زواج الماصو ماهو زواج ؟؟ علاش

[جليلوس]

السلام عليكم



كيراكم لحباااب ان شاء الله بخير
جئتكم اليوم بموضوع مهم اتمنى ان ينال اعجابكم
ـــــــــــــــــــــــــــــــــــــــ
منذ أيام قليلة فقط سمعت أن هناك شابا أعجب بفتاة فسأل عنها ولم يجدها مخطوبة، فأرسل أهله لخطبتها، ورفضت أم الفتاة لسبب وهو أن الشاب يعمل بناء " ماصو"
وي ماصووو :s:s ، واخو البنت قال للخطاااب زواج الماصوو ماهو زواااج ... مانحبش ختي تعيش في " الميزيرية"!!!!!!!-
ماعلابالوش بلي الرزق على الله
واللي شق الفم يرزقووو
دروك حالة الشاب النفسية شيئة جدااا كل الأبواب تبلعت عليه في وجهووو المخلووووق ، بسبب انه اعجب بفتاة ولما أراد الحلال واكمال نصف دينه تم رفضه لسبب غير معقول.
لذلك أريد أن أسألكم يانااااس اللمة الكرام
هل خدمة "الماصو" عيب وحرام؟؟؟
هل يقبل أو يرفض الرجل بسبب نوعية مهنته وعمله؟ أم لخلقه ودينه؟
علاش انقلبت الموازين كلها؟؟؟؟
علاش مازال في وقتنا الحاضر وقت التحضر والفطنة ناس مثل هذه العائلة يرفضون الرجل لانه "ماصو"؟؟؟؟
اسكوو كل امرأة متزوجة من "ماصو" راها في ميزيرية؟؟؟؟؟
وين راه زمان كان الزواج استقرار
علاش كلشي اليوم بالمظاهر
كل ما نقوله ربي يجيب الخير ويلطف ويهدينا ويتولنا لعيوبنا......
وسمحولي خلطتها عربية فصحى ودارجة
بحروهالي والله راسي حبس
اخوكم جليلووو
تحيتي
​

 

[حنان277]

رد: زواج الماصو ماهو زواج ؟؟ علاش

راهم يحقرو بالعين بالصح واحد ما علابو الخير وين يوجد كاين اللي تزوجت واحد خدام و لا باس عليه بالصح ما تعيشش هانية ها ذيك هي الميزيرية تاع الصح الفايدة في الهناء و القسم على ربي ماشي على العبد و انشاء الله ربي يعوض عليه.

 

[hadil2044]

رد: زواج الماصو ماهو زواج ؟؟ علاش

يولي كامل ومكمل كيما نقولو وتلقاهم يشرطو
ربي يهدي نورمالمون ما تغضوش روحو الحمد لله ماهو يدير في عيب لا حرام وهدا مكتوب وربي يزقنا كامل بالحلال
​

 

[جليلوس]

رد: زواج الماصو ماهو زواج ؟؟ علاش

راهم يحقرو بالعين بالصح واحد ما علابو الخير وين يوجد كاين اللي تزوجت واحد خدام و لا باس عليه بالصح ما تعيشش هانية ها ذيك هي الميزيرية تاع الصح الفايدة في الهناء و القسم على ربي ماشي على العبد و انشاء الله ربي يعوض عليه.

وي بزااااف ربي يهدي ماخلق
ما ذنب الشاب الذي اراد الحلال ... صح العمل اصبح من الضرورياااات ومن شروووط الزواااج لكن الرفق الرفق يا نااااس ... كلش بيد ربي سبحانووو وهو الرازق ... المهم الهناء والعشرة والمعاملة الحسنة ... والله ماراهم يحوسوا على بناتهم يتهناااو ... اصباح زوااااج المصلحة هو الطاغي على مجتمعنا اليوم .... آمين ياررب ... شكرا لتواجدك

 

[سفيان اسلام]

رد: زواج الماصو ماهو زواج ؟؟ علاش

اخي الماصو يصور خير من الطبيب
بصح الله غالب ميعرفوش
لقاو راجل ويزيدو يتقلشو
ميهمهش راه كاين البنات منهم وعليهم وفيهم الصفات الجميلة ايضا
​

