كـرسـي التعآرف { الضيـف الثآلث } hakim story

[Hakan]

رد: كـرسـي التعآرف { الضيـف الثآلث } hakim story

بارك الله فيك حكيم الله يحفظك
​

وفيك بارك الله زيدينا كاش اسئلة راها نافحة اليوم ما قريتش نهار طول ​

 

[AmiR@RoRo]

رد: كـرسـي التعآرف { الضيـف الثآلث } hakim story

السلام عليكم
احنا قلنا تعبناك عليها محبيناش نزيدو
بصح مدام نتا حاب هاك

حكيم من النوع الاجتماعي ويحب يدخل فالناس ولا انطوائي تحب العزله ؟

من الممكن تتزوج وحده اكبر منك فالعمر ؟

حكيم من النوع لي يبتسم فوجه حتى لي ميعرفهمش ولا مشنف ؟(قليله عنا هادي ههه)

تحب قراءة الكتب ؟ادا ايه واش من كتاب قريت ؟

حكيم من النوع لي يحكي فالهاتف بزاف ؟واش نوع هاتفك ؟​

 

[ضآحكة مستبشرة]

رد: كـرسـي التعآرف { الضيـف الثآلث } hakim story

هآآآآآآآآآآآني جيت
كآش ترحيب ولآ لالا

- هل تحب تخرج كي يجوكم ضيآف ولآ تتخبى بكل صرآحة ؟
- هل تحب المساهمة في جمعيات خيرية ؟
- وآش هو الحيوآن المفضل عندك من الحيوآنآت الاليفة ؟
و المفترسة ؟
- هل تسمع الاغآني ؟
و ادآ تسمع امآ نوع ؟
- هل تحب لمدية ؟
- و هل جيتلهآ كآش مرة ؟​

https://www.4algeria.com/forum/t/420227-new/​

 

[Hakan]

رد: كـرسـي التعآرف { الضيـف الثآلث } hakim story

السلام عليكم
احنا قلنا تعبناك عليها محبيناش نزيدو
بصح مدام نتا حاب هاك
معليهش رانا مقصرين وديجا راهي السمانة قريب تخلاص
حكيم من النوع الاجتماعي ويحب يدخل فالناس ولا انطوائي تحب العزله ؟
اما نحب ندخل في الناس فالحمد لله يعني اجتماعي لكن ما نحبش الدخاسة ولا ندخل في شؤون الناس الل ما يعرفونيش نخلط اهلي واحبابي
والاصدقاء واذا ريحو معايا ناس ما نعرفهمش يبقى الاحترام بيناتنا
من الممكن تتزوج وحده اكبر منك فالعمر ؟
هذا المكتوب وما نعرفش بصح الراي رأي الوالدة نتاعي مالقري ما نوافقهاش على نظرتها مي لوكان هي ما توافقش ما نمشيش بعيد مع الزواج نتاعي اللي حاب يكون عن معرفة بالفتاة التي ارتبط بها يعني لوكان ما نعرفهاش في المجتمع نتاعنا ما نزوجهاش ماشي كيما المغبونين اللي جابولهم نساء ما يعرفوهمش كامل ويوافقو المهم يزوج
حكيم من النوع لي يبتسم فوجه حتى لي ميعرفهمش ولا مشنف ؟(قليله عنا هادي ههه)
الحمد لله نبتسم في وجه الكل يعني الوجه نتاعي غير قابل للتشناف لوكان نتشنف تبان عندي تجاااعيد خخخخ
تحب قراءة الكتب ؟ادا ايه واش من كتاب قريت ؟
ياحسراه قريت كتب بزااف ما خليت كتب في الاعلام الالي
ما خليت كتب في المجال نتاع الدراسة نتاعي
ما خليت كتب شرعية
ما خليت روايات
بزااف قريت وما نقدرش نحصيهم يعني كل عام نخرج على الاقل ب 10 كتب نقراهم
حكيم من النوع لي يحكي فالهاتف بزاف ؟واش نوع هاتفك ؟
آآآخ عليا ما نعرفش نحكي في الهاتف يعني الهاتف عندي غير لليزافار والخدمة والاهل
اذا احتجت واحد نفليكسي ونهدر معاه المهم الدراهم دايما في يدي ماشي في التيليفون
واذا قصدك الهدرة نتاع نأكتيفي على جالها ما عنديش في السياسة نتاعي نهدر الدراهم وما نطولش دقيقة ولا ثلاث مع كل واحد
اما عن نوعية الهاتف فلدي هاتف سامسونغ عادي
بصح راني نفكر نشري واحد مليح
مالغري كاينة الدراهم بصح ما نحبش نشري التيليفونات نتاع التصوار نحسها زيادة وتضييع مال ​

