|[فًيً بًيًتًنًاً عًرًوًسً]| مع عرْوُسَـةُ اَلْلَمـةُ :زهور الشوق

[ضآحكة مستبشرة]

السلام عليكم ورحمة الله تعالى وبركاته




اهلاا بكن عسولات في منتدي

تجـهيـز الـعـرائـس


لـتـعمـيـق أواصـر المحـبـة و التـعــارف بيـنـنـا وبينـكـن عـزيـزاتـي ..

نفتتح كـل أسبـوع .. استضـافـة لمتمـيـزة مـن متمـيـزات ..

اللمة الجزائرية
​

في برنامجنا الاسبوعي

لـتـعمـيـق أواصـر المحـبـة و التـعــارف بيـنـنـا وبينـكـن عـزيـزاتـي ..

نفتتح كـل أسبـوع .. استضـافـة لمتمـيـزة مـن متمـيـزات ..

اللمة الجزائرية


في برنامجنا الاسبوعي

أهـلا و سـهـلا بكـن أحبتـي

تطـل اليـوم عـلى مشـارف -[ منتدى تجـهيـز الـعرائـس]-

مبدعه مـن مبـدعـات هـذا الـصـرح الـغـالي ..

متميزه بأخلاقها العالية وبوجودها الرائع ..

أعطت الكثير من مجهودها وإبداعها للمنتدى ومازالت تعطي..

متشوقون جدا للتعرف أكثر على أختنا الحبيبه اللتي ستزورنا هذا الأسبوع ..

:..:.. لنـرحـب جميـعـاً بضيفاتنـا لـهـذا الأسبـوع ..:..:

زهور الشوق

: مرشحة للإشراف ::
منتدى التنمية البشرية وتطوير الذات

:love01: قـوانيـن المشـاركـة :love01:


:: احتـرام الضيـفة و المُشـاركـات بالمـوضـوع ..

:: الابتعـاد عـن الاسئـلـة المحـرجـة و للضيـفه الحـريـة بـعـدم الـرد عـلى أي سـؤال تجـده تدخـلا بشـيء مـن

خصوصيـاتهـا ...

​

 

[‏‏أنفآس الفجر]

رد: |[فًيً بًيًتًنًاً عًرًوًسً]| مع عرْوُسَـةُ اَلْلَمـةُ : حِكَآيَةُ القَـــــمر

​

اهلا بعروستنا

ليا عودة بعد الفطور

 

[ضآحكة مستبشرة]

رد: |[فًيً بًيًتًنًاً عًرًوًسً]| مع عرْوُسَـةُ اَلْلَمـةُ : حِكَآيَةُ القَـــــمر

السلام عليكم و رحمة الله مريم
كيف احوالك اختي ؟
اولا نرحبوا بيك كيما يلزمـ

ان شاء الله تقضي اسبوع رائع معنآ و بالتوفيق


​

 

[بنقابي افتخر]

رد: |[فًيً بًيًتًنًاً عًرًوًسً]| مع عرْوُسَـةُ اَلْلَمـةُ : حِكَآيَةُ القَـــــمر

السلام عليكم.
مرحبا بالاخت لي عوده

 

[ضآحكة مستبشرة]

رد: |[فًيً بًيًتًنًاً عًرًوًسً]| مع عرْوُسَـةُ اَلْلَمـةُ : حِكَآيَةُ القَـــــمر

​

اهلا بعروستنا

ليا عودة بعد الفطور

السلام عليكم.
مرحبا بالاخت لي عوده

شكرا للمرور احبتي
نحن في الانتــظآر​

 

[بنقابي افتخر]

رد: |[فًيً بًيًتًنًاً عًرًوًسً]| مع عرْوُسَـةُ اَلْلَمـةُ :زهور الشوق

بون هاني وليت
اخت.
سؤال التقعريج ههههه
شحال من تصديره درتي
اذا امكن
العدد
. والنوع.
والسعر.
الصور و
ومن اي ولايه انت واين ماخذينك

 

[زهور الشوق]

