السّلام عليكم
وأهلا بزهرتي الجميلة صاحبة المواضيع الجميلة
لي هبلوها وفسدولها نهارها بهاد القرارات ههه
والله يا أختي ما عندنا ما نقولو اصلا التعليم تاعنا المستوى تاعو راهو تحت الصفر ماشي صفر ( الصفر حاشاه )
كن تحكمي والدينا تلقايهم بالاك حبسو في الثانوي بصح يقري واحد أستاذ
لدرجة التعليم بكري كان على يد ناس لي تعرف قيمة التعليم
درك تخربيط في تخربيط , وزيد حابين يعدمو اللغة العربية نهائيا
علاه هادا؟ صار عجايز وشيوخا كبار راهم في مدارس محو الأمية غير باه يتعلمو لغة القرآن
وحنا طفل صغير ابداه بالدارجة
روحي شوفي المدارس واش صاير فيهم
مخدرات راهي دور ولبس فاضح ماعندنا نعرفو لاكان مدرسة ولا شارع ولا صالة عرض الازياء
من المفروض مكان تاع قراية حاجة خاطية الطريق ما تدخل
وفرو الجو المناسب تاع القراية للتلميذ من الإمكانيات ومن الأستاذة
ماشي تجيب استاذ تاع رياضيات يقري العلوم الاسلامية
ومن بعد تقولي الدارجة, هاديك هي خربطلو الدين وزيد اللغة وخلي الطفل هادا يروح فيها
والله ما لقينا ما نهدرو لأنو والله التعليم الجزائري راهو في الأرض
لا قراية لا والو وربي يستر على ولادنا كامل
وشكرا على موضوعك الرائع
تحياتي الخالصة
