مساء البونجوغ ميمي
وآشْ راكِيْ ؟؟
مساء الليل هههه الحمد لله في نعمة اونت الزينة 
اوووو هكا ناكلو حلو لنحكي حلو ههه تعجبيني كي تجي وتجيبي حاجة حلوة معاك - لو خيروك بين تسافري لدبي و لندن في شهر العسل واش تخيري ؟
مايهمش المهم العسل يكون معايا هههه :$- كاين بعض العرائس راهم يديو صالونات معاهم انتي رح تدي ؟
والله على حسب يعني اذا داري وحدي ندي واذا لالا ماكالاه مصاريف زايدة - واش هو الشيء لي يعجب مريومة في الاعراس ؟
اصبري كي نعرف شكون هادي مريومة نجاوبك واش يعجبها فالاعراس هههه :d- تقاليد اعرس تاع اي دولة يعجبوك ؟
نحب تعنا تع دزاير على خاطر نحس بلي حنا لي عدنا بزاف تقاليد فالاعراس وكاين شوية تقاليدمن الاتراك - اسكو كاين اعضاء فاللمة تعرفيهم في الواقع ؟
لالا ماكانش مبصح كاين لي حكيت معاهمف الهاتف ومن بينهم عبير توينكل - شحال درتوا من عرس فالدار ؟
ادا تقصدي دارنا الصغيرة يعني عايلتي الصغيرة مادرناش كامل واما العايلة لكبيرة تاعي كاين بزاف - في عراس خاوتك واش تلبسي ؟
عندي اخ واحد مازال مازوجش راهو خلد فالدار :d- و في عراس خياتك واش تلبسي ؟
ماعنديش خياتي مزوجين صغار عليا مبصح نلبس كل شي انا ماعنديش مشكل - تحبي تلبسي حجاب و لاغوب في الخرجاآت ؟
فالخرجات تاعي نلبس حجابات اكثر من لي غوب - واشمن الستيل تحبي فـي لاغوب بلونش الحوتة ولا gـــــونفلي ؟
الgونفلي نمووووت عليها انا نشوفهم ونولي دايرة هكا :-o- واش عوايدكـــــم في سبوع العروس ؟
سبوع العروس حنا عندنا اهل لعروسة يروحو لدارها يعني يشربو قهوة وكامل ومن بعدة كاين وين لعروسة تروح مع دارهم تريح يوم مثلا او يومين باه يجو الناس يشوفوها ويباركولها بالعربية يقرعجو شوية عليها بعد سمانة من الزواج ههههه
هآني عىودت جيت
مرحبا بيك الزينة الدار دارك اهلين بعروستنا الحلوة
وبيك يعيشك الزينة [/COLOR]
اللون لي تحبي تخدمي بيه جهازك ؟
مانعرف حايرتلي بين الابيض والوردي وفي بالي راهو يدور الاحمر يعني خيريلي لون شباب :d
واين تحبي تروحي شهر عسل ان شاء الله ؟
والله اي بلاصة مايهمش مبصح لوكان نلقى لندن مانقولش لالا :yahoo01::yahoo01:
- واش هي عوايدكم في الشوفة ؟
عادي يعني مثلا يجي اهل العريس ويحكوا مع اهل العروس ومن بعدة يدخلولهم العروسة يشوفوها ومن ناحية واش يجيب معاه لعريس هاذيك ترجع لمقدور الراجل
- واش تلبس و كيفاش تمشط العروس في الخطبة ؟
على حساب كل طفلة يعني انا من وجهة نظري نفضل حاجة سامبل يعني قفطان يكون خفيف ماشي ثقيل وشعرها تاني ديرلو حاجة سامبل تاني يعني التشخمير هداك ماكالاه هههه
- باش تخرج العروس عندكم من دار باباها ؟
لاغوب بلونش وفوقها البرنوس
- شكون يخرج العروس من دارهم باباها ولا شيخها ؟
حنا باباها يخرجها
- تحبي تسكني وحدك ولا مع عجوزتك ؟
مانشرطش انا على حسب المقدور
- واش هي انواع الحلوى لي تاخذها العروس لدار زوجها في عوايدكم ؟
الزينة ذركا مولاتش كاين مثلا منطقة تدي هكا ولا هكا ولات كل وحدة والمصاريف تاعها
- في منطقتك واش هو الشي اللازم في تروسوا العروس ؟
مانعرف اذا المحزمة من التروسو مبصح حنا عندنا لازم اي عروسة تروح تدي معاها محزمة حتى اذا مادير والو مبصح دير لمحزمة هاديك
- كيفاش تفضلي المشطة ديالك بالصورة لو امكن ؟
نحب هكا حاجة تكون سامبل
- بواش تحبي تخرجي من دار باباك يعني اللباس ؟
غوب بلونش وفوقها برنوس :thumb_up02:
ان شاء الله تعجبك الضيافة
و ليت ههههههههههه
مرحبا بيك في اي وقت الدار داري اه قصدي الدار دارك هههه :d
واش راهي عروستنا ؟؟
لاباس عليها راهي عجبتني الضيافة واش راح يخصني :yahoo01:
كيفاش راكي متخيلة عرسك يكون ؟
مممم لوكان نبدا نتخيل ذرك نكتبلك 10 صفحات وياربي هي باينة اي طفلة تحلم عرسها يكون مليح ومافيه حتى نقص ومتول من كل شيء
كل وحدة فينا عندها فارس أحلام . . . زوجك فيه صفات فارس أحلامك ؟
فارس الاحلام انا عندي يعتبر خرافة :d ويعني الكمال لله والوحدة المهم طيح في راجل يخاف عليها .