رد: |[فًيً بًيًتًنًاً عًرًوًسً]| مع عرْوُسَـةُ اَلْلَمـةُ :زهور الشوق

السلام عليكم
يااايما دارتها بيا وانا لاخبر ههههههه
اسفة راحتلي النت فالدار
مي حبيت نوضح حاجة راني معطية هدرة مازال مادرتش الخطبة الرسمية والخاتم اوك​

 

[زهور الشوق]

رد: |[فًيً بًيًتًنًاً عًرًوًسً]| مع عرْوُسَـةُ اَلْلَمـةُ : حِكَآيَةُ القَـــــمر

​

اهلا بعروستنا

ليا عودة بعد الفطور

الله يسلمك عزيزتي نوورتي
مرحبا بيك​

 

[زهور الشوق]

رد: |[فًيً بًيًتًنًاً عًرًوًسً]| مع عرْوُسَـةُ اَلْلَمـةُ : حِكَآيَةُ القَـــــمر

السلام عليكم و رحمة الله مريم
كيف احوالك اختي ؟
اولا نرحبوا بيك كيما يلزمـ

ان شاء الله تقضي اسبوع رائع معنآ و بالتوفيق


​

الله يسلمك الزينة
في نعمة الله يدومها الحمد لله
ومبرووووك عليك الترشح للاشراف غاليتي
يعطيييك الصحة رحبتي بيا بالطبع
انا نرحب بيك هكا :p هيهيهيهيهي​

 

[زهور الشوق]

رد: |[فًيً بًيًتًنًاً عًرًوًسً]| مع عرْوُسَـةُ اَلْلَمـةُ :زهور الشوق

بون هاني وليت
اخت.
سؤال التقعريج ههههه
شحال من تصديره درتي
اذا امكن
العدد
. والنوع.
والسعر.
الصور و
ومن اي ولايه انت واين ماخذينك

اهلااا حبيبتي نورتي :love01:
هههههههه :p قرعااجة

مازال مادرت بيسك مازال العرس بعيد شوية
انا من بومرداس وديت وليد مدينتي20د ونكون عندو ههههههه​

 

[السلطانة]

رد: |[فًيً بًيًتًنًاً عًرًوًسً]| مع عرْوُسَـةُ اَلْلَمـةُ :زهور الشوق

السلام عليكم
اهلين بعروستنا الحلوة مكنتش عارفة بلي راكي مخطوبة :$
الف مبروك حبيبتي
ان شاء الله تعجبك الضيافة
الصفة لي تحبيها في خطيبك ؟
اللون لي تحبي تخدمي بيه جهازك ؟
واين تحبي تروحي شهر عسل ان شاء الله ؟

​

 

[زهور الشوق]

رد: |[فًيً بًيًتًنًاً عًرًوًسً]| مع عرْوُسَـةُ اَلْلَمـةُ :زهور الشوق

السلام عليكم
وعليكم السلام ورحة الله وبركاته
اهلين بعروستنا الحلوة مكنتش عارفة بلي راكي مخطوبة :$
اهلاااا بالغاااالية دا نتي نورتي الدنيا كلها والله :love01:
الف مبروك حبيبتي
الله يسلمك لعزيزة :$
ان شاء الله تعجبك الضيافة
اكييييييد :d
الصفة لي تحبيها في خطيبك ؟
كلش والحمد لله اما اكتر شي الرزانة تاعو
اللون لي تحبي تخدمي بيه جهازك ؟

واين تحبي تروحي شهر عسل ان شاء الله ؟
مقررين اسطنبول ان شاء الله

يااااااا ماما وعلاه وعلاه تضربي على الوتر الحساس
فليكسيهالي دوك دبري راسك وااااع
نورتي يا الوردة
​

 

[ضآحكة مستبشرة]

رد: |[فًيً بًيًتًنًاً عًرًوًسً]| مع عرْوُسَـةُ اَلْلَمـةُ :زهور الشوق

السلام عليكم يا لحبيبة
مساء الانوار يا الغالية
الله يبارك فيك حنونة ربي يخليك جيت نقولك لعقوبة ليك صبتك شحال و نتي مرشحة ههههههه

