خطبتها وماقبلونيش

[آمِيْرَتُه]

السلام عليك
آهلا اخي عبد الجليل
شانقولك لجيعان هو ليبقى يتشرط ماصو تاني خدمة مليحة
أختي متزوجة ماصو والحمد لله لاباس عليها عندها دار دو ايطاج و بناتها كامل قاريات التالية فيهم تجيبلك معدل 16 ربي يبارك مخصها والو والحمد لله
كل واحد وين رزقه كاين متزوجة اغنى راجل وتلقاها عايشة في مزيرية ربي يهدي ماخلق

 

[dahman kz]

ناس غالطين ويشوفو للدنيا ربي يهديهم
واهم حاجة في الراجل هي الاخلاق والخدمة
وخدمة ماصو راهي خدمة شريفة وللي يخدم ماصو وقتنا هدا يعيش سلطان وشكون كيفو

وجاست كيما هذي تغيض مولاها بالصح فيها خير وربي خلصه من نساب متكبرين ومغرورين

 

[Salah eddin]

السلام عليكم و رحمة الله

اهداني قبل نوريلك واحد اللقطة هاهي وين و مبعد نكملو

الماصو حاجة و المونيفري حاجة

المونيفري بالاك تلقاه عايش في ميزيرية لانو يخدم بكاش 100 الف للنهار

اما الماصو ق اسمحلي فيها

الله يبارك الماصو يجيب شهرية تاع استاذ و لا اكثر

الخدمة التالية الي يشدها الماصو يبشدها بكاش 5 ملاين و لا 6 ملاين

و الفايونص هذاك قالي ياسر و يحسبو بالميترة

و الطلية تاع الفاصاد يحسبو فيها بالماتر بما فيها الباب و الطاقة

امالا الي يقولك الماصو يعيش في ميزيرة هذا ما يعرفش صوالحو

امالا ق يشوفو سبب اخر للرفض

لان كلمة ماصو راها توزن في عصرنا هذا
و السلام عليكم​

 

[Malika Tlm]

السلام عليكم
يا اخي الله يجيب الخييييييير
تعرف بزاف ناس هكذا يحوسوا علي العروس يكون خااانز دراهم والماصو واش فيها راجل ياكل من عرق جيبينو
ناس غالطين وبزاف.
الله يهديهم
تحياتي اخي

 

[الفارس النبيل]

سبحان الله !! لا يوجد راجل فحل مثل الماصو في رأيي

لأنه الوحيد الدي يتعب من أجل لقمة عيشه و هو الوحيد الدي يأكل الحلال دون أدنى شبهة

والماصو راه عايش أفضل من الأستاذ

 

[الامين محمد]

كاينة خويا عبدالجليل
و رانا نشوفوها في كل وقت قبل ما يسألوا على عقليته و أخلاقه
يسألوا على الخدمة و إذا كانت خدمة بسيطة صاحبها مطرود بلا شك
الله المستعان الماصو راه سيد الرجال و يدخل مصروف ممتاز بعرق جبينه
خير ملي يدخل فلوس بالحرام

عموما بشره أن الله صرف عليه هاذوك الناس و رايح يعطيه قد نيته

 

[زاد الرحيل]

العباد هاذو اللي رفضوا الماصو يعني البناء أغبياء ، لوكان جاو يعرفوا مدخوله الشهري الله يبارك يروحوا هوما يخطبوه ، المظاهر الخداعة
هاذا الماصو يقدر يوفر لهاذي الفتاة اللي ما يقدرش يوفروا لها مدير ، مدخولهم الشهري يفوق 20 مليون
مرة قلت لزوجي لكان غير جيت ماصو ، يلعن الوظيفة نتاعك اللي ديما جيبك فارغ
و مع هذا اليوم الفتيات الجامعيات يديو الماصو عادي و لا واحد يهدر عليهم ، ربما مازال كاينين ناس اللي يعيشوا في العالم نتاع التكبر و الوهم قول لهم يخليوها عندهم تكبار معاهم

 

[حكاية قمر]

