اطلق اللحية راها لامود هاد العام

[Malika Tlm]

السلام عليكم
اليوم حبيت نحكيلكم على واحد الظاهرة شفتها ليامات هادو واستغربت الامر
كامل الشباب لي شايفتهم من العائلة والجيران والمعارف طلقو اللحية
انا تعجبت قلت كفاش هادو اتافقوا كامل باش يلتحيو ول واش؟:s
ولد خويا واحد منهم :dقلت مليح هادا هو لي ينورني
سقسيتو .......قالك هادي لامود نتع هاد الصيف حتى اللاعبين المعروفين و الفنانين داروها :-o
شوفو العجب
قالهم واحد الامام هادي 14 قرن واحنا نعرفو انو اطلاق اللحية سنة نبوية ما درتوهاش و اليوم اثر فيكم لاعب كرة القدم و اقتديتو بيه واطلقتم اللحية :down:
شباب يعرف يقلد برك اي حاجة تجيه من وراء البحار
على بيها رانا في تخلف مستمر بينما الامم الاخرى تتقدم الى الامام نحن نرجع الى الخلف
و انتوما واش رايكم في هاد الشي :s
نهاركم مبروك خوتي وخواتاتي في اللمة وتقبل الله صيامكم وقيامكم
​

 

[السلطانة]

رد: اطلق اللحية راها لامود هاد العام

وعليكم السلام

صح اختي ظاهرة اللحية انتشرت بزاف
واكيد ماش اقتداء بالسنة

هو تقليد
فقط

كي ينحيوها المشاهير حتى تاعنا ينحيوها

وتاني
كون جا الحجاب موضة عند الاوروبيات كانو بناتنا تسابقو ليه !!


ربي يجيب الخير

شكرا على الموضوع

 

[أم منيــــــر]

رد: اطلق اللحية راها لامود هاد العام

المشكل انو مقتنعين و راضيين لو تجي تناقشيهم تحصلي معاهم
يعرفو التقليد والراس فارغ
فعلا ظاهرة جديدة رانا نشوفوها بالبزاف يعطيك الصحة على الموضوع
ساندي والله عندك الحق في واش قلت

 

[صلوا على النبي]

رد: اطلق اللحية راها لامود هاد العام

اللحية ولاو يديروها باش يبانو رجال بصح هوما يبانو انانيش صغار (مع احتراماتي للي يديرو اللحية اقتداءا بالرسول يعني مقصدتهومش هوما )
انا راي يديروها كيما صحابة الرسول احسن مايديروها كيما اللاعبين
شكرا على الموضوع

 

[Malika Tlm]

رد: اطلق اللحية راها لامود هاد العام

وعليكم السلام

صح اختي ظاهرة اللحية انتشرت بزاف
واكيد ماش اقتداء بالسنة

هو تقليد
فقط

كي ينحيوها المشاهير حتى تاعنا ينحيوها

وتاني
كون جا الحجاب موضة عند الاوروبيات كانو بناتنا تسابقو ليه !!


ربي يجيب الخير

شكرا على الموضوع

صخ اختي السنة مضروبة عرض الحائط عند الشباب ( الا من رحم ربي )
التقليد هولي راه يمشي دركا
وكما قلتي كون جا الحجاب موضة كون كامل لبات راهم محجبات
ربي يهدي ما خلق برك
مشكورة للاعتماد والمرور :regards01:

 

[Malika Tlm]

رد: اطلق اللحية راها لامود هاد العام

المشكل انو مقتنعين و راضيين لو تجي تناقشيهم تحصلي معاهم
يعرفو التقليد والراس فارغ
فعلا ظاهرة جديدة رانا نشوفوها بالبزاف يعطيك الصحة على الموضوع
ساندي والله عندك الحق في واش قلت

ايه عندك الحق اختي
هدا وش راه ييمشي في بلادنا
التقليد برك
الله يجيب الخير
مشكورة عالمرور

 

[Malika Tlm]

رد: اطلق اللحية راها لامود هاد العام

اللحية ولاو يديروها باش يبانو رجال بصح هوما يبانو انانيش صغار (مع احتراماتي للي يديرو اللحية اقتداءا بالرسول يعني مقصدتهومش هوما )
انا راي يديروها كيما صحابة الرسول احسن مايديروها كيما اللاعبين
شكرا على الموضوع

ماشي في قضية رجال ولا انانيش
قضية تقليد برك
وكون من غدوا ترجع ديمودي ينحوها كامل
ربي يهدي الشباب
مشكورة عالمرور

 

[Hakan]

