هل اقول له ام لا

[مشكلتي]

السلام على جميع اعضاء

ساحكي مشكلتي باختصار

انا عشت في عائلة و الحمدلله تربية و اخلاق

درست و كبرت و ذهبت للجامعة

انا من نوع الي يصادق الذكور اكثر من بنات

و في ثانوية كان زميل يبعث لي انو يحبني

انا براحة كنت نعاملو كاخ ليا لانوا كان اقل مني بسنة

المهم تلك معاملة ليه كان يعتبرها حب مني

اما انا كنت صح حنينة معاه بزاف لانوا كان يتيم و يغيضني
المهم مرت السنين طلعنا للجامعة و كان صديقو الي هو صديقي ايضا كان يتقرب مني باه نفهم صحبوا

اما انا كنت عادي الا اني بقيت حنينة معاه

مرينا على هذا الشيء 3 سنوات هو كره من معاملتي معاه و قالي انتي تحبيني و مخبية عليا

راح للعسكر هو و صديقوا

من بعد طورت حكايتيمع صديقو الي هو اقرب صديق ليا حيث كان يحترمني و شخصية هايلة

تقدم لخطبتي بدون مايقولي و نهار سالتوا علاه قالي مانحب نبدا اي علاقة معاك بعيد على علم اهلك انا ناويك و هذا ماكان و صارحني بحبوا و قالي حبيتك من زمان لكن نهار بعدت عليك باه اكتشفت حبي ليك

في هذا الوقت هذاك الي كان يحبني(صديقو) ولا يقلقني بكلاموا مع البنات و حتى توصل يعيطلي و يقولي مكيش راح تربحي لانك ظلمتيني و طعنتيي

و انا ربي شاهد بلي ماحبيتوا ما وعدتوا

و للآن خطيبي مزالت صداقتوا بيه مرطبتة و قالي ما نحب نجبد على ماضي

انا درك مفهمتش وش ندير نقول لخطيبي ولالا؟؟؟

ماحبيت نحكيلو خفت يوصلو لحاجة كبيرة لانوا خطيبي يقلق و نعرفوا يتنرفز غير كي نقولوا دخلي رقم جديد هو يجن

نتمنى تساعدوني كيفاه ندير
و هل انا فعلا ظلمت هذاك الانسان

و هل انا ظالمة لخطيبي بصراحة وليت نشك في كلش

توسوست انصحوني ربي يحفضكم

 

[روز]

السلام عليكم

الاختلاط العميق بالطرف الأخر ينتج مثل هذه الإختلالات وعليكِ تحمل النتائج
طبعا لن أتكلم كثيرا عن الاختلاط ولما الدين نصحنا بالابتعاد عنه
لأن أول سلبياته هي هذه التي تعرضتِ لها
ماكان كان ولن أتكلم كثيرا في هذا الموضوع ولكن نصيحتي تكلمي بوضوح تااام لخطيبك كما شرحتها لنا في مشكلتك
وقولي له ماحدث لا يوجد شيء أحسن من الصراحة
ويجب أن تتقبلي أي وضع ينتج

اما بخصوص صديقك الذي احبك نعم برأيي أنتِ ظلمته
لأنك أعطيته مساحة لا تحق له
وأي شخص تتقرب منه أنثى تحت أي مسمى فهي بذلك تفتح له بابا واسعا من التأويلات
كان عليك أن تدركي من الأول أن الاقتراب من الجنس الآخر لابد وأنه سيكلفك شيئا مآ
فما بالك بشخص يتيم محتاج لحنان واهتمام ومعاملة خاصة !

