استضافة مع ضيف لماوي في رمضان-الضيفة الـثآنـييْ "viola" -

[الزهرة الحمراء]

رد: استضافة مع ضيف لماوي في رمضان-الضيفة الـثآنـييْ "viola" -

السلام عليكم اختي صحا فطورك
هاني عاودت رجعتلك ان شاء الله مانكونش صمطت عليك
ما هو أكثر أمر مخيف حصل معك ؟
من يعشق قبل الأخر من وجهة نظرك القلب و لا العين ؟ ولماذا ؟؟
هل تعترفين أن هناك حب عن طريق النت أو التليفون ؟ ؟
لوكان ماقريتيش باه تكوني استاذة لغة انجليزية واش كنتي رايحا تخيري ؟
وان شاء الله ماكنتش ثقيلة عليك
​

 

["viola"]

رد: استضافة مع ضيف لماوي في رمضان-الضيفة الـثآنـييْ "viola" -

اولا صحا فطوورك
يسلمك نتي زادا
مش حا نسقسيك بزااف
2 اسئلة
كيفاه كآن نهاارك؟
ممم منضتش بكري 12 و زيادة.. صلاة و تلاوة و مبعد 3 للكوزينة اvيك لامامون حتى للمغرب :d و ساعة على ساعة نطل على اللمة حتى لحق الفطور وبعد لفطور رجعت هنا سي تو :p
واش تعنيلك عبير الي هي انا^^
شطورة المنتدى :d و مهيبيلة كيما ختك هنا :d

شكرا عبورة :thumb_up02:
​

 

["viola"]

رد: استضافة مع ضيف لماوي في رمضان-الضيفة الـثآنـييْ "viola" -

أهلا بيك أختيي
و بيك
من وين انت؟
ولاية الجلفة

اسم الدلع؟هههه
ههههه مكاش
دولة حابة تزوريها ؟ ولاه؟
اليابان من غير ليش خخخخ و الله معلابالي نشتي اليابان من الانمي
لي عوودة انا شاء الله

مرحبا بيك ​

 

["viola"]

رد: استضافة مع ضيف لماوي في رمضان-الضيفة الـثآنـييْ "viola" -

كيفاه تعرفتي على منتدى اللمة؟؟

نعرفوا من قبل كي نحوس على حاجة يخرجلي هو الاول و سجلت فيه بعد ما جبت الباك


شكون المشرفة لتعجبك شخصيتها؟؟

صراحة منعرفش قاع المشرفات هنا

وش هيا لحاجة لتعجبك في هذا المنتدى؟

الملتقى :d:d

شكرا اختي :bravo01:
​

 

[Hakan]

رد: استضافة مع ضيف لماوي في رمضان-الضيفة الـثآنـييْ "viola" -

السلاام عليكم
مفاجئة كانت معرفتي بان الفتاة الخجولة الغير عادية هي ابنة ولايتي :
نايلية ولا صحراوية ولا رحمانية ولا مسعدية المهم اصلك وعرشك؟
واش تعرفي على عين وساارة وما تقوليليش ما نتفاهموش معاهم ؟
اسمك ايمان كيما اسم اختي العمر نتاعك 19 كيما هي مالا من اليوم راكي كيفهاا ؟
فيولا والعائلة ؟
الاخوة والاخوات العدد ان امكن ؟
تسكني في الولاية واذا ايه ما تقوليش برك حي الوئاام ولا الجلفة الجديدة ؟
راني راجعلك يابنت ولايتي
بصح نسقسيك سؤال علاش خبيتي علي كل هاد الوقت بلي انت من الجلفة ؟وما تقوليش ماسقسيتنيش باسكو سقسيتك..​

 

["viola"]

رد: استضافة مع ضيف لماوي في رمضان-الضيفة الـثآنـييْ "viola" -

السلام عليكم اختي صحا فطورك

و عليكم السلام ...يسلمك ختي نتي زادا ^^
هاني عاودت رجعتلك ان شاء الله مانكونش صمطت عليك

اهلا بك اختي ..لا كفاش سمطتي هاذي

ما هو أكثر أمر مخيف حصل معك ؟
كنت صغيرة و وحدي فالدار و بابا مرض وحد المرضة معرفش قاع وش ندير

