اللباس الفاضح عند الفتيات .......

[YARA 26]

رد: اللباس الفاضح عند الفتيات .......

السلام عليكم
اولا بارك الله فيك على طرح الموضو للانو حطيتي يدك في الوتر الحساس
ثانيا الله يهدي الوالدين نعم الوالدين لانهم هما المصيبه الكبيره
انا باغي نعرف آسكو الوالدين اللي راهم يربو البنات ويخليوهم يلبسو هاد التبهديل
آسكو والدين الوالدين كانو يخلوهم يلبسو هكا
يعني فيما مضى نعقل والوقت اللي فات ماكانش عندنا هدى اللبسه. إه
الله يرحم الكسى واش كانت ساتره
والعائلات الجزائريه سبحان الله كانت محافظه
والله تحير يعني وقت فرانسا دخلت وخرجت وكانو مازالو شادين في الكسى والقشابيه والبرنوس
والان واش كاين باه الناس تعمات. وراني على كامل البنات
وين راه الحجاب الشرعي اللي قال علي ربي سباحنه والرسول صلى الله عليه وسلم
ماتقوليليش حجاب بالسروال واللا جيب
ولا حتى هادوك الساجدات ولا ملائه ولا جلابه
لانو حتى هما ماعندهم ماساترين يعني كلش مفصل الله يهديهم
الحجاب مفهومه الوحيد في السنه هو الجلباب متفق عليه
وشكرا

يا اختي للاسف تلقاي يمات هاذي البنت بلاك كثر منها

 

[YARA 26]

رد: اللباس الفاضح عند الفتيات .......

وعليكم السّلام ورحمة الله وبركاته
أهلا بأختي وبموضوعك المميز
وأكيد لما نقرا عنوان كيما هكا رايحة ندخل نجري (في كل محضر نحضر ههه)
المهم منين نبدا وين نخلص قد مانهدر قليل
هيا معليش نفرغ قلبي عند ختي لعزيزة ^^
أولا قبل مانبدا نهدر عجبتيني لما قلتي في الأخير احتراماتي لي ماراهومش محجبين
لأنو فعلا اللبس الفاضح ماشي مقتصر على لي بلا حجاب برك
أنا ساعات نشوف بنات محجبات نتخلع ومانفهمش إذا راهي محجبة ولا راهي تجرب في الحجاب (زعما بث تجريبي ؟)
لابسة سروال وتريكو وطرف قماش من فوق راسها ونص شعرها يبان
إذا حابة تتبرجي نحي الحجاب وماتفسديش صورتو
عيب والله عيب كبير , تقول العبد يدير ماسك لما يكون خارج لأنو كيما قلتي نوليو نتمناو تتحل الأرض وندخلو فيها
مالا هكاك نعودو مانخرجوش برا نحطو قنوات أجنبية خير ونتفرجو عليهم
لأنو كيف كيف واحد اللبسة يا لطيف أنا طفلة ونحشم وين راجل ؟؟
وتاني ديما نذكرها ونعاودها أي مشكلة تخص أحد الطرفين لازم يكون للطرف الآخر دور في هاد المشكلة
وهنا رايحة نجبد الرجال, وينو الاب؟ وينو الأخ ؟ وينو الزوج؟؟
ولا الزوج نفسو يشرط على مرتو اللبس الفاضح باه يتفاخر بيها مع صحابو
ولا الأب يخلي بنتو تلبس اللبس الفاضح باه تبان الاسرة تاعو زعما مثقفة وماعندهاش عقدة
الأخ يشوف ختو تخرج بلبسة ماتسواش ويسكت ( زعما عندو عقلية coool )
واش من كوول راهم كلاو رواحهم وكلاونا معاهم , علاه تجيبو ليكم ولينا الهدرة الفاسدة
حتى ولاو يقولو بنات الجزائر فاسدات ومايسواوش وهادا كامل باللبسة تاعكم لي الكفار ولاو يحشمو يلبسوها
أنا والله من فترة شفت عرس تاع وحدة من العائلة عايشة في فرنسا والله تخلعت ومخي حبس
نص النسا المتحجبين بحجابهم وفي نص العرس , لي ماش متحجبة راهي لابسة عادي
ولي متحجبة والله شعرة من راسها ما تشوفها وهكاك والله ما شفت لبسة فاضحة كيما لي راني نشوفها في الأعراس تاعنا
تلقاها تدخل للعرس بصفة المرأة المؤمنة والحجاب طويل ومبعد تروح تبدل قشها تتحول تخرجلك شاكيرا هههه
لا حول ولا قوة إلا بالله , نقول لبناتنا احشمو شوي , ياسيدي ماش حابين تتحجبو ما تتحجبوش واحد مادارلكم الموس في الرقبة ولكن استرو روحكم شوي ( شوي برك ماش بزاف ) الله يستركم
ونقول للرجال وينهي الغيرة تاعكم ؟؟ ولا تهدرو على بنات برا وتقولو لبسهم فاضح ومن داركم راهي خارجة فتنة كبيرة
والله العظيم ومع احترامي للجميع كاين ناس والله ملتحين ويصليو في المساجد وختو تخرج متبرجة
وهادي والله بعيني ماشي نكدب
واش نقولو الله يهدينا ويثبتنا على الطريق المستقيم
وربي يستر بناتنا وخواتاتنا باللبس المحتشم ويكونو عفيفات وطاهرات يارب لأنو والله نغير على خواتاتي ومانحبش الهدرة
السيئة تجي ليهم وشكرا اختي على الموضوع واعتذر على الإطالة
تحياتي الخالصة ومع احترامي للجميع
​

