ياربي اعطيني راجل شباب وعندو bmw

[الزهرة الحمراء]

السلام عليكم واش حوالكم احباب لمتنا



توحشتوني علابالي ايه بلا ماتقولوا (ياعيني على التواضع :p )
المهم جتيكم اليوم باه نحكيلكم على واحد العفسة انتشرت بزااااف وهاذ العفسة تعبت الشباب تاعنا اليوم الله يعطيهم الربح (شفتو اني ندعيلكم )
المهم مانطولش لحكاية هاذي صرات نهار العيد كي تلمييت انا وبناات نعرفهم في دار وحدة باه نحكيو شوية ونقرعجو بزاااف تاني :d ايا وحنا قاعدين قلت لفلانة ديرلي عفسة وكي دارتهالي قلتلها الله يعطيك ماتتمناي :regards02: لثما رفدت يديها وقالت ياربي اعطيني راجل شباب وعندو ليميسكل (باه يحميها كيما كان بوباي يحمي زيتونة :sport02: ) وعندو bmw :scared01: ( من نيتك حبيبتنا ) وفهاذيك اللحظة شافت فيا حبيبتي لي نفهمها وتفهمني هاذيك الشوفة تع كي يعييك واحد وقاتلها نقولك حاجة فيف الزوالي للصباح اديها من عندي
وهنا انا نقول صح عندها الحق يحيالي الزوالي مسكين كي يجي يزوجك تخرج عمرو باه يلم هاذوك الدراهم ويديرلك عرس الله الله تفرحي بيه وتتفكريه حياتك كاملة :$ ونهار يديك يتفكر بلي ديما تعب باه يجييبك وهكا رايحا تكوني انت اغلى حاجة في حياتو :love01:
على عكس حبيبنا مول الشكارة عندو ديااار طوموبيلات دراهم يعني عندو بزاااف عفايس ونهار يجيبك مايعيش روحو كامل يجيبك بالساهل :down: وكاش مايصرا بدراهمو يعاود يجييب لالاك
على عكس سيد الرجال الزوالي كاش مايصرا يعاود يخمم يزوج يتفكر العرس قلبو يوجعو يعاود يرجع وتعيش مع بعضاكم في سعادة وهناء :bravo01:
المهم يالبنات ومانيش نقول كامل الله يرضى عليكم كي تشرطي اعرفي واش تشرطي انت واش يهمك المهم يحبك ويخاف علييك (ياعيني على معيشة كيما هكا خخخخخ )
ان شاء الله نكون كنت خفيفة علييكم واتكلموا ماتخلوهاش في قلبكم :smile02::bravo01:
سؤال الشباب واش رايكم فالبنات لي يشرطو كيما هكا ونصيحة ليهم
سؤال للبنات في رايكم علاش لبنات عادو يشرطوا كيما هكا عفايس جايحين مايدخلوش للراس ​

كانت معكم الزهرة الحمراء تحييكم من وراء الشاشة :regards01:​

 

[بنقابي افتخر]

رد: ياربي اعطيني راجل شباب وعندو bmw

هههههه ضحكتيني
والله الزوالي بالنسبه ليا خير
يجيب اي حاجه يحس بقيمتها
ومول الكارة ساهله ماهله ههههههههه
رأيي يخفو شويا من طلباتهم خصوصل المهر وماآدراك ما المهر
ياو حسووووووو

 

[الزهرة الحمراء]

رد: ياربي اعطيني راجل شباب وعندو bmw

هههههه ضحكتيني
والله الزوالي بالنسبه ليا خير
يجيب اي حاجه يحس بقيمتها
ومول الكارة ساهله ماهله ههههههههه
رأيي يخفو شويا من طلباتهم خصوصل المهر وماآدراك ما المهر
ياو حسووووووو

اهلا بالزينة ربي يدوم ضحكتك ان شاء الله
ايه يشوف للموضوع تع الزوالي من الجانب المشرق كيما يقولوا
ماهمش عارفن بلي النساء راهم اضعاف المضاعفة من عدد الرجال ولازم يسهلولهم باه يزوجوا
يعطيك الصحة حبوبة وربي يهنيك ​

 

[Nina's]