السلام عليكم
خدمته ماشي عيب ولا حرام ويقولك سيد رجال خدامهم
بصح ثاني مانلموهمش سبحان الله هذا زواج وعندها الحق هي واهلها في القبول والرفض وماشي تقبل غي باه ما تجرحلهش مشاعره لا هي ثاني عندها احلام وطموحات مانيش جايا معاها ومانيش ضدها هو خصه يكون قوي الشخصية ويشوف غيرها عادي هي الصح في الاختيار عند الطرفين هو الدين بصح ضروك اغلبية الرجل همه الزين ولمرا دراهم تا هو وكون يوروله وحدة ماشي شابة يقول لا امالا دراهم عندها كما الزين عنده

 

[الفارس النبيل]

السلام عليكم
خدمته ماشي عيب ولا حرام ويقولك سيد رجال خدامهم
بصح ثاني مانلموهمش سبحان الله هذا زواج وعندها الحق هي واهلها في القبول والرفض وماشي تقبل غي باه ما تجرحلهش مشاعره لا هي ثاني عندها احلام وطموحات مانيش جايا معاها ومانيش ضدها هو خصه يكون قوي الشخصية ويشوف غيرها عادي هي الصح في الاختيار عند الطرفين هو الدين بصح ضروك اغلبية الرجل همه الزين ولمرا دراهم تا هو وكون يوروله وحدة ماشي شابة يقول لا امالا دراهم عندها كما الزين عنده

لا أختي الكريمة ، مقارنة في غير محلها أبدا أبدا !!

كيف تقارنين الجمال عند المرأة بالمال عند الرجل !!!

الجمال عند المرأة مطلب وهو من ضروريات الزواج الدي يكون الهدف منه تحصيل العفة وتحصين النفس !!

يعني هل يعقل أنه يتزوج بواحدة ما تعجباهش و عندما يرى غيرها في الشارع يميل قلبه !!

لا بد أن يختار من تعجبه

أما قضية المال فهي كارثة أخلاقية لأن الرزاق هو الله سبحانه

فإن كانت تبحث عن غني ، فمادا لو تتزوج به ويفقد ثروته ويصبح فقير !!!

مادا تفعل هنا !! تتركه وتدهب لتبحث عن شخص غني ؟!!

 

[الصراحة راحة]

السلام عليكم
تحياتي خويا ......
المهم وحد النهار كنت رراكب في طاكسي ....كانوا راكبين زوج نسا وحدة قالت لوحدة ....فلانة خطبها ماصوا بصح خيتي الماصوا دايما المصروووووف خاصوا ....
يسمى هادووووا مراهمش حابين السترة راهم حابين المصروووووووووف
يا خويا ماتتقلق ما تقووووووول الحال بان الكاتبة تنادي
وربي يززق السيد يينت الحلال ..................................​

 

[حكاية قمر]

لا أختي الكريمة ، مقارنة في غير محلها أبدا أبدا !!

كيف تقارنين الجمال عند المرأة بالمال عند الرجل !!!

الجمال عند المرأة مطلب وهو من ضروريات الزواج الدي يكون الهدف منه تحصيل العفة وتحصين النفس !!

يعني هل يعقل أنه يتزوج بواحدة ما تعجباهش و عندما يرى غيرها في الشارع يميل قلبه !!

لا بد أن يختار من تعجبه

أما قضية المال فهي كارثة أخلاقية لأن الرزاق هو الله سبحانه

فإن كانت تبحث عن غني ، فمادا لو تتزوج به ويفقد ثروته ويصبح فقير !!!

مادا تفعل هنا !! تتركه وتدهب لتبحث عن شخص غني ؟!!

