علاه

[مشكلتي]

كي سمعت خبر زواجوو
حسيت الدنياا ضاقت بياا
تفكرت بلي وعدني انا نكون مرتوو
تفكرت هذيك الدار لي بناها بأحلامي
رايحين تقولولي كنتي عارفة العلاقة خارج اطارهاا الديني حران نقولكم ايه عندكم الحق
مي علاه الشخص توصل بيه هاذ الدرجة انوو يخدع اي طفلة و كي يحب يتزوج يروح يدي وحدة اخرى
منيش عارفة واش ندير كل حاجة في راسي تقولي علاه

 

[راضية حامدة]

رد: علاه

تم الاعتماد
لانك ببساطة كنت فريسة سهلة
و هاذي لي جابها خلاتو يعرف بنت الفاميلا لي يدخلها لدارو كيفاش دايرة
الان و مع التطور و التواصل و الحكايات لي نسمعو بيهم الا ان بناتنا مازالو يحلمو بالفارس لي ينقذهم
كل شاة تعلق من عرقوبها
و البكاء على ما فات لن ينفع
و لي ما عرف قيمتك انت علاش تبكي عليه ؟
اتعلمي الدرس و ادعي ربي يعوضك خيرا منه

 

[لؤلؤة قسنطينة]

رد: علاه

ختي لعزيزة اسمحيلي واسمحيلي واسمحيلي نقولهالك 3 مرات
لأنو ربما راهي اول مرة في حياتي رايحة نرد في قسم مشكلتي بهاد الطريقة

ختي هادي ماشي مشكلة , الناس راهي تطايش برا بلا ماكلة وشراب
الناس راهي تعاني, درك كنت نقرا في قصة بنت في العشرين همومها ضعف عمرها
كاين لي فقد والديه و راهي في أيادي تاع سوء لي قدرو يلعبو بيه
أما مشكلتك تبكي عليها يوم وزوج وخلاص وتنساي

لي تزوج ربي يسهل عليه , ولي باعك بالفول بيعيه بالقشور
هو ماعطاكش قيمة وراح خير الطفلة لي يعتبرها بنت فاميليا ونتي راكي تتحسري عليه؟؟

علاه خلصو ولاد الجزائر؟؟ ولاد بلادي ما شاء الله عليهم, ويعرفو قيمة الحلال
فيهم الشهم وفيهم الخام وفيهم المرفه وفيهم الوسيم
ونتي وواش مكتبلك ربي
و احمدي ربي ليل ونهار لأنو هادي راهي فرصة باه تفيقي وتعرفي حاجة بالحرام عمرها ما تنجح
ولما يكتبلك ربي تتزوجي والله يجيك عريس وربما نتي عايشة في قمة الجبل وحدك يوصلك مكتوبك حتى لتم

اسمحيلي بزااااااف , أول مرة نخرج من طبيعتي الهادئة ونتحول ربم القاسية
ولكن يا اختي هادي مشكلة بينك وبين نفسك حليها
ابدي كتاب ربي واقراي منو زوج صفحات رايح يتفتح قلبك وتنزلي زوج دمعات و يفرغ قلبك وتولي عادي
المشكل ماشي لما نغلطو المشكل لما نستعرفو بالغطلة
استغفري ربي وولي لطريق الحق
وربي يرزقك بولد الحلال ان شاء الله

واسمحيلي بزااف على قساوة لساني لي عمري ماتكلمت بيه هكا
اعتذر منكِ لكن هادا من غيرتي عليك
تحياتي​

 

[{مُدَلَّلَتُهُ}]

رد: علاه

السلام عليكم و رحمة الله و بركاته

أختي ما راحش نلومك على حاجة فاتت الي فيك يكفيك

هو راح جاب مرأة و انت تقعدي تبكي ؟ هنا أنا الي نسقسيك علاه ؟

ربي راه على بالو بلي فيه صلاحنا . . . صح غلطتي و درتي لامان و ان شا الله هادي تكون ليك درس باه تحفظي روحك و تحافظي عليها حتى الي ربي يعطيك ولد الحلال الي يجي لداركم