 

[جليلوس]

رد: زواج الماصو ماهو زواج ؟؟ علاش

يولي كامل ومكمل كيما نقولو وتلقاهم يشرطو
ربي يهدي نورمالمون ما تغضوش روحو الحمد لله ماهو يدير في عيب لا حرام وهدا مكتوب وربي يزقنا كامل بالحلال
​

وي ... ربي يهدي ماخلق
لقاو الخطاااب بعدا وبداو يتشرطوو لوكان تبقى عانس يحوسوا عليه بالمجهر ومايلقاوهش ولا راني غالط ؟؟ :s:s ربي يجيب الخير وولد الناس ربي يجيبلو مكتوب خير منهااا ... ربي يرزقنا واياكم الحلال الطيب ان شاء الله .. شكرا لمرورك اختي هديل والف مبروك عليك الترشح للإشرااااف

 

[جليلوس]

رد: زواج الماصو ماهو زواج ؟؟ علاش

اخي الماصو يصور خير من الطبيب
بصح الله غالب ميعرفوش
لقاو راجل ويزيدو يتقلشو
ميهمهش راه كاين البنات منهم وعليهم وفيهم الصفات الجميلة ايضا
​

راك تشوف راه يطيح اللويييز يا محاينك
خليهم نهار يحبسو عليهم الخطابة يعرفو شا صيعو بين يديهم
الله يهديهم ... وي هاديك هيا ربي يرزقو بنت الحلال لي تقبل بيه وبعمله المقتدر
وربي يفرح الجميع ان شاء الله شكرا لك اخي سفيااان

 

[أم أُنٌَيسة]

رد: زواج الماصو ماهو زواج ؟؟ علاش

السلام عليكم و رحمة الله تعالى و بركاته
لا حول ولا قوة الا بالله العلي العظيم
ربي يهديهم ان شاء الله ، سيد الرجال خدامهم
والله العظيم نسحق واحد متدين و يخاف ربي و التي وجدتها في خطيبي و الخدمة الرزق على ربي
و في الحقيقة والله ماكنت علابالي واش خدمة خطيبي حتى كي حكا امام ابي لانوا مايهمنيش

هل خدمة "الماصو" عيب وحرام؟؟؟

لا ابدا ، بل ربي يباركلوا في دراهموا اللي يديهم بعرق جبينوا

هل يقبل أو يرفض الرجل بسبب نوعية مهنته وعمله؟ أم لخلقه ودينه؟

بالنسبة لي و لابواي و كما يجب ان يكون بالنسبة للناس الاخرى و كما دكر القران الدين و الاخلاق ، لقوله تعالى : ادا جاءكم من ترضون دينه و عرضه فانكحوه

علاش انقلبت الموازين كلها؟؟؟؟

التقليد الاعمى و البعد عن الدين ربي يهدينا ان شاء الله

علاش مازال في وقتنا الحاضر وقت التحضر والفطنة ناس مثل هذه العائلة يرفضون الرجل لانه "ماصو"؟؟؟؟

البعد عن الدين و الجهل و ايضا الطمع ، يقلك الطمع يفسد الطبع

اسكوو كل امرأة متزوجة من "ماصو" راها في ميزيرية؟؟؟؟؟

الله اعلم اخي

وين راه زمان كان الزواج استقرار
علاش كلشي اليوم بالمظاهر
كل ما نقوله ربي يجيب الخير ويلطف ويهدينا ويتولنا لعيوبنا......