من يعشق قبل الأخر من وجهة نظرك القلب و لا العين ؟ ولماذا ؟؟
هي اكيد القلب بصح العين تاخذ الانطباع الاول و من غير ليش :d:p
هل تعترفين أن هناك حب عن طريق النت أو التليفون ؟ ؟
نونو:smile02:
لوكان ماقريتيش باه تكوني استاذة لغة انجليزية واش كنتي رايحا تخيري ؟
صحافة مكتوبة
وان شاء الله ماكنتش ثقيلة عليك
​

ابدا اختي مثقلتي ما والو مرحبا بيك الزينة​

 

[mà_dikrà]

رد: استضافة مع ضيف لماوي في رمضان-الضيفة الـثآنـييْ "viola" -

يـووووه !!!
سـقسـووك بـزآآآف أسئـله شخصيه
أستري بـعض مـنهآ هههه
مـجيت لآنـسقسيك لآوآلـو
فقط " ربي يوفقك ختيوتو ^^ "​

 

["viola"]

رد: استضافة مع ضيف لماوي في رمضان-الضيفة الـثآنـييْ "viola" -

السلاام عليكم
و عليكم السلام
مفاجئة كانت معرفتي بان الفتاة الخجولة الغير عادية هي ابنة ولايتي :
الغير عادية ؟؟خخخخخ
نايلية ولا صحراوية ولا رحمانية ولا مسعدية المهم اصلك وعرشك؟
لالا اصلي تيطراوية من ولاية المدية بصح زايدة وعايشة فالجلفة
واش تعرفي على عين وساارة وما تقوليليش ما نتفاهموش معاهم ؟
قالو رح تولي ولاية لالا؟خخخخ

ممم وش نعرف عليها ...يقولو ولاد رحمان شاطرين و منعرف
اسمك ايمان كيما اسم اختي العمر نتاعك 19 كيما هي مالا من اليوم راكي كيفهاا ؟
ربي يحفضك خيي :regards01:

فيولا والعائلة ؟

اانا الكبيرة و المزطولة تاعهم ههههه صحبة باباها و ختي ثان متفاهمة معاها بزاف
ماما تقولي نتيا اما و خويا الصغير منتفاهمش معاه ابدا :d
الاخوة والاخوات العدد ان امكن ؟
اخت واحدة و اخ واحد
تسكني في الولاية واذا ايه ما تقوليش برك حي الوئاام ولا الجلفة الجديدة ؟

لالا لالا..
راني راجعلك يابنت ولايتي

مرحبا بيك بصح بلعقل خويي هههههه
بصح نسقسيك سؤال علاش خبيتي علي كل هاد الوقت بلي انت من الجلفة ؟وما تقوليش ماسقسيتنيش باسكو سقسيتك..​

خخخخخخخ ما خبيتش بصح قتلك سقسيني فالملتقى نقولك
​

 

["viola"]

رد: استضافة مع ضيف لماوي في رمضان-الضيفة الـثآنـييْ "viola" -

يـووووه !!!
سـقسـووك بـزآآآف أسئـله شخصيه
أستري بـعض مـنهآ هههه
مـجيت لآنـسقسيك لآوآلـو
فقط " ربي يوفقك ختيوتو ^^ "​

درتيها بيا و راكي تهدري ؟ هههههههه

مرسي عليك الزينة :d​

 

[Hakan]

رد: استضافة مع ضيف لماوي في رمضان-الضيفة الـثآنـييْ "viola" -

ههه ربي يهنييك معليهش
نزيدنسقسيك اسئلة خفاف وظرااف
علاقتك بالريااضة ؟
علاقتك بالغنااء ؟
علاقتك بالتحواس ؟
علاقتك بالمسلسلات الرمضانية ؟
وراني راجعلك..
​

 

["viola"]

رد: استضافة مع ضيف لماوي في رمضان-الضيفة الـثآنـييْ "viola" -

يا جماعة هاذي راها سهرة مش كرسي اعتراف بلعقل عليا ههههههه​

 

["viola"]

رد: استضافة مع ضيف لماوي في رمضان-الضيفة الـثآنـييْ "viola" -

ههه ربي يهنييك معليهش
نزيدنسقسيك اسئلة خفاف وظرااف

علاقتك بالريااضة ؟

ختك سبورتيف خسارة عليك :d بصح الوقت التالي موليتش نتبع بزاف
علاقتك بالغنااء ؟

هوايتي
علاقتك بالتحواس ؟

خاطيني
علاقتك بالمسلسلات الرمضانية ؟

نشوف سكاتشات برك
وراني راجعلك..
​

يااا ما هههههه نقسر برك مرحبا بيك و كيما وصيتك :d:d
​

 

