- إنضم
- 13 أفريل 2013
- المشاركات
- 14,618
- نقاط التفاعل
- 54,537
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السّلام عليكم يا ناس لمتي الغاليين والطيبين
ان شاء الله راكم كامل لاباس؟
من قبل وفي هاد القسم وضعت ثلاث حكايات اثرو عليا في حياتي
حكايتي مع أول عام لي في الجامعة
وحكايتي مع طفولتي لي شوهوهالي المعلمين
وحكايتي مع أمي لي خفت نفقدها ويديها علي المرض
خلال هاد الحكايات الثلاثة ربما دخلتلكم الحزن على قلوبكم وكاين حتى لي بكا معايا
يعني باه تنزل دمعتك الغالية على حروف أنا كتبتها والله تقيسني صح وفي الصميم
نقولكم اسمحولي و في نفس الوقت نشكركم بزااف من كبيركم لصغيركم على وقفتكم معايا
حتى ولو بمجرد قراءة الموضوع
ربي يحفظكم جميعا ويبعد عليكم كل سوء :regards01:
اليوم جبتلكم جزء من ذكرياتي القديمة كي العادة بصح حبيت نبعد عليكم الحزن والبكا
نخاف عليكم :d
وحبيت ندخلكم شوي الرعب والتشويق
مالا تبعوني نحكيلكم
المهم حسب العنوان ولي هو " حكايتي مع بيت جدتي المرعب"
رايحة نحكيلكم على هاد البيت لي كان فيه جزء من طفولتي, وبحكم أني كنت طفلة قريبة بزااف لجداتي ( أم ماما) لي ماتت قبل 10 اشهر ربي يرحمها, كنت دايما نروح عندها لأني تربيت في هاداك البيت وتما لقيت معاملة ما شاء الله كلي راني في بيتي
المهم المعاملة كانت مليحة والناس لي فيها ملاح, بصح الاشباح لي فيها ماش ناس ملاح
لأنو العمارة لي تسكن فيها جداتي كانت بكري مقبرة كبيرة ومن بعد قسموها على النصف, نص خلاوه مقبرة والنصف الآخر
بناو عليه عمارات ومن بينهم العمارة لي فيها بيت جداتي
(هكا واش سمعت من ماما وخوالاتي)
المهم ديما يحكيولي لما نروح عندهم على قصصهم بكري وواش كانو يشوفو وواش كانو يسمعو
كانو يشوفو سكان آخرين في الدار ماكانوش ياذيوهم ولكن يشوفوهم في كل زاوية من زوايا البيت
حتى ولما يخرجو من الدار يشوفوهم يطلو عليهم من النافذة وهوما خلاو الدار فارغة
ساعات يسمعو صوت ناس داخل الغرفة والغرفة فارغة
لأنو في هاديك العمارة ثلاثة من سكانها رماو روحهم من الطاقة وماتو
وخلي قصص خلاف ما نحكيهمش خوفا على قلوبكم ههه
المهم علابالي نصكم راهو يقرا ويقول في قلبو هادي راهم خربطو عليها عايلتها بقصص خرافية وجاية تحكيلنا فيهم
وعلى هادي جبتلكم مثال حي صرا معايا ونتوما احكمو وحدكم
القصة لي صراتلي لما كنت نقرا في الإبتدائي إما السنة الخامسة أو السادسة ما نكذبش عليكم
وبحكم كانو والديا فيزوج خدامين نظرا لظروف الحياة الصعبة كنت نقرا بعيدة على الدار وفي فترة الغدا نروح عند جداتي نتغدا أنا وأختي لي كانت تقرا في السنة الأولى ابتدائي
نستناها حتى تخرج ونروحو كيف كيف لدار جداتي
المهم مرة تغديت عادي ووصل وقت العودة للمدرسة هزيت ختي وخرجنا في وقت 13.00 حسب ما نذكر المهم الدنيا خالية
حنا نازلين في العمارة عادي بصح قلبي كان يخبط (نخاف منها بصراحة وخاصة انها مظلمة شوي)