شكرا اذا كاش جديد اسئلة حطيه راني في الخدمة خخخخخخخ
اشفق على نفسي من الاسئلة نتاعكم مي انت مليحة يا اميرة​

 

[Hakan]

رد: كـرسـي التعآرف { الضيـف الثآلث } hakim story

هآآآآآآآآآآآني جيت
كآش ترحيب ولآ لالا
اهلا يااسماء راني حفظت الاسم نتاعك مالغري ما نعرفش اسماء الحقيقية نتاع البنات هنا مي انت شديتك وشيماء
- هل تحب تخرج كي يجوكم ضيآف ولآ تتخبى بكل صرآحة ؟
ياحسراه عليك انت ياو الضياف انا هنا اللي ندخلهم وانا نخرجهم وانا اللي نوكلهم ونغديهم وندير كلش في الدار الاب نتاعي يريح مع الضياف وانا نخدمهم
وانا اللي نصرف للدار ونشري حوايج الضياف ومستلزمات الضيافة
- هل تحب المساهمة في جمعيات خيرية ؟
صدقيني انا احد المعلمين في المدرسة القرأنية نتاع الحي نتاعنا انشئها عمي وكي راح خلا المسؤولية نتاعها عليا مي غير في العطل حاليا
- وآش هو الحيوآن المفضل عندك من الحيوآنآت الاليفة ؟
الحصان
و المفترسة ؟
الفهد والذئب
- هل تسمع الاغآني ؟
احيانا على حساب المورال
و ادآ تسمع امآ نوع ؟
نسمع الاجنبي بصفة عامة لشتا من غينيا الاستوائية المهم بعدي عليا العرب برك
- هل تحب لمدية ؟
ههههه حبيبة قلبي المدية
- و هل جيتلهآ كآش مرة ؟
جيت ليها قبل لا تجي انت للحياة
المدية ومستشفى المدية شاهد على ولادتي هناك
انا مسقط راسي في المدية وبمستشفى المدية لاخاطر الوالدة نتاعي
اجرت عملية قيصرية نهار جابتنب لاخاطر ولدت صحيحا ميزان لاباس بيه
والوالدة نتاعي فرماجة ​

https://www.4algeria.com/forum/t/420227-new/​

شكرااا لك يااسماء​

 

[ضآحكة مستبشرة]

رد: كـرسـي التعآرف { الضيـف الثآلث } hakim story

هههههههههه ضحكتني امآلا متنساش اصلك راهوا لمدية

- شكون لي تلقبوآ بكسول اللمة ؟
- شكون لي تلفبها بكسولة اللمة ؟
- شكون في رايك لي يستاهل صح يكون مشرف في هاد المنتدى ؟
- شكون في رايك لي تستاهل تكون مشرفة ؟​

 

[Hakan]

رد: كـرسـي التعآرف { الضيـف الثآلث } hakim story

هههههههههه ضحكتني امآلا متنساش اصلك راهوا لمدية

- شكون لي تلقبوآ بكسول اللمة ؟

نعطيها للشيخ ياسين ​

- شكون لي تلفبها بكسولة اللمة ؟
نعطيها لجنان الصحراء ههه وما يزعفوش برك
- شكون في رايك لي يستاهل صح يكون مشرف في هاد المنتدى ؟
الله اعلم المشرفين الحليين راهم جايبينها
- شكون في رايك لي تستاهل تكون مشرفة
ممكن انت واميرة والباحثة عن الحظ ونور لاخاطر كامل راكم تكونيكتيو​

زيدي اسئلة انا نقذف منهيه وانت حاولي تفجري هنا ههههه​

 

[AmiR@RoRo]

رد: كـرسـي التعآرف { الضيـف الثآلث } hakim story

هاني نزيدلك متنساليش برك الرفيس ههه

مدامك قلت قريت كتب بزاف.. مام انا نحب الكتب اقترح عليا الافضل فيهم ؟(رواية)

تحب الهدوء ولا عادي ؟

مواظب على صلاتك ؟

لونك المفضل فالملابس ؟​

 

[Hakan]

رد: كـرسـي التعآرف { الضيـف الثآلث } hakim story

هاني نزيدلك متنساليش برك الرفيس ههه
هههه ربي هنيك بصح ماشكيتش تنجمي للرفيس نتاعنا
مدامك قلت قريت كتب بزاف.. مام انا نحب الكتب اقترح عليا الافضل فيهم ؟(رواية)
من الروايات اللي نقول بلي رايحة تنال اعجابك مالغري رواية جريئة لكن نقلك اقراي هاذي الرواية هي 360صفحة انا قريتها في يومين عنوانها
**لوعة الغاوية** رووعة
تحب الهدوء ولا عادي ؟
نحب الهدوء بزااف يعني كي نكون مع العايلة ما نحبش الناس كامل تحكي ولاصوت التلفزيون مرفوع
لكن هنا في الاقامة نسمع مالا يسر
مواظب على صلاتك ؟
حاليا راني مقصر مي نصلي اللي شدني الوقت نتاعها في وقتها على العموم مواظب والحمد لله
لونك المفضل فالملابس ؟
حاليا نلبس تريكو رمادي مع فيستا رمادية سروال اسود وحذاء رمادي
لكن الاغلب نلبس الالوان الابيض الاسود الاحمر​

