كـرسـي التعآرف { الضيـف الرآبع } ام منيـــر

[أم منيــــــر]

رد: كـرسـي التعآرف { الضيـف الرآبع } ام منيـــر

السلام عليكم

وعليكم السلآم أهلا
​

أيا مليح قاموا بك وعطاوك كرسي بصح منعرف شافوك كبرتي شفتيهم ولا كرموك على الترقية*هههههه
هههههه شكرا لهم على كل حال
مرحبا بك ضيفة عزيزة مكرمة بين إخوتك وأخواتك وأبنائك وبناتك
الله يسلمك ربي يحفظكم
كنت عندي في الإحتمالات الثلاث * أنت_Amira@RoRo_نور* أيا هما كبروا بيك وأنت أكبرهم سنا*ههه
كل الإحترام والتقدير لك أختي الكريمة
:regards01: :regards01:
1هل انت ملتزمة أم مفرطة أم بين بين
احاول قدر الامكان ان اكون ملتزمة وربي يقدرني على ذلك
2 أين تسكن في تلمسان
في بلدية شتوان
3هل أنت من النوع المتطير
ادا كان على حساب ما فهمت المتطير نقول لا ابدا والحمد لله

لعل تكون لي رجعة مرة اخرى أتمنى اني كنت خفيف

تقبلوا تحياتي
​

بارك الله فيك
واهلا بك فكل وقت
​

 

[أم منيــــــر]

رد: كـرسـي التعآرف { الضيـف الرآبع } ام منيـــر

السلآم عليكم

وعليكم السلآم اهلا

اهلا بالخاله ام منير
أهلآ بيك بنيتي
لونك المفضل ؟
الوردي ، الاخضر الفاتح ، الازرق السماوي

تحبي قراءة الروايات ؟
لآ ، معنديش الوقت
عاده سلبيه فيك تتمناي زوالها ؟
النرفزة ، والتوتر
هدفك فالحياة ؟
ارضاء ربي وزوجي وعائلتتي
​

آهلآ بيك نورتي :regards01:
​

 

[أم منيــــــر]

رد: كـرسـي التعآرف { الضيـف الرآبع } ام منيـــر

أهلا أهلا بالعزيزة أم منير ....مرحبا بيك

اهلا بالغالية ربي يخليك ،
بعض الاسئلة ..نبداو بسم الله:

-السعادة بالنسبة لكي ؟؟
ارضاء الله ،وكي تكون عايلي بخير

-هل انتي راضية عن نفسك ؟‏
ليس تماما ولكن الحمد لله

-على سبيل ... #الأمل !‏
غدا يوم جديد

-ما هو أكثر شيء تخاف منه خالتي ؟
غضب الله ، المــرض ، الله يعافينا ،غلبة الدين

-شيئان من المستحيل ان تتركيهما [ . . . . . . ] , [ . . . . . . ] ؟
عائلتي وبيتي

-رأيك في فيولا ..و نصيحة لها ؟
انسانة هادئة طيوبة وحبوبة ،ربي يوفقك في قرايتك
رضي الله ورضي والديك وديري الهدف تاعك بين عينيك وسعاي لتحقيقه ، ربي معاك
أبسط أُمنيآتك ( .. ) !
نكبر ولادي وحج انا وزوجي

و اخر طلب اذا ممكن دعوة طيبة منك ؟
ربي يوفقك ويسهلك في حياتك ويبعد عنك ولاد وبنات الحرام ويرزقك بزوج صالح ويخاف الله مستقبلا

ان شاء الله مكثرتش عليك

سلآآمي
​

ما كترتيش ،ومرحبا بيك فاي وقت بنتي
​

 

[رابح66]

رد: كـرسـي التعآرف { الضيـف الرآبع } ام منيـــر

السلام عليكم

بارك الله فيك خيار الناس
ربي يحفظلك العائلة ويكملك بأمنيتك للحج

تقبلوا تحياتي
​

 

[بنت الـ25]