استغفري ربي و ارجعيله و ان شا الله هو الي يفرج عليك . . . ما تقوليش ما ننساش تعياي و تنساي انسينا لعزاز لي ماتو مشي لا واحد ما وفاش بوعدو و راح شاف في جهة أخرى

ما راكش باغي تتزوج ماكان لاه تدور ببنت الناس تفسدها و مبعد تروح تخطب الي جابتهالك امك هادي ماهيش من الرجولة . . وكلي ربي أختي و اصبري

ربي يفرج على كل واحد
​

 

[السلطانة]

رد: علاه

اخطيك اختي من حكايتو



ربي يرزقك الزوج الصالح

 

[نظرة تفاؤل]

رد: علاه

السلام عليكم ورحمة الله وبركاته

وعدك ان تكون زوجته اي وعد هذا تتحدثين عنه

اتثقين في رجل قال لك كلمة احبك وانني ساتزوجك ان الجميع الجميع يستطيع قول هذه الكلمات
ولكن من هو الصادق فيها ???????


اسمحيلي مي تستاهلي واش صرالك لانك انتي الي خليت لروحك يصرالك هكا دخلت في علاقة محرمة شرعاا مع رجل غريب بدافع ماذا الحب
ماهذا الحب استفيقوا يافتيات فانتن تلطخن سمعتكن وسمعة اهاليكن
اتقو الله في انفسكن

تفكرت هذيك الدار لي بناها بأحلامي

عن اي دار راك تهدري هذيك الدار حرام في حرام وكون اتبنات في الحقيقة كانت راح تكون حراام باسكو ما بني على الحرام هو حراام

مي علاه الشخص توصل بيه هاذ الدرجة انوو يخدع اي طفلة و كي يحب يتزوج يروح يدي وحدة اخرى
منيش عارفة واش ندير كل حاجة في راسي تقولي علاه

باسكو كان يفوت في الوقت مع طفلة في نظروا متستاهلش انها تدخل داروا باسكو وصلت روحها انها تخدع والديها في اجل الحب

هي خدعت والديها واخوتها وخانت ثقتهم هو علاه مايخونهاش

واش تكون خيانتو هو قدام خيانتك انتي

راكم كيفكيف

اسمحيلي اختي على كلامي الي يمكن كان قاسي

نتمني يكون هذا درس ليك وان قصتك تكون عبرة للاخرين

سلام


​

 

[الزهرة الحمراء]

رد: علاه

السلام عليكم أختي
اولا ربي يرزقك خير منو ان شاء الله وربي كي بعدوا علييك فيها خير
ماننكرش اني تأثرت بحكايتك على خاطر قادرة تصرا لأي طفلة مبصح هذا مايمنعنيش باه نعاتبك
ثانيا لي تامن الرجال كلي تامن الماء فالغربال مافيهمش لامان يااختي يقدر اليوم يقولك هدرة غدوا ينسى الهدرة والوعد لي عطاهولك وزيد لقاااك انت فريسة سهلة ليه واش يقولك تامنيه وقاعد يبنيلك في احلام وردية وانت تعاوني فيه باه يبنيهم
هو تلقايه خمم وقال هاذي فلانة كيما كانت معايا سيرمون كانت مع واحد قبلي وماتصلحش للزواج مبصح انا نقولك حاجة كما تدين تدان وكوني متأكدة بلي اذا هو ذركا ماتزوجش الحبيبة تاعو راهو تزوج حبيبة تع فلان وراهو مداير في بالو بلي تزوج وحدة ماكانش عندها ماضي هاذي حقيقة مانهربوش منها ربي قالها الطيبون للطيبات والخبيثون للخبيثات " أختي أتقربي من ربي رايح يسهلك امورك ومن تقربك لله عزوجل رايحا تلقاي روحك نسيتيه وماتخميش كامل فيه وفيها خير كيما ربي بعدوا علييك وهذا درس ليك للمرة الجاية لي صح يحب ينوي لحلال يجي لباباك ولا خوك ويقول راني ناوي لحلال ماشي يحكي مع النساء ويقول راني ناوي لحلال ويقعد يدور مع بنات الناس كيما يحب ويهدر معاهم كيما يحب وكلمة زوج يقولك راني ناوييك حلالي وغير انا نديييك ياااو فاقو
وربي يعطيك واش متمنية ويحفظك اختي ​