المهم ختي الصغيرة زعما هبطت تجري في الدروج وقاتلي نسبقك
بصح أنا كملت نمشي بلعقل وفي أمان ( ما علاباليش واش يستنا فيا) :d
مع خلصت الدروج كان قدامي رواق طويل (كولوار) باه تخرجي خلاص من العمارة
هاداك الرواق غير حيوط وسقف ماكاين فيه لا طاقة ولا باب ولا دروج ( يسما اتخايلو مليح):-o
أنا قاعدة نمشي في أمان وفجأة والله والله والله 3 مرات باه تصدقوني
حتى نلقى جسم كبير طاح عليا من الخلف (فوق ظهري) :-o
ماشفتش واشي هو ولكن بانلي أسود يا لطيف
اتخيلو فوقك سقف وقدامك حيوط وطيح عليك حاجة ضخمة :s
كلي درك في غرفتك يطيح عليك من السقف حاجة( بالاكم تتوسوسو ههه) :d
أنا في الدقيقة هاديك بلعت قلبي ههه ورحت نجري بالاك الطيارة ونسبقها وما حبيتش ندور خلاص ورايا زيد نشوف كاش هيكل عظمي هههه
رحت نقرا وأنا شبه ميتة وما حبيت نحكي حتى لواحد وبقيت نخمم في غدوة كي نجي طالعة واش يستنا فيا
وليت طلبت من ماما تعطيني نحفظ آية الكرسي
وكان هاداك أول نهار نحفظ فيه آية الكرسي ^^ :love01:
وغدوة لما جيت طالعة نقرا في آية الكرسي بأعلى صوتي هههه رقيتلهم العمارة
من هاداك النهار مازدت شفت والو والحمد لله
علابالي خوفتكم شوي وبالاك نص ماراهوش مصدقني , بصح والله صرات معايا ولدرك لما نحب نتفكرها تتشوش ذاكرتي وقريب ننسى, كي ما تحولتش لمصاصة دماء راني مليحة هههه :d
المرة الجاية ان شاء الله نجيبلكم قصص كوميدية ههه باه نرفه عليكم
المهم اسمحولي طولت عليكم , بصح ما عندي لمن نفرغ قلبي غير ليكم
اتهلاو في رواحكم وسلا
مان شاء الله راكم كامل لاباس؟
من قبل وفي هاد القسم وضعت ثلاث حكايات اثرو عليا في حياتي
حكايتي مع أول عام لي في الجامعة
وحكايتي مع طفولتي لي شوهوهالي المعلمين
وحكايتي مع أمي لي خفت نفقدها ويديها علي المرض
خلال هاد الحكايات الثلاثة ربما دخلتلكم الحزن على قلوبكم وكاين حتى لي بكا معايا
يعني باه تنزل دمعتك الغالية على حروف أنا كتبتها والله تقيسني صح وفي الصميم
نقولكم اسمحولي و في نفس الوقت نشكركم بزااف من كبيركم لصغيركم على وقفتكم معايا
حتى ولو بمجرد قراءة الموضوع
ربي يحفظكم جميعا ويبعد عليكم كل سوء :regards01:
اليوم جبتلكم جزء من ذكرياتي القديمة كي العادة بصح حبيت نبعد عليكم الحزن والبكا
نخاف عليكم :d
وحبيت ندخلكم شوي الرعب والتشويق
مالا تبعوني نحكيلكم
المهم حسب العنوان ولي هو " حكايتي مع بيت جدتي المرعب"
رايحة نحكيلكم على هاد البيت لي كان فيه جزء من طفولتي, وبحكم أني كنت طفلة قريبة بزااف لجداتي ( أم ماما) لي ماتت قبل 10 اشهر ربي يرحمها, كنت دايما نروح عندها لأني تربيت في هاداك البيت وتما لقيت معاملة ما شاء الله كلي راني في بيتي
المهم المعاملة كانت مليحة والناس لي فيها ملاح, بصح الاشباح لي فيها ماش ناس ملاح
لأنو العمارة لي تسكن فيها جداتي كانت بكري مقبرة كبيرة ومن بعد قسموها على النصف, نص خلاوه مقبرة والنصف الآخر
