ماذا ستطبخين اليوم سيدتي آنستي ..الجزء 51

[نور الحبوبة]

رد: ماذا ستطبخين اليوم سيدتي آنستي ..الجزء 51

ام سلمى بصحتك المرقاز وساكالوب واش طيبتيومرحبا بيك معنا نضن راكي جديدة ان شاء الله تفيدي وتستفيدي

 

[rose09000]

رد: ماذا ستطبخين اليوم سيدتي آنستي ..الجزء 51

نور هذاك الروز كيفاش دراتيه خلطتي كلش و درتي في كساكس؟
أم سلمى المرقاز و إسكالوب تكليهم بالصحة

 

[قوقا]

رد: ماذا ستطبخين اليوم سيدتي آنستي ..الجزء 51

اييه كيفاش درتيلو نور الحبوبة
يعطيكم الصحة البنات الفحلات
الماكل راهي تبان بنينة

 

[نور الحبوبة]

رد: ماذا ستطبخين اليوم سيدتي آنستي ..الجزء 51

قوقا وروز9 هاليكم الوصفة راني خذيتها من عند حدة تسمحلي راح نحط صورتها

 

[قوقا]

رد: ماذا ستطبخين اليوم سيدتي آنستي ..الجزء 51

مشكورة

 

[نور الحبوبة]

رد: ماذا ستطبخين اليوم سيدتي آنستي ..الجزء 51

وهاذو بعض اطباقي لايام الماضية


وهاذا كاب كيك الكسكاس اليوم رنا مع الكسكاس هههههه

 

[نور الحبوبة]

رد: ماذا ستطبخين اليوم سيدتي آنستي ..الجزء 51

مشكورة

العفو حبيبتي قوقا

 

[قوقا]

رد: ماذا ستطبخين اليوم سيدتي آنستي ..الجزء 51

اسوم واش راكي
واهو حكمك الردار هههههه

 

[قوقا]

رد: ماذا ستطبخين اليوم سيدتي آنستي ..الجزء 51

البنات كانت كاينا وصفة في الصفحة نتاع العيش و مالقيتهاش
وين راهي عندب عرضا شبابية وراني حابة نديرو
الشاشرة يحبو يكلو الاطباق الغير التقليدي راكم عارفين

 

[rose09000]

رد: ماذا ستطبخين اليوم سيدتي آنستي ..الجزء 51

شكرا نور إن شاء الله نجربها راه عندي روز
قوقا نظن أخت سوسو حطتلك الوصفة و راحت كي تخسر المنتدي
إذا تحبي هاكي الوصفة تع ندى

 

[rose09000]

رد: ماذا ستطبخين اليوم سيدتي آنستي ..الجزء 51

2 كوب فرينة
ملعقة كبيرة ونصف خميرة خبز
ملح
2 م ص سكر
ماء دافئ

الطريقة
نخلط المكونات الجافة ونبل بالماء الدافيء
ونعجن حتى نتحصل على عجينة طرية
نغطيها بغلاف بلاستيكي
ونخليها حتى يتضاعف حجمها

نقسمها الى كويرات متساوية الحجم
ونحلهم بالحلال بسمك رفيع ونغطيهم
ونخليهم يختمرو لمدة 10 دقائق

من بعد نطيبهم
انا استعملت الالة الكهربائية الخاصة بالبيتزا
واللي ماعندهاش تستخدم مقلاة تيفال شرط تكون
ثقيلة والنار متوسطة
نلاحظ ظهور فقاعات

نقلبها فورا ونغطيها بالمغطاة الخاصة بها

ونواصل مراقبتها حتى تنتفخ وتنضج من الجهتين

 

[انريس]

رد: ماذا ستطبخين اليوم سيدتي آنستي ..الجزء 51

روز بصحتك العدس و اطباقك روعة ماشاء الله الله يسلمك و بالنسبة للماعن اسكتي برك كي سلكت شريت سارفيس نتاع عصير دخلت طوووول خبيتو ههه فضحتني انريس قاتلو بابا شفت ماما واش شرات؟؟ وانا وليت نخضار ونزراق ه قالي اجبدي نشوف واش درقتي كي جبدتولو قالي والله ما تتسقمي ههههههههههه
نعومتي والله زهات الكوزينة باطباقك روعة روعة روعة الروز البارح جيت رايحة نديرو قاتلي حدة يطول في الطياب وليت بطلت والله كل يوم نقول اليوم شفت وحدة سياتو بالتليتلي و قالت جاني هايل
سماح يعطيك الصحة حبيبتي شهاتني البقلاوة جات تسخف و بالنسبة للماعن والدار انا راني كارية و نبني في داري بصح نموت على المعان قلت باه كي نرحل نلقا روحي عندي كلش كيما قالها راجلي والله ما نتسقم هههه كي نشوف الماعن نهبل
اسوم قبيل حكمني الرادار ههههههههههه انا ندخل و ساعات منديرش تسجيل خروج يبقى اسمي لاسق هداك النهار نسيت ما خرجتش مرة من المنتدى بايتة مكوناكتيا في البورتابل هههههههههه قعد اسمي يعس عليكم في الكوزينة ههههههههههههه كاشي برانية يدخلو يسرقولنا اطباقنا