أكثر صفة تجذبك في زوجك ؟
غيور
ناوية تخدمي بعد الزواج أو لا ؟
ان شاء الله اذا كتب المكتوب
و واش هو تخصصك في الجامعه ؟
بلعقل علينا برك راني نعاود فالباك تاعي
- هل تعتبرين خطيبك أقرب الناس إليك !؟
ممم في عفايس اقرب وفي عفايس لالا
- مآ مدى ثقتكي به !؟
80 بالمئة واذا قلت 100 راني نكذب :d
- هل يتفهمك !؟
مرات ايه ومرات لالا
- هل تلتقين به ف فترة الخطوبة !؟
رانا حومة وحدة نشوفوا تقريبا كل يوم
- هل هو أكبر منك بقليل أم بالكثير !؟
لالا بقليل برك :regards02:
التقرعيج الله غالب عههههههههههه
السلام عليكم
وعليكم السلام اختي
اهلا بعروستنا
وبيك يعيشك
راني نشوف اما راهي متهلية فيك ربي يخليها ويخليك
ماعندهم ماخلاو راكي تشوفي :d
بون نبداو
بسم الله
كي تجي توجدي للعرس اول حاجة تخمي فيها
كي نجي نوجد اول حاجة نخمم فيها هي انو لازم نظم روحي فالعفايس لي نشريهم هكا باه كي يلحق مثلا وقت العرس مانتزيرش فالوقت وتقعدلي شحال من عفسة ناقصتني نكون واجدة
لوكان كي يقرب العرس خطيبك يقولك ما تكمليش قرايتك واش راح ديري
باينة نقعد معاه ونحكوا ونحاولو نوصلوا لحل يرضي الطرفين بيناتنا العفسة هاذي تع الدقيقة التالية نكرها يعني تع يشدك من اليد لي توجع :down:
واش هي الحاجة لي تميلي ليها اكثر في التروسو
بيناتنا لا يعودو يسمعونا نحب ونموت على الملابس الداخلية يعجبوني تلقايني كل مرة نشري عفسة جديدة منهم وهوما لي نحب يكونوا عندي منهم في كامل الالوان والانواع :$
ربي يكملك على خير
يعيشك الزينة
تحياتي
السلام عليكم من جديد
وعليكم السلام مرحبا بيك من جديد :d
- واش تحبي تديري في وقت الفرآغ ؟
نحسب لملاير لي عندي ههههاما تلقايني هنا فاللمة ولا تلقايني نطالع كاش عفسة
- آسكو تحبي الطبخ ولا لآلآ ؟
ايه نحبو مبصح نميل لطبخ الاكل اكثر من الحلويات :bravo01:
- واش هي المشطآت لي تحبيها في المنزل بالصور لو امكن ؟
هانا قلنا راني نضل كشرودة في دارنا هههههه علاه راكي تفضحي فينا
هادي نهار كامل وانا دايرتها :d
نورمالمون هاد التسريحة داخلة فالتكشريد ومانعرف :d
- هل تحبي الجبات ولا البيجآمآت ؟
كل مرة كيفاه انا انسانة مخبوطة في راسي
مرااات نحب الجباات ونكره البيجامات ومانحبش نلبسهم
ومراات نحب البيجامات ونكره نلبس الجبات
ربي يثبت علينا العقل والدين برك
- اعطيني بالصور الفستان لي حابة تديريه ؟
علابالك صورة وحدة ماتكفيش الفستان لي نشوفوا نهبل عليه نزيد نشوف واحد خلاف ننسى لي شفتو قبيل
هدا هو نوع الفساتين لي يعجبني *-*
- اعطيني بالصور اكثر تصديرة تحبيها في تصديرتكـ ؟
نموت على الفرقاني
وكاين الكاراكو
وين نشوفهم نهبل عليهم
