حكايتي.. تحكي عليه هو ....

[Hakan]

الله يرحم الوالد نتاعك وشكرا على النصيحة الاخيرة وتهلاي في روحك يابادوشونص وربي يعوضك بالخير ان شاء الله والحمد لله اولا واخرا.​

 

[قوقا]

الله يعوض عليك
بون ماشي اب مي انسان ينسيك وا احتجت من نقص
الله يرحمو
اقشهر بدني
موضوعك اثر فيا بزاف

 

[همس الوُرود]

السلآم عليكم

دآئمآ أقف عآجزة عن فعل أي شيء عندمآ أرى مآ يكتبه أي شخص حزنآ على فرآق أحد من العآئلة

صدقيني ختي عشت أوقآت صعبة بزآف ووصلت أني نقول سيبووون خويآ وصل للموت محآل يبقى حي بعد كل هذآ

في هذآك الوقت نبكي نبكي ونقول يآربي والله خويآ رآهو هآيل خليهولي

يآ ربي خليه مآتديهش علينآ يآ ربي والحمد لله رآهو مزآلو حي والحمد لله ربي يشفيه برك

والله يرحم بآبآك

حبيت نقوللك برك بلي وصلت وجربت نذوق هذآك الطعم مقدرتش ديرآكث "أغمي علي" من الخلعة

ربي يصبرك أختي على كل حآل ويكون في عونك صح وآااعرة بزآف بزآف

في أمآن الله​

 

[♫الباحثة عن الحظ♫]

ربي يخليكم كامل و جميع الي فات على موضوعي وقال كلمة ونصيحة ودعاء
ربي يحفظكم و يخلي اللمة لينا
و ربي يحفظ والديكم ياربي
​

 

[قيس محمد]

وش نقولك يا اختي ان الله حي لا يموت ...
الله يرحمه ويجعله من اهل الجنة
ربك الي يحميكي وربك الي يعطيكي ..
الاب هو المسؤول عن الرعية واذا راح سواء وفاة او غيرها لازم تستمر الحياة
انتي كوني قوية وجريئة دائما وحاولي تفرحي نفسك لانه والدك رحمة الله عليه ما يحبك زعفانة ..​

 

[أم منيــــــر]

والله حبيبتي الاب غالي وغالي جدا كالام تماما
ربي يرحمو ويجعلو من اهل الجنة ويرحم كل اموات المسلمين
هادي هي الدنيا والله يبدل محبتو بالصبر
هو مات خلاص وراه في الدار الآخرة وانت ما زالك في الدنيا ديري كل شي مليح وكوني بنتا صالحة
الناس كامل يقولو
الله يرحم لي رباك
الله يوفقك في حياتك
​

 

[دعاء الجنات]

ذكرتني قصتك بفتاة اسمها أمينة عمرها 26 سنة مريضة مرض فشل الأعضاء وهو مرض مزمن رغم ان الله اعطاها جمالا تبارك فيه لكن القدر كان كذلك هذا المرض يجعلها لا تستطيع القيام بأي حركة حتى تضرب الحقنة او يساعدها احد وبعد نص ساعة ينتهي مفعول الحقنة وترجع كما كانت
كان ابوها هو نور عينها يهتم بها ويرعاها ويشتري لها ويوفر لها كل ماتشتهيه ويخاصم كل من يزعجها. اخوتها متزوجين كل واحد مهتم بمرتو
ابوها كان يشفق عليها لأنها صغيرة وجميلة وكانت تتحصل على اعلى النتائج في الثانوية قبل ان تمرض.....
لم يكن لها في الدنيا اغلى من ابوها لان أخواتها-واحد ماعلابالو بيها- كل واحد يحوس على حياتو برك.
........وفجاة مرض والدها بالمرض الخبيث عافانا الله واياكم. لم يمضي شهرين من مرضه وتوفي... رحمة الله علي
ذهب نورها مع والدها واكثر من عام من وفاته لازالت تبكي عليه ولازال قلبها يحترق... وينزف دما....
ادعو الله أن يفرج كربتها.....
تلك الفتاة هي خالتي و أختي في الرضاعة ارضعتها امي وأبوها هو جدي
كان نعم الرجل رحمة الله عليه.

