وَ رآحَت الغآليـــة

[لؤلؤة قسنطينة]

رد: وَ رآحَت الغآليـــة

الله يرحمها ويوسع فيها

جداتك راحت وخلات وراها فراغ وناس تحبها

كون ماهي ناس ملاح وحنينة

درك مابيديكم غير الدعاء والصدقة راح توصلها وتفرح بيها

صح فطورك ختي ، واللهم آمين ربي يرحم كل موتانا
ورانا ندعيولها ان شاء الله يكون مثواها الجنة يارب
بارك الله فيك ختي وربي يحفظك كي عطيتيني من وقت وجيتي قريت الموضوع بالرغم من انو طويل ، ربي يفرحك ختي وتحياتي لكِ ​

 

[آلاء هبة]

رد: وَ رآحَت الغآليـــة

​

السلام عليكم والله رجعتيني لوقت جدي الله يرحمو نقرا في كلامك وجدي بين عينيا
قطعتيلي قلبي .بصح واش ديري هذا سنة الحياة انت ابقاي اهدي لجداتك وهي في قبرها
اختم القران واهديلها ثوابو .صلي ركعتين وانويهم صدقة على روحها الطيبة والله غير تفرح بيك
هي مازالها حية في قلبك يااختي ماتحرقيهاش بزاف بدموعك علابالي بللي صعيب الشي بصح
كوني قوية هذا الشي راه من عند ربي سبحانو
انا نحمد ربي صباح وعشية كي عطالي ربي فرصة اني نتهلا ببجدي في اياماتو الاخيرة ولا دقيقة
خليتو وحدو وكان يسند روحي عليا ويصلي ويدعيلي وهو يضحك....
اسمحيلي اختي اذ ا كثرت الهدرة
ربي يهدي سرك اختي ويفرح قلبك في الايام المباركة هادي
سلام

 

[لؤلؤة قسنطينة]

رد: وَ رآحَت الغآليـــة

الله يرحمها ويوسع عليها
كلامك مؤثر لانو خارج من القلب
لكن وصية اذا انتي تحبيها صح وحبيتي تفرحيها في قبرها
اقرايلها القرآن.. تصدقي عليها ولو بحبات حلوة تمديهم للاطفال
اي شي تعمليه راح يوصلها ويفرحها في قبرها
وكثريلها من الدعاء والاستغفار وهذ الشي راح يريحك
لانك راح تحسي انك تفرحي فيها وتتواصلي معها بطريقة اخرى
ربي يرحم المومنين والمومنات ويغفر ليهم يارب

صح فطورك أختي ، والله راني ندعيلها كل يوم ربي جعل مثواها ومثوانا الجن ةأجمعين
ربي يسترك ختي على كلامك الحلو وربي يسهلك و شكرا كي عطيتيني من وقتك وسمعتيلي واسمحيلي إذا خديت من وقتك بزااف ، تحياتي الخالصة ليك​

 

[لؤلؤة قسنطينة]

رد: وَ رآحَت الغآليـــة

السلآم عليكم ~

أسمحيلي أختي مقدرتش نكمل موضوعك

أنآ جدتي فقدتهآ عندي وحد 7 سنين و لدوك مزآلني فالليل نشبع بكآ عليهآ

الله يرحم جدآتك أختي صدقآ الجدة هي في مقآم الأم ~

أنآ جدآتي كآنت آخر فعل درنآه وحنآ مع بعض حضنتني وقآلتلي جآمي ننسآكم

لدوك لدوك مزآلني نتفكر حضنهآ وحنآنهآ حسيت إحسآس غرييييييييب هذآك اليوم

و آخر مرة نشوف فيهآ جدآتي كآنت تودع فينآ بيديهآ

كآنت حآسة بلي كي تروح مش رآيحة ترجع ........... الله يرحم جدتك وجدتي أختي

وأسمحيلي مقدرتش...​

صح فطورك ختي ، وأنا لي اسمحيلي إذا زدت في حزنك، الموت واعرة وخاصة شخص قريب، المهم راحت وهي راضية عليكم، وبارك الله فيك بالرغم من أنك ما قدرتيش تكمل يالموضوع ولكن جاوبتيني ووقفتي معايا ، ربي يحفظك ويسترك و يعوضك بالصبر تحياتي ليك واسمحيلي​

 

[لؤلؤة قسنطينة]

رد: وَ رآحَت الغآليـــة

​

السلام عليكم والله رجعتيني لوقت جدي الله يرحمو نقرا في كلامك وجدي بين عينيا
قطعتيلي قلبي .بصح واش ديري هذا سنة الحياة انت ابقاي اهدي لجداتك وهي في قبرها
اختم القران واهديلها ثوابو .صلي ركعتين وانويهم صدقة على روحها الطيبة والله غير تفرح بيك
هي مازالها حية في قلبك يااختي ماتحرقيهاش بزاف بدموعك علابالي بللي صعيب الشي بصح
كوني قوية هذا الشي راه من عند ربي سبحانو
انا نحمد ربي صباح وعشية كي عطالي ربي فرصة اني نتهلا ببجدي في اياماتو الاخيرة ولا دقيقة
خليتو وحدو وكان يسند روحي عليا ويصلي ويدعيلي وهو يضحك....
اسمحيلي اختي اذ ا كثرت الهدرة
ربي يهدي سرك اختي ويفرح قلبك في الايام المباركة هادي
سلام

وعليكم السلام ورحمة الله وبركاته، صح فطورك ختي لعزيزة وشكرا على كلامك الحلو والرزين ، وربي يرحم جدك ويجعل مثواه الجنة، والله يا ختي الحمد لله درك راني متقبلة الامر، والموضوع لي حطيتو اليوم راهو كلام كنت حابة نقولو نهار ماتت بصح مالقيتش لمن نقولو، الأهل تاعي محروقين كيفي والناس لي برا يضحكو عليا في بالهم الجدة حاجة نورمال تموت عادي ماعندها حتى معنى، على هادي راني نخرج في الهدرة لي كان لازم نفرغ بيها قلبي هادا شحال، وحبيت نسمع مواساة ناس اللمة الطيبين ، وما كنتش غالطة كلكم جاوبتو وبصدر رحب وسمعتو الكلامي الطويل بكل سرور، ربي يحفظك ختي واسمحيلي كي ديت من وقتك وشكراااا بزاف على كلامك الطيب، ربي يفرحك دنيا وآخرة​

 

[**laila**]

رد: وَ رآحَت الغآليـــة

Rabbi yarhamha with ysabarkom nshallah

 

[لؤلؤة قسنطينة]

رد: وَ رآحَت الغآليـــة

Rabbi yarhamha with ysabarkom nshallah

آمين يـــارب
ان شاء الله اختي بارك الله فيك وربي يحفظك
تحياتي :regards01:​