ماذا ستطبخين اليوم سيدتي آنستي ..الجزء 51

[*amina*]

لبنات غدوة ممكن تجي حماتي دبرو عليا واش ندير عشا كرها من طاجين القرنون المعمر والزيتون والجلبانة حابة ندير حاجة اخرى
حابة ندير فريكاسي ولا كوكا وتاحلية شوكولا ضرك حصلت في الطبق الرئيسي

 

[روز]

امينة
ديري عش البلبل ولا دجاج ايفيلي ولا افخاذ الدجاج الكاذبة نتاع شهرا ولا بوراك تركي
والسلايط بدلي اعملي تارت الخضر
شوفي هنا بالاك تعطيك افكار

معجنات منوعة من مطبخي

بعـض من أطـباقي خلال الأيام الماضية

 

[oumsif]

مساكم بالخير لبنات يعطيكم الصحة علي الاطباق لحطتوها
روز البريوش درتو عادي حطيت 500غ فرينة +شوية خميرة طرية+ملح+100غ سكر +لفاني+80غ زبدة
2بيض+وكاس غير ربع حليب تخلط الفرينة والسكر الملح لفاني والخميرةوالبيض وتبلها بالحليب لازم تجئ رخوة وتعجن بالبيترا وتزيد الزبدة في الاخير وخليها تتعجن حتي تدخل الزبدة كاملة في العجينة ومن بعد حطها فوق الpبلون دو طرافاي ولمها بشوية فرينة علي خاطر تجي شوية جارية وتغطيها بالساشي وخليها تطلع مليح ومن بعد شكلها كيما حبيتي وحطها الطيب في فرن سخون 200د من الفوق والتحت والله كيما لي يتباع برئ يسخف حوحو يشكر روحو

 

[ندى الورود]

مرحبا بالملتحقات معنا
سماح وامينة احنا ثاني في دارنا نحبو الروز بزاف في الكوشة ، سلطة حتى نخلط الروز مع العدس كي يبقى فيه بنة هائلة
اهلا انريس منورة
سوستي عادي نبدلو اسم الموضوع انتم اهل الدار وكيما تحبو يصير
سوستي اطباق رائعة يعطيك الصحة خصوصا التحلية تقتل ممكن تحطينا طريقة عملها
rose09000اطباق رائعة يعطيك الصحة اختي بصحتكم
روز شوربة الفيرميسال تشهي انا ثاني نديرها بزاف وتجي بنينة بزاف خصوصا بكرات اللحم بنة لا تقاوم
سمورة شكرا على وصفة البيريوش


​

 

[ندى الورود]

للاخت امينة تفضلي طريقة عمل الكيكات
كيكة القارص
للجينواز :
5 حبات بيض
150 غ سكر عادي
150 غ فرينة
فانيليا
1 كيس خميرة
كريمة الليمون :
2 حبات بيض كامليين
عصير 2 حبات ليمون لكان صغار وعصير حبة لكان كبيرة ولكان تحبيها اقل حموضة ممكن تخففي عصير الليمون بالماء
مبشور حبة ليمون
100 غ سكر ناعم
50 غ زبدة لينة
ملعقة قهوة مملوءة نشاء
وكريم شانتيي :
100 غ بودرة الشانتيي + كاس حليب أو ماء بارد جدا
فانيليا
و2 ملاعق سكر قلاصي

التحضير :
أولا نفصل البياض عن الصفار
ونخفق البياض مع رشة ملح سغيرة حتى يولي كي الثلج
نتركه جانيا
نأخد صفار البيض نخفقه مع السكر والفانيليا جيدا حتى يبيض الخليط
نوقف المضرب الكهربائي
نخلط الخميرة مع كمية الفرينة المغربلة ونضيفها على دفعات مع الخلط بملعقة خشبية
ندهن مول داري بالزبدة ونرش شوي فرينة ونفرغ الخليط ونطيب الجينواز في فرن مسخن من قبل على درجة 180 °
ونضع المول في الرف الاوسط للفرن مدة الطهي 15 دقيقة وكأقصى حد 20 دقيقة لا نتجاوزها حسب الفرن
ولا نفتح باب الفرن ابدا والا تهبطلك الجينواز اي نفتحه بعد مرور 15 دقيقة
نحضر كريم الليمون :
نضع جميع المقادير مع بعضعا في طاورة بعد خلطها جيدا بارد في بارد ثم نضع الطاوة فوق نار هادئة ونخلط دون توقف حتى
تتكثف
نحضر الشاربات اللي نسقي بيها الجينواز
نأخد نصف كوب سكر مع كوب ماء مع شريحة ليمون نضع الخليط على النار لمدة 5 دقائق يجب ان نحصل على شاربات خفيفة
كريمة الشانتيي
100 غ شانتيي غبرة
كاس حليب أو ماء تاع 200 ملل
2 ملاعق كبيرة سكر قلاصي
فانيليا