اعتذري من ماسميته صديقكِ وانسحبي نهائيا من حياته
واشرحي الوضع كله لخطيبك بدون كذب أو مواربة
وبعدها اتركي الأمور تمشي كما شاء الله لها أن تكون

تمت الموافقة
الكلمة الطيبة صدقة !
​

 

[آهات القلب]

هذا ما ينتج عليه الاختلاط لا حولة و لا قوة الا بالله تقولك راهو خويا
يا ناس يا عباد افهموا يا بنات اختي اسمحيلي على لكلام هذا لكن الصراحة تتقال
واش من حطيتيه خوك و كان كيما خوك راهو غريب عليك يخي عندك خوك في الدار علاه رايحة لولد الناس وحطتوا خوك
المهم نقلك أختي ما تقليش لخطيبك على خاطرش رايحة تكبر أكثر و أكثر و خاصو لكان شكاك بيسك نعرف عباد يشكو و كون تقليلوا الحقيقة راح يولي يتوسوس و يولي ما يثيقش فيك
المهم ربي يثبتك و ربي كون معاك أختي
أختك في الله

 

[السلطانة]

وعليكم السلام
هذه كارثة مجتمعنا اليوم ال best friend !
صارحي خطيبك لأنو الصدق والصراحة أهم حاجة في الزواج
أحسن من أنو تبقاي عايشة في كابوس تاع كون يقولو الصديق لوخر واكيد ماش راح يتقبلها وممكن يزرو الحقائق ويقولو كانت معايا وووو

مالا انتي لي قولي الحقيقة لانو كون تسكتي راح تعتبري في نظرو كذابة
مهما تحاولي تبرري
المهم اختي ربي يسهلك
وانتي راكي عبرة للبنات لي يضالو يديرو في الاصدقاء ذكورا ويحكيولهم اسرارهم ويقربوهم منهم

 

[نجيب]

نصيحتي افسخي خطوبتك


و لا تتزوجي لا الاول و لا الثاني


علاقة محطمة مند البداية


و يبقى هدا رأي الشخصي

 

[AnGeL*dZ]

لا توجد صدآقة بين الرجل و المرأة لازم كل بنت تدير خطوط حمراء لتعاملها مع زملاءها في العمل والدراســــة
خاطر ديما واحد من الطرفين يفهم الأمر حاجة أخرى
المشكل أنو الاثنين اصدقاء اذا حكيتي لخطيبك رايحين يتفاسدو
واذا خبيتي رايحة تكذبي
لآزم تلقاي حل مانعرف شوفي كاش معرفة يفهم هذاك الانسآن بللي كنتي تشفقي عليـــه ​

 

[الباندي]

السلام عليكم

بصراحة انت ظلمتي صديق خطيبك ....شكون يقدر يضبط المعاملات ماناش الات هذا Gلب اختي+اي جاست من عندك انتي يبالك عادي هو عند هذا الانسان دليل اخر يضيفه الى رصيده على انك تحبينه و ماكيش حابة تبينله خصوصا الفكرة السائدة عند الشاشرة البنت كي تبغي واحد تخبيها و متبينهاش.....المهم الله يحسن عونه هذا الانسان و ان شاء الله تجي وحدا و تنسيه فيك ضربة وحدا

اما خطيبك فكما قالو الاخوة صارحيه و اللي تصرا تصرا مكاش كيما الشفافية في التعامل خصوصا انكما في فترة خطوبة و كل شيئ ممكن ....ربي يجيب اللي فيه الخير

ملاحظة : على حسب مافهت انو هذو صديقان مقربان يعني ميش ممكن مايفيقش بصاحبه و الا مايصارحهش و لا مايلاحظ والو جديد فيه احنا شاشرة و نعرفو بعضانا .الله اعلم

 

[بنت الـ25]