بناو عليه عمارات ومن بينهم العمارة لي فيها بيت جداتي
(هكا واش سمعت من ماما وخوالاتي)
المهم ديما يحكيولي لما نروح عندهم على قصصهم بكري وواش كانو يشوفو وواش كانو يسمعو
كانو يشوفو سكان آخرين في الدار ماكانوش ياذيوهم ولكن يشوفوهم في كل زاوية من زوايا البيت
حتى ولما يخرجو من الدار يشوفوهم يطلو عليهم من النافذة وهوما خلاو الدار فارغة
ساعات يسمعو صوت ناس داخل الغرفة والغرفة فارغة
لأنو في هاديك العمارة ثلاثة من سكانها رماو روحهم من الطاقة وماتو
وخلي قصص خلاف ما نحكيهمش خوفا على قلوبكم ههه
المهم علابالي نصكم راهو يقرا ويقول في قلبو هادي راهم خربطو عليها عايلتها بقصص خرافية وجاية تحكيلنا فيهم
وعلى هادي جبتلكم مثال حي صرا معايا ونتوما احكمو وحدكم
القصة لي صراتلي لما كنت نقرا في الإبتدائي إما السنة الخامسة أو السادسة ما نكذبش عليكم
وبحكم كانو والديا فيزوج خدامين نظرا لظروف الحياة الصعبة كنت نقرا بعيدة على الدار وفي فترة الغدا نروح عند جداتي نتغدا أنا وأختي لي كانت تقرا في السنة الأولى ابتدائي
نستناها حتى تخرج ونروحو كيف كيف لدار جداتي
المهم مرة تغديت عادي ووصل وقت العودة للمدرسة هزيت ختي وخرجنا في وقت 13.00 حسب ما نذكر المهم الدنيا خالية
حنا نازلين في العمارة عادي بصح قلبي كان يخبط (نخاف منها بصراحة وخاصة انها مظلمة شوي)
المهم ختي الصغيرة زعما هبطت تجري في الدروج وقاتلي نسبقك
بصح أنا كملت نمشي بلعقل وفي أمان ( ما علاباليش واش يستنا فيا) :d
مع خلصت الدروج كان قدامي رواق طويل (كولوار) باه تخرجي خلاص من العمارة
هاداك الرواق غير حيوط وسقف ماكاين فيه لا طاقة ولا باب ولا دروج ( يسما اتخايلو مليح):-o
أنا قاعدة نمشي في أمان وفجأة والله والله والله 3 مرات باه تصدقوني
حتى نلقى جسم كبير طاح عليا من الخلف (فوق ظهري) :-o
ماشفتش واشي هو ولكن بانلي أسود يا لطيف
اتخيلو فوقك سقف وقدامك حيوط وطيح عليك حاجة ضخمة :s
كلي درك في غرفتك يطيح عليك من السقف حاجة( بالاكم تتوسوسو ههه) :d
أنا في الدقيقة هاديك بلعت قلبي ههه ورحت نجري بالاك الطيارة ونسبقها وما حبيتش ندور خلاص ورايا زيد نشوف كاش هيكل عظمي هههه
رحت نقرا وأنا شبه ميتة وما حبيت نحكي حتى لواحد وبقيت نخمم في غدوة كي نجي طالعة واش يستنا فيا
وليت طلبت من ماما تعطيني نحفظ آية الكرسي
وكان هاداك أول نهار نحفظ فيه آية الكرسي ^^ :love01:
وغدوة لما جيت طالعة نقرا في آية الكرسي بأعلى صوتي هههه رقيتلهم العمارة
من هاداك النهار مازدت شفت والو والحمد لله
علابالي خوفتكم شوي وبالاك نص ماراهوش مصدقني , بصح والله صرات معايا ولدرك لما نحب نتفكرها تتشوش ذاكرتي وقريب ننسى, كي ما تحولتش لمصاصة دماء راني مليحة هههه :d
المرة الجاية ان شاء الله نجيبلكم قصص كوميدية ههه باه نرفه عليكم
المهم اسمحولي طولت عليكم , بصح ما عندي لمن نفرغ قلبي غير ليكم
اتهلاو في رواحكم وسلا
آخر تعديل:
