ياجان علاه انت فنيان

[لؤلؤة قسنطينة]

السلام عليكم
هههههه والله جبتها سوا سوا تليق شاعر
بصح لازم من المفروض البنات مايشاركوش في هاد الموضوع
كيفاه رايح نكتب راني فرحان لازم التاء المربوطة وهاد التاء رايحة تفسد التناسق تاع الكلمات هههه
المهم راني معاك، الحمد لله راني فرحانة وحامدة ربي على واش عطاني واذا بلادي كاين لي يلعبو بيها راهو كاين ربي
الله يمهل ولا يهمل، ولي سرق يتحط تحت القبر وما يدي غير الكفن معاه واذا صح حبيت نحارب الفاسدين
ماش نروح نتعاند وندير فيديو وندي عليه آبوني وجام، بصح نبدا بروحي أولا ونصلح روحي اولا
كيما قالها واحد ردا على الفيديو قالو ونتا علاه راك زعفان قالو نهار انا كنت نبات برا نتا تبات في الدفء
ودرك جاي تقول راني زعفان، مالا حنا نعكسوهم راني فرحانة ماعنديش وما يخصنيش ونحمد ربي على اول نعمة
لي هي نعمة الأمن لأنو بلدان خلاف مشتاقينها ومشتتين برا، واذا صح حاب تصلح بلادك دير فيديوهات
وانصح فيهم لحاجة مليحة ولمبادرة مليحة نستغلو بيها هاد الشباب للأفضل ماش تزيد تنوضلهم الحقد في قلبهم
حنا رانا غير نشعلو الزيت على النار ونعرفو بلي شعبنا دمو سخون ماكانش حاجة نجبدو بيها غير الميزيرية
كلي تلعب على الوتر الحساس تاعو تخليه يبات يخمم في البرد لي ياكل فيه مسكين ويغل على بلادو ونتا تبات في الدفء
قد ما نهدر قليل، صح مليحة نفيقو الشعب ولكن نساعدوه باه يتطور ويحسن من نفسو
الشعب لي يرمي البوبال حاشاك من طاقة دارو ومن بعد يقولك الدولة وراني زعفان مالا نقولو اتعلم تلم اوساخك ساع
ومن بعد ازعف كيما حبيت
شكرا خويا مالك على الموضوع
تحياتي
​

 

[ندى الشاوية]

هدرتك فوقتهاوفمحلها تماما نستعرف بيك ولد بلادي بردتلي قلبي والله
كرهنا من التخماموالطلعه والهبطه
وزيد بيناتنا هذو لي راهم يطلعو متربيين معاناوولاد كارطياتنا كون برلمان ولا راسيات انا نلوم صح بصحالمحليات
كيما راه المجتمع كيما رح يكون لي يحكمو
المهم ربي يصلح الاحوال
تحياتي الحاره اخي
تقبل مروري

 

[آمِيْرَتُه]

وعليكم السلام
الحمد لله كي نشوفو ناس فرحانة وقانعا بما مدولها ربي سبحانه
صح ماقلناش راهو غالط بصح علاه غير حنا لي نزعفو
علاه لي حاكمين لبلاد مايزعفوش علاه هوما فرحانين وحنا نموتو بالقنطة
الاصلاح يبدا من الشعب لي راهو هو يحب الرخس والذل
الفنانين والمخنثين الدولة لي دارتهم
الأطباء والممرضين كي يسرقو الدواء والماتريال من السبيطارات
الجان لي ينوض على 12 ويرح للطريق يدراقي البنات الدولة لي دارتو
صح الدولة والحكومة راهم خاربين جدها
بصح لازم من واحد مشهور يشجع ولاد وبنات بلادو باش يدو التحدي
ماشي يزيد يهبطلهم المورال ويخليهم مقنوطين

للي راهي بالأصفر وي الدولة لدارتهم نقولك علاه لخاطرش مدايرش قانون على بالك بلي كان كاين قانون و مصوتين عليه النواب في البرلمان على الفنان
كان وحد الوقت نظن في التسعينات خرجت وحد المغنية اغنية هابطة مالا تصرفو معها و من تم مازادتش بانت وقت كان الصح درك غير الراشي
ربي وكيل كل واحد دمر البلاد في وقت العشرية السوداء مالقغي وقت صعيب بصح بلادنا كانت أحسن من درك