رد: افيدك و اتسفيد منك
اليوم راح يكون تكملة للموضوع السابق لكن راح نحكى على الرومانسية و الاثارة شوية
لان عادة وهذا الملاحظ ان كل ما طالت مدة الزواج دخل كل من الزوجين فى حالة ............ماعليهش ....نورمال....رانا كبار ......راحت علينا.....الولاد كبر ...و الكارثة الكبيرة ان كاين بعض التفاصيل لى احنا ما نعطوهمش اهمية لكن هى عندها دور كبير
تتفكرى كيفاش كتت ......ايامات الاولى من زواجكم و خطبتكم......فى ماكلتك ...شرابك ..قعدتك ....هذرتك ...ضحكتك...
نبداو بالماكلة ايامات الزواج ااولى نتحدى اى وحدة فيكم كانت تاكل اكثر من 5مغارف وزيد فوق هذا التكسال بمعنى تاكل كى العصفو ر اما دكا ....دينصورالمضيغ وماكانش غير تبلع يعنى هذيك الحسناء لى كانت تقابل على الطابلة ماتت جاءت فى بلاستها امنا الغولة....الشعر عند سمانة ما تغسلش ...قرداش ما يسلكوش ...ام االقندورة يا عمرى قرعة نتاع ....براف ماتخرجهاش و الطابلية نتاع الشغل جمى تنحيها.....
متاكدة راه متمنى ياكل وحدو ولا انك تقلبليه على الطابلة
لذلك حاولى دائما انك طيبى غداك او عشاك بكرى ....ماشى مجبورة كليوم مزردتها خليها نهار بنهار ...
دائما البسى ملابس خاصة بالمطبخ ...اى حاجة ولات عندك قديمة عودى البسيها فى الكوزينة ...
هدرةك و ضحكتك
المراة فى جزائرنا الحبيبة قع الجيران يعرفوها بلى راهى فى الدار
اكيد ماشى من البارفا نتاعها وانما من قرجمتها المسرحة ....عيسى الجرمونى الله يرحم ....هى تحكى تعيط وهى تنصح تعيط و هى تربي تعيط وهى تقرى تعيط ......وهى تحكى مع راجلها تعيط ...
اكثر حاجة يكرها الاجل و تخليه يسمح فى الدار هو العياط والصوت المرتفعععععععععععععععع فما بالك لما تكون من نص حلوووووووووووو لى كل ما يشوفها تفكر .....بشيخ الغفر.....
لذلك افتحى قرجومتك و حوسى على ارق حبل صوتى عندك وكتبى عليه .....لزوجيييي فقط.....حولى تتعلمى الدلع و الغنج فى صوتك اذا جاتك صعيبة ادخلى فى شومبرا و سكرى على روحك وقعدى تحكى وحدك حتى تتعلم ....ممكن تحسى روحك راكى تجياحى مى معليهش ....الاولاد اجلى العياط عليهم حتى يخرج بابهم....راح تقوليلى راح نطرطق ...معليهش كى يخرج باباهم كوليهم بلا ملح
حاولى تستعملى اسماء الدلع لي مالف دلعيهم بيه اذا ماكانش اتفرجى باب الحارة راح يعلموك
اجنبي تناقشيه فى موضيع ممكن تخليه يفزدلك خليقتك سورتو اهلو ووووووووولانك انت غالطة لكان هوما لى مقطعينك و راميينك للكلاب ياكلوك
حاولى دليه على طابلة الماكلةكى زمان وتحسيه ملك زمان
فى التلفون اتخيلى روحك صاحبتو تحكى معاه مش صاحبو عوجى لسانك شوية و تكسلى فى هدرتك اذا كان بعيد عليك اكتيفى لقراتوى و سهري تحكى معاه راح تفكريه بيامات الحلوة
كى تقعدى قدام خلى قعدتك مسقمة ...ظهرك مستوى رجل على رجل يعنى مكان لاه قعدة العجايز ...المشية مشية نتاع مانكة ماشى جوندارم
ماكان لاه تلهليه كى تضحكى اتفكرى هذيك التبسيمة الشابة لى كنت تتبسمهال كى كنت مخطبين و لى خطفتيه بيها لان ضحكتك راه تشبه لبقرة تزوق فى بحايرة
اما بالنسبة للاثارة افتحى النترنت وكتبى وضعيات فى الجماع جديدة ......الحاجة الوحيدة لى فالحين فيها العرب لالا و كل عام جديد الناس كل عام تخترع التليفونات و الطوموبيلات ........ والعرب وضعيات الجماع و لكان غير فالحين
قريت مرة ان المرأة الشقراء اكثر اثارة عند الرجل .....طفرت فى السمرات يا ام اتحرقى شعرك بليماش يا تتقبلى الوضع لهذا نلقاو الزنجيات و السمراوات فى هوليوود يصبغ شعرهم .....شكيرا ..جنيفر لوبز...بيانسى ..
بالنسبة للسمراوات كاين امل الراجل يعشق حاجة اسمها السعر الطويل وشوف المغنيات اللبنانيات ..هيفاء ..اليسا كاش نهار شفتوهم مقطعين شعورهم و لا رفدينو
بالعكس
ملاحظة ان اذ كنت قتلك اتشبهى بهيفاء هذا مايعنيش انها تعجبنى كشخص بالعكس لكان جات الموت بيدى نطلقها عليها لكن اسلوبها فى الاغراء لى تخلص معلمين باه يدرسهلها بالدراهم بزاف واعر
راح تقليلى الممثلات فى المريكان قاصين شعرهم و مهبلين الرجال ....حنونتى هذوك بلوندات لكان دير شعرها حبة بصلة يعشقوها ....الزهر الزهر
نعاود نقلك روحى للجبانة و جبدى هذيك المرحومة لى دفنتيها بالحياة و عاودى تهلاي فيها والا نتاع الصح راح تندفنى بالحياة مى من رويجلك
لكم منى اطيب المنى ,,,,,,,,,,,,,,,,