رد: ياربي اعطيني راجل شباب وعندو bmw

توحشناك توحشناك ههه
كيما قلتي يا لعزيزة, يحيا الرّاجل الزوالي الفحل’ بصّع ماشي معنتها تعيشي فالذل و الميزيرية كيما عاشو امهاتنا, يعني يكون قيس قيس
شكرا اختيتي​

 

[red rose]

رد: ياربي اعطيني راجل شباب وعندو bmw

صح صح فيف زوالي مهما يتقابض مع زوجتو تجيع صعبة بش يعيد زواج
يتفكر داك المهمر قلبو يدور ههههه
اييه و بنت لازم يخفو شوية عالرجال يعني مش غير تشمر درعيها و تقول مهري هادي و هادي
سلامي

 

[الزهرة الحمراء]

رد: ياربي اعطيني راجل شباب وعندو bmw

توحشناك توحشناك ههه
كيما قلتي يا لعزيزة, يحيا الرّاجل الزوالي الفحل’ بصّع ماشي معنتها تعيشي فالذل و الميزيرية كيما عاشو امهاتنا, يعني يكون قيس قيس
شكرا اختيتي​

علابالي توحشتوني خخخخ
كيما عاشو امهاتنا وين راهي المزيرية ونقولوا عاشوا فالميزيرية مبصح واش قابلها راجل سبع وعلييه لكلام حبيبة
وزيد زينة يكون خدام عندو مدخول لي يسمحلو يجيب عشا ليل هذا ماكان
يعطيك الصحة حبيبة وربي يعطيك ماتتمناي (بالاكي تقوليلي راجل شباب وعندو ليميسكل خخخخ ​

 

[الزهرة الحمراء]

رد: ياربي اعطيني راجل شباب وعندو bmw

صح صح فيف زوالي مهما يتقابض مع زوجتو تجيع صعبة بش يعيد زواج
يتفكر داك المهمر قلبو يدور ههههه
اييه و بنت لازم يخفو شوية عالرجال يعني مش غير تشمر درعيها و تقول مهري هادي و هادي
سلامي

شفتي تلقايا عايشة قيس قيس في دارهم وكي يجي واحد يخطبها تقولوا اني حابة وحابة تقول مسكين لي جا يخطب هو مصطفى الآغا
ربي يهدينا ويعطيك الصحة حبوبة ​

 

[آمِيْرَتُه]

رد: ياربي اعطيني راجل شباب وعندو bmw

السلام عليك

مكانش كيما انسان متواضع يصلي يخاف ربي يحبك مثقف محترم

 

[الزهرة الحمراء]

رد: ياربي اعطيني راجل شباب وعندو bmw

السلام عليك

مكانش كيما انسان متواضع يصلي يخاف ربي يحبك مثقف محترم

صح يا اختي
مبصح ارواحي انت وفهمي هاذوك لبنات هاذ الهدرة مافهمتش انا باه يخمو
يعطيك الصحة الزينة وربي يحفظك ​

 

[الزهرة الحمراء]

رد: ياربي اعطيني راجل شباب وعندو bmw

حالياً الأعضاء النشيطين الذين يشاهدون هذا الموضوع : 41 (2 عضو و ​

39 ضيف)

واقيلا هاذو لبنات لي يحبو مول الشكارة وراهم جايين يتحاماو فيا خخخخخ ​

 

[Hakan]

رد: ياربي اعطيني راجل شباب وعندو bmw

السلاااام عليكم
يااختي مرحباا بيك ان شااء الله تكوني بخير وتاخذي رايي وتتقبليه
ورانا في منتدى وكل وااحد والنضرة نتاعو للحياة
وانا نضرتي هي كالآتي
بما انو نعيش في مجتمع جزائري لا يخفي اسراره ولكن الاسرار في مجتمعي تعلن بسرعة
اختي في الله الزوالي هي كلمة تعني الانسان ميسوور الحاال
لكن لما نترجمو كلمة زوالي عند الفتيات نتاع دزاير
واش تقلك اختنا تقلك الزوالي هو الانساان اللي عندو شهرية لاباس بيهاا
ويقدر يدفع مهر نتاع 20 مليون
ويقدر يدير عرس في قااعة حفلات ب 10 ملاين لليلة
ولكن هنا نحطو نقااط ونحبسو
والتعريف غالط
الزوالي هو في الحقيقة ذالك الشاب المكين اللي كل صبااح ينوض
يحوس يسترزق الخبزة نتاعو ما تتجاوزش نهار وااحد والاحلام نتاعو لا تتعدى الا ان تكون هذا الدعااء "" ياربي نوض صبااح ونروح نصيب السوق مفتووح كاشما الواحد يجيب اكل للبيت نتاعهم "
نضرة الفتيات الجزائرياات بصفة عاامة هي نضرة قصيرة
تقلك نديه زوالي ويعيشني معيشة مكرمة
يااختي الزوالي ماكانش عيشة مكرمة والتي بدورها تعني عند الفتيات الجزائريات انو تنوض الصبااح تصيب الثلااجة فيها الخير وتصيب صندوق المواد الغذائية معمر وعندها مصرووف شهر وركزولي على مصرووف شهر وبما اني قلتلكم انو الزواالي
مسكين الاحلام نتاعو لا تتعدى مدة 24 سااعة يعني يهمو يعيش نهار غدوا وبس وكي يكمل نهار نتاع غدوا يزيد يخمم في النهاار اللي بعدو
ماشي كيف نااس الله يباارك فاتح عليها ربي تخمم من شهر لشهر يعني ما عندوش السؤال اللي يطرحو الزوالي وهو "واش ناكل غدوا "لا ولكنو يخمم في البنااء وشراء السياارة وكوين يقضي العطلة نتاع الصيف وما الى اخره
وباختصاار شديد ربي يرزقكم برجااال اما مسئلة الزوالي فاضن انو الغالبية تخطئ وما نضنش فتاة تتمنى طيح في رااجل تتميزر معاه الا اذا كانت من عاالم اخر وهدا العاالم مازال ما شفناهش
الاجاابة نتاع سؤاالك هي :
البنات اللي يشرطو الرجل المرفه يعني ياناس نحطو اسطر تاني لانو بعض من الشعب الجزاائري اللي راقد نهار كاامل
ومن بعد يحسب لهدااك الرااجل اللي ينوض من الصبااح وهو يخدم كاين مرفهين ورجالة نتاع الصح ودراهمو ماجابهمش بين ليلة وضحاها تعب عليهم يعني وصلنا لوقت وين رجع الترفااه عيب يعني الرااجل ما يتعابش الا في شيء وهو اخلااقو وفقط اما مسئلة الماال فهو فتح من عند ربي قادر تكون زواالي وفي ليلة وضحاها يفتح ربي
وقادر العكس لكن الفيصل بين الاثنين هو فحولة الرجل واخلاقو لانو الانسان المتربي ما رايحش تبدله الدرااهم شكراا اختي
وربي يرزقكم ولد الحلال زوالي كان او مترفه المهم يكون رااجل برك....​

 

[الباندي]

رد: ياربي اعطيني راجل شباب وعندو bmw

كما قالك حكيم الزوالي الحلم تاعو مايفوتش 24 ساعة كما عمر الناموسة نيشان ههههه
----
اودي الزاولي تاني فيه وعليه
...واذا كان انسان خدام و لباس بيه وولد فاميلة علاه لا لا شكون اللي مايحبش يعيش معيشة هانية ..
اظن انو الزوالي اللي راكي تحكي عليه هو اللي حبك و مقدرش يزوج بيك باسكو مالحقش المهر تاعك و لا شروطك التعجيزية ..هنا نقولو هذا زوالي ....
--
المعيار الحقيقي هو الرجلة فيني و الماشريار مكسرة هذا هو الزوالي عندي انـا اللي كي تمشي معاه تحسوا جبل مورا ظهرك ..اما الامور المادية هذيك زيادة برك

 

[هشام رضا]

رد: ياربي اعطيني راجل شباب وعندو bmw

ربي يسعدكم ويعطيكم مااتتمناو ان شاء الله ويسهللكم ربي في رجال ذوي قلوب طيبة خلوقة تحترمكم وتسعدكم وتحافظ عليكم وربي يرزقكم بأولاد صالحين يكونو في طاعة ربي وطاعة والديهم

 

[الزهرة الحمراء]