رد: كـرسـي التعآرف { الضيـف الرآبع } ام منيـــر

أولا نشكرو الأخ حكيم اللي اختارلنتا عضوة خفيفة الروح ومتزنة كيما الغالية أم منير
مرحبا بك وشرفتي الكرسي
حبيت نهنأك تستاهلي الإشراف في منتدى الحوار والنقاش عن جدارة
يا صحابة القلم الذهبي
سؤال الوحيد: وش رايك في مينآت؟
​

 

[ضآحكة مستبشرة]

رد: كـرسـي التعآرف { الضيـف الرآبع } ام منيـــر

صبآح الخير

- خالتي ام منير وآش هي الاشغال المنزلية لي تتعبك بزاف ؟
- خالتي ام منير في كلمـة ؟
- لو أغضبك عضو ماذا ستفعلين؟
-ما هي أفضل قناة تلفزيونية بالنسبة لك؟
- كم ترتيبك في العائلة ؟
​

 

[أم منيــــــر]

رد: كـرسـي التعآرف { الضيـف الرآبع } ام منيـــر

أولا نشكرو الأخ حكيم اللي اختارلنتا عضوة خفيفة الروح ومتزنة كيما الغالية أم منير
مرحبا بك وشرفتي الكرسي
حبيت نهنأك تستاهلي الإشراف في منتدى الحوار والنقاش عن جدارة
يا صحابة القلم الذهبي
سؤال الوحيد: وش رايك في مينآت؟
​

الله يسلمك ، ليا الشرف اولا لاني لقيت ناس يعزوني ويحبوني فاللمة وتانيا لان حكيم وعاشقة الجنة بارك الله فيهما اختاروني
مشكورة حبيبتي ، اين انا من القلم الذهبي ، ان شا الله ربي يقدرني ونكون عند حسن ظن الجميع

والله معزتك معزَّة مدينة قسنطينة في قلبي وارى انك بنت ظريفة ، لطيفة قلبها طيب ، نشيطة ، ربي يحفظك ويوفقك مع شريك حياتك
يعطيك الصحة
​

 

[أم منيــــــر]

رد: كـرسـي التعآرف { الضيـف الرآبع } ام منيـــر

صبآح الخير
صباح النور
- خالتي ام منير وآش هي الاشغال المنزلية لي تتعبك بزاف ؟
غسيل الملابس ، مشينتي معطلة ومزال ما شراليش زوجي تانية
- خالتي ام منير في كلمـة ؟
متواضعة ، تحب الخير للغير
- لو أغضبك عضو ماذا ستفعلين؟
نبعتله رسالة .. ونقطع علاقتي معه ، وصراتلي فالمنتدى مؤخرا
اما ادا كانت عضوة نتفاهمو وان شا الله يكون خير
-ما هي أفضل قناة تلفزيونية بالنسبة لك؟
كاين بزاف ..اقرا ،الشروق tv،
- كم ترتيبك في العائلة ؟
السادسة
​

نورتي اسوم
​

 

[ضآحكة مستبشرة]

رد: كـرسـي التعآرف { الضيـف الرآبع } ام منيـــر

خآلتو ام منير عآودة رجعت يا زهرة حياتي
ان شاء الله نكون خفيفة عليك



- ماهي طريقتك الخاصة لتتعاملي مع حزنك؟
- هل تبــكي على موت إنســان جرحك يومــا ما ؟
-هل تستطيع المرأه تغيير الرجل ؟
-ما الصفه الي تطلق عليكـ غالبا ؟
- كيف تعاملكِ مع الأطفال حولكِ ؟
- ماهو الشي الذي جذبك للمنتدى ؟؟
-هل وجدت مميزات لم تجديها في منتدى اخر ؟؟​

 

[أم لينة]

رد: كـرسـي التعآرف { الضيـف الرآبع } ام منيـــر

السلام عليكم.
اهلييييين و سهليييييييين و مييييييييييية مرحبا بالاخت الغالية ام منير كيفك حنونة ان شاء الله بالف خير انت و العائلة الكريمة.
اسئلتي ليك هي :
* دايرة حجاب شرعي ؟
*في اي سنة تزوجت ورزقت باول مولود؟
*عجوزتك و شيخك كاينين؟
*هل انت مع او ضد تحديد النسل؟
* زواجك تقليدي يعني كيف تعرفتي على الزوج الكريم؟
*واشنو هي طموحاتك مع زوجك ؟
*واشنوهي هواياتك ؟
* ام لينة بالنسبة ليك ؟