والله يا اخي هدا اللي راه محيرني ، كسرة و الماء و معيشة هانية و صافية مع ربي احسن من المال و الخدمة مليحة و ربي اللي يعلم واش في القلوب

بارك الله فيك و جزاك خيرا اخي الكريم للمواضيع الرائعة و المميزة
دمت و دام تميزك
تحياتي​

 

[جليلوس]

رد: زواج الماصو ماهو زواج ؟؟ علاش

السلام عليكم و رحمة الله تعالى و بركاته
لا حول ولا قوة الا بالله العلي العظيم
ربي يهديهم ان شاء الله ، سيد الرجال خدامهم
والله العظيم نسحق واحد متدين و يخاف ربي و التي وجدتها في خطيبي و الخدمة الرزق على ربي
و في الحقيقة والله ماكنت علابالي واش خدمة خطيبي حتى كي حكا امام ابي لانوا مايهمنيش

هل خدمة "الماصو" عيب وحرام؟؟؟

لا ابدا ، بل ربي يباركلوا في دراهموا اللي يديهم بعرق جبينوا

هل يقبل أو يرفض الرجل بسبب نوعية مهنته وعمله؟ أم لخلقه ودينه؟

بالنسبة لي و لابواي و كما يجب ان يكون بالنسبة للناس الاخرى و كما دكر القران الدين و الاخلاق ، لقوله تعالى : ادا جاءكم من ترضون دينه و عرضه فانكحوه

علاش انقلبت الموازين كلها؟؟؟؟

التقليد الاعمى و البعد عن الدين ربي يهدينا ان شاء الله

علاش مازال في وقتنا الحاضر وقت التحضر والفطنة ناس مثل هذه العائلة يرفضون الرجل لانه "ماصو"؟؟؟؟

البعد عن الدين و الجهل و ايضا الطمع ، يقلك الطمع يفسد الطبع

اسكوو كل امرأة متزوجة من "ماصو" راها في ميزيرية؟؟؟؟؟

الله اعلم اخي

وين راه زمان كان الزواج استقرار
علاش كلشي اليوم بالمظاهر
كل ما نقوله ربي يجيب الخير ويلطف ويهدينا ويتولنا لعيوبنا......

والله يا اخي هدا اللي راه محيرني ، كسرة و الماء و معيشة هانية و صافية مع ربي احسن من المال و الخدمة مليحة و ربي اللي يعلم واش في القلوب

بارك الله فيك و جزاك خيرا اخي الكريم للمواضيع الرائعة و المميزة
دمت و دام تميزك
تحياتي​

اهلا بيك اختي شيماااء نورتي مجددا
الله يبارك فيك وفي ايامك ... شفتي وين وصلنا لا حول ولا قوة الا بالله ناس راهي تجري وراء مصالحها جري .... ماشافوش هوما لي راهي تحوس على راجل يا لوكان يخدم صلاااااح ... المهم تعيش معاه هانية وفي سعادة ودير معاااه الدار ... ويحفظها ويصون عرضها ... وما اعجبني كلامك الأخير الكسرة والما والهنااا الدنيا ومافيها ... ربي يجيب الخير ويهدي هاد النااااس ... ويرزق كل واحد بما تقر به عيناااه ...
الله يكملك ماتتمناي ان شاء الله ... ويهنيييك ... تحيتي يا طيبة

 

[عبير الجنان]

رد: زواج الماصو ماهو زواج ؟؟ علاش

و الله شي عجب رانا فيه اليوم كل الناس ولاو يشوفو العريس ورقة تاع دراهم ربي يعينهم مساكن المهم الهنا بين الرجل و مرتو و الرزق ماشي من عند العبد من عند ربي سبحانه انا تعبت في بلاستهم مساكن نفسيتهم تتدمر ربي يعينكم وخلاص

 

[جليلوس]

رد: زواج الماصو ماهو زواج ؟؟ علاش

و الله شي عجب رانا فيه اليوم كل الناس ولاو يشوفو العريس ورقة تاع دراهم ربي يعينهم مساكن المهم الهنا بين الرجل و مرتو و الرزق ماشي من عند العبد من عند ربي سبحانه انا تعبت في بلاستهم مساكن نفسيتهم تتدمر ربي يعينكم وخلاص

وي والله بزااااف ... ياو المخ يدير ايرور
ناس تخمم على الدراهم ... نساو بلي الحلال يجيب الحلال
ولي شق الفم يرزقووو ... ربي يهديهم ... اودي حالة الرجل لما يدمروووه خاصة في حالة الزواااج صعيب الحاااال ... ربي يفرج عليه مسكين وعلينا كاااامل ان شاء الله
اللهم ارزقنا الحلال الطيب ياااارب