السلام عليكم
أختي مدامكي حاسة روحك ما غلطتيش مفهمتش علاه راكي خايفة
العلاقة يا أختي كي تكون مبنية على الصراحة من الاول تنجح
وانتي على حسب مراكي تحكيلنا ما غلطتيش ولا حبيتي هداك "الصديق"
أنا في اعتقادي جيبيها لخطيبك عادي
احكيلو انو كانت عندك علاقة صداقة مع فلان وكان يغيضك كي عاد يتيم ...الخ
ولكن الشفقة تاعك هادي خلات الصديق يعتقد انك تحبيه رغم انك ما تحبيهش وجامي صارحتيه بهاد الشي
قوليلو هي قصة عادية مي انا ما حبيتش نخبيها عليك ولا تسمعها منو
وعلى كل حال ما تندرجش ضمن الماضي
إذا كان واعي و يحبك الأكيد رح يتفهم
أحسن من أنك تخبي عليه ويعرف بطريقتو وتما اللي تندمي
وممكن يكون علابالو بالحكاية من الأول وقاعد يختبر في صراحتك معاه وثقتك فيه
وكل الاحتمالات واردة

​

 

[stelllo]

السلام عليكم​

الاختلاط العميق بالطرف الأخر ينتج مثل هذه الإختلالات وعليكِ تحمل النتائج
طبعا لن أتكلم كثيرا عن الاختلاط ولما الدين نصحنا بالابتعاد عنه
لأن أول سلبياته هي هذه التي تعرضتِ لها
ماكان كان ولن أتكلم كثيرا في هذا الموضوع ولكن نصيحتي تكلمي بوضوح تااام لخطيبك كما شرحتها لنا في مشكلتك
وقولي له ماحدث لا يوجد شيء أحسن من الصراحة
ويجب أن تتقبلي أي وضع ينتج ​

اما بخصوص صديقك الذي احبك نعم برأيي أنتِ ظلمته
لأنك أعطيته مساحة لا تحق له
وأي شخص تتقرب منه أنثى تحت أي مسمى فهي بذلك تفتح له بابا واسعا من التأويلات
كان عليك أن تدركي من الأول أن الاقتراب من الجنس الآخر لابد وأنه سيكلفك شيئا مآ
فما بالك بشخص يتيم محتاج لحنان واهتمام ومعاملة خاصة !​

اعتذري من ماسميته صديقكِ وانسحبي نهائيا من حياته
واشرحي الوضع كله لخطيبك بدون كذب أو مواربة
وبعدها اتركي الأمور تمشي كما شاء الله لها أن تكون​

تمت الموافقة
الكلمة الطيبة صدقة !​

كلام رائع
ان شاء الله تكوني استفدتي وربي يصلح امورك

 

[مهدي الثعالبي]

بسم الله الرحمان الرحيم . فقط ايد ان انبهك الى شيئ ، حذار ان تصدقي بأن الماضي قد ننساه يوما ، فالماضي هو قاعدة المستقبل، و الحاضر هو الرابط يبنهما فقط اضنك في مستوى الفهم . شكرا

 

[زيزي احمد]

توكلي على الله و قولي لخطيبك كل الحكاية دون نقصان فإذا تفهم الأمر فبارك الله و إذا غضب و استفزك بكلام جارح أو حاول شتمك فالفراق أفضل الحلول و لا تتركي هذا الموضوع معلقا حتى لا يسبب لك مشكلة في المستقبل يصعب حلها
أنت الآن في موقف قوة و لديك كل الحلول الممكنة لتجنب كارثة قد تقع مستقبلا فلا تضيعي الفرصة و تتركي الأمر للزمن
بنيتي الرجل حين يتزوج لا يريد سماع شيئ عن زوجته يضر بسمعتها لأنه يعتبر ذلك خيانة و حقارة و تقليل من رجولته خاصة إذا كانت زوجته تخفي عنه هذا الأمر و هي تعلم به حينها لن يتسامح معها أبدا و يتخلى عنها نهائيا بالطلاق و العياذ بالله
نتمنى أنك فهمت خطورة الموقف جيدا لأن الشخص الأول لن يتركك تهنئين بالعيش مع خطيبك بل يحاول بكل الطرق التفريق بينكما فعجلي و اتخذي الموقف الصحيح و ضعي زوجك أمام الحقيقة و ليحصل ما يحصل ستكون إرادة الله و لن تندمي على ذلك .
بالتوفيق بنيتي و السلام .

