تعبت من عقلية الناس

[MIMI 33]

تاخر بي قطار الزواج فلم يعد لي الحق في التعبير عن مشاعري مهما كانت كلما تكلمت او اشتكيت من شيء ما الا واجد من احدثهم يربطونه بالزواج وكان الدنيا متوقفة على رجل وكان الامر بيدي .

تعبت والله

 

[sahiko hamza]

رد: تعبت من عقلية الناس

سلام عليكم ورحمة الله


الكلام هادا يديك لطريق مشي مليحة يا الاخت
انا ننصحك بالصبر والله ماتعرفي مكتوبك كيفاه يجيك
انتي لي يهمك هو دينك قبل الزوج
ديريها في بالك وقوي ايمانك اختي بالله ..


​

 

[Oussama.GF]

رد: تعبت من عقلية الناس

سلام عليكم
اخطيك اختي من هاذي الهدرة
ونشاله راهوا معاك ربي
​

 

[سفيان اسلام]

رد: تعبت من عقلية الناس

لاتقولي هكدا اختي
خلي تقتك بالله قوية
فان الله ما أشقاك إلا ليسعدك
وما أخذ منك إلا ليعطيك ربي يعطيك ماتتمني اختي
ونشالله ربي يعوضك على كامل لي راح

 

[MIMI 33]

رد: تعبت من عقلية الناس

مشكورين على الردود اخوتي الكرام

 

[SOFIANE020]

رد: تعبت من عقلية الناس

مدامك عايشة ما تقوليش هكذا
يجيك مكتوبك في اي لحظة ان شاء الله
لا تقنطي من رحمة الله ختي

 

[بنت الـ25]

رد: تعبت من عقلية الناس

هدا تفكير رجعي ومتخلف اختي ميمي
هادو اللي راكي تحكي عليهم راهم كي شافوك تتأثري من هدا الموضوع ويقيسك ولاو يتعمدو يحكيو فيه قدامك وكيما قلتي يربطوه بكلشي
كيما يتعمدو يهدرو على الأولاد قدام المرا اللي ما نابش عليها ربي بالذرية
وكيما يتعمدو يحكيو على الفوخ والزوخ والمظاهر قدام شخص فقير
ويتعمدو يحكيو على الماكلة قدام انسان صائم ....الخ
الناس راهي فارغة شغل ويحبو يللقاو امور يعمرو بيهم الفيد ما تعطيهمش فرصة باش يعمرو الفيد بحكاياتك
انتي كوني على ثقة تامة انو ربي يا إما شايفلك فيها خير
ولا واعدك بنصيب أحسن جزاء لصبرك
فلا تقنطي من رحمة الله ، إنه لا يقنط من روح الله إلا القوم الظالمون​

 

[السلطانة]

رد: تعبت من عقلية الناس

ماتقلقيش روحك بهدرة الناس اختي

كاين لي تتزوج ويتوفى راجلها وتصبح أرملة !!!

علاه يحبو يقيسو العبد ربي يهديهم برك

باه تعيشي هانية طيشي عليك هدرة العرب

مكتوب ربي واحد مايدخل فيه

ربي يرزقك الزوج الصالح يارب

ام كاين لي تزوجو واطلقو وكاين لي داو رجال ميسواوش وعايشين في الهم يسلتو

 

[السلطانة]

رد: تعبت من عقلية الناس

هدا تفكير رجعي ومتخلف اختي ميمي
هادو اللي راكي تحكي عليهم راهم كي شافوك تتأثري من هدا الموضوع ويقيسك ولاو يتعمدو يحكيو فيه قدامك وكيما قلتي يربطوه بكلشي
كيما يتعمدو يهدرو على الأولاد قدام المرا اللي ما نابش عليها ربي بالذرية
وكيما يتعمدو يحكيو على الفوخ والزوخ والمظاهر قدام شخص فقير
ويتعمدو يحكيو على الماكلة قدام انسان صائم ....الخ
الناس راهي فارغة شغل ويحبو يللقاو امور يعمرو بيهم الفيد ما تعطيهمش فرصة باش يعمرو الفيد بحكاياتك
انتي كوني على ثقة تامة انو ربي يا إما شايفلك فيها خير
ولا واعدك بنصيب أحسن جزاء لصبرك
فلا تقنطي من رحمة الله ، إنه لا يقنط من روح الله إلا القوم الظالمون​

صح هاذي راني عايشتها مينا
وحدة تعملهالي بالعاني
تضال تهز في ولدها وتبوس فيه وتلعب معاه باه غير تقيسني
بصح معليهش ربي كريم

 

[بنت الـ25]

رد: تعبت من عقلية الناس

صح هاذي راني عايشتها مينا
وحدة تعملهالي بالعاني
تضال تهز في ولدها وتبوس فيه وتلعب معاه باه غير تقيسني
بصح معليهش ربي كريم