 

[أم منيــــــر]

رد: كـرسـي التعآرف { الضيـف الرآبع } ام منيـــر

خآلتو ام منير عآودة رجعت يا زهرة حياتي
ان شاء الله نكون خفيفة عليك
الله يجعل حياتك مزهرة
اهلا بيك فاي وقت

- ماهي طريقتك الخاصة لتتعاملي مع حزنك؟
نبكي ، نصبر ونحتسب امري لله
- هل تبــكي على موت إنســان جرحك يومــا ما ؟
طبعا ،لان الموت يخليك تراجع حساباتك وتنساي كل ضغينة
لان الموقف اكبر من الجرح
-هل تستطيع المرأه تغيير الرجل ؟
في بعض الاحيان ليس دائما،كما انا غيرت صوالح بزاف في زوجي مع مرور الايام ومشي مرة وحدة
-ما الصفه الي تطلق عليكـ غالبا ؟
منارفية ،قلبي ابيض
- كيف تعاملكِ مع الأطفال حولكِ ؟
نعاملهم كما ولادي
- ماهو الشي الذي جذبك للمنتدى ؟؟
كل شي
-هل وجدت مميزات لم تجديها في منتدى اخر ؟؟​

نعم كثيرا ، واكبر ميزة ان كل اعضاؤو جزايرين وهمنا واحد وانشغالنا واحد ونحكيو بصراحة مع بعض

مشكورة اسماء، يلا كاش ما تفكرتي اني هنا :sport02:
​

​

 

[أم منيــــــر]

رد: كـرسـي التعآرف { الضيـف الرآبع } ام منيـــر

السلام عليكم.
اهلييييين و سهليييييييين و مييييييييييية مرحبا بالاخت الغالية ام منير كيفك حنونة ان شاء الله بالف خير انت و العائلة الكريمة.

وعليكم السلام اهلا وسهلا بالغالية شرفتي بخير الحمد لله يسال عليك الخير
​

اسئلتي ليك هي :
* دايرة حجاب شرعي ؟
حجاب شرعي بصح مشي جلباب يعني حجاب وخمار
*في اي سنة تزوجت ورزقت باول مولود؟
تزوجت في 1994 واول مولود في 1995
*عجوزتك و شيخك كاينين؟
عجوزتي ماتت قبل ما نتزوج وشيخي مات بعد 5سنوات من زواجي
*هل انت مع او ضد تحديد النسل؟
في الحقيقة في هاد الوقت مع تحديد النسل
* زواجك تقليدي يعني كيف تعرفتي على الزوج الكريم؟
نعم تقليدي وزوجي ولد عمي
*واشنو هي طموحاتك مع زوجك ؟
نكملو دارنا ونكبرو وليداتنا ونجيبو حجة ان شا الله
*واشنوهي هواياتك ؟
الطبخ والخياطة والنت والتسوق (كي يكونو الدراهم ههه)
* ام لينة بالنسبة ليك ؟
والله اعتبرها كاخت وكبرت في عيني بزاااف وحبيتك من قلبي بلا ما نعرفك ربي شاهد :love01:
ربي يوفقك في حياتك ويعطيك واش تتمني

نورتي اختي ربي يحفظك
​

 

[أم لينة]

رد: كـرسـي التعآرف { الضيـف الرآبع } ام منيـــر

شكرا حنونة ان شاء الله ربي يرزقك حجة عن قريب و كي اليوم ان شاء الله راكي في بيت ربي تدعيلنا قولي آمين

منين تزوجتي كنت انا نلعب برا بالعشيشة هههه كنت سنة رابعة ابتدائي .

