.•° هل سألتي زوجكي هذا السؤال من قبل؟؟ °•.

[ش مس بريكة]

رد: .•° هل سألتي زوجكي هذا السؤال من قبل؟؟ °•.

مازال ما تزوجت بصح باينة الراجل شا يجاوبك غي يقولهالك خير ما يقولك لا و نعيش حازن عليك و مبعد قبل لا تكملي الـ 40 تجي خليفتك في بلاصتك :p


​

هاذي حاجة اكيدة خليني ما نعرفهاش خير

 

[سارة شلف]

رد: .•° هل سألتي زوجكي هذا السؤال من قبل؟؟ °•.

ki natzawaj ngolak hhhhhh

 

[Hakan]

رد: .•° هل سألتي زوجكي هذا السؤال من قبل؟؟ °•.

ههههههه الخواتات عايشين في الاحلااام
والوااقع يقول شيء اخر
الراجل ما يقدرش يقعد وحدو باسكو لازم اللي يغسلو قشو ويسهر عليه والزوجة هي اللي تتكفل

الارملة اللي يموت الزوج نتاعها تقدر تبني على الاولاد نتاوعها وتبقى معاهم ماشي حبا للزوج نتاعها مي على جال ولادتها باش ما يطايشوش عند النااس
وهنا يكمن الفرق

الرااجل ما يحبش الوحدة وعلابالو لوكان ما يزوجش ماكانش اللي يسهر عليه باسكو الكناين نتاوعو اذا عندو يتقلشو عليه
او البنات نتاوعو ممكن يتزوجو في اي لحظة ويخلوه وحدو

اما لوكان تسقسيني الزوجة نتاعي هذا السؤال نقلهالها بكل صرااحة اذا كنت متيم بهاا رايح نقلها انت تروحي عليا من الدنيا لكن تبقاي في القلب
اما اني ما نتزوجش ونقعد نبكي عليك هادي غير اسمحيلي فيهاا
وربي يهني الكل ...​

 

[أم منيــــــر]

رد: .•° هل سألتي زوجكي هذا السؤال من قبل؟؟ °•.

ههههههههههههههههه
في الحقيقة جامي سقسيتو
​

 

[بقايا إنسان]

رد: .•° هل سألتي زوجكي هذا السؤال من قبل؟؟ °•.

مشكورة ع الطرح اختنا الكريمة اما أنا فاقول لها:اليوم لنا فلا ريب والغد بيد الله ولا يعلمه الا هو فهو إذن غيب

 

[Naz iha]

رد: .•° هل سألتي زوجكي هذا السؤال من قبل؟؟ °•.

انـآ متطفلة على الموضوع ، لست متزوجة
و لكن نجااوبْ

المرآة 99% متتزوجشْ من مورا موت راجلها
أما الرجل 99% يدير 40 يوم و يتزوج ،
مينجمشْ يقوم برووحو غلي عكسْ المراة قادرة تقوم روحها بلا راجل​

 

[adel._dz]

رد: .•° هل سألتي زوجكي هذا السؤال من قبل؟؟ °•.

اذأ خممت في الموت خممي وشراح تلقي قدأمك وأنا ثاني نخمم في واش راح نلقى قدامي في دأر الحق أما اذا كنا زوجين صالحين ومتحابين ندعيو ربي يجمعنا في الجنة

 

[بنت الـ25]

رد: .•° هل سألتي زوجكي هذا السؤال من قبل؟؟ °•.

هههههههههه ضحكت وانا نقرا في ردود العضوات
سقسيتو شحال من مرة
مرة قالي بدلي علينا الموضوع
ومرة قالي علاه تفايلي على روحك اسكتي علينا ههههههه
ومرة قالي تموتي وتخلي حبيبك وحدو؟ قتلو ياو فاقو راك تعاود الزواج انتوما الرجال متحملوش تقعدو بلا مرا
قالي العبارة الشهيرة الأولى : بدلي علينا الموضوع

يعني راه ناويها بلا نقاش

تفكرت وحد الحكاية
هادي وحدة قالت لراجلها وهي على فراش الموت
لاكان مت ما تتزوجش حتى ينشف قبري
ماتت المخلوقة وراجلها كل يوم يروح يزور قبرها يلقاه مبلول
مدة طويلة هكدا حتى وحد نهار راح شوية بكري
لقى خوها يسقي فالقبر قالو وش راك دير
قالو وصاتني ختي قبل ما تموت وحلفتني نجي كل يوم ونسقسيلها القبر
ههههههههههههههه ميتة وكيدها عظيم

ربي يهنيكم كاملين ويبعد عليكم الشر

​

 

[*amina*]

رد: .•° هل سألتي زوجكي هذا السؤال من قبل؟؟ °•.