ما تعمريش راسك شوشو
انتي راكي هدا وين قلتي بسم الله يا زواج
علاواه مشلوفين؟
نهار ربي يأذن بالولاد يجيو
ماما تاني هكدا صراتلها كي تزوجت 3 سنين مكان والو
بابا ماش مكسر راسو وعلابالو شي بيد ربي
مي الناس اللي من ومنهيه هوما اللي يشعلو فالنيران
وفاللخر جابت 3 خواتاتي في زوج وأخي على روس بعضاهم
بينهم عام عام عام
هيا وعلاش ؟ شتاو برك جرحوها
الانسان في هاد الصايبات اللي يعرف حبيبو من عدوه
ربي يبعد علينا لخرين
ربي يرزقك ما تتمناي شوشا

 

[آهات القلب]

رد: تعبت من عقلية الناس

اختي هذا بيد الله
اتركي الناس تقول ما يحلو لها
لو شاف ربي فيه الخير الزواج ليك لكان راكي تزوجتي لكن الله ادرى و اعلم
الله يوفقك اختي الغالية و ربي يرزقك الزوج الصالح و لا تصغي الى كلام الناس و الله كلامهم ليقتل
اختك في الله

 

[MIMI 33]

رد: تعبت من عقلية الناس

الله يرزقكم امنيتكم
الف شكر على الردود والله ارتحت وتذكرت هذا مكتوب ربي والخير فيما اختار الله

 

[hadil21]

رد: تعبت من عقلية الناس

لي خلق مايضيع

 

[صلوا على النبي]

رد: تعبت من عقلية الناس

اخــــــتي والله نحكيلك على قصة قريتها فالانترنت ومعلباليش اذا صح ولا لالا
المهم هذي مرا مجهاش المكتوب حتى لحقت 40 سنة
وف 40 على حسب علمي تكون الولادة صعيبة .. ولكن ربي سبحانو عطاها 3 توام ومخلهاش تتعذب وتموت وحتى ولو تاخر مكتوبك متتقلقيش
مالا ماعليك سوى بالصلاة والدعاء وخاصة صلاة الاستخارة
وتقبلي مروري وكي اليوم ان شاء الله تفرحينا ونجي لعرسك ان شاء الله

 

[MIMI 33]

رد: تعبت من عقلية الناس

فرحت جدا بردودكم المطمئنة للنفس ويارب فرجك عاجل غير اجل
اللهم امين

 

[Hakan]

رد: تعبت من عقلية الناس

اختي في الله حينما قرات سطري موضوعك صدقيني سقطت دمعة من عيني
حينما تذكرت من لايملك قدره ومن لم يستطع ان يستعفف بالزوااج
لا تأسفي اختي هذه الدنيا مكاتيب والله يعلم ما في القلوب
صدقيني الزمي الله وستجدينه امامك
لاول مرة اقرا موضوع لانثى ويؤثر في كل هذا التاثير
لم اجد ما اقوله سوى سترك الله ​

 

[stelllo]

رد: تعبت من عقلية الناس

كلام الناس جاع مايخلص

 

[sofia_elak]

رد: تعبت من عقلية الناس

سلام عليكم
اختي صدقيني هاد المشكل مش غير عندك برك
راه عند بزاف اخوات
و احدى الاخوات هي قريبتي
وللاسف الشديد المشكل لا ينحصر فقط بالمعنية بالامر وانما اطراف ثانية
يجعلونها محبطة باحباطهم و خوفهم عليها
اقصد بهذا (الاهل) والاقارب بالدرجة الاولى
لماذ هذا التشائم مادام الزواج مكتوب ومقدر من عند الله عز وجل
ماعاساكي غير الصبر اختاه
صدقيني تعيي روحك في باطل
بالتخمام لانو الحل مش تماك
الحل انك تتوكلي على ربي سبحانه
وانك متسمعيش لهدرة الناس
باسكو شي ناس ومعظمهم شغلتهم الوحيدة اجحباط الناس
خلي ايمانك بربي قوي ومتخليش كائن بشر يهزلك هاداك الايمان
وربي يجيب لي فيه الخير غير حنا منعرفوش صلاحنا سي تو
وشكرا
​

 

[مهدي الثعالبي]

رد: تعبت من عقلية الناس

قولي حسبي الله و نعم الوكيل ، لا يلام شخص على ما لا دخل له فيه ، ادعو الله ان يحقق لك مبتغاك امين يارب العالمين

 

[مابقاش بزاف.Dz]

رد: تعبت من عقلية الناس

لا تسمعي لكلام هؤلاء الناس
اشغلي نفسك بمصاحبة الصالحات و بالذكر و الاستغفار و ربي يفرج عليك و هذا مكتوب ما تدريش ربي يفرج
ربي يعاونك الاخت