BUS باطل سافر مرتاح يا مواطن

[BLEU PEARL]

رد: BUS باطل سافر مرتاح يا مواطن

فركيتني بأيامات الجامعة
أنت راك في رحمة ربي تطلعي من الباب أحنا كنا ندخلو من النوافذ
الإنسان يخرج من لافاك عيان باغي يطيح
إما مايصيبش البيس ولا يصيبه معمر
ونصهم خاطي الطلبة
كنت ديفوا نحكها نمشي على رجلي حتى الإقامة
واحد العام جابولنا واحد الشيباني شوفار تاع بيس زعما حاج بيت ربي
يا إما نصيبوا البيس وهو مانصيبوهش ولا مانصيبوهمش في زوج
عيينا مانهدروا مابغاش يحشم حتى لحق واحد قريب ماضربه
والقهوة تاع الصباح نصيبه هو الأول يتقهوى عندنا في المطعم الجامعي
مخلي دار تاعه ويجي يشرب في البروميل
أنا ماكنتش نشربه
ناس عايشة باطل وتقول البلاد ماهيش مليحة
مازال 4 سنين !!!
ربي يكون في عونك
وماعليش غادي توالفي

​

واشمن يامات بكري ياخويا ههههه مازالو يطلعو من التاقة هههه
كيما قلت تجي طامع في بلاصة حتى وين توقف ماتلقاش
وصحاب الكوس خلي وخلي ونهار يديرو كورس فالطرق وحنا كي السردين نتخابطو هههه
هادي هي عايشين باطل ومامهنين رواحهم ما مهنينا
خويا 4 سنين هذيك شحالىطولت فيها بانتلك 10 سنين هههه
وسوستني
ربي يكون فعون الجميع شكرا لك
والفت خوبا والفت حاجة مليحة فالجزائرين يحملو الهم هههه:graduation:
سلام:regards01:
​

 

[BLEU PEARL]

رد: BUS باطل سافر مرتاح يا مواطن

عبير غير روحي واستشفاي على اﻷقل ماتعانيش هههه
ربي يهنيك حنونة ويحققلك ماتبغي

 

[BLEU PEARL]

رد: BUS باطل سافر مرتاح يا مواطن

سلام عيلكم
حاجة لمليحة هي رحلة بلاش

ههههه هذا ماكان

 

[آمِيْرَتُه]

رد: BUS باطل سافر مرتاح يا مواطن

السلام عليك
الحافلة نتاع الطلبة انا عطيتها الف تسمية منها سوق منها صالون حلاقة منها صالون للعشق و الغرام منها حوش الجيران ههه تشوفي العجب فيها
و الكارثة تلقي مواطن و لا مواطنة يزاحم فيك على بلاصة و هو خاطي الجامعة
فكرتيني بوحدة تزاحم و تركب تخدم معلمة و الله وين نسكن لهذيك البلاصة لي تقري فيها تخلص برك 10دج لأن مش بعيدة 20 دقيقة وراكي وصلتي املا ديرنا بروبلام تركب و تزيد تحبسه و الطريق شحال من مرة يتقابض معها لكن متحشمش تعاودها و تعاودها حتى جابت العام معنا ههه تشوفي العجب و الله
مشكورة على الموضوع

 

[BLEU PEARL]

رد: BUS باطل سافر مرتاح يا مواطن

السلام عليك
الحافلة نتاع الطلبة انا عطيتها الف تسمية منها سوق منها صالون حلاقة منها صالون للعشق و الغرام منها حوش الجيران ههه تشوفي العجب فيها
و الكارثة تلقي مواطن و لا مواطنة يزاحم فيك على بلاصة و هو خاطي الجامعة
فكرتيني بوحدة تزاحم و تركب تخدم معلمة و الله وين نسكن لهذيك البلاصة لي تقري فيها تخلص برك 10دج لأن مش بعيدة 20 دقيقة وراكي وصلتي املا ديرنا بروبلام تركب و تزيد تحبسه و الطريق شحال من مرة يتقابض معها لكن متحشمش تعاودها و تعاودها حتى جابت العام معنا ههه تشوفي العجب و الله
مشكورة على الموضوع

وعليك السلام أختي أهلا بيك منيني والله التسميات هاذوك الكل وقلال
يزاحمو ويقولك تزاحمو تراحمو ههههه ياو فاقو
والله ياهاذ المرأة قالتلهم ارقدو ويقولو السامط يغلب القبيح
تهنيتي ختيتي من الكوس مازالني نزيد نسوفري هههه
ألف شكر لك ياطيبوبة على المرور​

 

[السلطانة]

رد: BUS باطل سافر مرتاح يا مواطن

وعليكم السلام
من المفروض الركبة تكون ببطاقة النقل
علاه حتى يخلو الحالة توصل هك
ماكفاش الغاشي تاع الطلبة يزيدو يلحقولكم الاشكال هاذي تاع الناس
نشفى لروحي منين كنت نقرى كنا نواجهو نفس المشكلة
مباعد في عامي الاخير زعم دارو العفسة تاع بطاقة النقل
وشحال حكمنا عليها الضحك 4سنين وهي عندنا مادرنا بيها والو في العام اللخر قالك خرجها ولامتركبش
شعب مكرفص
ودولة رايحة فيها طول عرض
ان شاء الله تتحل هاد المشكلة لأنو كاين عباد ميحشموش طول
ربي يهديهم برك
شكرا حبيبتي

​

 

[Oussama.GF]

رد: BUS باطل سافر مرتاح يا مواطن

سلام عليكم
باغي نجرب هادي فكرة
نروح نسافر بصح خسارة كي عاد تاع جامعة

 

[BLEU PEARL]

رد: BUS باطل سافر مرتاح يا مواطن

الله يهدي ماخلق ساندي كلشي بالعوج والله حايرة واش راح يخرج من لغدوة

 

[BLEU PEARL]

رد: BUS باطل سافر مرتاح يا مواطن

سلام عليكم
باغي نجرب هادي فكرة
نروح نسافر بصح خسارة كي عاد تاع جامعة

وعليكم السلام
جربها مادام باطل تقدر تهبط قبل مايحط فالجامعة وحوس وين بغيت هههههه