 

[أم أُنٌَيسة]

رد: زواج الماصو ماهو زواج ؟؟ علاش

اهلا بيك اختي شيماااء نورتي مجددا
الله يبارك فيك وفي ايامك ... شفتي وين وصلنا لا حول ولا قوة الا بالله ناس راهي تجري وراء مصالحها جري .... ماشافوش هوما لي راهي تحوس على راجل يا لوكان يخدم صلاااااح ... المهم تعيش معاه هانية وفي سعادة ودير معاااه الدار ... ويحفظها ويصون عرضها ... وما اعجبني كلامك الأخير الكسرة والما والهنااا الدنيا ومافيها ... ربي يجيب الخير ويهدي هاد النااااس ... ويرزق كل واحد بما تقر به عيناااه ...
الله يكملك ماتتمناي ان شاء الله ... ويهنيييك ... تحيتي يا طيبة

هلا فيك اخي الكرم و النور نوركم والله
دلك هو شعاري و كما اكره المتكبرات و كانوا اللي عندوا الدراهم بفحالتوا ، او قبل كل شيء ربي هو اللي يرزق العباد ماش العربي
اللهم امين يارب انا و انتم و كل المؤمنين و انتم كل الطيبة والله اخي الكريم
و نسيت ان اقول شيءا ، ارجو ان تقول لهدا الرجل لا تهتم بهم و احمد الرحن على انه اراك حقيقتهم الان و ليس لاحقا ، و ما اخد منك الا ليعطيك ماهو خير و احسن لك مما اخد و هو حب الحلا لانوا طيب ربي راح يعطيه على قد قلبوا و الطيبون للطيبات
كاين بعض الناس واش نقولوا غير ربي يكون في عونهم بالسبة هدي
تحياتي اخي الكريم​

 

[جليلوس]

رد: زواج الماصو ماهو زواج ؟؟ علاش

هلا فيك اخي الكرم و النور نوركم والله
دلك هو شعاري و كما اكره المتكبرات و كانوا اللي عندوا الدراهم بفحالتوا ، او قبل كل شيء ربي هو اللي يرزق العباد ماش العربي
اللهم امين يارب انا و انتم و كل المؤمنين و انتم كل الطيبة والله اخي الكريم
و نسيت ان اقول شيءا ، ارجو ان تقول لهدا الرجل لا تهتم بهم و احمد الرحن على انه اراك حقيقتهم الان و ليس لاحقا ، و ما اخد منك الا ليعطيك ماهو خير و احسن لك مما اخد و هو حب الحلا لانوا طيب ربي راح يعطيه على قد قلبوا و الطيبون للطيبات
كاين بعض الناس واش نقولوا غير ربي يكون في عونهم بالسبة هدي
تحياتي اخي الكريم​

مرحبا مجددا
صح ربي مقسم الأرزاااق سبحانووو ونعم بالله
وي ان شاء الله بلاك فيها خير ... ربي كي بعدها عليه هي ومواليها راه يبغيه
لحمد لله على كل حاااال ....آمين آمين ربي يكون في عون قاع الزواليااا مساكن
ويجيب ربي ساعة الخير وموالين الخير
تحيتي :regards01:

 

[♫الباحثة عن الحظ♫]

