تألقي قبل موعد زفافكي-صالون عرائس اللمة الجزائرية للخروج باحسن طلة-

[امل2823]

rouhi lal pharmacianne ya3tiki haja mliha
w diri les gommage ame mlah

 

[السلطانة]

جربته اختي سندريلا باسبوع قبل زفافي واش نقولك الكل انبهر من نتيجته
يرجع الوجه مرايا وينزع كل الخلايا الميتة المتراكمة على الوجه ويعطيه بيوضة روعة واذا بغيتي تكملي بالكوماج كريمة راه ثاني يمشي مع قناع الطفل
شكرا للمعلومات الدقيقة حبيبتي بالتوفيق للجميع

اهلا اختي
شكرا على الاضافة الطيبة
هو فعلا قناع رائع
ان شاء الله يتسافدو منو كامل لبنات

 

[ميديآ]

هادي الوصفة مدتهالي بنت خالي كانت ديرها قبل ماتزوج
ترطب وتبيض الجسم
تستعملها بعد الاستحمام
4 مغارف كبار نشاء
4 مغارف حليب دافئ
مغرفة كبيرة نيفيا أو اي كريم تستعمليه
عصير حبة قارص
ماء الورد حتى يتلم الخليط
وديريه على جسمك بعد الاستحمام وتخليه حتى ينشف
وتشليه مليح..
​

يعطيك الصحة ع الوصفه

 

[SAMOURA]

لسلام عليكم ورحمة الله وبركاتة

انا زواجي قريب وندي الحناء لشعري وراني حابة نصبغوا سألت الحلاقات قالوا ماتقدريش الابعد 6شهور وانا معنديش بزاف ملي درتلو الحناء
هل صحيح ؟؟وماكانش وحدة جربت تصبغ وهي متحنية ؟؟ وهل في صبغة تنفع مع الحناء عادي ؟؟
وانا سمعت انة الصبغة الحمراء تصلح اذا كنت متحنية ؟؟

حبيت اسألكم افيدووووووووني بليييز زواجي قريب

 

[السلطانة]

درك نحاول نراسل العضوات
لي عندهم تخصص في هاد المجال باه يجابوك اختي
للأسف انا معنديش خبرة في واش سقسيتي
​

 

[Dalida1993]

مبرووووووووووووووووووك عليكم

 

[Dalida1993]

شكراااااااااااااا ع موضوع الحلو بارك الله فيك​

 

[السلطانة]

نتمنى ان تشاركنا كل عروس
وكل من كانت لها تجارب سابقة
​

 

[السلطانة]

اليوم نقلت لكم طريقة صينية لشد وتبيض وتنظيف
الوجه أتمني تستفيدوامنها:

اولا--
نأخذ سكر مطحون ثم نبلل الوجهبالماء
ونقوم بمسح الوجه بالسكر مثل التدليك
ثم نأخذ منشفه مبللهونمسح الوجه بها من آثار السكر

ثانيا--
بعد ذلك نضع بياض بيضه مخفوق جيدا توضع علىالوجه وعندما تلاحظي أن وجهك أصبح
مشدودا من البيض اغسليه

ثالثا--
ثم مرري على الوجه قطعة ثلج من ماء الورد((أي نأخذ ما ء ورد ونضعهفي علبه وفي الفريزير
وكل مره قبل النوم مرري قطعه منه)) على وجهك فهي رائعه
فماءالورد منور طبيعي هائل للبشرة
​

 

[nawal 88]

لسلام عليكم ورحمة الله وبركاتة

انا زواجي قريب وندي الحناء لشعري وراني حابة نصبغوا سألت الحلاقات قالوا ماتقدريش الابعد 6شهور وانا معنديش بزاف ملي درتلو الحناء
هل صحيح ؟؟وماكانش وحدة جربت تصبغ وهي متحنية ؟؟ وهل في صبغة تنفع مع الحناء عادي ؟؟
وانا سمعت انة الصبغة الحمراء تصلح اذا كنت متحنية ؟؟

حبيت اسألكم افيدووووووووني بليييز زواجي قريب

صحيح أختي اذاكنتي مدايرا الحنة موحال تخرجلش الصبغة اياكي وتغامري والله تخرجلك تعيف
كان حل واحد انك تصبغيه لصبغة قريبة لون الحنة انت شوفي شحال من حلاقة هي تكون أدرى
اياكي ثم اياكي تصبغيه بلون آخر نصيحة مني ليك​

 

[ميناتة]

السلام بنات اللمة
انا عندي مشكل الاسبوع اللي فات خرجت مع خطيبي و قعدنا في حديقة مقابلين الشمس وما حسيتش بالوقت ... مرت ثلاث ساعات والشمس في وجهي اصبح وجهي احمر ومبعد كحال ولا قاع كحل وبانوا حدود الخمار سلكوني الله يجازيكم كل خير وانا عرسي في جوان

 

[nadin86]

موضوع رائع _ بصيفتي مخطوبة راح نمدلكم وصفة مجربة لتبيض المناطق السوداء (صابونة دوف مبشورة على نار هادئة +ماء الورد او حليب+6م ك عصير ليمون+1 م ص جلسرين مع التحريك ثم نضيف زيت اللوزنضعه في علبه زجاجية تستعمل قبل الحمام.