رد: ياربي اعطيني راجل شباب وعندو bmw

السلاااام عليكم
يااختي مرحباا بيك ان شااء الله تكوني بخير وتاخذي رايي وتتقبليه
ورانا في منتدى وكل وااحد والنضرة نتاعو للحياة
وانا نضرتي هي كالآتي
بما انو نعيش في مجتمع جزائري لا يخفي اسراره ولكن الاسرار في مجتمعي تعلن بسرعة
اختي في الله الزوالي هي كلمة تعني الانسان ميسوور الحاال
لكن لما نترجمو كلمة زوالي عند الفتيات نتاع دزاير
واش تقلك اختنا تقلك الزوالي هو الانساان اللي عندو شهرية لاباس بيهاا
ويقدر يدفع مهر نتاع 20 مليون
ويقدر يدير عرس في قااعة حفلات ب 10 ملاين لليلة
ولكن هنا نحطو نقااط ونحبسو
والتعريف غالط
الزوالي هو في الحقيقة ذالك الشاب المكين اللي كل صبااح ينوض
يحوس يسترزق الخبزة نتاعو ما تتجاوزش نهار وااحد والاحلام نتاعو لا تتعدى الا ان تكون هذا الدعااء "" ياربي نوض صبااح ونروح نصيب السوق مفتووح كاشما الواحد يجيب اكل للبيت نتاعهم "
نضرة الفتيات الجزائرياات بصفة عاامة هي نضرة قصيرة
تقلك نديه زوالي ويعيشني معيشة مكرمة
يااختي الزوالي ماكانش عيشة مكرمة والتي بدورها تعني عند الفتيات الجزائريات انو تنوض الصبااح تصيب الثلااجة فيها الخير وتصيب صندوق المواد الغذائية معمر وعندها مصرووف شهر وركزولي على مصرووف شهر وبما اني قلتلكم انو الزواالي
مسكين الاحلام نتاعو لا تتعدى مدة 24 سااعة يعني يهمو يعيش نهار غدوا وبس وكي يكمل نهار نتاع غدوا يزيد يخمم في النهاار اللي بعدو
ماشي كيف نااس الله يباارك فاتح عليها ربي تخمم من شهر لشهر يعني ما عندوش السؤال اللي يطرحو الزوالي وهو "واش ناكل غدوا "لا ولكنو يخمم في البنااء وشراء السياارة وكوين يقضي العطلة نتاع الصيف وما الى اخره
وباختصاار شديد ربي يرزقكم برجااال اما مسئلة الزوالي فاضن انو الغالبية تخطئ وما نضنش فتاة تتمنى طيح في رااجل تتميزر معاه الا اذا كانت من عاالم اخر وهدا العاالم مازال ما شفناهش
الاجاابة نتاع سؤاالك هي :
البنات اللي يشرطو الرجل المرفه يعني ياناس نحطو اسطر تاني لانو بعض من الشعب الجزاائري اللي راقد نهار كاامل
ومن بعد يحسب لهدااك الرااجل اللي ينوض من الصبااح وهو يخدم كاين مرفهين ورجالة نتاع الصح ودراهمو ماجابهمش بين ليلة وضحاها تعب عليهم يعني وصلنا لوقت وين رجع الترفااه عيب يعني الرااجل ما يتعابش الا في شيء وهو اخلااقو وفقط اما مسئلة الماال فهو فتح من عند ربي قادر تكون زواالي وفي ليلة وضحاها يفتح ربي
وقادر العكس لكن الفيصل بين الاثنين هو فحولة الرجل واخلاقو لانو الانسان المتربي ما رايحش تبدله الدرااهم شكراا اختي
وربي يرزقكم ولد الحلال زوالي كان او مترفه المهم يكون رااجل برك....​

وعليكم السلام اخي
ويعطيك الصحة على الرد تاعك لي فالقمة
اما بالنسبة كي قلت مانضنش فتاة تقبل بواحد تتميزر معاه خويا انا نقولك كاينين اذا كان راجل ربي يبارك علييه فالاخلاق المرا ماعندها ماتطلب
وبالنسبة ليا انا نقبل
وكي راني نحكي نحكي على واش كاين وكأبسط مثال الام تاعي والاب
نهار جا يخطبها ماعندو والو دار اللخرة وماعندوش وكان في خدمة منا الغدوا ماعلابالوش واش فيها وقبلت بيه وبالشوية بالشوية داروا المستقبل تاعهم مع بعضاهم وتعاونوا على هم الدنيا وذركا الحمد لله
انا من راي المستقبل تاعي نديرو انا وراجلي هكا نتعاونوا على هم الدنيا احسن من واحد يجيني متول من كل شي
وحنا ديما ديما نحوسوا على الغني باخلاقو
بيعطيك الصحة خويا وربي يرزق شبابنا بنت الحلال ​

