميز لالحق سلاحي
وكيما يقول المنتدى
الطعام المليح يستاهلو النفّاع

 

[anissa 13]

رد: كرهتونا

السلام عليكم أعضاء منتدى اللمة الجزائرية
خاوتي و حنا علاه رانا نكبرو فالحالة كيقول ...فخاخة....كاين أشياء أهم من هذا!!!!!!!!!!!
وهذو الجالية في أي بلد خارج الجزائر سواءا كان البلد غربي أو عربي ما هم في الاخير الا خاوتنا أو أباءنا العالم ربي علاه تغربو
وعلاه الجالية الجزائرية حتى فالبلدان العربيةكاين اللي صاير فيهم غير العجب و ما ربك الاّ بعلاّم الغيوب و ما تضمر القلوب.....
و ادراك كمائن الأمور ان انت علمتها فذاك خير لك و ان لم تعلم فذاك شر عليك اسئل ربك العافية ليك و لخاوتك و اللي يخرب فالبلاد يجي وقتو غير متخافش وربي ما يضيع حق.
و ان بدوري ناكد على التدخل المميز لالحق سلاحي
وكيما يقول المنتدى
الطعام المليح يستاهلو النفّاع

كلامك في القمة اخي الكريم
مشكور
الاخت الحق سلاحي انسانة عظيمة