[صلوا على النبي]

رد: استضافة مع ضيف لماوي في رمضان-الضيفة الـثآنـييْ "viola" -

هذا السوال تصحري بيه
تحبي القلب لوز ولا قطايف ولا زلابية ملقيت منسقسي
بصح بيناتنا نتي 19 نورمالمو راكي السنة عقبتي الباك هاكا علبالي والله اعلم

 

["viola"]

رد: استضافة مع ضيف لماوي في رمضان-الضيفة الـثآنـييْ "viola" -

هذا السوال تصحري بيه
تحبي القلب لوز ولا قطايف ولا زلابية ملقيت منسقسي

ههههه حتى وحدا و الله ههههه
بصح بيناتنا نتي 19 نورمالمو راكي السنة عقبتي الباك هاكا علبالي والله اعلم

وي رابحة عام داخلة على 5 :d

مرسي عليك
​

 

[ثَسْكُورْثْ نَثْدُوكْلِي]

رد: استضافة مع ضيف لماوي في رمضان-الضيفة الـثآنـييْ "viola" -

سلام عليكم اختي

الله يبارك عندنا استاذة انجليزية في المستقبل ربي ينجحك

والله ماكنت متوقعة عمبالي مزلتي صغرووونة


بالتوفيق لك

وصح فطوركم وصح سحورك

هههه مالقيتش واش نسقسي

اتمنى لك اقامة ممتعة

تحياتي

 

["viola"]

رد: استضافة مع ضيف لماوي في رمضان-الضيفة الـثآنـييْ "viola" -

سلام عليكم اختي

و عليكم السلام ..اهلا
الله يبارك عندنا استاذة انجليزية في المستقبل ربي ينجحك
يبارك فيك ...امييين صحيتي

والله ماكنت متوقعة عمبالي مزلتي صغرووونة

:d:d
بالتوفيق لك

مرسي

وصح فطوركم وصح سحورك

يسلمك نتي زادا
هههه مالقيتش واش نسقسي

اتمنى لك اقامة ممتعة

تحياتي

شكرا لك اختي ..:bravo01:​

 

[ام اشراق]

رد: استضافة مع ضيف لماوي في رمضان-الضيفة الـثآنـييْ "viola" -

السلام عليكم
صح فطورك فيولا ولكل الحاضرين
ماعنديش اسئلة الجماعة راهم قامو بالواجب :d
هو سؤال واحد فقط
فيولا مرحة فى الدار والجامعة كما هنا فى المنتدى

نتمنلك التوفيق والنجاح فى دراستك وربي يحفظك لوالديك
سلام وصح سحورك

 

["viola"]

رد: استضافة مع ضيف لماوي في رمضان-الضيفة الـثآنـييْ "viola" -

السلام عليكم

و عليكم السلام نور
صح فطورك فيولا ولكل الحاضرين

يسلمك ختي نتي زادا
ماعنديش اسئلة الجماعة راهم قامو بالواجب :d
هههه شفتي؟
هو سؤال واحد فقط
فيولا مرحة فى الدار والجامعة كما هنا فى المنتدى
ايه و اكثر بصح فالدار برك فالجامعة مش بزاف

نتمنلك التوفيق والنجاح فى دراستك وربي يحفظك لوالديك
سلام وصح سحورك

امين يا رب ربي يخليك خيتي

يسلمك نتي ثان صحا صحورك

بوركتي ​

 

[Hakan]

رد: استضافة مع ضيف لماوي في رمضان-الضيفة الـثآنـييْ "viola" -

;واش قصة الشعب مع السن نتاعك
انا جامي درتك صغيرة
وما تبانش فيك طول
المهم متشررفين بنت الجلفة..​

 

["viola"]

رد: استضافة مع ضيف لماوي في رمضان-الضيفة الـثآنـييْ "viola" -

;واش قصة الشعب مع السن نتاعك
انا جامي درتك صغيرة
وما تبانش فيك طول
المهم متشررفين بنت الجلفة..​

هههههه تلفتهالهم هايبرا :p

متشرفين ​