 

[sallyqueen]

شكرا على الموضوع الرائع
عندي استفسار عن قناع الطفل هل هذا هو اسمه الحقيقي؟؟ يعني كي نروح نشري نقول قناع الطفل نورمال؟؟
واذا ممكن تحطولنا صورته
ربي يجازيكم​

 

[السلطانة]

شكرا على الموضوع الرائع ​

عندي استفسار عن قناع الطفل هل هذا هو اسمه الحقيقي؟؟ يعني كي نروح نشري نقول قناع الطفل نورمال؟؟
واذا ممكن تحطولنا صورته ​

ربي يجازيكم​

العفو اختي
ايه تلقاي مكتوب على العلبة تاعو قناع الطفل او قولي لصاحب لمحل يعطيك قناع الطفل يمدهولك اسمو هك
الكابل تاعي خارب لوكان رني صورتلك لابوات

 

[السلطانة]

موضوع رائع _ بصيفتي مخطوبة راح نمدلكم وصفة مجربة لتبيض المناطق السوداء (صابونة دوف مبشورة على نار هادئة +ماء الورد او حليب+6م ك عصير ليمون+1 م ص جلسرين مع التحريك ثم نضيف زيت اللوزنضعه في علبه زجاجية تستعمل قبل الحمام.

بارك الله فيكي اختي
على الوصفة المجربة ان شاء الله تستفاد منها كل عروس

 

[ميناتة]

بارك الله فيك اختي

 

[الاء هبة الرحمن]

لسلام عليكم ورحمة الله وبركاتة

انا زواجي قريب وندي الحناء لشعري وراني حابة نصبغوا سألت الحلاقات قالوا ماتقدريش الابعد 6شهور وانا معنديش بزاف ملي درتلو الحناء
هل صحيح ؟؟وماكانش وحدة جربت تصبغ وهي متحنية ؟؟ وهل في صبغة تنفع مع الحناء عادي ؟؟
وانا سمعت انة الصبغة الحمراء تصلح اذا كنت متحنية ؟؟

حبيت اسألكم افيدووووووووني بليييز زواجي قريب

مساء النور انا حنيت شعري 3مرات وراء بعض ومن بعد صبغتو اكاجو فيولي وخرجلي اللون راااائع

 

[@احساس طفلة@]

السلام عليكم
أولا انا فرحانة بزاف كي انضميت ليكم ونتمنى كل عروس او مخطوبة تلقى الي تحتاجو من نصائح هنا
أنا مخطوبة عرسي مزال بصح حفل الخطوبة قريب
حبيت نسقسي قناع الطفل انا جامي سمعت بيه ممكن تقولولي وين يتباع في لافارماسي مثلا ولا وين ؟؟؟؟​

 

[الورد الأحمر]

السلام عليكم
أولا انا فرحانة بزاف كي انضميت ليكم ونتمنى كل عروس او مخطوبة تلقى الي تحتاجو من نصائح هنا
أنا مخطوبة عرسي مزال بصح حفل الخطوبة قريب
حبيت نسقسي قناع الطفل انا جامي سمعت بيه ممكن تقولولي وين يتباع في لافارماسي مثلا ولا وين ؟؟؟؟​

يتباع عند الكوسميتيك عادي ... راهي بوات فيها معجون أخضر اللون
تحطيه في وجهك وتخليه حتى يشيح ويتبدل لونو يرجع أخضر فاتح و
وللعم راه يحرق حتى يدمعو عينيك يعني ما تتخلعيش ... كي يشيح
تنحيه من وجهك بالقطن المبلل بماء الورد وما تغسليش وجهك
رايحة تلاحظي فرق في البياض وحتى النعومة
ســلامي
​

 

[@احساس طفلة@]

يتباع عند الكوسميتيك عادي ... راهي بوات فيها معجون أخضر اللون
تحطيه في وجهك وتخليه حتى يشيح ويتبدل لونو يرجع أخضر فاتح و
وللعم راه يحرق حتى يدمعو عينيك يعني ما تتخلعيش ... كي يشيح
تنحيه من وجهك بالقطن المبلل بماء الورد وما تغسليش وجهك
رايحة تلاحظي فرق في البياض وحتى النعومة
ســلامي
​

شكرا أخت نور انشاء نلقاه