 

[بقايا إنسان]

رد: علاه

ختي لعزيزة اسمحيلي واسمحيلي واسمحيلي نقولهالك 3 مرات
لأنو ربما راهي اول مرة في حياتي رايحة نرد في قسم مشكلتي بهاد الطريقة

ختي هادي ماشي مشكلة , الناس راهي تطايش برا بلا ماكلة وشراب
الناس راهي تعاني, درك كنت نقرا في قصة بنت في العشرين همومها ضعف عمرها
كاين لي فقد والديه و راهي في أيادي تاع سوء لي قدرو يلعبو بيه
أما مشكلتك تبكي عليها يوم وزوج وخلاص وتنساي

لي تزوج ربي يسهل عليه , ولي باعك بالفول بيعيه بالقشور
هو ماعطاكش قيمة وراح خير الطفلة لي يعتبرها بنت فاميليا ونتي راكي تتحسري عليه؟؟

علاه خلصو ولاد الجزائر؟؟ ولاد بلادي ما شاء الله عليهم, ويعرفو قيمة الحلال
فيهم الشهم وفيهم الخام وفيهم المرفه وفيهم الوسيم
ونتي وواش مكتبلك ربي
و احمدي ربي ليل ونهار لأنو هادي راهي فرصة باه تفيقي وتعرفي حاجة بالحرام عمرها ما تنجح
ولما يكتبلك ربي تتزوجي والله يجيك عريس وربما نتي عايشة في قمة الجبل وحدك يوصلك مكتوبك حتى لتم

اسمحيلي بزااااااف , أول مرة نخرج من طبيعتي الهادئة ونتحول ربم القاسية
ولكن يا اختي هادي مشكلة بينك وبين نفسك حليها
ابدي كتاب ربي واقراي منو زوج صفحات رايح يتفتح قلبك وتنزلي زوج دمعات و يفرغ قلبك وتولي عادي
المشكل ماشي لما نغلطو المشكل لما نستعرفو بالغطلة
استغفري ربي وولي لطريق الحق
وربي يرزقك بولد الحلال ان شاء الله

واسمحيلي بزااف على قساوة لساني لي عمري ماتكلمت بيه هكا
اعتذر منكِ لكن هادا من غيرتي عليك
تحياتي​

لم أجد أفضل من قول أختنا الكريمة لؤلؤة قسنطينة

 

[Nina's]

رد: علاه

لي باعك بالفول, صدقيه في سبيل الله يا العزيزة
و لي ظلم, ربي يخلصوا في الدنيا قبل الاخرة
ربي يرزقك بوليد الفاميليا لي يهنيك
و الحمدلله لي هنّاك ربي من واحد ماشي راجل كيما هذا
,,عسى ان تكرهوا شيئًا و هو خيرٌ لكم‘‘​

 

[Malware Analyzer]

رد: علاه

مشكلتي
ببساطة لا تتعلقي الا بالله في حياتك وان كان هنالك زوج تعلقي به لانه سيعينك على القرب من الله
أما هذا الحب ومنعرف فلا اظن انه يوجد ولن يوجد
إلا في الله عز وجل
فالزوجين يحترمان بعضهما في الله عز وجل
ويحبان بعضهما البعض في الله عز وجل
ويضيحيان من اجل بعضهما البعض في الله عز وجل
اما علاقة و بالهاتف وحب ووو فكل ذلك مجرد شيء لا فائدة منه ونحن نرى ان من بدأو بهذا النوع من العلاقات ، حتى ولو تزوجو بعد الزواج بمدة قليلة جدا ذهاب الشوق وذلك الكلام المعسول ، وشبعو من بعضاهم من كثرة لكلام وفقد كل شيء قيمته
اما الحب في الله فجوع لا يشبع

 

[jiji la star]