 

[الزهرة الحمراء]

رد: ياربي اعطيني راجل شباب وعندو bmw

كما قالك حكيم الزوالي الحلم تاعو مايفوتش 24 ساعة كما عمر الناموسة نيشان ههههه
----
اودي الزاولي تاني فيه وعليه
...واذا كان انسان خدام و لباس بيه وولد فاميلة علاه لا لا شكون اللي مايحبش يعيش معيشة هانية ..
اظن انو الزوالي اللي راكي تحكي عليه هو اللي حبك و مقدرش يزوج بيك باسكو مالحقش المهر تاعك و لا شروطك التعجيزية ..هنا نقولو هذا زوالي ....
--
المعيار الحقيقي هو الرجلة فيني و الماشريار مكسرة هذا هو الزوالي عندي انـا اللي كي تمشي معاه تحسوا جبل مورا ظهرك ..اما الامور المادية هذيك زيادة برك

مرحبا بيك خويا
ايه خويا حنا ماقولناش واحد خداام و لباس بيه مانقبلوش بيه ولا نقبلو بالزوالي
حنا حبيينا نبينو عفسة للبنات هاذوك برك هي مدايرة في بالها زواااج من واحد مرفه ولا ماكانش وذرك رانا نحكوا واش كاين يجي واحد ربي يبارك علييه مثلا يخلص 5 ملاين يخطب طفلة ويجي لوخر نقولو يخلص 10 ملاين رايحا تخير الدوزيام على حساب الاول
وانا نظن اي وحدة واعية وفاهمة رايحا تخير الرجلة لي في وقت الشدة تلقاه هو
يعطيك الصحة خويا
وربي يعطيك ماتتمنا ​

 

[الزهرة الحمراء]

رد: ياربي اعطيني راجل شباب وعندو bmw

ربي يسعدكم ويعطيكم مااتتمناو ان شاء الله ويسهللكم ربي في رجال ذوي قلوب طيبة خلوقة تحترمكم وتسعدكم وتحافظ عليكم وربي يرزقكم بأولاد صالحين يكونو في طاعة ربي وطاعة والديهم

آمين خويا ويسعد شبابنا يارب ويرزقهم الزوجة الصالحة
يعطيك الصحة اخي
دمت في رعاية الله ​

 

[l_™SN1PER GH0ST™_l]

رد: ياربي اعطيني راجل شباب وعندو bmw

سلام ختي

أولا آنآ لاآعيب خلق الله سأتحدث بالمنطق

من حق هذه الفتاة آن تتمنى رجلها المستقبلي

الله جعل المرأة مكملا للرجل والعكس صحيح

هناك من تحب الفقير وهناك من تحب الغني وهناك ......

مافيهاشش عيب ......... لعيب كي 99/100 من الفتيات الجزائريات يحبو الرجل لغني نحكيلكم واش رآه صآري مانيش نجيب و نحط

نحكيلكم وآحد القصة كي كنت مع لعجوز نديرلها في كنترول في لوسبيتال تآع الواد

كي كنت خآرج من المركز كان كاين واحد سكرآن فآيت طريق ...لقى واحد هابط من طوموبيل Audi Q6 .....هآداك السكرآن قالو علاه ربي مآعطآنيش وحدة كيمآ هآدي .... سمعو مولا الطوموبيل مشى شويــآ ممبعد رجع للسكرآن .... جبدلو المفتآح قالو نتآ تحوس علا الطوموبيل فرح السكرآن قالو وي .....مولا الطوموبيل قالو آنآ نحتآج منك حآجة وحدة وقدآم الرجال كآمل نعطيك الطوموبيل و مانطيحش كلمتي ...السكرآن قالو وآش ... الغاشي قآع تشوكآو ..... قالو مولا الطومبيل آنآ نحتآج كلية قالو آعطيني كلية ....فآق هآداك السكرآن شويآ و قالو مآنقدرش قآالو مولا الطوموبيل كيمآ نتآ تحو على الطوموبيل آنآ نححوس على الصحة و رآحة البال لوكآن نلقى بدرآهمي كآمل نشريهم

