استفسار عن الرشتة

[أم منيــــــر]

السلام عليكم
جابولي قدر 2 كيلو نتع الرشتة من العاصمة حبيت نسقسي خواتاتي على كيفية حفظها
نحطها في الثلاجة ول برا ماعليش؟
شحال نبق محافطة عليها يعني نطيبها في يامات برك ول تقدر تقعد حتى للشهر او اكثر
صراحة هادي اول مرة نجيبها لداري راكم تعرفو هاد الاكلة ماشي نتع تلمسان يعني حاجة جديدة عليا كليتها مرة عند واحدة حبيبتنا دزيرية و عجبتني بزاف
و نزيد نطلب منكم كيفية تحضيرها يلا حبيتو
بارك الله فيكن و شكرا لكن مسبقا:

من هنا :

طريقة تحضير طبق الرشتة بالصور من مطبخي

​

 

[جمالي في حجابي]

رد: استفسار عن الرشتة

السلام عليكم

امي ام منير ماما تخبيها فالكونجيلاتووور ومراحش تفسدلك قد ماطولتي
وادا حبيتي اطيبيها معنتها اليوم جابتهالك وغدوة حابة اطيبيها تقدري تحطيها التحت

اتمنى اني افدتك

تقبلي مروري امي​

 

[♫الباحثة عن الحظ♫]

رد: استفسار عن الرشتة

مرحباااااااااا خالتو

رشتة بنينة يم يمي

زي ما قاتلك الاخت ديرها كونجيلاتور ولا فريجيدار مش مشكلة الرشتة مش تفسد

تحياتي خالتو وبحصتكم

 

[أم منيــــــر]

رد: استفسار عن الرشتة

يعطيكم الصحة حبيباتي و ربي يحفظكم
هدا لي كان يهمني كيفاش نحفظها وما تفسدش
ربي يزين لكم السعد
​

 

[جمالي في حجابي]

رد: استفسار عن الرشتة

ان شاء الله امي

هادو اليامات انا في جهة وزيان السعد في جهة اخرى

ربي يسمع منك​

 

[أم منيــــــر]

رد: استفسار عن الرشتة

راني لقيت طريقة التحضير هنا في اللمة :bravo01:

طريقة تحضير طبق الرشتة بالصور من مطبخي

بارك الله فيكم جميعا و في prncess fifi:love01:
​

 

[Hakan]

رد: استفسار عن الرشتة

يعني كيما موالف نشوف اصحاب لي بوشري الجزاارة باسكو عندنا هوما الي يبيعوها
يحطها في صاشي شفاف ويديروها في الثلااجة ودرجة الحراة ما تكونش باردة بزااف
بصح ماطوليش على العاايلة نتاعك وذوقيهم من الرشتة رائعة خااصة مع صدر الدجاج
والحمص والتوم ااخ راني بديت نعطي في الوصفة ربي يهنيك خالتو ...​

 

[أم منيــــــر]

رد: استفسار عن الرشتة

يعني كيما موالف نشوف اصحاب لي بوشري الجزاارة باسكو عندنا هوما الي يبيعوها
يحطها في صاشي شفاف ويديروها في الثلااجة ودرجة الحراة ما تكونش باردة بزااف
بصح ماطوليش على العاايلة نتاعك وذوقيهم من الرشتة رائعة خااصة مع صدر الدجاج
والحمص والتوم ااخ راني بديت نعطي في الوصفة ربي يهنيك خالتو ...​

يعطيك الصحة حكيم راك شهيتني ان شاالله برك ننجح في اعدادها لاخاطر هادي اول مرة
احنا موالفين بالطعام لي هو الكسكسي راك تعرف
رااها عندك فكرة على الطريقة الله يبارك
الله يسلمك و يهنيك انت تاني :graduation:
​

 

[hadil2044]

رد: استفسار عن الرشتة

مساء الخير اختي ام منير

تقدري تحفظيها في الكونجيلاتور لشهور عادي اقسميها برك على حسب ما طيبي اللي تجبديه طيبيه
احنا راهم يبيعو الرشتة كيما ساشيات الكسكسي هكاك خير تحفظيها برا عادي
وشوفي النت تلقي ياسر وصفات عليا نحبها بمرقة بيضة تجي روعة وتزوديلها شوي اللفت
​

 

[أم منيــــــر]

رد: استفسار عن الرشتة

مساء الخير اختي ام منير

تقدري تحفظيها في الكونجيلاتور لشهور عادي اقسميها برك على حسب ما طيبي اللي تجبديه طيبيه
احنا راهم يبيعو الرشتة كيما ساشيات الكسكسي هكاك خير تحفظيها برا عادي
وشوفي النت تلقي ياسر وصفات عليا نحبها بمرقة بيضة تجي روعة وتزوديلها شوي اللفت
​

مساء النور عزيزتي
حتى انا خممت نقسمها في صاشيات عندك الحق فكرة مليحة
لي جابوها ماشي كما نتع الطعام
يعطيك الصحة على المرور راني لقيت وصفة نجربها ان شاء الله
بارك الله فيك:regards01:
​

 

[خديجة 24]

رد: استفسار عن الرشتة

زي ما قاتلك الاخوات ديرها كونجيلاتور الرشتة متفسدش بسرعة
برك حاجة ماقالوهاش هي انك لما تنحيها من كونجيلاتور ماتمسيهاش حتى ديكونجولا نهائيا باش ماتتكسرش وتبقى هي هي
بالتوفيق
كي تطيبيها وريلنا كيفاش جاتك يا الشاطرة
انا فالعيد طيبتها هنا في كندا وجات تهبل
وبعثت منها لصديقتي التلمسانية وعجبتها بزاف

 

[BLEU PEARL]

رد: استفسار عن الرشتة

سلام
ياااا أمي عجبتها أكلتنا
مامي هاذي أكلة من اختصاص البليديين أرواحي عندنا نتهلاو فيك
استناي نقعد ونجيبلك كل أسرارها وطيابها من عند ميمتي وزدنا طورناها بوحد السر نخبرهولك فالخاص هههه راكي عارفة الصنعة