التحضير :
اولا قبل البدأ في التحضير ضعي كوب الحليب يبرد في المجمد يعني لازم يكون بارد جدا جدا
حطيه حتى تتكون طبقة جليدية من فوق لكن من دون ما يجمد الحليب
ثانيا قبل ما تبداي بربع ساعة حطي الاناء اللي رايحة تخفقي فيه الكريمة مع المضرببين الحديدين تاع الباطير في المجمد
بعدها اجبدي الاناء والمضرببين حطيه غبرة الشانتيي مع السكر والحليب البارد والفانيليا واخفقي حتى تتكثف
سر نجاح هذه الكريمة هو برودة الحليب او الماء
نبدا في تشكيل الكيكة
لما تبرد الكيكة نفسمها على 2
ناخد القسم الاول وبواسطة فرشاة نسقيها بلشاربات المحضر
نضع طبقة من الشانتيي ثم نضع طبقة كريمة الليمون
ثم نسقي الجزء 2 من الكيكة بالشاربات ونضعه على الجزء الاول اللذي وضعها عليه كريمة الشانتيي وكريمة الليمون
نطلي كامل الكيكة ببكرلايمة الشانتيي والسطح نطليه بطبقة رقيقة من الشانتيي
ونضع فوقها كريمة الليمون المتبيقية ونوزعها على كامل السطح
نضع على جوانب الكيكة لوز أيفيلي محمص أو لوز أو كاوكاو مرحي خشين
نذوب شوكولا سوداء نضعها في كيس حلواني يباع في المحلات jetableنعمل ثقب صغير
ونزين الكيكة من فوق بخطوط حلزونية نبدأ من الوسط ونخرج للاطراف ثم نسحب بعود اسنان خطوط الشكولا لنحصل على هذا الشكل
بعدها نزين من فوق بوردات من كريمة الشانتيي

بالنسبة لكيكة الفراز
نفسها يعني نعمل جينواز
ونقسمها على 2 أو 3 أجزاء
كل طبقة نسقيها بشاربات بدل عمل شريحة القارص نحطو حبة فريز تغلي مع الماء والسكر ونسقي الكيكة تاعنا بيه
نعمل الطبقة الاولى ونسقيها بالشاربات ثمم نحطو شوي كريمة شانتيي وفوقها قطع من الفريز ثم الطبقة الثانية ونسقيها بالشاربات ونحطو كريمة الشانتيي وقطع من الفريز نوزعها الطبقة 3 نسقيها بالشاربات ونحطها فوق الطبقة 2 ونطلي كامل
الكيكة بكريمة الشانتيي ونزين بودات من الشانتيي وحبات من الفريز حسب الذوق









​

 

[rose09000]

[/IMG]السلام عليكم واش درتوا عشاء أنا درت لحم محمر تع كوكوط لسي سيد و أنا سلاطة خفيفة, هذوا تصاور قدم رشتة و معقودة و ماسيدوان[IMG

]http://upload.4algeria.com/do.php?img=55700[/IMG]

 

[روز]

مممم الرشتة تهبل روز
انا راني وصيتهم يبعثوهالي سخفت عليها
بصحتك
انا عاشايا ساندويتشات ششاورما جيت نصو لقيت الباتري طاح وماصبروش كملو عليها
بصحتكم الالطيابات الي تشهي

سمورة تقريبا الوصفة نتاعك تشبه لنتاع كوثر الوهرانية انا تاني نخدمو بذيك الطريقة
الوصفة خرافية يجي البريوش تقول قطن
الله ينور عليها ويسعدها

صحا عشاكم

 

[قوقا]

السلام البنات واش راكم اممممممم البريوش يشهي شهيتيني قيه

 

[rose09000]

روز غربة صعيبة عندي بنت خالتي في كندا تتشهي هذو صوالح كيما رشتة و فليو ... وأنتي بصحتك سندويش

 

[*amina*]

يعطيك الصحة ندى
روز ربي يكون معاك في الغربة حبيبتي وشكرا على وصفة البوراك التركي ضرك كامل نكتبهم باش منظلش نقلب في الصفحات

 

[mimi53]

لبنات يعطكم الصحة كل وحدة باسمها
سوسو يعطيك الصحة على النشاط والحيوية هادي وعلى التارتات التحفة
باركولي لبنات اختي ولدت وجابت طفلة الحمد الله
هادي ليكم لبنات
​

​

 

[mimi53]

سمورة حبيبتي حابة نسقسيك على البريوش الروعة قوليلي الحبيبات نتاع السكر واش يسموهم ووين لقيتيهم​

 

[om selma]

زروني
http://4algeria.com/forum/threads/419496/#post5703493

 

[روز]

يتربى في عزكم ميمي ان شاءلله زيادة في الاسلام
لعقوبة لكل محرومة
شكرا ام سلمى على الموضوع يعطيك الصحة

 

[rose09000]

مبروك عليكم و تتربي في عزكم و راكي وليتي خالة,يصحتكم

 

[M3TaZ eLLMa]

السلام عليكم

أولا نقلكم ألف مبروووك الافتاااح الجزء الاول على باركة الله

وثانيا نرحبوا بأخت المبدعة والمتألقة دائما في مواضيعها الاخت سوسو الطيبة

ويعطيك الصحة أخت على ما قدمته من ابداع مشكورة على مجهوك الرائع الذي عهدناه منك دائما

موفقة بإذن الله

ربي يحفظك وين مات كنت

وثالثا نرحب بأمهااة والاخوااة المتواجدين هنا ونقلهم يعطيكم الصحة على ما قدمتموه وما تشاركون به دائما من الابداع الطبقي والمطبخي

يعطيكم العافية

وربي يجمعكم على ساعة الخير ان شاء الله

وربي يحفظكم وين ما كنت وربي يعطيكم على قد نيتكم يارب

وربي يحفظلكم أولادكم وينجحهم وربي يحفظلكم ازواجكم يارب

تقبلوا شكري وتقديري

موفقين

أخوكم في الله معتز
​

 

[om selma]

الف مبروك اخت ميمي يتربى في عزكم و ربي يرزق كل محرومة يا رب امييين

 

[om selma]

بصحتكم

 

[rose09000]

صباح الخير عليكم هاكوا بش تشربوا قهوتكم بان كيك

 

[om selma]

هذي تارت التفاح باش تحليو