رد: زواج الماصو ماهو زواج ؟؟ علاش

مرحبااا
اخي عبد الجليل الله يبارك راك نشيط
ربي يسهله الاخ هذا و يعطيه على حساب نيته
بالنسبة لموضوعك وي كاين بزاف بنات هكا للاسف و عقلية هادي طبعت مام على الوالدين و العائلة
ناس تحب المظاهر تقولك هادي تديه طبيب وانا ماصو ما يشوفو للعقلية لا لتربية الواحد لا لاخلاقه
مش عارفين ان هداك الماصو الي حقرته راح يعيشها عيشة جامي تحلم بيها في حياتي راح يخاف عليها و يحطها في عينيه لكن للاسف الشديد الناس تحقر بالعين
يشوفوه ماصو ولا بلومبيي ولا حاجة يقولك هذا لا قاري لا والو و انت تلقيه عنده شهادات جامعية والخ انا نعرف ناس والله تحير زيماه عايشين واش من دار واش من طونوبيل و تحواس الله يبارك وعملهم جد بسيط وهذا ربي يرزق الواحد ويباركله في دراهمه
ربي يعطيه على قد نيته و هو طلب لحلال و ربي مش راح يخليه
وكيما يقولو
خدام الرجال سيدهم
و ارفع قبعتي احتراما لكل شاب يتعب و يعمل مهما كان العمل
​

 

[وائل ابن الجزائر]

رد: زواج الماصو ماهو زواج ؟؟ علاش

سلآم عليكم
هل خدمة "الماصو" عيب وحرام؟؟؟
مآشي عيب وكل واحد رزقه على ربي
هل يقبل أو يرفض الرجل بسبب نوعية مهنته وعمله؟ أم لخلقه ودينه؟
شوف خويا خلقه وعمله وماشي مشكل تاني حتى عالمهنة هوما ادرى بمصلحة بنتهم والا معطوهاش لماصو ماشي عيب تاني مي باش يهينوه ولا يطيحو من قيمته فهذا الشيئ مارادش بيه ربي سبحانه ~ اما ميقبلوش الماصو هادي خصوصيتهم يشوف وحد اخرى
علاش انقلبت الموازين كلها؟؟؟؟
راك في آخر زمآن معلابالكش انتيآ
علاش مازال في وقتنا الحاضر وقت التحضر والفطنة ناس مثل هذه العائلة يرفضون الرجل لانه "ماصو"؟؟؟؟
انا منعتبرهمش غلطو بنتهم وهوما احرار شكون يسالهم مي كيما سبق وقلت ميهنوش يقولو منقبلوش وخلآص ومش كان مقبلوش نهاية العالم يشوف وحدة اخرى علاش كاين غير هي من كامل بنات حواء
اسكوو كل امرأة متزوجة من "ماصو" راها في ميزيرية؟؟؟؟؟
لآ لآ هادي مكتوب ربي وكاين ماصوات وعايشين خير مني ومنك ~ الزواج مفاهمة وتحمل اطرف الآخر ليسونسيآل خدآم

ويبقى مكتوب ربي

 

[جليلوس]

رد: زواج الماصو ماهو زواج ؟؟ علاش

مرحبااا
اخي عبد الجليل الله يبارك راك نشيط

اهلا بيك اختي با دو شونص
ربي يبارك فيك شكرا لتواجدك

ربي يسهله الاخ هذا و يعطيه على حساب نيته

اللهم آمين ياااارب اجمعييين

بالنسبة لموضوعك وي كاين بزاف بنات هكا للاسف و عقلية هادي طبعت مام على الوالدين و العائلة
ناس تحب المظاهر تقولك هادي تديه طبيب وانا ماصو ما يشوفو للعقلية لا لتربية الواحد لا لاخلاقه
مش عارفين ان هداك الماصو الي حقرته راح يعيشها عيشة جامي تحلم بيها في حياتي راح يخاف عليها و يحطها في عينيه لكن للاسف الشديد الناس تحقر بالعين
يشوفوه ماصو ولا بلومبيي ولا حاجة يقولك هذا لا قاري لا والو و انت تلقيه عنده شهادات جامعية والخ انا نعرف ناس والله تحير زيماه عايشين واش من دار واش من طونوبيل و تحواس الله يبارك وعملهم جد بسيط وهذا ربي يرزق الواحد ويباركله في دراهمه
ربي يعطيه على قد نيته و هو طلب لحلال و ربي مش راح يخليه
وكيما يقولو
خدام الرجال سيدهم
و ارفع قبعتي احتراما لكل شاب يتعب و يعمل مهما كان العمل
​