 

[Hakan]

السلام عليكم كاين حاجة راح نقولهالك ياانسة

القلوب ماشي لعبة باش تلعبو بيها وانا متاكدة انك ما كنتيش حابة تخسري الشخص اللي يحبك وكنت مخلياتو آكوتي باش اذا انقطعت السبل تلجئي ليه حقيقة كم ابغض مثيلاتك اسمحولي خاوتي ما نقدرش نتفلسف في هذا الموضوع باين من اولو واخرو وهذاك خطيبك اضن انو خان اعز اصدقائئئو لانو متاكد تماما انه كان يعرف بحبه لك سلام.​

 

[بقايا إنسان]

سلام وبعد:يا بنت الحلال راني قريت موضوعك مرتين ومفهمتوش او فهمت منو انك مخالطة الذكور اكثر من الاناث هذا على حسب قولك والخطأ يبدأ من هنا وينتهي عندك انتي فالمشكل فيك انتي ولا علاقة بأحد اما قضيت تقولي ولالا فما هي الا محاولة ارضاء النفس لا اكثر
حياتك للأسف بدأت بالخطأ ولا يستقيم الظل والعود أعوج
نتمنى كلامي يكون مفهم أصلحنا الله وإياكي

 

[دعاء الجنات]

يعني نصيحة لكل بنات الثانويات وغيرها مايخالطوش
الذكور بزاف أو يحكيولهم الأسرار..
لأنو من بعد توليلهم مشاكل بزاف
ربي يفرج
​

 

[روح تعبانة]

اشكر الجميع على ردودكم
انا هي صاحبة هذه المشكلة اظهر نفسي الآن بعد انظمامي اليكم
لاني اريد ان احكي ماجرى بعد ان وضعت مشكلتي............في حين اتظر ردكم قام ذلك الصديق بتهديد خطيبي بيقتل ان هو اتم معي عقد الزواج و قد كان من المفروض ان يعقد هذا السبوع
خطيبي اخفى عني امر الى ان فاتحته في موضوع و صارحته بما جرى معي....صدقوا لم يحكي كلمة واحدة قالي سوف اتصرف
في ذلك الوقت خطيبي عاد لمنزلهم(اخذ permission و اتى)و كان ذلك الصديق طذلك هنا
لم اسمع بما حصل حتى اتصلت بي اخت خطيبي و قالت لي انها سمعت خطيبي يتكلم مع هذا صديقه و يقول له
ساقتلك ان تدنيت منها مرة اخرى و يقسم بالله و خرج من منزل
ارتعش جسمي و ملات رعبا من حكايتي قلت في نفسي يموت اثنان بسببي

لالا لست من تلك البنات فائقات الجمال او فاتنات الجسد او غير المتربيات حتى يحدث هذا بسببي
لن اسمح بهذا ان يحدث
اتصلت بخطيبي فقطع الاتصال بي فاتصلت بصديقتي المتزوجة من صديق آخر لخطيبي و طلبت النجدة من زوجها
فقال لي ان صديق خطيبي قد ذهب اليوم للجامعة في ولايتي سطيف
فاسرعت بالذهاب و انا فاقدة لكل كياني
قلت لماذا لماذا انا لست كما وصفتموني انا لم اخن احدا انا فقط كنت ودودة و مساعدة للجميع
انشر الابتسامة على افواه الجميع بابتاسمتي
ذهبت و التقيت بزوج صديقتي و ها قد نراهما معا(صديق و خطيبي)
لم اشأ ان اذهب وقفت اتفرج من بعيد لاني شللت اطرافي فتقدم زوج صديقتي
و بعد 15 د بدات اراهما يتهاجمان على بعضهما لم اصدق ما ارى

اسرعت و دخلت بينهما و دموعي لا تريد ان اتوقف و قلت
خلاص خلاص خلاص
اسناني تطقطق و كلماتي متقطعة
تكلم خطيبي قال لي ماذا تفعلين هنا

قلت لهم لماذا تفعلان هذا انتما لبعض انتما لبعض انتم الاصدقاء

اما انا فلاشيء بينكما انا ذاهبة لا اريد ان اكون من بنات اللواتي يقال عنهم هن فتنة في ارض

نطقوا في نفس الوقت............اني احبكي...........