شكرا راني نستنا فيك خخخخخخخخخخخخخخخ تعبتكم هههههههه​

 

[AmiR@RoRo]

رد: كـرسـي التعآرف { الضيـف الثآلث } hakim story

ان شا الله راح نطلع عليها .. شكرا

هههه

حطلي صورة نتاع الرفيس تاعكم ونقولك ادا نجملو ولا لا

سياسة .. تؤيد مشروع الغاز الصخري ام لا ؟

قلت انو فالعطل تخدم ..واش تخدم مثلا ؟

علاقتك بالفرنسيه ؟

بما انك تحب الاغاني الاجنبيه ..اغنية تعجبك بزاف ؟؟​

 

[Hakan]

رد: كـرسـي التعآرف { الضيـف الثآلث } hakim story

ان شا الله راح نطلع عليها .. شكرا

هههه

حطلي صورة نتاع الرفيس تاعكم ونقولك ادا نجملو ولا لا

سياسة .. تؤيد مشروع الغاز الصخري ام لا ؟
شوفي انا ضد النظام كامل لوكان يديرو عليا البترول وما يبيعوهش مارانا نديو في والو
والغاز الصخري غير خرطي هادي سياسة نتاع صبر المريض بمرض اخر يعني واحد مريض بالحساسية الجلدية واش يديرولو باش يصبروه يقولولو عندك الكنوسار ينسى الحساسية هكاك الشعب الجزائري
قلت انو فالعطل تخدم ..واش تخدم مثلا ؟
نخدم مهن شاقة يعني مونوفر نخدم في الفلاحة
نروح مع اعمامي للتجارة نتاع قطع غيار السيارات المهم نجيب الدراهم
علاقتك بالفرنسيه ؟
علاقة حب مذ دخلت للبيطرة
بما انك تحب الاغاني الاجنبيه ..اغنية تعجبك بزاف ؟؟
كاين بزااف مي ما نقولهمش باسكو لوكان نعطيلك العوان نتحمل وزر نتاعها مالا غير خليك هكاك.​

شكراا لك زيدي اسئلة


هههههههههههه كرهتك
نقلكم علاش راني نكونيكتي بزااف بما انكم خواتاتي اولا راني بعيد على البيت نتاعنا منذ ازيد من 43 يوم وهادي مدة ماريحتش مع الوالدة والخواتات وراني نحكي معاكم باش نحي ضيقت روحي لاخاطر الاختبارات نتاوعي نفوتوهم لمدة شهر كامل من 21 فيفري حتى 17 مارس باش نروح للدار مالا غير ماكان لاه تجيكم غريبة راكم العايلة التانية اللي تنقص عليا بعض من الهموم ونضحك معاكم هنا لاخاطر كامل جماعة الاقامة مشغولين بالامتحانات وماكاش اللي لاتي باش يضحك اللي تهدر معاه يجبدلك بولي ويقلك اشرحلي هذا وما علاباليش.​

 

[AmiR@RoRo]

رد: كـرسـي التعآرف { الضيـف الثآلث } hakim story

شكراا لك زيدي اسئلة


هههههههههههه كرهتك
نقلكم علاش راني نكونيكتي بزااف بما انكم خواتاتي اولا راني بعيد على البيت نتاعنا منذ ازيد من 43 يوم وهادي مدة ماريحتش مع الوالدة والخواتات وراني نحكي معاكم باش نحي ضيقت روحي لاخاطر الاختبارات نتاوعي نفوتوهم لمدة شهر كامل من 21 فيفري حتى 17 مارس باش نروح للدار مالا غير ماكان لاه تجيكم غريبة راكم العايلة التانية اللي تنقص عليا بعض من الهموم ونضحك معاكم هنا لاخاطر كامل جماعة الاقامة مشغولين بالامتحانات وماكاش اللي لاتي باش يضحك اللي تهدر معاه يجبدلك بولي ويقلك اشرحلي هذا وما علاباليش.​

هههه اواااه صعيب الرفيس تاعكم كنت حاسبه يشبه لتاعنا بصح راه يبان ...