لن أطيل الرد فقط أعد قراءة ما سبق وقلته لتفهم
الرزاق هو الله ومن يمنح الجمال هو الله .
واذا تشوهت يبحث عن امرأة أجمل منها؟؟؟؟

 

[أم منيــــــر]

السلام عليكم
الراجل المهم يكون خدام و يكون قادر على شقاه
عندي قريباتي بزاف متزوجين مع ماصو بالعكس عايشين لاباس بيهم و ما خاصهم والو
علاش حرموه مسكين
كاين بزاف عائلات ما زالهم يفكرو في هاد التفاهات
الله يكون في العون

 

[ضيوف وسـنغادر]

السلام عليكم ورحمة الله
والله عجيب عجيب
لكل من يستحقر أي مهنة تذكر ماذا كان يمتهن الانبياء والرّسل !
دنيا فآنيا ولا حاجة فيها لطبع تاشيرة المهنة فوق الجباه
مهنة البناء والله مهنة لا يمتهنها الا الرجال بنو الرجال
تحتاج صحة تحتاج تعب تحتاج وتحتاج
الرزق على ربي ولتتعدد الطرق كيفما تعددت
قد يتعطل البنك فيعجزعلى الطبيب استلام راتبه الشهري
في حين ان البناء قد انتهى يومه ورزقه الله من فضله مايشاء على يد مؤجره
فالرزق والله العظيم ماتعلق يوما بالمهنة
لكن مع الاسف هذا ما يسكن مخ مجتمعناولذلك لم ولن نتطور ان بقينا على هكذا حال
مجتمعنا تحت تاثير المئز الابيض والبدلة السوداء
اذا اتاكم من ترضون دينه وخلقه فزوجوه <= هل ذكرت المهنة؟
أقولها واكررها والله ان الرزق على الرزّاق الرّازق والتي اتت كلها على صيغة مبالغة
لكن الحمد لله مازال البعض حيا..
قريبة لي (طبيبة) تزوجت ببنّاء والحمد لله والله في نعمة
اقارب آخرين لي♥
الحمد لله رزقهم الله من فضله وبارك فيه تقدم لخطبة ابنتهم بنّاء ماشاء الله دينا وخلقا وتربية
فطبقوا حديث النبي عليه الصلاة والسلام والآن والله انها تعيش عيشة هنيّة اسال الله لها ان يديمها ♥♥♥
عجيب والله لعجيب امر هذا المجتمع
عندما يتقدم شاب فقير لفتاة يرفض اهلها لأنه فقير ببساطة
وعندما يتقدم شاب غني بخلق وطبع مشين يقبلون قائلين سيهديه الله
اليس الهادي هو نفسه الرازق ام تؤمنون ببعض الكتاب وتكفرون ببعض!!؟؟
باختصار مجتمع مريض نسال الله الهداية
بارك الله فيك على الموضوع أخي​

 

[جليلوس]

السلام عليك
آهلا اخي عبد الجليل
شانقولك لجيعان هو ليبقى يتشرط ماصو تاني خدمة مليحة
أختي متزوجة ماصو والحمد لله لاباس عليها عندها دار دو ايطاج و بناتها كامل قاريات التالية فيهم تجيبلك معدل 16 ربي يبارك مخصها والو والحمد لله
كل واحد وين رزقه كاين متزوجة اغنى راجل وتلقاها عايشة في مزيرية ربي يهدي ماخلق

اهلا امنة ختي
اودي كيما قلتي لي جيعان يقعد جيعان
شفتي كيفاه .. مايخمووش غير في الفاني
وسخ الدنيا ربي يهدي ماخلق ... وربي يحفظ خيتك وفي وليداتها ويباركلها في زوجها

شكرا ليييك

 

[جليلوس]

ناس غالطين ويشوفو للدنيا ربي يهديهم
واهم حاجة في الراجل هي الاخلاق والخدمة
وخدمة ماصو راهي خدمة شريفة وللي يخدم ماصو وقتنا هدا يعيش سلطان وشكون كيفو

وجاست كيما هذي تغيض مولاها بالصح فيها خير وربي خلصه من نساب متكبرين ومغرورين

صح كل خدمة شريفة بغاو البيرو والستيلو والشهرية في يد بنتهم
ربي يهديييهم والله ... كي تبور عندهم يندمو على خدمتهم العوجة

ربي يهدينا قبل مايدينا ... الحالة ماهيش تعجب

 

[جليلوس]