المهم

- واش هي عوايدكم في الشوفة ؟
- واش تلبس و كيفاش تمشط العروس في الخطبة ؟
- باش تخرج العروس عندكم من دار باباها ؟
- شكون يخرج العروس من دارهم باباها ولا شيخها ؟
- تحبي تسكني وحدك ولا مع عجوزتك ؟


لي عودة​

 

[زهور الشوق]

رد: |[فًيً بًيًتًنًاً عًرًوًسً]| مع عرْوُسَـةُ اَلْلَمـةُ :زهور الشوق

السلام عليكم يا لحبيبة
وعليكم السلام ورحمة الله وبركاته
مساء الانوار يا الغالية
اهلااا يا عُمري
الله يبارك فيك حنونة ربي يخليك جيت نقولك لعقوبة ليك صبتك شحال و نتي مرشحة ههههههه
ههههههههه سبقتك هيهيههيهيهي
المهم

- واش هي عوايدكم في الشوفة ؟
تجي الام والجدة او الام والاخت معاه يشوفو العروس وتلبس حاجة خفية شابة ومستورة مثلا روبة شابة ولا جيب وبيل المهم سروال لالا ويشوفوها النسا وادا عجبتهم يولو مرة ثانية باش يشوفها لعريس بلاخيمار ويجي معاه الاب تاعو ويحددو موعد ثالث ادا تم الرضا وفيه يتفاهمو على باقي الامور
- واش تلبس و كيفاش تمشط العروس في الخطبة ؟
ادا قصدك الخطبة لفيونصاي تلبس قفطان عصري او روب برانساس وتمشط مشطة خفيفة
- باش تخرج العروس عندكم من دار باباها ؟
طايور بيض وبرنوس
- شكون يخرج العروس من دارهم باباها ولا شيخها ؟
تدخل عجوزتها تخرجها من الغرفة وتجوز تحت يد باباها عند الخرجة بعد مايركبها يهبطها شيخها عند ناس دارها
- تحبي تسكني وحدك ولا مع عجوزتك ؟
انا داري وحدي صايي طفرت هههه

 

[ضآحكة مستبشرة]

رد: |[فًيً بًيًتًنًاً عًرًوًسً]| مع عرْوُسَـةُ اَلْلَمـةُ :زهور الشوق

يويويويوويويويوآآآآآآآآآآآآآآ و اخيرآ جات العروس
مرحبا بيك يا مريومتي


- واش هي انواع الحلوى لي تاخذها العروس لدار زوجها في عوايدكم ؟
- في منطقتك واش هو الشي اللازم في تروسوا العروس ؟
- كيفاش تفضلي المشطة ديالك بالصورة لو امكن ؟
- بواش تحبي تخرجي من دار باباك يعني اللباس ؟


لي عودةةةةةةةة​

 

[آمِيْرَتُه]

رد: |[فًيً بًيًتًنًاً عًرًوًسً]| مع عرْوُسَـةُ اَلْلَمـةُ :زهور الشوق

السلام عليك
مرحبا بعروستنا الحلوة ربي يكمل بالخير
سؤال : نصيحتك للمخطوبات ؟

 

[زهور الشوق]

رد: |[فًيً بًيًتًنًاً عًرًوًسً]| مع عرْوُسَـةُ اَلْلَمـةُ :زهور الشوق


يويويويوويويويوآآآآآآآآآآآآآآ و اخيرآ جات العروس
هههههههههههههه زدك زدك
مرحبا بيك يا مريومتي
وبيك اهلاااا حُلوتي

- واش هي انواع الحلوى لي تاخذها العروس لدار زوجها في عوايدكم ؟
البقلاوة ..مقروط معسل شرطين اساسيين + المعارك وادا زادت براحتها شاراك مسكر ..اسكندريات الخ
- في منطقتك واش هو الشي اللازم في تروسوا العروس ؟
2 مطارح صوف
- كيفاش تفضلي المشطة ديالك بالصورة لو امكن ؟
نحبها ساااااامبل

شعري طويل وهكا عاد يرد عليا بزااف
- بواش تحبي تخرجي من دار باباك يعني اللباس ؟
كيما اللي سبقوني طايور بيض وبرنوس