رد: علاه

معندي منقولك راكي كبيرة وتعرفي العلاقة لي كانت بيناتكم خير منا حنايا
ربي يكون في عونك
إذا كنت شريفة معاه صح وكلي ربي عليه
ومتزيديش تأمني على خاطر كاين لي دار كلمة ""نتزوج بيك"" غير باه يصطادك مثل الفريسة
ردي بالك ردي بالك لي يبغيك يجي لداركم و هذا تمسخر وكي بغا يتزوج راح لوحدوخرا ومتنسايش
كما تدين تدان
ربي يصبرك ويجيب لخير
مكتوب ربي

 

[Me too]

رد: علاه

اختي العزيزة
المراة تعتبر فريسة كل رجل ولهذا يظن الرجل انه بامكانه اللعب بمشاعر الانثى كما يريد لذلك حاولي ان تتكلمي مع اي رجل من بعيد وحاولي ان لا تتقربي منه ابدا .
وهذا الرجل ظنك امراة عديمة الشرف ولست ابنت عائلة لانك تكلمت معه واعطيته مشاعرك
اختي العزيزة انصحك بنسيانه والصبر حتى ياتي الرجل الذي يقدر مشاعرك وتكونين رفيقة احلامه
عليك فقط بالصلاة والدعاء والصبر

 

[Hakan]

رد: علاه

السلااام عليكم
يعني حابة تقولي كيفااش كان دايرني عشيقة ومن بعد تزوج علياا

نقلك يااختي الشاب الجزاائري او حنايا الرجاال عندنا قااعدة نمشيو بيهاا
الطفلة اللي تخون والديهاا وتخون خاوتها وتمشي مع واحد
فمؤواها الخياانة باسو اللي خانت دمها ما نضنش تخون اللي ما عندها معاه والو

ربي يهديك انت وكامل البنات كيفك
والله هذا مصيركم وتستاهلو نتاع الصح باسكو الغبااء داير حاالة وابقاو على النية نتاعكم هادي
واللي جاء يمشي فوقكم ويعفس عليكم
ما ربحتوها دنيا ما ربحتوها آخرة سلاام..​

 

[الباندي]

رد: علاه

كامل الشعب داخل يلوم .....اللوم بعد القضى بدعة ..ياناس

من الان اختي ديري حذرك هادي ولا حاجة اخرى ...كامل نغلطو وخير الخطائون التوابون ..ابكي لربي سبحانه و اخطيك من العباد

هذا واش نقولك اختي اديه درس في حياتك و توصي للجاية ...

كل محنة تزيد في الراس عقل..

ربي يوفقك

 

[جليلوس]

رد: علاه

السلام عليكم
انا نقولك ربي يرزقك احسن منووو
لانو هاد العلاقات ما قبل الزواج مايكملوش على خير
قليل وين نسمعو زوج عرفو بعضاهم وتزوجو في الحلال
لانها علاقات عابرة ... ماتدي ماتجيب
ربي ماجابش وهادا مكتوب ... لا ينفع الندم الآن
خلاص ماتخميش فيه ربي يهنيه ... طفرت دروك
توبي الى ربك على تلك الأيام التي عرفته فيها
تحيتي
​

 

[الطيب الجزائري84]

رد: علاه

أسباب الوقوع فى الحب العاطفي:-
1- فراغ القلب من الإيمان بالله وعبادته وكما قال الشاعر
اتانى هواها قبل أن اعرف الهوى *** فصادف قلبا خاليا فتمكن
2- النظر إلى ما حرم الله: ولقد قال احد الحكماء
(الصبر على غض البصر أيسر من الصبر على الم ما بعده )
وقال الشاعر:
كل الحوادث مبدؤها من النظر... ومعظم النار من مستصغر الشرر
كم نظرة بلغت من قلب صاحبها... كمبلغ السهم بين القوس والوتر
وقديما قيل: ( النظرة تولد إعجاب ثم يولد الإعجاب خطرة ثم تولد الخطرة تولد فكرة ثم تولد الفكرة شهوة ثم تولد الشهوة إرادة ثم تقوى الإرادة وتصير عزيمة حازمة ثم تقوى العزيمة فيقع العشق ولابد ما لم يمنع منه مانع )
3- نسيان الموت وعدم تذكرة مراقبة الله:- وتلك هي المعصية الكبرى... والكارثة العظمى... فكما نقول دائما وسنظل نقول إن نسيان الموت ومراقبة الله كان السبب الاساسى فى صدا قلوب الناس... ووقوعهم فى الشهوات... فلو تذكر العاشق الموت وقت هيامه بمحبوبة... ما عشق حراما قط. وكذا لو تذكر شاب الجامعات الذين يتسامرون ضحكا وسرورا وعشقا مراقبة الله... ما فعلوا ما يفعلون.