 

[ام اشراق]

رد: كـرسـي التعآرف { الضيـف الرآبع } ام منيـــر

اهلين باختى ام منير منورة كرسى الاعتراف
ومبروك عليك الترقية
اسئلتى هي
1هل قادرة توفقى بين اشغال البيت و دخولك المنتدى
2 ها هناك منتديات اخرى سجلتى فيها
3هل عندك حساب فى الفايسبوك
4 هل عندك سيارة ورخصة سياقة
5هل الاطفال من مسؤليتك تقريهم او هو دور الزوج
6هل اطفالك مساعدينك فى البيت او لا
7هل زوجك يتذمر من جلوسك عند النت
ان شاء الله مانكونش كثرت عليك
ربي يتمللك واش راكى ناوية ويحقق كل امانيك
تحياتى الخالصة

 

[أم منيــــــر]

رد: كـرسـي التعآرف { الضيـف الرآبع } ام منيـــر

شكرا حنونة ان شاء الله ربي يرزقك حجة عن قريب و كي اليوم ان شاء الله راكي في بيت ربي تدعيلنا قولي آمين

منين تزوجتي كنت انا نلعب برا بالعشيشة هههه كنت سنة رابعة ابتدائي .

ان شا الله حنا وكل واحد مشتاقلها
ههههه مالا راكي قد بنت ختي حتى هي فعرسي كانت تقرا رابعه ودرك تزوجت وراها بوليداتها
ربي يخليلك بنتك ويرزقك بلي راكي حابة
​

 

[أم منيــــــر]

رد: كـرسـي التعآرف { الضيـف الرآبع } ام منيـــر

اهلين باختى ام منير منورة كرسى الاعتراف
ومبروك عليك الترقية
اهلا بيكي نور منورة بيكم
يبارك فيك ويحفظك
اسئلتى هي
1هل قادرة توفقى بين اشغال البيت و دخولك المنتدى
اكيــد ، بصح مرات تديني النت نلقا روحي ما خادمة والو هههه
2 ها هناك منتديات اخرى سجلتى فيها
ايه ، 3 ولا 4 بصح ملي عرفت اللمة نسيتهم كامل
3هل عندك حساب فى الفايسبوك
لآ، راجلي محبش :d
4 هل عندك سيارة ورخصة سياقة
لا ، زوجي فقط
5هل الاطفال من مسؤليتك تقريهم او هو دور الزوج
مسؤوليتي نادرا ما يكون هو يتكفل
6هل اطفالك مساعدينك فى البيت او لا
ماشي بزاف البنت برك
7هل زوجك يتذمر من جلوسك عند النت
هههه مرات كي يشوفني طولت بزاف ،
ان شاء الله مانكونش كثرت عليك
ربي يتمللك واش راكى ناوية ويحقق كل امانيك
تحياتى الخالصة

اهلا بيك نور عجبوني اسئلتك :up:
اللهم آمين حنا وياك
ربي يهنيك
​

 

[نجيب]

رد: كـرسـي التعآرف { الضيـف الرآبع } ام منيـــر

الاسئلة الى حد الان سهلة


انتظر جلسة مع سي رابح


و اعطيك اسئلتي يا بنت بلادي


و الاسبوع مزالوا طويل


​

 

[أم منيــــــر]

رد: كـرسـي التعآرف { الضيـف الرآبع } ام منيـــر

الاسئلة الى حد الان سهلة


انتظر جلسة مع سي رابح


و اعطيك اسئلتي يا بنت بلادي


و الاسبوع مزالوا طويل


​

هههههههه

الله يعاوني عليكم

على حساب الشوفة راكم معولين ، الله يجيب الخير

بصح راني هنا :sport02:
​

 

[أم لينة]

رد: كـرسـي التعآرف { الضيـف الرآبع } ام منيـــر

الاسئلة الى حد الان سهلة


انتظر جلسة مع سي رابح


و اعطيك اسئلتي يا بنت بلادي


و الاسبوع مزالوا طويل


​

ههههه درنالكم الاسئلة للتحمية برك رانا نوجدولكم فيها . ربي يكون معاك ام منير :-r

 

[الباندي]

رد: كـرسـي التعآرف { الضيـف الرآبع } ام منيـــر

ميمتي راهي على كرسي الاعتراف مليحة نريح شويا و من بعد نجي نسقسيك معليش
ان شاء الله مغبنوكش اللي غبنك gوليلي تشوفي كيفاه ههههههه