شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

[chr-ndj]

السلام عليكم نشاء الله تكونو هانيين و بخير عليكم ...................فرغ قلبك و قولنا شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

مكاش واحد ما تقاسش فى حياتو و كل واحد كيفاه كاين لى يسمح و كاين لى مش ساهلة عليه تالمو الضربة وااااااااااعرة و كاين لى غلط فى حق ناس باش مانكونوش دائما نحن الضحية كامل نغلطووووو و مليح السماح بالصح كاين مواقف تفرض علينا نكونو قاسيين و مانسمحوش مالا شاركونا بالغلطات لى كانو فى حقكم و الا درتوهم فى حق ناس وحدوخرين هكذا نتعلمو نستعرفو بالغلطة ومن جيهة اخرى نتسامحو ونصفيو لقلوب

احبكم فى الله​

 

[بنت الـ25]

رد: شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

تم الاعتماد
​

 

[الناقد الصريح]

رد: شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

فكرة الموضوع جميلة وهدفه أجمل
أرجوا أن يسامحني الجميع
و في هذا المنتدى أرجوا ان تسامحني الأخت ريانة
شكرا على الموضوع .....دمت سالمة

 

[homework]

رد: شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

نطلب ربي نكون ماقست حتى واحد و انا في طبعي اني كي نحس بلي قست واحد نطلب السماح حتى لو كان يكون ظلمني منحبش نظلم نسمح في حقي .
قاسني انسان كنت حطاتو صح انسان مي الله غالب خايبلي ظني بالكذب و عدم المسؤولية مي سامحتوا لانوا تعلمت انوا في هذا الدنيا مالزمش تصدق اي شخص و ديروا راس مالك صح ضيعت فرصة مليحة بزاف مي ربي مخيبنيش و عوضني لاني مشيت بالنية و ربي شاف لي مي ( حسبي الله و نعم الوكيل على لي يخدع )

 

[chr-ndj]

رد: شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

تم الاعتماد
​

شكراااااااااااا مينات على الاعتماااااااااااااد​

 

[chr-ndj]

رد: شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

فكرة الموضوع جميلة وهدفه أجمل
أرجوا أن يسامحني الجميع
و في هذا المنتدى أرجوا ان تسامحني الأخت ريانة
شكرا على الموضوع .....دمت سالمة

لا شكر على وااااااااااااااجب نشاء الله يتقبل طلبك النيل و ربى يصفى لقلوب ربى يبقى عليك ستر و شكراااااااا على المشاركة

 

[chr-ndj]

رد: شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

نطلب ربي نكون ماقست حتى واحد و انا في طبعي اني كي نحس بلي قست واحد نطلب السماح حتى لو كان يكون ظلمني منحبش نظلم نسمح في حقي .
قاسني انسان كنت حطاتو صح انسان مي الله غالب خايبلي ظني بالكذب و عدم المسؤولية مي سامحتوا لانوا تعلمت انوا في هذا الدنيا مالزمش تصدق اي شخص و ديروا راس مالك صح ضيعت فرصة مليحة بزاف مي ربي مخيبنيش و عوضني لاني مشيت بالنية و ربي شاف لي مي ( حسبي الله و نعم الوكيل على لي يخدع )

ربى يهدى ما خلق و ربى يخليك و يقدرك باش تكونى متسامحة اكثر ---------------------شكرا على المشاركة الطيبة و ربى يعطيك حسب قلبك ختى لى يمشى بالنيه يلحقو ربى ​

 

[chr-ndj]

رد: شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

انا نطلب السماااااااااااااااح من انسان غلطت فى حقو من دون قصد نشاء الله يسمحلى و كاين ناس دارولى عفايس يقيسو صح لى هوما دار جدى و خوالى فى قلبى مسامحتهم بالصح كى نتفكر واش دارو تغيضنى ربى يهدينا و ربى يقدرنى باش نسمحلهم و مام هوما يسمحولى بالاك غلطت فى حقهم بلا ما فقت ​

 

[stelllo]

رد: شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

موضوع جميل وكثير من الناس كلمة اسفة او اسف تجيهم صعيبه

 

[chr-ndj]

رد: شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

موضوع جميل وكثير من الناس كلمة اسفة او اسف تجيهم صعيبه

هادا هو المشكل كلمة السماح بزااااف لى جيهم صعيبة .....كاين لى جيه طياحةيطلب السماح و كاين لى كى تقولو اسمحلى يحسبها جبل و يقلبك ظالمو و يكبرها و هى راهى حاجة صغيرة و ربى يهدينا شكرا على المرور ​

 

[imanou mouna]

رد: شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

لا اذكر اني انا اذيت حد ولا قست احد الحمد لله محبوبة من كل الناس وgاع يشهدولي بيها واذا اذيت واحد ومايش عارفة نتمنالو يسامحنيمي انا حاجة واحدة مضايقتني مانيش عارفة كيفاش امي ظلمتني في بزاف صوالح مي انا عمري ما نزعل منها مهما كان هادي ميمتي وربي وصانا عليها تزعلني كتير بس ما اتمنالها الضرر ربي يخليها ليا ويفيقها على لي راها ديره فيا
وربي يخليلكم والديكم كامليييييين

