تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

[ضآحكة مستبشرة]

السلام عليكم ورحمة الله وبركاته

نعلم ان العروس تحتاج الى عناية خاصة قبل يوم زفافها او خطبتها

فاذا كنتي عروس او مخطوبة فانظمي الينا
سنقوم بوضع كل ماتحتاجين اليه
قبل الزواج او الخطوبة
من نصائح واراشادات للبشرة وكيفية العناية بها،نصائح عن الشعر،طرق نزع الشعر،...الخ
فاعتني ببشرتكي وشعركي وجسمكي واكتسبي خبرة من عضوات المنتدى
فستحتاجين الى هذه النصائح فيما بعد
اذن هذا موضوع خاص بكل عرائس اللمة الجزائرية
من لها تساؤلات تضعها هنا
وان شاء الله ستلقى مساعدات

يدا بيد من اجل
الخروج بأجمل طلة عروس

تجــديد لموضوع الاخت ساندريلا زماني

​

 

[~خفة روح~]

رد: تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

ولي ما راهيش مخطوبة
ديقاش برا

​

 

[ضآحكة مستبشرة]

رد: تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

ايــآ برآ
معليه تبقى للتقرعيج على جديد العرائس هههههه​

 

[Ryry_Ndj]

رد: تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

السلام عليكم
بوركتي اسماء دائما مواضيعك هادفة
مي انا تاني انضم لسلمى ونروحوا برى هههههههههههه

 

[ضآحكة مستبشرة]

رد: تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

ههههههههههه لالا غير روحوا
و انا تان نروح معاكم هههههه
نتمنى انوا العرائس يتقبلوا الفكرة​

 

[~خفة روح~]

رد: تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

نقعد هنا هههههههههههه
نولي عروية بلى عريس

 

[ضآحكة مستبشرة]

رد: تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

ههههههههههه راهم غير العويتقات و الصغاآر هنا
اين العرآئس​

 

[ثَسْكُورْثْ نَثْدُوكْلِي]

رد: تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

هههههههههه
عجبتني تع سلمى نروحو برا
سلام عليكم اختي
شكراا على الموضوع الرائع
اتمنى يلقى تفاعل
تحياتي


​

 

[بنت الـ25]

رد: تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

اني هنااااااا سمسم
تسجيل حضور​

 

[ضآحكة مستبشرة]

رد: تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

شكرآ الاخت سارة نورتي

اهلآ بالعروسة الشابة يا عمري ان شاء الله تكوني اجمل عروس​

 

[ثَسْكُورْثْ نَثْدُوكْلِي]

رد: تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

شكرآ الاخت سارة نورتي

اهلآ بالعروسة الشابة يا عمري ان شاء الله تكوني اجمل عروس​

:$ نونو مزال حنونة نتفرج برك معاكم ونقرعج هذا مكان ا

مزال فارس الاحلام متخبي :love01:

ربي يرزقنا كااااامل الحلال ان شاء الله

ايا ابداي التسجيل من الاخت مينات :thumb_up02:

تحياتي
بالتوفيق

 

[ضآحكة مستبشرة]

رد: تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

ههههههههه علاش تفهمني بالنقـص ساقتلك ههههههههه :tongue02::tongue02:
انآ كنت على مينات ماشي عليه :p ههههههههههه :d:d
ان شاء الله يا حنونة ربي يرزقك فارس احلام ميخصوا لا زين لا دين ان شاء الله :love01::love01:​

 

[ضآحكة مستبشرة]

رد: تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

اني هنااااااا سمسم
تسجيل حضور​

السلام عليكم
يا جماعة هادي ختي بلاكم متتهلاوش فيها راني نقتلكم بالوحدة
ردوآ بالكـم هادي لالات لعرايس

امونة انا نقولك نحبـك يا حنونتي و يا ختي :love01::love01:

​

 

[مطبخ الأحلام]

رد: تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

والي مشي مشي مخطوووووبة ماتشاركش ؟؟

هههههههههههه نضحك برك الله يسخر لكل وحدة ويكملها بالحير

شكرا على تجديد الموضوع من جديد الا قدرت نساعد راني فالخدمة ​

 

[ضآحكة مستبشرة]

رد: تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

هههه حنونة سوسو الكل يشارك
باش الي ميعرفش يستفيد و الي يعرف يفيد
نورتي​

 

[لحن الهدى]

رد: تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

قصدكم نضع نصائح عندي نصيحة بعد ان شاء الله نحطها قراتها واعجبتني نكمل شغل البيت ونجي

 

[ضآحكة مستبشرة]

رد: تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

الموضوع يا اختي مخص لكل شيء
لدردشة و الملابس
و الجهاز و التصديرة و المكياج و التسريحات و النقشات و كل شيء​

 

[بنت الـ25]