رد: اطلق اللحية راها لامود هاد العام

ااخخخ ما نحكيلكمش على اللحية والسروال الطاايح
لكن لمعلوماتكم جميع من رباو اللحية غير هنا هنا راهم يقتديو بهدا العبد :

لكن الحااجة اللي ما يعرفوهااش انو هاد الشخص هو من الشواذ اكرمكم الله لكن علاه تستغربو


ياك بكري كان يضحكو على الاخوة اللي مقصرين الثيااب نتاعهم
لكن نهار القاوري خدملهم البونتاكورت كاامل رجعو مقصرين
ربي يهديناا كاامل للاقتدااء بخير الاناام​

 

[Oussama.GF]

رد: اطلق اللحية راها لامود هاد العام

سلام عليكم طرح جيد
بارك الله فيك

 

[Malika Tlm]

رد: اطلق اللحية راها لامود هاد العام

ااخخخ ما نحكيلكمش على اللحية والسروال الطاايح
لكن لمعلوماتكم جميع من رباو اللحية غير هنا هنا راهم يقتديو بهدا العبد :

لكن الحااجة اللي ما يعرفوهااش انو هاد الشخص هو من الشواذ اكرمكم الله لكن علاه تستغربو


ياك بكري كان يضحكو على الاخوة اللي مقصرين الثيااب نتاعهم
لكن نهار القاوري خدملهم البونتاكورت كاامل رجعو مقصرين
ربي يهديناا كاامل للاقتدااء بخير الاناام​

ايه صح حتى انا شفت تصاورو غير هما يدورو فالفيس وجماعته
وكما قلت اي حاجه يخدمها القاوري ترجع هي فالقمة ولي مايعملش كيفها مزالو متخلف
الله يهدي شبابنا كامل للطريق الصح
منور اخي

 

[Malika Tlm]

رد: اطلق اللحية راها لامود هاد العام

سلام عليكم طرح جيد
بارك الله فيك

وعليكم السلام
وفيك بارك الله :regards01:

 

[Skor m@k]

رد: اطلق اللحية راها لامود هاد العام

السلام عليكم
والله حجا مؤسفة كي نشوفو الناس يتبعو كي الحيونات
تقول معندهم عقل
قال رسول الله صلى الله عليه وسلم: "لتتبعن سنن من كان قبلكم حذو القذة بالقذة حتى لو دخلوا جحر ضب خرب لدخلتموه"
مزال نشوفو لعجب فالناس
الله المستعان
بارك الله لك أختي خديجة موضوع في الصميم
صح فطورك​

 

[لؤلؤة قسنطينة]

رد: اطلق اللحية راها لامود هاد العام

وعليكم السلام ورحمة الله وبركاته
نقول لا حول ولا قوة إلا بالله أولا،
لأنو مجرد ما نقرا كلام كيما هكا نتأثر،
تعرفي علاه نتأثر ؟ لأنو شبابنا ضاع وراهو رايح برك ومعرف وين رايح يوصل
واش يديرو الغرب يتبعوهم حتى ولو كان هاد الشي مخالف لدينهم،
هادا من جهة ومن جهة أخرى ولي يغيض كتر ،
أنهم ما يتبعوش الشي لي قالهم عليه ربي ولا الرسول صلى الله عليه وسلم،
ولما يسمعوه من الغرب يتبعوه ، ناس نسات ربي وتبع في العبد،
وهاد الظاهرة والله في كل بلاصة شوهو صورة الإسلام
شواءا من جهة اللحية عند الرجال ولا الحجاب عند النسا
مرة وحدة لقيتها لابسة فستان دومي مونش يديها كامل يبانو،
وكي تقوليلها تقولك لامود، تخرجلك شعرها وتقولك لامود،
علاه تشوهو في صورة الإسلام؟؟ ، ماش حابة تتحجبي ما تتحجبيش
ماش حاب دير اللحية ما ديرش ،
هادا راهو دين واضح وساهل وباين،
علاه تصعبو فيه وتزيدو وتنقصو فيه من عندكم؟؟
والله يا ختي راني خرجت بزاف على الموضوع اسمحيلي
لكن حال شبابنا هو لي يخلي الانسان يعبر على واش في قلبو بلا مايشعر
ربي هديهم ويهدينا وينورلنا طريقنا
شكرا ختي على الموضوع القيم
تحياتي ليك
​

 

[أم أُنٌَيسة]

رد: اطلق اللحية راها لامود هاد العام

السلام عليكم
بارك الله فيكي و جزاكي خيرا
و هدانا الله و كل المؤمنين
نطلب من الله الهداية و الشفاء لكل المؤمنين
تحياتي
في امان الله و حفظه
سلام الله عليكم
​

