بصراحة الموضوع يخصني على مستوى شخصي أنا امرأة عاملة بعدما مكثت في البيت اربع سنوات بعد الزواج دون عمل لكن اضطررت للعمل رغم ان زوجي كان ضد الفكرة ولكن اضطررنا لذلك لأننا في كل مرة تحصل حالة طارئة نبدأ في البحث عن من يسلفنا وتتقطع وجوهنا امام اناس يرفضون إقراضنا والله احساس بالقهر لما تحس روحك قد قد تغلط تشري حاجة زائدة طيح في الكريدي وأما ان المرأة لي تعمل تفقد أنوثتها نقول للأخ ابراهيم المرأة اللي تهتم بأنوثتها وجمالها وواقفا على تصرفاتها وتعاملاتها وسلوكها وزاد المرأة كي تخدم تعود تعاون رجلها وتنفع اولادها وتجدد افكارها وانا نشفا كي كنت ما نخدمش نحس بلي النيفو تاعي قاعد يهبط ودايما كئيبة ويدخل الكسل وحب النوم من كثرة الفراغ والروتين كل يوم اغسل سيق طيب نفس الشيء وماعنديش حتى حق قرعا ريحا او لبسة جديدة دائماً نستنى راجلي كشما مسكين يفضل شوي دراهم ويشريلي حاجة واحد المرة فسدت السيارة اللي يعمل بيها وكان تصليحها غالي جدا وواحد ماحب يسلفلنا مالا من هاذاك اليوم قررت نخدم وانا نعمل بالحجاب والنَّاس كامل يحتارموتي لي يغلط نحمر فيه عيني ونحقره يرجع لبلاسطو مالا ماكلاه يجي واحد يحكم على المرأة العاملة انها قليلة الأنوثة ووووووووووووو المهم نرجعو للموضوع أنا اختي جا واحد خطبها قالها تخلصي خمس مالاين أنا ندي ربعا ونعطيك مصروفك كل شهر مليون ديري بيه واش تحبي هههههههه ونعرف واحد صاحب خويا مسكين شهريته قليلة مالا حوس على مرآة خدامة غير باش يتقاسمو مشاكل الحياة مالا هي وافقت وراهم عايشين لابأس عليهم أنا رايي انه الموضوع متعلق بالنية لانه نتذكر حديث سيد الانام عليه الصلاة والسلام تنكح المرأة لثلاث ومنها لمالها يعني هاذا حلال لكن النبي قال لنا اضفر بذات الدين تربت يداك
كيما هاد الشروط التعجيزية للزواج واللي مايقبلهم لا شرع لادين اكيد يد وحدة ما تسفق كيما يقولو ورانا مع المرأة الخدامة واللي تكون سند للزوج ديالها بالصح هاد الشي مايمنعش باللي دور المرأة الماكتة في البيت بالغ الأهمية وفي البلدان المتقدمة مثل ألمانيا المرأة اللي تبقى في الدار تسلك كيفها كيف الخدامة بالرا على خاطر خدمتها فيها مجهود كبير تربية الأطفال ماشي حاجة ساهلة واش نقولو من غير الله يهدي ما خلق شكرا يا زهرتنا الزينة
