رد: اوقفو معايا رايحا نهبل ........
أخي بقايا انسان ....لم أخفي شيئ عن الموضوع المشكلة هي " الولف" هاذ الإنسان راني والفتو كثيرا في حياتي عامين كاملة نتحدث معا أحكيه واشكي كل ما يؤلمني او يسعدني....في ليلة وظحاها أصبح طليقا لي لا أسمع صوته ولا شيئ وادري انه في حالة سيئة وعن مصادر راهو حاب يرجعني وتاب ومستعد يدير اي حاجة من اجلي ...انا لازات في حيرة والله معي.
اختي ملاك انتي مدامك في خضم المشكلة مراحش تشوفيها كيما رانا نشوفو فيها احنا ملبعيد
وانا قبل منجاوب على مشكلة نحط روحي مكان صاحب المشكلة وكيفاش نتصرف لو انا لي طايحة في هاد المشكل
مالا اسمعي وعي
راني معاك انو صعب توالفي شخص وتبني معاه أحلام
وفجأة تتهدم هاد الأحلام وتبعدي عليه ، صح صعيبة بزاااااف
مي حاولي متخميش بقلبك ، شوفي للمستقبل
هادا لكان خاطبك برك وهكدا يخلط ويخون مالا ممبعد الزواج ما تسنايش منو يتبدل بالعكس بالاك يولي أسوء
والله رايحة تهبلي تما تع الصح
خودي الراي يا ملاك والله رايحة تندمي لكان رجعتيلو وما يغركش لا بكاء لا ندم لا والو
صح ربي يقبل التوبة لكن هاد الشخص خلقلك في قلبك حفرة ما يردمهاش الزمان
ومهما تتزوجي معاه رايحة تبقى الشكوك والوساوس في قلبك حتى تهبلك
كون يدير روطار ولا يغيب على الدار تشوفي وش يصرا فيك
هدا لا مادارهاش بعلمك وخانك علنا
يا اختي كيما والفتيه رايحة تنسايه وكيما والفتيه ان شاء الله توالفي غيرو وخير منو ان شاء الله
ومن ترك شيئا لله عوضه بأحسن منه
والله نصيحة من اخت تخاف عليك ونتي دبري راسك
