الفليكسى ورصيدكم غير كافى لاجراء المكالمة

[ام اشراق]

رد: الفليكسى ورصيدكم غير كافى لاجراء المكالمة

وعليكم السلام والله صح يااختي الدراهم تروح في الفليكسي

انا قبل ماكنتش نفليكسي بزاف بصح منلي تزوجت باه نهدر مع لميمة

كل يوم عشر آلاف

حتى والنت كاينة بصح نحتاج التيليفون اكثر


هملة وخلاص هههه

شكرا

وعليكم السلام اهلا بالاخت ساندى
هو صح مهم فى حياتنا وضرورى مى تلقاى ناس تستخدموا للتفاهات وحتى لازعاج الغير
كما قلتى هملت ربي يعطينا لعقل وخلاص
شكرا لكرم المرور ربي يهنيك

 

[SOFIANE020]

رد: الفليكسى ورصيدكم غير كافى لاجراء المكالمة

هههههه والله غير صح شعب مريض
عن نفسي كي يخلاصلي الكريدي نحس ينقصني حاجة
حتى لي نفليكسي باه نريح
عجبتني تاع خضار وداير فليكسي ههههه مليحة
الله يحفظك ختي

 

[ام اشراق]

رد: الفليكسى ورصيدكم غير كافى لاجراء المكالمة

هههههه والله غير صح شعب مريض
عن نفسي كي يخلاصلي الكريدي نحس ينقصني حاجة
حتى لي نفليكسي باه نريح
عجبتني تاع خضار وداير فليكسي ههههه مليحة
الله يحفظك ختي

مريض ومدمن ومكاش ليه دواء ههه
صح والله شفتها فى التليفزيون خضار وداير فليكسى وphotocopie علاه قالولك راهم يلعبوا ياو الفليكسى فيه الفايدة خير من الخضرة ههه
تعيش سفيان ربي يخليك

 

[Skor m@k]

رد: الفليكسى ورصيدكم غير كافى لاجراء المكالمة

السلام عليكم

والله ختي نور عندك الحق ولا الفليكسي ادمان
مي كاين وحد الناس يلقاها سايبا
كل يوم أرا أونيتي تقول دراهم الخليفة لفليكسيت بيهم
ويزيد يقولك ياخي متسحاقهومش هاذي مليحة هو ميفليكسيش ويزيد يحل فمو
أنا والله معدت نفليكسي بزاف 100 فال15 يوم تكفيني
بارك الله فيك نور ​

 

[Perle Blanche]

رد: الفليكسى ورصيدكم غير كافى لاجراء المكالمة

عليه افضل الصلاة والسلام
تعيشى ربي يخليك اختى
للضرورة ماقلناش بصح كاين يصرفوا عليه اكثر من اللازم وبلا فايدة
هههه لازم اتصالات الجزائر تشوف حل لتلك الجملة
شكرا لكرم المرور ربي يخليك

ايه لي راهم يصرفوو عليه أكثر من لازم راهي تبالهم حاجة ضرورية
و صدقيني راهي غير مؤقتة برك
ياووو نهار يجيبو الدراهم بيديهم يحسبولهم
والله انا في بالي يبدلوهاا كرهناها وكرهتنااا مسكينة
​

:regards01:

 

[ام اشراق]

رد: الفليكسى ورصيدكم غير كافى لاجراء المكالمة

السلام عليكم

والله ختي نور عندك الحق ولا الفليكسي ادمان
مي كاين وحد الناس يلقاها سايبا
كل يوم أرا أونيتي تقول دراهم الخليفة لفليكسيت بيهم
ويزيد يقولك ياخي متسحاقهومش هاذي مليحة هو ميفليكسيش ويزيد يحل فمو
أنا والله معدت نفليكسي بزاف 100 فال15 يوم تكفيني
بارك الله فيك نور ​

هذوا عايشين عالة على الناس وبلاك تلقاه يفليكسى كثر منك بصح يحوس يبروفيتى
ربي يهدى ماخلق
الله ابارك فيك اخى مالك على كرم المرور ربي يخليك

 

[ام اشراق]

رد: الفليكسى ورصيدكم غير كافى لاجراء المكالمة

ايه لي راهم يصرفوو عليه أكثر من لازم راهي تبالهم حاجة ضرورية
و صدقيني راهي غير مؤقتة برك
ياووو نهار يجيبو الدراهم بيديهم يحسبولهم
والله انا في بالي يبدلوهاا كرهناها وكرهتنااا مسكينة
​