 

[Malika Tlm]

رد: اطلق اللحية راها لامود هاد العام

السلام عليكم
والله حجا مؤسفة كي نشوفو الناس يتبعو كي الحيونات
تقول معندهم عقل
قال رسول الله صلى الله عليه وسلم: "لتتبعن سنن من كان قبلكم حذو القذة بالقذة حتى لو دخلوا جحر ضب خرب لدخلتموه"
مزال نشوفو لعجب فالناس
الله المستعان
بارك الله لك أختي خديجة موضوع في الصميم
صح فطورك​

وعليكم السلام
فعلا هدا المؤسف في الامر
حاجة يكون موصي عليها الرسول عليه الصلاة والسلام من بكري ما يطبقوهاش
بصح كي يجي عبد مشهور يدير حاجه هكا كامل يتبعوه
الله يهدي ما خلق
بارك الله فيك أخي مالك

 

[Malika Tlm]

رد: اطلق اللحية راها لامود هاد العام

وعليكم السلام ورحمة الله وبركاته
نقول لا حول ولا قوة إلا بالله أولا،
لأنو مجرد ما نقرا كلام كيما هكا نتأثر،
تعرفي علاه نتأثر ؟ لأنو شبابنا ضاع وراهو رايح برك ومعرف وين رايح يوصل
واش يديرو الغرب يتبعوهم حتى ولو كان هاد الشي مخالف لدينهم،
هادا من جهة ومن جهة أخرى ولي يغيض كتر ،
أنهم ما يتبعوش الشي لي قالهم عليه ربي ولا الرسول صلى الله عليه وسلم،
ولما يسمعوه من الغرب يتبعوه ، ناس نسات ربي وتبع في العبد،
وهاد الظاهرة والله في كل بلاصة شوهو صورة الإسلام
شواءا من جهة اللحية عند الرجال ولا الحجاب عند النسا
مرة وحدة لقيتها لابسة فستان دومي مونش يديها كامل يبانو،
وكي تقوليلها تقولك لامود، تخرجلك شعرها وتقولك لامود،
علاه تشوهو في صورة الإسلام؟؟ ، ماش حابة تتحجبي ما تتحجبيش
ماش حاب دير اللحية ما ديرش ،
هادا راهو دين واضح وساهل وباين،
علاه تصعبو فيه وتزيدو وتنقصو فيه من عندكم؟؟
والله يا ختي راني خرجت بزاف على الموضوع اسمحيلي
لكن حال شبابنا هو لي يخلي الانسان يعبر على واش في قلبو بلا مايشعر
ربي هديهم ويهدينا وينورلنا طريقنا
شكرا ختي على الموضوع القيم
تحياتي ليك
​

اهلا بيك اختي
ايه هدا المؤسف كما قلت للي قبل حاجة تع الرسول وربي مايتبعوهاش بصح عبد مشهور يتبعوه
وعندك الحق فكامل وش قلتي
وتاني يدو من الغرب غير واش يحبو
العلم والقراية والاخلاق مايدوش منهم
بصح العادات السيئة ولا حاجة تاع لامود كامل يديرو كيفهم
ربي يهدي
منورة اختي وبارك الله فيك

 

[Malika Tlm]

رد: اطلق اللحية راها لامود هاد العام

السلام عليكم
بارك الله فيكي و جزاكي خيرا
و هدانا الله و كل المؤمنين
نطلب من الله الهداية و الشفاء لكل المؤمنين
تحياتي
في امان الله و حفظه
سلام الله عليكم
​

وعليكم السلام
وفيك بارك الله اختي
اللهم اميين
منورة

 

[yyoucef]

رد: اطلق اللحية راها لامود هاد العام

وعَنْ أَبِي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ لَا تَقُومُ السَّاعَةُ حَتَّى تَأْخُذَ أُمَّتِي بِأَخْذِ الْقُرُونِ قَبْلَهَا شِبْرًا بِشِبْرٍ وَذِرَاعًا بِذِرَاعٍ فَقِيلَ يَا رَسُولَ اللَّهِ كَفَارِسَ وَالرُّومِ فَقَالَ وَمَنْ النَّاسُ إِلَّا أُولَئِك" [البخارى..ك..الاعتصام]

 

[red rose]

رد: اطلق اللحية راها لامود هاد العام

و زادت خرجت عند البنات موضة نقاب نصف داائري و معاه ماكياج خليجي
الله يهديهم
سلام​

 

[ماكانش]

رد: اطلق اللحية راها لامود هاد العام

الحمد لله اللحية درناها كي كان الي يديرها يشوفو معاه تبالهم ارهابي ........