 

[*Prinçesse*]

رد: شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

اللي راهو في بالي نقولو متمنية نسامحك و لكن الجرح اكبر بكثير على ان اسامحك و اللي نطلب منها السماح هي صاحبتي نوور نتمنى تسامحيني ماكانش قصدي و متمنية نرجعو كيما بكري

 

[AWDIESL]

رد: شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

لي قستو الله يجعل بي يسمحلي .................و لي قاسني حسابو مع ربي

 

[la_safa]

رد: شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

موضوع هآآيل ،،
والله يآ ختيتو مآ نشفآش قست انسآن و لآ جرحت قلب انسآن
و الحمد لله ، وآحد مآعآدآني و الحمد لله
أمآ لي قآسوني حسآبهم عند ربي ، لأنو كآين جرح من جرح
جرح تقدر تسآمح و جرح تنسى و تعيش حيآتك مي مآتقدرش تسآمح
نقولو غير حسبي الله و نعم الوكيل و ربي هو يتكفل :graduation:


​

 

[sofia_elak]

رد: شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

سلااام
اول شيء موضوع رائع بارك الله فيك
بالنسبة ليا
يمكن بلا منحس قست شي ناس بكاش هدرة
وسيغتو كي نكون زعفانة
منعرفش شا نحكي
بالاك اسييت نجرح ناس لي يجرحوني و حكيتهم بكلام قاسي من حرة قلبي
دونك هنا نقلهم يسمحولي رغم اني عمري منكره انسان ولا نحقد عليه ولا كلام لي نقيس بيه يكون مالقلب
اما على الناس لي قاسوني ولي بسبتهم وليت من انسانة كالم لانسانة مقلقة ومنارفية
نقلهم كيما ذكرت من قبل
انا منعرفش نحقد ولا نكره
بصاح يلا درتوها بلعاني
حسبي الله ونعم الوكيل
​

 

[حمزةusma]

رد: شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

صديقي طعني في غيابي وربي يسامحو
والذي اطلب منه السماح هو استاذي في الثانوية نتاع الفلسفة

 

[بنت الصحراء08]

رد: شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

كاين بنادم واحد منقدرش نسمحلو لادنيا لااخرة
وكاين بزاف ناس بلاك قستهم بلا منحس والانسان اللي حبيت يسمحلي بصح درك فات الحال هو المرحوم خويا كانت من اخر كلماتي ليه انا نكرهك وبعده ب4 اشهر توفى متمنيا لو كان يكون سمحلي لخطرش ما كنتش قاصدتها برك لحظة غضب

 

[Perle Blanche]

رد: شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

كاين شخص مزال مقدرتش نسامحوو أكيد و كل منتفكر وقل_وكيلك-ربي
و في بالي مكانش شخص انا غلطت في حقوو و مطلبتش السماح
يعني اليوم نقدر نقول الحمد لله
راقدة مظلومة و مش ظالمة
​

 

[chr-ndj]

رد: شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

لا اذكر اني انا اذيت حد ولا قست احد الحمد لله محبوبة من كل الناس وgاع يشهدولي بيها واذا اذيت واحد ومايش عارفة نتمنالو يسامحنيمي انا حاجة واحدة مضايقتني مانيش عارفة كيفاش امي ظلمتني في بزاف صوالح مي انا عمري ما نزعل منها مهما كان هادي ميمتي وربي وصانا عليها تزعلني كتير بس ما اتمنالها الضرر ربي يخليها ليا ويفيقها على لي راها ديره فيا
وربي يخليلكم والديكم كامليييييين

الله يبارك ختى ربى يكثر من امثالك نشاء الله ربى يقدرنا باش ما نقيسو حتى واحد .......و فيما يخص الام عمرك ماتخلى روحك تخمى يهاد الطريقة مهما يكون راهى ام و جامى تنويلك حاجى عيانة ربى يخليهالك و يخليك ليها نشاء الله ....شكرا على المرور .....و المشاركة الطيبة

 

[chr-ndj]

رد: شكون لى قاسك و ماتسمحلوش و شكون لى قستو و متمنى يسمحلك؟؟؟؟؟؟؟؟؟؟؟

اللي راهو في بالي نقولو متمنية نسامحك و لكن الجرح اكبر بكثير على ان اسامحك و اللي نطلب منها السماح هي صاحبتي نوور نتمنى تسامحيني ماكانش قصدي و متمنية نرجعو كيما بكري

اهلا بيك ختى فى الصفحة شكراااا على صراحة ردك الطيب نشاء الله ربى يقدرك و تسامحى الانسان لى غلط فى حقك مهما يكون السماح مليح و لواحد يكبر قلبو و يدير النية مع ربى مايخليهش .....و صحبتك نووووور نشاء الله ربى يصفى القلوب و يرجعكم ك بكر ى و خييييير نشاء الله ....موفقة حبوبتى و شكراعلى المرور