ههههه عجبتني تع شاكيرا
يا اختي خلينا من لعراس لعراس ولات تبهديل على هذيك اللبسة

 

[بنقابي افتخر]

رد: اللباس الفاضح عند الفتيات .......

ايه صح واش راكي تقولي
ولاو يقولو على بنات الجزاير بنات فرنسا
وهدا اللي شفتو في احد المنتديات. .
وطفله وحده جزايريه بقات التدافع على بنات بلادها بصح كلاوها.
وماخلاوش فيها والمصيبه الكبيره بالصور نقولك الصح غاضتني حبيت نسجل وندخل مانخليلهمش ونوريلهم تانيك صور جزائريات بالجلباب والحجاب الشرعي
علاه .... كيماهاك تبهدلو فينا ليس عامة

 

[لصمتي حكاية]

رد: اللباس الفاضح عند الفتيات .......

و الله امر نتأسفو منو ياسر
انا نحير فلي تلبس هكذلك كيش راهي تشوف في روحها او هي لابسه هكذلك
او الي نلوم اكثر هو والديها او خوها مثلا
و لا باباها كيش يعطيها الصوارد او يخليها تلبس ديك اللبسه
تحيري عجب
ولا يماها الي تغسلها او ترجعها للخزانه عادي
ربي يهدينا
نعيب الزمان و العيب فينا و ما لزمان عيب سوانا

 

[Oussama.GF]

رد: اللباس الفاضح عند الفتيات .......

واله حرام عليك يا طفلة تخرجي لشارع واتني عريانة
لاباس حلال ليك هو حجاب
واصلا وش دري في برة راهو معبي ناس تاع مشاكل
وشباب رهم كي يشفوا فتات لابسة لعرة هناك يلاحقها
استري روح طفل فيقي لدنيا رهي قسيرة

 

[YARA 26]

رد: اللباس الفاضح عند الفتيات .......

مشكوووووووووورين على التدخل
وان شاء الله كل وحدة ماهيش دايرة حجاب تستر روحها
نصيحة لوجه ربي ​

 

[kojak]

رد: اللباس الفاضح عند الفتيات .......