الغناء لا يعني الصحة و رآحة البال يـــــآآختــآه


و

وكم من غني أصبح فقير و كم من فقير أصبح غني


الارزاق بيدي الله


........==>
​

 

[الزهرة الحمراء]

رد: ياربي اعطيني راجل شباب وعندو bmw

سلام ختي

أولا آنآ لاآعيب خلق الله سأتحدث بالمنطق

من حق هذه الفتاة آن تتمنى رجلها المستقبلي

الله جعل المرأة مكملا للرجل والعكس صحيح

هناك من تحب الفقير وهناك من تحب الغني وهناك ......

مافيهاشش عيب ......... لعيب كي 99/100 من الفتيات الجزائريات يحبو الرجل لغني نحكيلكم واش رآه صآري مانيش نجيب و نحط

نحكيلكم وآحد القصة كي كنت مع لعجوز نديرلها في كنترول في لوسبيتال تآع الواد

كي كنت خآرج من المركز كان كاين واحد سكرآن فآيت طريق ...لقى واحد هابط من طوموبيل Audi Q6 .....هآداك السكرآن قالو علاه ربي مآعطآنيش وحدة كيمآ هآدي .... سمعو مولا الطوموبيل مشى شويــآ ممبعد رجع للسكرآن .... جبدلو المفتآح قالو نتآ تحوس علا الطوموبيل فرح السكرآن قالو وي .....مولا الطوموبيل قالو آنآ نحتآج منك حآجة وحدة وقدآم الرجال كآمل نعطيك الطوموبيل و مانطيحش كلمتي ...السكرآن قالو وآش ... الغاشي قآع تشوكآو ..... قالو مولا الطومبيل آنآ نحتآج كلية قالو آعطيني كلية ....فآق هآداك السكرآن شويآ و قالو مآنقدرش قآالو مولا الطوموبيل كيمآ نتآ تحو على الطوموبيل آنآ نححوس على الصحة و رآحة البال لوكآن نلقى بدرآهمي كآمل نشريهم

الغناء لا يعني الصحة و رآحة البال يـــــآآختــآه


و

وكم من غني أصبح فقير و كم من فقير أصبح غني


الارزاق بيدي الله


........==>
​

وعليكم السلام خويا
الفقر عمرو ولا كان عيب وصح لوكان نحطو اموال الدنيا كامل في كفة والصحة فالكفة الاخرى الدراهم مايجوش قد الصحة
وانا على واش راني نحكي فالموضوع هذا على شروط البنات حنا كامل نعرفو البير وغطاه ونعرفوا انو 90 من الشبيبة الجزائرية تطمح للزواج تتمنى تلقى خدمة ودير دار وتزوج مبصح كاين بناات كي يروح يخطبها سبحان الله تعطيلو واحد الشروط مايدخلوش للراس هادوك الشروط كامل على واش الله اعلم
يعطيك الصحة خويا
دمت في رعاية الله ​

 

[josefcom]

رد: ياربي اعطيني راجل شباب وعندو bmw

hhhhhhhhhhhhhh vive zaweli ah
chaba3touna balot
​

 

[أم أحمــــد يــسّ]

رد: ياربي اعطيني راجل شباب وعندو bmw

ههههههه يعطيك رحمة يا موصيبة ...اطفرت فيك كان جايك مول الشكارة مي حشمتيه وقلتي باغية زوالي ..ايا ربي يرزقك بسيد الزواولة ..
ياو هاذوك كااامل احلام اليقظة حبوبتي مي الواقع عندو الرسمي ..وكي تصيبه رديلي لخبر ...
آااا نسيت انا ثاني تشرظت بزاف والول شرظي يكون صلاي وضاي هكا يكون عارف شرع ربي. والحمد لله راهو ديما عارف باب الجامع ادعيلي ربي يكملي مع الزوالي ديالي ههههه
وربي يستر عليكم كامل ويرزقكم باولاد لحلال....وماننسوش ليجان ربي يرزقكم ببنات لحلال اللي يصونوكم ويعرفو قيمتكم ”..(مساكن محتاجين دعوة )