كرهتني الله يحفظك ههههه

والله حتى نتا راك كي خونا ..ورانا كي العايلة هنا ومدابينا نعاونو بعضنا ونحيو على بعضنا

ومليح كي تبعد شوي على جو الدراسه تلف على روحك شوي بعدا

وان شا الله تكون الوالدة والعايلة الكل ملاح ويلاقيك بيهم فساعة الخير ​

 

["viola"]

رد: كـرسـي التعآرف { الضيـف الثآلث } hakim story

علاه تسخف فيا خويا حكيم

رجعت على جال الرفيس لقيتك حاط تصويرتو

نمووووووت عليه

المهم هاهم شوي أسئلة:

-وعن ( . . . . . ) إبتعدوآ ؟

-آنا ضد آللي .....؟؟

-دعوه لـ ست الحبايب؟

- ب آختصآر....؟

-اسم امك؟

-ضع صورة لشخص تعتبره ملهماً بالنسبة لك.

-على سبيل الحظ(........)؟

-انت وساري؟واذا ايه ..رحماني؟خخخخ بديت نقرعج

ايا ياسر عليا....

سلام

​

 

[Hakan]

رد: كـرسـي التعآرف { الضيـف الثآلث } hakim story

علاه تسخف فيا خويا حكيم

رجعت على جال الرفيس لقيتك حاط تصويرتو

نمووووووت عليه

المهم هاهم شوي أسئلة:

-وعن آحلامي إبتعدوآ ؟

-آنا ضد آللي ما يديرش السبور هههه؟؟

-دعوه لـ ست الحبايب شكون رندة واش نقلها ربي يهنيك وانشاء الله تسلك من الحمل نتاعها راهي قريب تزيد وتجيب طفلة بقاو ياربيش 10ايام والله اعلم؟

- ب آختصآر شكرا للمة؟

-اسم امك اسمها سلمى؟

-ضع صورة لشخص تعتبره ملهماً بالنسبة لك

-على سبيل الحظ ان شاء الله نماجوري الفصل الاول في القراية؟

-انت وساري؟واذا ايه ..رحماني؟خخخخ بديت نقرعج
ما شاء الله راكي تعرفي ناس وسارة مليح ما نيش رحماني مي صحراوي
ايا ياسر عليا....

سلام

​

شكرا لك فيولا مي انت لازمني انا نسقسيك ​

 

[ام اشراق]

رد: كـرسـي التعآرف { الضيـف الثآلث } hakim story

السلام عليكم
القصرة راهى مليحة هنا والاسئلة ماشاء الله كما قال الباندى البرنوس البوسعادى قريب اجى قدك ياحكيم
رانى جبتلكم القهوة باه تحلى الجماعة مليح ومكلاه تعيبلى على القاطو هههه

 

["viola"]

رد: كـرسـي التعآرف { الضيـف الثآلث } hakim story

شكرا لك فيولا مي انت لازمني انا نسقسيك ​

كي يعرضوني ان شاء الله سقسي على روحك هههه

ايه سؤال واحد اخر و خلاص

امك بواش توحمت و هي حامل بيك ( ماكلة قصدي)

 

[AmiR@RoRo]

رد: كـرسـي التعآرف { الضيـف الثآلث } hakim story

اختي نور الله يحلي ايامك يا غالية

سبب اختيار حكيم للصورة الرمزية الحالية ؟​

 

[ضآحكة مستبشرة]

رد: كـرسـي التعآرف { الضيـف الثآلث } hakim story

وآش رايك في هآد الصور
علق علــــــــــى كل صورة بتعليق

ــــــــ 1 ــــــــ

ـــــ 2 ـــــــ

ــــــــ 3 ـــــــــ

ــــــ 4 ـــــــــ

ـــــــــ 5 ـــــــــ

​

 

[Hakan]

رد: كـرسـي التعآرف { الضيـف الثآلث } hakim story

السلام عليكم
القصرة راهى مليحة هنا والاسئلة ماشاء الله كما قال الباندى البرنوس البوسعادى قريب اجى قدك ياحكيم
رانى جبتلكم القهوة باه تحلى الجماعة مليح ومكلاه تعيبلى على القاطو هههه

علاش ا نور ديريلي هاك
والله غير عذبتيني بهاد القاطو ياو راني بعيد على دارنا ارحموني
شكرا ليك انتظر سنيوية نتاع الاسئلة نتاعك ​

هههه

 

[Hakan]

رد: كـرسـي التعآرف { الضيـف الثآلث } hakim story

كي يعرضوني ان شاء الله سقسي على روحك هههه

ايه سؤال واحد اخر و خلاص

امك بواش توحمت و هي حامل بيك ( ماكلة قصدي)

خخخخخخخخخخخخخخخخخخخخخ
ههههههههههههه
علاش حابة تجيبي واحد حلو كيفي احم

والله ما نكذب عليك في الليل نعيطلها ونسقسيها ونردلك بالخبر خخخخ سؤال رائع​