 

[انريس]

رد: ماذا ستطبخين اليوم سيدتي آنستي ..الجزء 51

انا اليوم والله مادرت العشا تعشينا جلبانى البارح بقات درت منها بزاف تهنيت من العشا

 

[rose09000]

رد: ماذا ستطبخين اليوم سيدتي آنستي ..الجزء 51

بصحتكم العشاء متأخرة
لمازال مارقدوش هاكو بش تسهروا

 

[stelllo]

رد: ماذا ستطبخين اليوم سيدتي آنستي ..الجزء 51

اطباق مشهية ماشاء الله عليكم يا الفحولا

 

[samah06]

رد: ماذا ستطبخين اليوم سيدتي آنستي ..الجزء 51

صباح الخير لبنات
يعطيكم الصحة على ما حطيتو
حبيبتي روز الارز تحطيه مباشرة في الكسكاس راه كامل البنة تقطر في الماء اللي في البرمة انا نديرو في البابيي دالمنيوم ونغطيه ثاني بيه ونرد غطاء الكسكاس
عندك الحق يجي روعة يعطيك الصحة
اسما انا منيش كاريا ساكنا في دار شيخي ومسقما لكنها ضيقة ندي الكوزينة واحد ما يوقف معايا فيها هههههه
روز التحلية تاعك تشهي وانا صايمة حرام عليك
البارح جاني وليد اختي من سطيف جا لعين امليلة يشري لبياس لطمبيلتو
جاني من وراء العصر
واش اندير اولا درت قهوة وحليب وعندي البقلاوة مع غريبية دزيت انيس اشراها من برا
دار حلاوجية تشري من برا
وللعشاء درت سوب خضار بلحم بقر
ودرت قوارب البطاطا بالداند اشي على فكرة حاجة جديدة هههههههههههه
ودرت زيتون كاسي مع الشومبنو بالدجاج وسلاطة وديسار بنان وتفاح وتشينة وكوكا والخبز طبعا مخبزتش

 

[روز]

رد: ماذا ستطبخين اليوم سيدتي آنستي ..الجزء 51

ماشاءلله عليكم وعلى طياباتكم الله يبارك
تغيبت هذ اايامات شوي تعب برك دار عليا
روز الجديدة مماشاءلله عليك راكي طباخة من الوع الرفيع
نور الحبوب الارز نتاعك يشهييي روعة نجربو باذن الله شهيتيني فيه واطباقك كامل روعة
انريس بصحتك الجلبانة حتى انا درتها
نسيمة ماشاءلله عليك حتى نتي وكلكم الله يبارك عليكم
سماح اطباق هايلة وسنية تشهي بصحتكم

اليوم درت بسبوسة بحشو قشطة وبشكل جديد شفتها والطعم روعة ان شاءلله رايحة اعتمد الوصفة

 

[نور الحبوبة]

رد: ماذا ستطبخين اليوم سيدتي آنستي ..الجزء 51

مساء الخير صحا عشاكم كامل
انروستي بصحتك الجلبانة وبصحتك المشتريات انا تاني نموت على لماعن اليوم روحت للعلمة بصح مشريتش شريت ملاعق وشوكات وليستر
روز 09شكرا على الوضفة والتحلية اممممم تشهيي يعطيك الصحة
stelllo الله اسلمكم ومرحبا بيك معانا
روز البسبوسة راح تنطق اممممممم تشهيييييي يعطيك الصحة حطينا الوصفة يافنانة
سماح الروز انا درتو مرتين وانجحلي واطيب في الكسكاس بلا الالمنيوم وقطرة متقطرش منو الماء انتاع البرمة نلقاه صافي لانو الروز راح يتشربها كامل وكي اطيب في الالمنيوم ميجيش مفور اجي كي شغل اطيب في الماء والطريقة مجربة من عندي واناجحة 100/100
روز09 جربيها ان شاء الله تنجحلك وحطينا التطبيق

 

[روز]

رد: ماذا ستطبخين اليوم سيدتي آنستي ..الجزء 51

يعطيك الصحة نور علی النصائح
كن درتيه موضوع يسهل علينا نلقاوه
غدوة نعمل للبسبوسة موضوع ونحط فيها المقادير ان شاءالله

 

[rose09000]

رد: ماذا ستطبخين اليوم سيدتي آنستي ..الجزء 51

مساكم بلخير هذا وين دخلت للدار جيت قابلة نشوفكم :d
سماح بصحتكم راكي تهليتي في وليد أختك ربي يحفظك شعال نحب الواحد ليكرم ضيفوا :thumb_up02:
روز هذا من فضلك راني نتعلم برك باركة فيكم كامل و بصحتكم بسبوسة تبان تشهي أحنا وقيل ماعندناش القشطة
نور إن شاء الله نجرب الروز و نحط التطبيق تاعي و تقيمني عليه
و لي وراء الكواليس بصحة و الراحة عليكم راني كنت منكم و وليت معهم أدخلوا تنحيو على خاطركم شوية :up:
أنا صبح درت بيتزا و للعشية بريوش
ماندخلش بيديا فارغين يالوكان حاجة قديمة