السلام عليكم موضوع حساس هذا هنا لواش يرجع قضية اللباس ولا الحجاب لرباية الطفلة ولا البنت بويسك جتى لي مدايرن الحجاب ماهومش محترمين انفسهم ولا محترمين الحجاب ولا النقاب لي لبساتو لتصرفاتهم ورانا نشوفو فيهم في الاسواق دائما (مع احترامي لكل فتاة تعمل النقاب والحجاب الشرعي ومحجبة نفسها فهناك اخرين يعملوه هكاك وصايي شغل يكمفلو بيه باش تبان راي محجبة)......الخ ....ممكن ايضا تلقى وحدا ماشي مدايرة الحجاب سيفيليزي وتحترمها من أخلاقها ...وممكن العكس .......هذا لاش قلت برويلام تاع رباية في دار.

 

[YARA 26]

رد: اللباس الفاضح عند الفتيات .......

السلام عليكم موضوع حساس هذا هنا لواش يرجع قضية اللباس ولا الحجاب لرباية الطفلة ولا البنت بويسك جتى لي مدايرن الحجاب ماهومش محترمين انفسهم ولا محترمين الحجاب ولا النقاب لي لبساتو لتصرفاتهم ورانا نشوفو فيهم في الاسواق دائما (مع احترامي لكل فتاة تعمل النقاب والحجاب الشرعي ومحجبة نفسها فهناك اخرين يعملوه هكاك وصايي شغل يكمفلو بيه باش تبان راي محجبة)......الخ ....ممكن ايضا تلقى وحدا ماشي مدايرة الحجاب سيفيليزي وتحترمها من أخلاقها ...وممكن العكس .......هذا لاش قلت برويلام تاع رباية في دار.

صح اخي كاين منها كاين الي دايرين حجاب مهوش محتارمينوا
ربي يهدينا

 

[brhomadz]

رد: اللباس الفاضح عند الفتيات .......

كلكم راعي وكلكم مسؤول عن راعيته المشكل جابلي ربي في رجال لي ولااو دي.. حاشة لي مايستهلاهش يخلي مرتو او بتنو تلبس هكداك و تخرج كدامو بلا ما يهدر و مسؤولية تتحملها بصفة كبيرة الام لي تتفنن كيفاه تلبس بنتها باش يجو يخطبوها خاطرش لامودة تع دورك خليها تلبس رانا فاهمين .. وتبقي الكلمة الشهيرة (بنتي راي تقرااااا ) .؟

 

[Perle Blanche]

رد: اللباس الفاضح عند الفتيات .......

كلنا ضد اللباس العاري
و في نفس الوقت تقريباا الكل عاريات
هنا التساؤل​

 

[jiji la star]

رد: اللباس الفاضح عند الفتيات .......

شكرا لك على الموضوع
والموضوع لا يخص فقط الجامعيات لأنني كنت جامعية والحمد لله
ولكن هذي ظاهرة لا حول ولاقوة إلا بالله
و الله تحشم وتحط الراس في الأرض لا حيا لا حشمة
وآخر ظاهرة وأنا نقلب في القنوات دارين حصة في لبنان Top Models
وهي يختارو فيها من جميع دول العالم التي تمتلك أعلى تصويت ولكن التصويت ليس لجمالها ...أو ....لم أجد الحديث بعد ماشاهدته وإنما ماكانت لابسته من لباس البحر العاري والفاضح وللأسف هناك مشتركات عربيات "الجزائر-المغرب-سوريا..." يشوهن في الإسلام ومبادئ الأخلاق
الله يهديهم و يغفر لهم ولنا
شكرا لك
تحياتي​

 

[brhomadz]

رد: اللباس الفاضح عند الفتيات .......

كلنا ضد اللباس العاري
و في نفس الوقت تقريباا الكل عاريات
هنا التساؤل​

للاسف اختي تعود بلدرجة الاولي للاخلاق ونصف نساء الجزائر ان لم اقل الكل لا يفقهون شيء في الدين ..

