رد: أكتب مــآقــآله قلبــك باختـــصــآر ~ملحق 05~
هيك متل هل وقت، لما بنامو اهلك وبخف الصوت، بتطفي الاضويه وبتطفي الكبرياء،وبتسهر ع موال بصوت مبحوح. بصوت الحنين بصوت الانين، وراهن بصفو الذكريات، ذكرى بتعذف ناي وذكرى بتعذف كمنجا وبطول السهر.. بتسأل حالك عن حالك ،انت حزين يا ترى هو حزين ،عم يسمع غنيه حزينه ولا ضحكتو ماليه الفضا،حوليه ذكرياتو متلك ولا نسي كلشي مضا.بعدا الحبه طالعه ع خدو، لسى خجلان منها، بعدو بيتخانئ مع إمو ومابياكل لحمه،سمنان نحفان؟اييييه كل يوم هي سيرتي قبل النوم ،طب اشتقتلو وحياة الله اشتقتلو، بس هو دب تغير معي، وبيستاهل كلشي صار، كل حدا حولي عم يتغي،ر ماقصني هو كمان والله مو ناقصني، بتقرر انك ماعاد تفكر فيه. بترمش رمشتين ، بتغمض دقيتين بتفتح عيونك عصوت امك الي عم تفيئك ،ماما قوم حاجتك نوم. بتلتفت حوليك ،نامو الذكريات ونام العذف، بتقلا اه يا ماما، وبتعيش كم ساعه مع رفقاتك واهلك وغربتك، وبترجع بلليل عنفس المكان ع نفس الموعد عنفس الحفله، بتطفي الأضويه وبتطفي الكبرياء،وبطول السهر.