قلت لهم ربي ينعل هذا الحب الي يخليك تقتل روح عبد باه تقول لعبد آخر نحبك

هذه الحكاية
عدت ادراجي و للآن انا مع تلك الصدمة
خطيبي يتصل ليلا و نهارا لكني لا اجيب
من مفروض امس العقد لكني لم اذهب بدعوى المرض
لا اعرف ماذا يحصل و ماذا افعل
كرهت و تعبت مما يحصل معي
..............................فعلا تعبانة

 

[دعاء الجنات]

_والله احسست اني أشاهد فيلم... لا علينا موضوع كيما هاذا لازم تحكيه للعايلة ماهيش حاجة لي تخبيها والله أغلم

 

[روح تعبانة]

_والله احسست اني أشاهد فيلم... لا علينا موضوع كيما هاذا لازم تحكيه للعايلة ماهيش حاجة لي تخبيها والله أغلم

والله صدقتي اختي
انا ولست مصدقة ما حصل في رمشة عين انقلبت كل الموازين
كانا اروع صديقين كانوا يحكوا عليهم في كامل الارجاء
كانوا يقولولهم الثنائي الرائع
ووالله لم اكن اقصد شيء احببت خطيبي لا صديقه كنت اقدره فقط لا اعلم لما حصل هذا
ليست لدي اخت احكي لها انا الكبيرة و امي مريضة بالقلب لا اريد ان اقلقها و ابي بعيدى عنا
اتصل بي لياتي للعقد فقلت له اني مريضة سناجل الامر فقالي
ميش مشكل كي تتفاهموا قوليلي
ابي يحب بزاااااااااااااف خطيبي و يقولي او هذا ابني الاكبر هو الراجل الي جامي نندم عليه لابنتي
والله مافهمت

 

[أم منيــــــر]

والله معرفتش واش نقول
صرا لي صرا وكان لي كان خلاص والزواج قسمة ونصيب
من المفروض هاد السيد يفهم بلي خلاص نخطبت يروح يوسعك وانك ماشي ليه وادا كان يحبك نتع الصح ميديرلكش مشاكل

كما قالت الاخت لازم تحكي مع اهلك وشوفي المقربين لهاد الشخص يتكلمو معاه ويعقلوه ويفهموه بلي خلاص انت ماشي من نصيبو
صلي صلاة الاستخارة وكثري الاستغفار وشكي همك لله عز وجل هو وحدو سبحانو يوريلك الطريق الصحيح
الله معاك والله يفرج عليك
​

 

[روح تعبانة]

والله معرفتش واش نقول
صرا لي صرا وكان لي كان خلاص والزواج قسمة ونصيب
من المفروض هاد السيد يفهم بلي خلاص نخطبت يروح يوسعك وانك ماشي ليه وادا كان يحبك نتع الصح ميديرلكش مشاكل

كما قالت الاخت لازم تحكي مع اهلك وشوفي المقربين لهاد الشخص يتكلمو معاه ويعقلوه ويفهموه بلي خلاص انت ماشي من نصيبو
صلي صلاة الاستخارة وكثري الاستغفار وشكي همك لله عز وجل هو وحدو سبحانو يوريلك الطريق الصحيح
الله معاك والله يفرج عليك
​

متشكرة اختي ربي يخليك

 

[دعاء الجنات]

ماتقوليش ماعنديش اختي .، احنا هوما خياتك +انا ايضا نسكن في سطيف -خوذي رايي احكي ل أمك كل شي ماراح يسرالها والو ضرك، تخافي عليها صح كون تكبر القصة ربي يفرج عليك