السلام عليكم
انا صراحة طرحت هاد السؤال لزوجي بصح بطريقة اخرى
يعني كي كنت بالحمل نقلو كون نموت كي نروح نولد قسم ذهبي على الفقراء والفراش تاني ولباسي ههههه هو يزعف ويتنارفا ويقلي اسكتي هههههههه وانا نحب نهبلو نعاودهالو نقلو كون نموت ادي وليدي عند ماما وهدي كل يوم نعاودهالو نقلو امانة في رقبتك هدي الصية ادي وليدي لماما تربيه
ولما كنت رايحة للطبيبة كي كملت 9 اشهر حمل باش نكونترولي راح علينا الحال وقتلو ندي معايا شوية خبز ناكلو فالطريق محبش زقا عليا انا زعفت كي وصلت عند الطبيبة قاتلي جيبي قشك باش تولدي اليوم هو انخلع ولا يفيبري ههههههه وبغا يدخل معايا لصالة الولادة حتى قلو الاجون سيكوريتي رجع هههههههههه مسكين راجلي شعال يخاف
وزدت هبلتو كي ولدت نقلو متزعفنيش كون ينقطع حليبي قلي من الموت رجعتيلي للحليب ههه

 

[لؤلؤة قسنطينة]

رد: .•° هل سألتي زوجكي هذا السؤال من قبل؟؟ °•.

السّلام عليكم
انا مارانيش متزوجة بصح دخلت نتوقب كيفي كيف باقي الأعضاء
والله غير قتلتوني ضحك بردودكم
خاصة كي قالت ختي ساندريلا مقولة عاشور العاشر " بركاينا من هاد الهدرة لمليحة ههههه "

انا كن نلقى راجل لي يكون نعم الزوج و يموت ( بعيد الشر عليه نخاف عليه حتى قبل مايجي هههه )
مانتزوجش من وراه وخاصة لما سمعت انو المرأة في الجنة تجتمع مع آخر أزواجها
على عكس الراجل اي زوجة يخليها من وراه وماتعاودش الزواج ترافقو في الجنة
حتى هنا وعندهم الزهر ههه

بصح هو راني علابالي بلي يتزوج حتى قبل مانسمعها منو ههه
يطيح زوج دمعات النهار اللول ومن بعد يدير الزردة
ان شاء الله نموتو كيف كيف باه هكا ماعندو وين يروح ههههه في القبر ولاحقتو

شكرا ختي على الموضوع وربي يحفظ كل زوج لزوجتو وكل زوجة لزوجها ويعيشو في الهنا ان شاء الله
وربي يرزقنا بولاد لحلال هادا الأهم
تقبلي مروري
​

 

[مريم.]

رد: .•° هل سألتي زوجكي هذا السؤال من قبل؟؟ °•.

سؤال حساس

 

[Mariamariana]

رد: .•° هل سألتي زوجكي هذا السؤال من قبل؟؟ °•.

ههههه سؤال في محلو انا قالي يرحمها ربي كي يلحق
الأجل يديرلها ربي تاويل بالصح يا اختي الكريمة باينة
بلا متسقسي

 

[امونة الشاوية]

رد: .•° هل سألتي زوجكي هذا السؤال من قبل؟؟ °•.

ايهيييييييه سقسيتو شحال من مرة يقولي نلحق وراك ويخرجلي لسانو تاع زعمة برك
ويقولي وكيفاه نعيش وحدي وكي ندير روحي تغشيت يقولي بصح نحزن عليك طول عمري هههههههه زعمة صح

 

[الراجية من ربها]

رد: .•° هل سألتي زوجكي هذا السؤال من قبل؟؟ °•.

السلام عليكم حبيبتي
انا نقجاوبك بصدق
سألتوا من قبل و نقوللك واش قاللي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,وو
نقوللك ولا لالا هههههه
عنصر تشويق
ههههه
خلاص دوك نقوللك ههههه
قاللي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’
قاللي
نروح نتزوج ههههههه
كيفاش تحلليها دوك ايا فهميني؟
مشكورة بالمناسبة على الموضوع

 

[Sabrine sabi]

رد: .•° هل سألتي زوجكي هذا السؤال من قبل؟؟ °•.

أنا كل ما نسقسيه يقلي نلحقك يقلي بعيد الشر كون تصرالك حاجة نلحقك أنا
و مانعرف!!!!!!!!

 

[foufa01]

رد: .•° هل سألتي زوجكي هذا السؤال من قبل؟؟ °•.

انا كي نجبدلو هد الموضوع ميعجبوش الحال
والجواب تاعو يقلي نموت معاك وما نديرش عليك الزاوجة

 

[رحيل صالح]

رد: .•° هل سألتي زوجكي هذا السؤال من قبل؟؟ °•.

انا دايما نسقسه هدا السؤال الجواب باختصار حتى بعدك منشوفش في وحدة اخرى