اشكرك على ردك الصائب بارك الله فيك يعطيك الصحة
ايه شفتي كيفاه ... ممكن يكون هاد الماصو احسن بكثير من الطبيب بحد ذاته
الهنااا والراحة والمعاملة الحسنة ... علاش لالا ويعيشها كالأميرة او اكثر ... كيما قلتي الناس تحقر بالعين وبالمظااااهر .... بصح ماعليش قالك قاع لي عاف اللقمة يشتاقهاااا .... يعطيك الصحة بارك الله فيك ... وصلك التحية واتمنى توافد البقية ... بورك فيك يا طيبة

 

[آمِيْرَتُه]

رد: زواج الماصو ماهو زواج ؟؟ علاش

السلام عليك

آهلا خويا جليلو راك منور اللمة بمواضيعك


أنا أختي دايا ماصو يحكم الدالات ( السقف ) و عايشين لاباس و الحمد الله و بناته كامل قرايات و أختي عايشة غير فالعز و نهار جا خطبنا فيها نعقل خوالي طلبو غير الهناء برك و أختي كانت عايشة غير فالعز و هذو خرجات و هذو دخلات و سفيليزي مش حتى متحجبة و قبلت بيه عادي قالتنا المهم متدين و ذو أخلاق عالية و هو سلفي تخيل داها و سترها و متخرج غير بالقدر مش مرمدة
هذو باينين مش شبعنيين و لا شبعة جديدة مازالو متخلفين و يجرو ورا المادة كاين بدراهمهم و عايشين عيشة الكلاب حاشة قدرهم و قدركم و كاين لي يجيب فالسمانة 50 الف و عايشين عيشة الملوك
كل شي بمكتوب ربي
شكرا على الموضوع

 

[جليلوس]

رد: زواج الماصو ماهو زواج ؟؟ علاش

سلآم عليكم
هل خدمة "الماصو" عيب وحرام؟؟؟
مآشي عيب وكل واحد رزقه على ربي
هل يقبل أو يرفض الرجل بسبب نوعية مهنته وعمله؟ أم لخلقه ودينه؟
شوف خويا خلقه وعمله وماشي مشكل تاني حتى عالمهنة هوما ادرى بمصلحة بنتهم والا معطوهاش لماصو ماشي عيب تاني مي باش يهينوه ولا يطيحو من قيمته فهذا الشيئ مارادش بيه ربي سبحانه ~ اما ميقبلوش الماصو هادي خصوصيتهم يشوف وحد اخرى
علاش انقلبت الموازين كلها؟؟؟؟
راك في آخر زمآن معلابالكش انتيآ
علاش مازال في وقتنا الحاضر وقت التحضر والفطنة ناس مثل هذه العائلة يرفضون الرجل لانه "ماصو"؟؟؟؟
انا منعتبرهمش غلطو بنتهم وهوما احرار شكون يسالهم مي كيما سبق وقلت ميهنوش يقولو منقبلوش وخلآص ومش كان مقبلوش نهاية العالم يشوف وحدة اخرى علاش كاين غير هي من كامل بنات حواء
اسكوو كل امرأة متزوجة من "ماصو" راها في ميزيرية؟؟؟؟؟
لآ لآ هادي مكتوب ربي وكاين ماصوات وعايشين خير مني ومنك ~ الزواج مفاهمة وتحمل اطرف الآخر ليسونسيآل خدآم

ويبقى مكتوب ربي

اهلا بيك اخي وائل نورت بارك الله فيك
وي كلش مقدر ومكتوب بيد ربي سبحانووو ... وهوما احرار ماعطاوش بنتهم ربي يسهل بصح ان يهاااان ويقولوله هادا قاااع ماشي زوااااج مانمدوووش بنتنا لواحد ماصووو .... لا لالالالالالالا هادي قاع ماتصرااااش عيب والله اصبح الرجل يتقااااس بدراهموووو بفففف ناس وين تخمم لا حول ولا قوة الا بالله ... تقول راح يزوجوله ساندريلا .... وي علابالي كلش راه مقلووووب في هاد الزماااان الله يكون في العون برك .... مكتوبوا طاااح في دار هاد الطفلة وقدرلو ربي يسمع هاد الكلام ... احنا نقولوا ربي يفرج همووو ويكون معاااه ولي كاتبااا ربي يجيبها .... شكرا لك
دمت بخير