رد: تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

السلام عليكم
يا جماعة هادي ختي بلاكم متتهلاوش فيها راني نقتلكم بالوحدة
ردوآ بالكـم هادي لالات لعرايس

امونة انا نقولك نحبـك يا حنونتي و يا ختي :love01::love01:

​

يا عمرييييييييييييي
قتلتيتي قتلتيني
شوفي اني نعرضك ان شاء الله كون متجيش نقتلك انا
خخخخخخخخخخخخخخخخخ
ربي يخليك ليا حبيبتي انتي اختي التي لم تلدها أمي أسووووم
متابعة خاطر مزال عرسي مطول :regards02:
​

 

[ضآحكة مستبشرة]

رد: تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

ان شاء الله ربي يهنيك يا حنونتي و يا ختيتي
و زواج الدهر مع تمنياتي لك السعادة و الهناء​

 

[لحن الهدى]

رد: تألقي قبل موعد زفافكي-صالون عرائس اللمة الجزائرية 2015 للخروج باحسن طلة-

شوفو هدي اخت يجازيها خيرا نصيحتها مليحة
شوفو أهم حاجة فالعلاقة الزوجية هيا النضافة الشخصية و الترتيب في الملابس ونظافتها حبيت نقلكم النظافة راهي أهم من التزين وراجلك لازم دايما يشوفك مضيفة في روحك وتهتمي بنضافتك

-أولا:نبداو بالملابس وخاصة الملابس الداخلية
1_كي تتزوجي كتري من الملابس الداخلية خاطر تحتاجيهم ........أما طريقة المحافظة عليهم هيا كالتالي: كل يوم ديري لي بروتاج وبدليهم كل ثلاث مرات و فاليل بدليه و أغسليه. وحطيه يشيح حتى غسيلو يجيك ساهل وغسيل الملابس الداخلية يفضل يكون باصابون لافارج أيام الدورة الشهرية ديريلهم ملابس داخلية خاصة بيهم ويفضل يكون لونهم أسود أو أي لون غامق باه يسهلو للغسيل و ما يبانوش فيهم لي طاش نتاع العادة
الملابس الداخلية مالازمش راجلك يشوفهم مسخين ردي بالك باه ما يعيفكش مثال هههههه كون يجي داخل و يتلاح عليك على الأقل يلقا لباسك الداخلي مضيف
2_لباسك اليومي تاني لازم تحافضي عليه........,.فاليل ترقدي بحاجة و فالنهار تلبسي حاجة وحدة أخرى للشغل وكي تخلصي الشغل بدلي حوايجك معناها حتى ملابس الشغل حاولي تحافضي عليها و الخدمة نتاع المطبخ توجور تلسي الطابلية وفالطابلية ديما سارفيات تمسحي فيها يديك
ديري لباس خاص للميناج لكبير باه ما تفسديش حوايجك
قشك حاولي تخليه دايما مضيف وما تغسليهش بزاااف باه يبقى دايما مضيف

-ثانيا: النظافة الشخصية:
1_كل يوم ديري دوش ولا أمسحي كااامل جسمك و ديري ستيك و لا شب وديري كريمة مرطبة وبودر ديري بارفان مليحة دايما عطري خزانتك ......شعرك كل أمشطيه و رتبيه وعطريه شعرك هو أول حاجة تبداي عليها يومك
2_المنطقة الحساسة لازملها عناية خاصة أشري صاكة صغيرة وحطي فيها الأدوات التالية صابون لافارج + زيت الورد +بودر بيبي + فوطة نتاع التنشيف خاصة بيك لازم تغسليها بإستمرار هاد الصاكة لازم تحطيها فا الحمام وكل ما تقضي حاجتك وبعد كل غسلة نشفي روحك و أمسحي بزيت الورد يعطيك رائحة جميلة وبياض دائم و من باعد رشي تالك بيبي بعد ما ديري زيت الورد باه تبقاي ناشفة ورطبة وريحتك مليحة
3_فمك و أسنانك لازم بعد كل أكلة أغسلي أسنانك بالمعجون والفرشاة و أشري غسول خاص لرائحة الكريهة إستخدمي المسواك بعد كل صلاة إوصانا بيه رسولنا الكريم عليه أفضل الصلاة والسلام
4-الرجلين ثم الرجلين لأن الرجل يعتبرهم أكثر مناطق إثارة لكان لقاهم كحل و ماشي مضاف يكرهك ما تمشيش حافية رطبيهم دايما بالفازلين ألبسي جوارب باه يبقاو رطبين ديريلهم كل أسبوع جلية خاصة باتقشير الجلد الزائد ..... ماننساوش تاني اليدين فالمطبخ دايما حطي كريم خاص بيديك كي تكملي الشغل رطبيهم وفالأخير نقلكم نتمنا تكونو إستفدتوا من هاد النصائح و نحب نقلك تاني ما تنسايش نظافة بيتك.