 

[رابح66]

السلام عليكم

تحية كبيرة ليك يا من تبر أباها بعد موته بذكر خصاله الحميدة
حقا قصة مؤثرة جدا ومؤنسة للنفوس المؤمنة بقضاء الله وقدره
أختي الباحثة عن الحظ هده هي حال العباد واحد فرحان واحد مهموم لكن صاحب الحظ الحامد لله الشاكر
حاجة اخرى الدنيا ما داتلك ما ممدتلك هذاك قضاءالله وقدره فلتحتسبي وتصبري وأدعي له بالرحمة
حاجة أخرى راك غافلة عليها*باباك ماماتش*باباك حي*الحاضر في القلوب حي والمتداول على الألسن حي
وأنت الحمدلله تذكرينه صباح مساء راك عايشة معاه والذليل أنك تسترجعي صفاته وشخصيتة المرضيةمهم
الله يرحم والدك ووالد عبد الحق وكل موتى المسلمين الله يجمعكما بهما في الجنة

وهذه حياتنا في الدنيا مرة هك ومرة هك بصح الواحد يتغلب على همومه بالنسيان والتناسي أحيانا
أيا المهم أخرجي من هاذ الموضوع وشوفينا موضوع البحث نتاعك وين وصل*ههههههههههه

تقبلوا تحياتي

 

[رابح66]

ربي يخليكم كامل و جميع الي فات على موضوعي وقال كلمة ونصيحة ودعاء
ربي يحفظكم و يخلي اللمة لينا
و ربي يحفظ والديكم ياربي
​

السلام عليكم

شكرا على كلماتك العطرة
كاين الحظ إن شاءالله
شعل الضوء يبان في المرايا*ههههههههههه

تقبلوا تحياتي
​

 

[♫الباحثة عن الحظ♫]

السلام عليكم

شكرا على كلماتك العطرة
كاين الحظ إن شاءالله
شعل الضوء يبان في المرايا*ههههههههههه

تقبلوا تحياتي
​

اهلا عمي رابح
والله يعطيك الصحة على ردك ربي يخليك
اها اليومين هادو بذات تبان شوي الحالة فيها حظ ههه
ربي يدومها نورت

 

[AmiR@RoRo]

السلام عليكم

حكايتك صعيبه بزااااف اختي باد شونص
وكلماتك يقطرو بالحزن
ربي يرحمه ويوسع عليه ويلاقيك بيه في جنات النعيم
وربي يسهلك في حياتك ويوفقك ويبعتلك ولد الحلال لي يصونك
ربي معاك خيتي​

 

[رابح66]

السلام عليكم

الحمدلله حمدا كثيرا مباركا فيه
الله يعجل بالخير.

تقبلوا تحياتي
​

 

[@R@ZIK]

الحمد الله على كل حال
ربي يرحم الوالد ويجعل مثواه الجنة
الوالدين غالين وما يحس بالجمرة غير لي كواتها
ربي يعوضك خير ان شاء الله
أختي أكثري له الدعااء
ربي يعطيك الصبر والشجاعة​

 

[stelllo]

الله يرحمه ويدخله فسيح جناته

 

[roudi92]

ربي يرحمو ويوسع عليه

 

[آمِيْرَتُه]

السلام عليك
ربي يرحمه و يوسع عليه

 

[LINA LOLO]

ربي يرحمو ويجعلو في فسيح جنانه والله غير تاثرت ديما الاب يملا الدار الله غالب حاجة ربي انا لله وانا اليه راجعون

 

[M3TaZ eLLMa]

السلام عليكم

أهلين بأخت الطيبة

تعرفي ما لقت ما نقوووول أمام هول كلماتك لي تقطع القلب بكل صراحة

ما عليش اخت رنا عائلتك الثانية وربي يرحموا وربي يعطيه الجنة يارب

ما عليك إلا بدعاء له يا طيبة

وشكرا وسامحيني ما قدرت نقول شيء بكل صراحة

موفقة
​

 

[الباندي]

........................................................

 

[هآجر]

سلام عليكم

رجمت الله عليه ادعيلوا بالرحمة و ربي يصبرك هذي حال الدنيا قال تعالى : "كُلُّ مَنْ عَلَيْهَا فَانٍ, وَيَبْقَى وَجْهُ رَبِّكَ ذُو الْجَلالِ وَالإِكْرَامِ "