 

[{مُدَلَّلَتُهُ}]

رد: علاه

الي راهم يلومو في الطفلة ما فهمتش علاه راكم تزيدو عليها هي جاية حالتها حالة و انتوما تهدرو هاكا ؟

كن ما راهيش دايرة فيكم الثقة ما تجيش تسقسيكم ماكانش الي ما يغلطش و خير الخطائين التوابون

الكلمة الطيبة صدقة كاين الي حتى كي يلومك تحس أنو خايف عليك و كاين الي زيادة على همك و حالتك يزيدك

شوية شوية ! مشي هاك بعدا
​

 

[بنت الـ25]

رد: علاه

السلام عليكم
انتي واحدة من ملايين ضحايا الحب والأوهام ولكن مشكلتك هادي بسيطة جداااا
ننصحك بالاستغفار ثم الاستغفار
ووكلي ربي فهو حسبه ، واتفكري حاجة "كما تدين تدان"
وكيما هو لعب بمشاعرك وخلاك تتعلقي يجيه نهار ويخرجها ربي فيه متخافيش
وانتي ادعي ربي يرزقك بالحلال

حاجة اخرى معظم العلاقات هادي يكون سببها الفراغ العاطفي والفراغ بصفة عامة
معلاباليش وضعيك : تقراي ، تخدمي ، قاعدة فالدار
مي في جميع الأحوال ننصح اختي تعمر وقتها بأي شيء ، مثلا احفظي قرآن، اتعلمي حرفة يدوية واخدمي، اقراي لغة إضافية ، مراحش تعجزي وخلي أمور الغيب لله تعالى
​

 

[أم أُنٌَيسة]

رد: علاه

السلام عليكم
لا حول ولا قوة الا بالله
و لم اجد ما اقوله فوق كلام الغالية لؤلؤة ، اسم على مسمى حبيبة ربي يبارك
و ايضا الاخت نظرة تفاؤل ربي يبارك فيها ان شاء الله
توبي الى الرحمن و قولي حبي لله اقوى
و ربي ييسرلك ان شاء الله
تحياتي

 

[Perle Blanche]

رد: علاه

السلام عليكم
حبيبتي الغالية كل ما في الدنياا مقدر و مكتوب يعني متنسايش هاذ الحاجة
مشاعر الانسان مش بيدوو اكيد مي لازم مرات نحكمو عقلنا في حكاية هاذ العلاقات
الله يكون معاك و يقويك تقربي من ربي ذركا تعرفي بلي رايح يهون عليك كل صعب
انا نعرف بلي مهما قلنا و مهماا زدنا مش رايحين نحسو بيك
حاولي تنساي تتناساي المهم غير هاذ الموضوع لي تفاداي تتفكريه
ايه حنا منعرفوش حالتك ذركا بلاك البعض راه يشوف فيهاا حاجة تافهة و جاية تحكي فيهاا
بلاك االبعض راه حاس بيك يمكن فات بنفس التجربة
المهم الله يكون معاك
و يرزقك الحلال ان شاء الله
و واحد ميكذب عليك راهم اغلبيتهم فاتو بهاذ الشعور تاع الحب و بلاك راهم في علاقات
المهم مش رايحين يقولولك ايه عارفين و حاسين لكن مجبرين يقوللك راكي عارفة بلي متصلحش واش داك ليهاا
ربي يكون معاك و ربي قادرعلى اي حاجة بلاك دموع تتبدل فرحة بين ليلة و ليلة
الله يسعدك
​