:regards01:

ماشكيتش بلى تتبدل الحية راهى غير تزيد الا اذا اخترعوا اولقاو بديل اخر هههه
تعيشى حنونة على المرور العطر ربي يخليك

 

[أم منيــــــر]

رد: الفليكسى ورصيدكم غير كافى لاجراء المكالمة

السلام عليكم
يعطيك الصحة نور على الموضوع
كاينة صح ويقولك لازم التلفون ما يبقاش فارغ
لي يفليكسي على خاطر حاجة نتع فايدة يكون خدام ول بعيد على ولادو ما فيها والو بالسيف عليه بصح لي يفليكسي باش يبق يحكي مع لبنات بالساعات وهو ما لاقيش واش ياكل هادي الكارثة
انا شحال من مرة يكون رصيدي فارغ لما نحتاج الزوج نتاعي نديرلو ميساج ...آبل موا..و هي فرات
صراحة ما نحبش نحكي بزاف فالنقال كلمة زوج و خلاص
بصح مليح يكون عندك رصيد تصرا معاك كانش حاجة تلق على ىالاقل باش تتصل وتطلب المساعدة
يعطيك الصحة نور و ينور ايامك مواضيعك دائما مميزة
​

 

[أم منيــــــر]

رد: الفليكسى ورصيدكم غير كافى لاجراء المكالمة

شكرا لك نور
بارك الله فيك حكيم :regards01:
​

 

[الرومنسي الجاد]

رد: الفليكسى ورصيدكم غير كافى لاجراء المكالمة

مليح لي معنديش بورتابل ..

وعاشت الأرانب سعيدة ​

 

[ام اشراق]

رد: الفليكسى ورصيدكم غير كافى لاجراء المكالمة

السلام عليكم
يعطيك الصحة نور على الموضوع
كاينة صح ويقولك لازم التلفون ما يبقاش فارغ
لي يفليكسي على خاطر حاجة نتع فايدة يكون خدام ول بعيد على ولادو ما فيها والو بالسيف عليه بصح لي يفليكسي باش يبق يحكي مع لبنات بالساعات وهو ما لاقيش واش ياكل هادي الكارثة
انا شحال من مرة يكون رصيدي فارغ لما نحتاج الزوج نتاعي نديرلو ميساج ...آبل موا..و هي فرات
صراحة ما نحبش نحكي بزاف فالنقال كلمة زوج و خلاص
بصح مليح يكون عندك رصيد تصرا معاك كانش حاجة تلق على ىالاقل باش تتصل وتطلب المساعدة
يعطيك الصحة نور و ينور ايامك مواضيعك دائما مميزة
​

وعليكم السلام
تسلمى ياام منير
هذه الاختراعات تعاد نقمة ونعمة فى نفس الوقت على الانسان الواحد لازم يعرف كيفاه يستغل الحاجة فى مصلحتوا والاسراف ربي يحاسبنا عليه
شكرا مرورك العطر ربي يهنيك

 

[ام اشراق]

رد: الفليكسى ورصيدكم غير كافى لاجراء المكالمة

مليح لي معنديش بورتابل ..

وعاشت الأرانب سعيدة ​

ايا مليح راك متهنى اخى
و حتى راك سلطان زمانك :d
شكرا لكرم المرور ربي يخليك

 

[بنت الـ25]

رد: الفليكسى ورصيدكم غير كافى لاجراء المكالمة

أهلا نور
والله كاينة صح ، رجع الفليكسي ضرورة حتمية
والتلفون بلا فليكسي كي الشوفور بلا تاكسي هههههههههع صامطة
خخخخخخخخخخ
انا كنت فيما مضى نخسر نص الشهرية غير على لفليكسي ، مي دوكا راجلي ربي يخليهولي دارلي puce نعيطلو باطل
وكل شهر كي يخلص الفاتورة يبعتلي فورفي يكفيني باش نحكي مع الأرقام لوخرين مثلا اخواتاتي ولا صحاباتي ولافامي
ساعااااات وين كي يخلاصلي نفليكسي مالطاكصيفون لي لاصق فالبيرو تاعي لي ما يحبش يدي الألف فرنك هديك هههههههههه
يلزم الواحد فينا يضبط مصاريفو ويحكي فالتلفون على قد جيبو