الرُّب "معجون التمر"

[Oum Loukmane]

السلام عليكم و رحمة الله و بركاته

جبتلكم اليوم وصفة تقليدية مشهورة بيها منطقتنا اسمها الرّب و مخدومة أساسا من التمر "الغرس" كل شي طبيعي مفيدة و تعطي الطاقة :sport02::sport02::sport02:

نبداوها بــالمقادير :

4 كغ تمر و 6 ل ماء

طريقة التحضير :

فتتي التمر "الغرس" و ديريه في قدر كبيرة بيه بعلفه بما عطاه ربي و زيديله الما خليه يغلي و كي يغلي الغلية الأولى نقصيله النار و خليه حوالي 5 ساعات و هو يطيب . حطيه يبرد

يكون كيما هاك

و مبعد حطي قطعة قماش نظيفة في كسكاس تكون تحته قدرة باه ما يروحلكش السائل و حطي شوية من هاداك الخليط تااعك "قيس la louche "

لميها كي الكموسة و بداي تعصري "وجدي يديك مليح رياضة كاملة متكاملة خخخ

السائل الي تحتاجيه يهبط للقدر و الباقي يبقالك في القماش ارميه

كي تكملي تتحصلي على سائل خفييف

رجعيه فوق النار يغلي مليح و يعقد

و في الأخير ديريه في بلارة ولا الحاجة الي باغية تخبيه فيها

احنا نحطوه في بلاصة المعجون و كاين الي يخلطوه مع السمن . . . بنين و فايدتو كبيرة

ان شا الله تكونو اديتو الفايدة . . . جربوه و ردولي الخبر

سلآم
​

 

[{مُدَلَّلَتُهُ}]

رد: الرُّب "معجون التمر"

بارك الله فيك أمي و جزاك الجنة

انا نبغيه نموت عليه . . . بصح ما نبغيش كي نطيبه و نعصره :p


​

 

[السلطانة]

رد: الرُّب "معجون التمر"

وعليكم السلام تسلم يديك يالحبيبة

جاك يشهي بصحتكم وشكرا على الوصفة

 

[أم منيــــــر]

رد: الرُّب "معجون التمر"

يعطيك الصحة اختي ام لقمان على الوصفة و على المعلومات
حبيت نسقسيك الرب هو الدبس لي يحكيو عليه في القنوات العربية ؟
​

 

[Oum Loukmane]

رد: الرُّب "معجون التمر"

بارك الله فيك أمي و جزاك الجنة

انا نبغيه نموت عليه . . . بصح ما نبغيش كي نطيبه و نعصره :p


​

وفيك بركه هو متعب ولكن حلا وة الشئ في تعب

 

[Oum Loukmane]

رد: الرُّب "معجون التمر"

وعليكم السلام تسلم يديك يالحبيبة

جاك يشهي بصحتكم وشكرا على الوصفة

عفواحبيبتي ان شاء الله نكون أفدت كل الاخوات

 

[Oum Loukmane]

رد: الرُّب "معجون التمر"

يعطيك الصحة اختي ام لقمان على الوصفة و على المعلومات
حبيت نسقسيك الرب هو الدبس لي يحكيو عليه في القنوات العربية ؟
​

شكرا أختي عندنا دائما يكون في الدار أذن الرب هو دبس التمر والله أعلم
نستعمل كثيرا حتي كدواء للكحه وفقر الدم هذي معلومات حبيت نفيدالا خوات

 

[الزهرة الحمراء]

رد: الرُّب "معجون التمر"

بارك الله فيكِ غاليتي على الطريقة
دمتي في رعاية الله وحفظه ​

 

[Oum Loukmane]

رد: الرُّب "معجون التمر"

بارك الله فيكِ غاليتي على الطريقة
دمتي في رعاية الله وحفظه ​

وفيك بركه حنونه شكرا على الرد

 

[أمّ عبد الله]

رد: الرُّب "معجون التمر"

جزاك الله خيرا على الوصفة .... أختي أم لقمان...​

 

[Oum Loukmane]

رد: الرُّب "معجون التمر"

جزاك الله خيرا على الوصفة .... أختي أم لقمان...​

شكرا حبيبتي على المرور

 

[rose09000]

رد: الرُّب "معجون التمر"

يعطيك الصحة أختي إن شاء الله نجربوا

 

[مريم.]

رد: الرُّب "معجون التمر"

هو مليح لفقر الدم انا منخليهش خفيف نتقلو باه يجي مليح وبعض الاحيان نحطو مع دهان لعرب

 

[Oum Loukmane]

رد: الرُّب "معجون التمر"

يعطيك الصحة أختي إن شاء الله نجربوا

هو مليح لفقر الدم انا منخليهش خفيف نتقلو باه يجي مليح وبعض الاحيان نحطو مع دهان لعرب

شكرًا حبيباتي أسعدني وجودكن

 

[نبض الحياة]

رد: الرُّب "معجون التمر"

السلام عليكم
امممم يعطيك الصحة غاااليتي
شكرا على الوصفة والطريقة
يسلمو ايديك خالتوو

 

[iman-dz4ever]

رد: الرُّب "معجون التمر"

حتى حنا في الجلفة نديروه بصح خدمتو صعيبة

​

 

[Oum Loukmane]

رد: الرُّب "معجون التمر"

السلام عليكم
امممم يعطيك الصحة غاااليتي
شكرا على الوصفة والطريقة
يسلمو ايديك خالتوو

الله يسلمك بنتي شكرًا

حتى حنا في الجلفة نديروه بصح خدمتو صعيبة

​

صعيبه لكن لذيذة :regards01:

 

[samah06]

رد: الرُّب "معجون التمر"

ماشاء الله ام لقمان يعطيك الصحة
موضوع كامل ومتكامل
انا دائما نشريه وغالي
نقدرو نديروه بالغرس عادي
راح نجربو ولو كمية بسيطة

 

[Oum Loukmane]

رد: الرُّب "معجون التمر"

ماشاء الله ام لقمان يعطيك الصحة
موضوع كامل ومتكامل
انا دائما نشريه وغالي
نقدرو نديروه بالغرس عادي
راح نجربو ولو كمية بسيطة

شكرا حنونه أسعدني تواجدك
تصنيعه في الدار نفي قدامك خير من لتشريه ماتعرفيش كيفاه خدموه

 

[ώᾄƒᾄA ħBᾄⱢ]

رد: الرُّب "معجون التمر"

شكرا لك اختي
الرُب مفيد جدا للصحة
نحبو بزاف هايل