 

[جليلوس]

رد: زواج الماصو ماهو زواج ؟؟ علاش

السلام عليك

آهلا خويا جليلو راك منور اللمة بمواضيعك


أنا أختي دايا ماصو يحكم الدالات ( السقف ) و عايشين لاباس و الحمد الله و بناته كامل قرايات و أختي عايشة غير فالعز و نهار جا خطبنا فيها نعقل خوالي طلبو غير الهناء برك و أختي كانت عايشة غير فالعز و هذو خرجات و هذو دخلات و سفيليزي مش حتى متحجبة و قبلت بيه عادي قالتنا المهم متدين و ذو أخلاق عالية و هو سلفي تخيل داها و سترها و متخرج غير بالقدر مش مرمدة
هذو باينين مش شبعنيين و لا شبعة جديدة مازالو متخلفين و يجرو ورا المادة كاين بدراهمهم و عايشين عيشة الكلاب حاشة قدرهم و قدركم و كاين لي يجيب فالسمانة 50 الف و عايشين عيشة الملوك
كل شي بمكتوب ربي
شكرا على الموضوع

وعليكم السلام ورحمة الله
اهلا بيك اختي آمنة نورتي بارك الله فيك
الله يباارك ما شاء الله عليهم ... ربي يهنيهم ويسقم سعدهم لعاقبة لييييك ان شاء الله صح والله كلش مكتووووب .... الله يجيب الخير ... وهدي هاد النااااس ... يخلو عباد الله يتزوجووواا ... وربي ويوفق الجميع ان شاء الله
تحيتي اختي الطيبة :regards01:

 

[Malware Analyzer]

رد: زواج الماصو ماهو زواج ؟؟ علاش

الله غالب لم يخشى علينا الرسول صلى الله وعليه وسلم الفقر أبدا بل خشي علينا من بسط الدنيا كما بسطت على الذين من قبلنا فنتنافسها كما تنافسوها فتهلكنا كما أهلكتهم ......

درك المرأة لما تقرى وتدي لباك بمعدل فور وتقرا تخصص عالي كالطب او الصيدلة او طب الاسنان وو وتشوف صحباتها تزوجو من راجل ذا جاه ومال وو وهي راح تهبط زعمة المستوى الى الارض
أتحب المرأة تكون خارجة برا ورافعة راسها فخورة ان زوجها طبيب او زوجها صيدلي أو زوجها ذا جاه في المجتمع وتفخر بذلك امام صديقاتها او امام الناس
لكن لو تدي ماصو مثلا أي شيء ستفخر به بالرغم من انو يقدر يجيبلها معظم احتياجاتها المادية ويعيشها حياة متوسطة الحال إلا أنها سترفض ان تنزل مستواها

القلائل فقط من تريد القبول بالماصو تلقاها خايفة من العنوسة وتفكر تزوج وخلاص وتبني عائلة
واحيانا تجد فتاة ايمانها بالله عالي ومستواها التعليمي عالي إلا انها قرأت قصص لناس من الماضي كيف فتح الله عليهم لانهم رضوا بالرجل ذا الاخلاق والتربية الصحيحة والسليمة ... وتؤمن بفكرة ومن يتق الله يجعل له مخرجا ويرزقه من حيث لا يحتسب

كل شيء بناء على قناعات
﴿ نَحْنُ قَسَمْنَا بَيْنَهُمْ مَعِيشَتَهُمْ فِي الْحَيَاةِ الدُّنْيَا وَرَفَعْنَا بَعْضَهُمْ فَوْقَ بَعْضٍ دَرَجَاتٍ لِيَتَّخِذَ بَعْضُهُمْ بَعْضاً سُخْرِيّاً وَرَحْمَةُ رَبِّكَ خَيْرٌ مِمَّا يَجْمَعُونَ (32﴾
[ سورة الزخرف ]