السلام عليكم و رحمة الله

اهداني قبل نوريلك واحد اللقطة هاهي وين و مبعد نكملو

الماصو حاجة و المونيفري حاجة

المونيفري بالاك تلقاه عايش في ميزيرية لانو يخدم بكاش 100 الف للنهار

اما الماصو ق اسمحلي فيها

الله يبارك الماصو يجيب شهرية تاع استاذ و لا اكثر

الخدمة التالية الي يشدها الماصو يبشدها بكاش 5 ملاين و لا 6 ملاين

و الفايونص هذاك قالي ياسر و يحسبو بالميترة

و الطلية تاع الفاصاد يحسبو فيها بالماتر بما فيها الباب و الطاقة

امالا الي يقولك الماصو يعيش في ميزيرة هذا ما يعرفش صوالحو

امالا ق يشوفو سبب اخر للرفض

لان كلمة ماصو راها توزن في عصرنا هذا
و السلام عليكم​

اودي شكون راهو يسمعلك
عماتهم الدنيا والدراهم ربي يهديهم

وكيما قلت الراجل مايتعيبش المهم خدمتو في يدو شا خصو
ربي يجيب الخير والستر

 

[جليلوس]

السلام عليكم
يا اخي الله يجيب الخييييييير
تعرف بزاف ناس هكذا يحوسوا علي العروس يكون خااانز دراهم والماصو واش فيها راجل ياكل من عرق جيبينو
ناس غالطين وبزاف.
الله يهديهم
تحياتي اخي

اهلا بيييك
والله صح راهم غالطين حساباتهم فو
مي يجي الوقت ويندمو عليه خليها لربي وصايي

ربي يهدي ماخلق

 

[جليلوس]

سبحان الله !! لا يوجد راجل فحل مثل الماصو في رأيي

لأنه الوحيد الدي يتعب من أجل لقمة عيشه و هو الوحيد الدي يأكل الحلال دون أدنى شبهة

والماصو راه عايش أفضل من الأستاذ

والله صح ... ماهمش يخموو بعقلهم والله
وكيما قلت راه عايش خير مناا الأساتذة

الله يهديهم ويهدينا

 

[جليلوس]

كاينة خويا عبدالجليل
و رانا نشوفوها في كل وقت قبل ما يسألوا على عقليته و أخلاقه
يسألوا على الخدمة و إذا كانت خدمة بسيطة صاحبها مطرود بلا شك
الله المستعان الماصو راه سيد الرجال و يدخل مصروف ممتاز بعرق جبينه
خير ملي يدخل فلوس بالحرام

عموما بشره أن الله صرف عليه هاذوك الناس و رايح يعطيه قد نيته

كاينة وتكون خويا راانا نشوفوا العجب
الماصو ماهو عيب وخدمتو راها تدخل اللويز
برك ماعجبهمش الحال جاتهم طايحة كلمة ماصو
الميزيرية كي تشوف ختك عنست ... تما قول ختي نزوجها لي جا
والله راسك يحبس

ربي يرزقوا ما خير منها .... ان شاء الله

 

[جليلوس]

العباد هاذو اللي رفضوا الماصو يعني البناء أغبياء ، لوكان جاو يعرفوا مدخوله الشهري الله يبارك يروحوا هوما يخطبوه ، المظاهر الخداعة
هاذا الماصو يقدر يوفر لهاذي الفتاة اللي ما يقدرش يوفروا لها مدير ، مدخولهم الشهري يفوق 20 مليون
مرة قلت لزوجي لكان غير جيت ماصو ، يلعن الوظيفة نتاعك اللي ديما جيبك فارغ
و مع هذا اليوم الفتيات الجامعيات يديو الماصو عادي و لا واحد يهدر عليهم ، ربما مازال كاينين ناس اللي يعيشوا في العالم نتاع التكبر و الوهم قول لهم يخليوها عندهم تكبار معاهم

الله غالب ناس تحكم بالمظاهر
وعندك المال تسوا ماعندنكش قعدت
اودي خليهم يجي نهار ويندموا

ربي يهدي ماخلق وصايي
شكرا اختى على مرورك يعطيك الصحة