لي عودةةةةةةةة
بانتظااااااارك يا وردة ^^

 

[ضآحكة مستبشرة]

رد: |[فًيً بًيًتًنًاً عًرًوًسً]| مع عرْوُسَـةُ اَلْلَمـةُ :زهور الشوق

يا عمري و جات

نتمنى تكوني عروسة كورتاج مياة كروسة فوق راس مريومة نحط بوسة كي يقولوا هو جا لعريس
يويويويويويو

- واش تحبي تلبسي في الدار ؟
- بديتي تجهزي ولا مزال ؟
- حى تكملي لقراية باش تعرسي ولا تروحي لدارك و تكملي ؟
- خطوبتك عن حب ولا عائلات ؟
- زوجك وسيم خخخخ ؟
- واش يدلعك واش تدلعهيه ؟




لي عودة​

 

[زهور الشوق]

رد: |[فًيً بًيًتًنًاً عًرًوًسً]| مع عرْوُسَـةُ اَلْلَمـةُ :زهور الشوق

السلام عليك
وعليكم السلام ورحمة الله وبركاته
مرحبا بعروستنا الحلوة ربي يكمل بالخير
اهلا فيك حبيبتي منووورة يا سكرة
امييييييين ياربي
سؤال : نصيحتك للمخطوبات ؟
محددتيليش من اي جانب دونك نهدر بصفة عامة
من جهة الخطيب مهما كان الحب كبير يبقى الاحترام سيد العلاقة ولي تحسس راجلها بلي راجل وكلمتو كلمة بلا معاندة وتيباس الراس يديرها في عينيه ويحسسها بانوثتها + الخطيب مش زوج دونك كاين حدود وكل شي في وقت حلو
بالنسبة للعايلة تاعو باش تعيش لعروسة متهنيا ليزم تشوف في الوالدة الكريمة تاع خيبها امها عيطت عليهاو لا نصحتها ولانبهتها تتقبلها كيما تتقبل هاد الامور من امها وكذا مع الوالد الكريم والاحسان ثم الاحسان وطبق مقولة ماشفت ماسمعت تريح اللي جاز عليها من امورات تكتمها وتنساها ماتدي الهدرة ماتجيب وربي يهنييييينا كااااامل يااارب
نورتي حبيبتي

 

[زهور الشوق]

رد: |[فًيً بًيًتًنًاً عًرًوًسً]| مع عرْوُسَـةُ اَلْلَمـةُ :زهور الشوق

يا عمري و جات
ههههههههههههه
نتمنى تكوني عروسة كورتاج مياة كروسة فوق راس مريومة نحط بوسة كي يقولوا هو جا لعريس
يويويويويويو
اوااااه نتي فووور نريزارفيك للحنة تبوغريلي مي دراهم ماتشوفيهم حق ريقي اللي نشفتيهولي هنا نوريلك يا الستوتة ههههههههههه
- واش تحبي تلبسي في الدار ؟
يا ستي في دار بابا بيجاما تنطح ختها
ولهيه نيههاهاهاههاا الميني ومشتقاته يادلالي ههههههههه
- بديتي تجهزي ولا مزال ؟
قالولي فالدار بداي توجدي الحاجات اللي مايقداموش خليني يرحم باباك عامي مازال ماطلعتوش
- حى تكملي لقراية باش تعرسي ولا تروحي لدارك و تكملي ؟
اواه حتى نسلك قرايتي
- خطوبتك عن حب ولا عائلات ؟
في 2 هيهيهي
- زوجك وسيم خخخخ ؟
أأأأ نجي ليك نعضك هههههههه
وفي رايك صمت دهر باش نفطر على جرانة هههههه
- واش يدلعك واش تدلعهيه ؟
ههههههههههه حشمتيني يا ناناك
هو يضل يشونجي مرة وردة ديالي ..ثوثو..قطتي..وتدليعات غريبة كيما زرمومية..المهبولة....الخ
انا هههههههههه علاه علاه حرام عليك
نقولك وحدة برك الابضاي هيهيهيهي حفاظا على مشاعرك



لي عودة
درتينا السوسبانس بلي عودة هههههههه
​