 

[باتنية و نص]

رد: اللباس الفاضح عند الفتيات .......

سلـــآمــ عليكمــ

~

المظاهر خداعة في بعض الأحيان

اللهم ارزقنا العفة

تحياتي​

 

[وحي القلم]

رد: اللباس الفاضح عند الفتيات .......

اسمعي يابنت أوصيك الستر الزمن في وقتكم اصبح خطير

الفتن تمطر عليكم كالمطر من مشى في دربها أصبح ضرير

موضة التقليد تحرق كالجمر من وطاها صارت ايامه سعير

العدو يسعى لتغيير الفكر سخر الأعلام للدور الحقير

عزتك بالدين يا أختي فخر لايغرك راي معدوم الضمير

عن بنات السوء رفقتهن خطر كالشياه الجرب ما تعطيك خير

أحذري يابنت تفريع الشعر خلي حجابك على راسك ستير


وان مشيتي لا تحطين العطر وصبغة المكياج واللبس القصير

والعبايه لا تجي قد الخصر اتركيها واسعه استر كثير

الشباب اليوم ما كذب خبر لا لقى فرصه ترى عقله يطير

واتلي القرآن زيدي بالذكر والدعا بالليل في الثلث الأخير

الحياه دروس والدنيا عبر والذكي للمعصيه ما هو أسير

تمضي الأيام ويمر العمر والنهايه قبر وحساب عسير

قلتها يابنت لك مثل الدرر احفظيها كنز من واحد خبير
​

​

 

[ARCHICAD2016]

رد: اللباس الفاضح عند الفتيات .......

عندما تكون الام غير مؤهلة للتربية تماما وعندما يفقد الاب سيطرته و يترك زمام تسير الامور للزوجا كرها ... تنفلت الامور .. ويتنشر اللباس الفاضح بتشجيع من الام التي طوال النهار اما م التلفاز في مشاهدات القنوات اللبنانية والتركية فهي تعتقد انها تواكب التحضر بالتقليد الاعمي الذي لايخضع الى ضوابط ...

 

[brhomadz]

رد: اللباس الفاضح عند الفتيات .......

عندما تكون الام غير مؤهلة للتربية تماما وعندما يفقد الاب سيطرته و يترك زمام تسير الامور للزوجا كرها ... تنفلت الامور .. ويتنشر اللباس الفاضح بتشجيع من الام التي طوال النهار اما م التلفاز في مشاهدات القنوات اللبنانية والتركية فهي تعتقد انها تواكب التحضر بالتقليد الاعمي الذي لايخضع الى ضوابط ...

:thumb_up02::thumb_up02::thumb_up02: :regards01:

 

[الطيب الجزائري84]

رد: اللباس الفاضح عند الفتيات .......

الابتعاد عن الدين عواقبه وخيمة ..نسال الله العفو والعافية

 

[YARA 26]

رد: اللباس الفاضح عند الفتيات .......

يا اختي مفهمتنيش انا قلت في الموضوع كاين بعض لبنات مهومش متحجبين وتلقايهم خير من المتحجبين في اخلاقهم وعقلياتهم​

 

[bilal22]

رد: اللباس الفاضح عند الفتيات .......

كلاني قلبي برك
انا لمشكل لشايفو زعما مكان حتي وحده من لمة تلبس سيري او لباس فاضح
تبانلي اللمه فيها عدد رهيب من البنات كفاه مكانش وحده فيهم تقول انا نلبس
​

 

[Bouchra zarat]

رد: اللباس الفاضح عند الفتيات .......

oui kheti hadi kayena mnha limatkounch dayera 7ijab bessa7 akhela9eha afedal mn akhela9e lmet7ajeba w tkoun khir loukan dir l7ijab bach tkoun inessana kamela f dinha

من تربت على الحجآب منذ الصغر ، لن يُغريها التبرج. أبداً ).​

.فهي تعلمت بالفطرة .. أن الجنة أغلى من قمآش رخيص !.​