البياسة الثالثة: بإستعمال اللون الثانوي
المرحلة الأولى:
ديري سلسلة تاع اربع عيون وهنا لازمك ترخفي يدك ماديريهاش مزيرة واغلقيها بمنزلقة
المرحلة الثانية:
طلعي بسلسلة تاع ثلاث عيون وهذي السلسة تعتبر ديما العمود الاول
زيدي عين وديري عمود بلفة واحدة
ثم عين ثم عمود بلفة واحدة وهكذا حتى تتحصلي على تسعة اعمدة بلفة واحدة واكيد لازم تكون عدد العيون الموجودة بين كل عمود وعمود مجموعها تسعة
المرحلة الثالثة :
فوق كل عمود من الاعمدة التسعة السابقة نديرو عمودين وفي الفراغ بين العمودين وين درنا عين نديرو عمود
وكيما قلنا من قبل اول عمود يكون عبارة عن سلسلة تاع ثلاث عيون
هكذا ساير داير بنفس الطريقة حتى تكملي واغلقي بمنزلقة في اخر عمود
المرحلة الرابعة:
طلعي بسلسلة تاع 3عيون على العمود الاول ثم عمودين على العمود الثاني وعمودين على العمود الثالث وعمود على العمود الرابع
وعاودي عمودين على العمود الخامس وعمودين على العمود السادس وعمود على العمود السادس كملي هكذا حتى ترجعي لنقطة البداية ديري منزلقة
المرحلة الخامسة:
هنا باستعمال اللون الرئيسي طلعي بسلسلة 3 عيون على العمود الاول ثم ديري 2 عيون ثم ديري عمود ثم سلسلة 2 عيون خلي عمودين وروحي للرابع ديري عليه عمود 2 عيون عمود وواصلي بهذا الشكل حتى ترجعي لنقطة البداية وغلقي بمنزلقة تتحصلي على 15 صدفة
المرحلة السادسة:
روحي بثلاثة ماي سيري لتصلي لوسط الصدفة ديري سلسلة تاع 3 عيون ثم عمودين ثم 2 عيون ثم 3 عمود ثم 2 عيون ثم روحي للصدفة الموالية وديري 3 عمود ثم2 عيون ثم 3 عمود وهكذا حتى تعودي لنقطة البداية ديري منزلقة
المرحلة السابعة :
نفس الطريقة السابقة فقط السلسلة بين كل صدفة وصدفة تكون 3 عيون
المرحلة الثامنة :
نفس الطريقة السابقة فقط السلسلة بين كل صدفة وصدفة تكون 4 عيون
المرحلة التاسعة :
نفس الطريقة السابقة فقط السلسلة بين كل صدفة وصدفة تكون 5 عيون
المرحلة العاشرة :
نفس الطريقة السابقة فقط السلسلة بين كل صدفة وصدفة تكون 5 عيون
المرحلة الحادية عشر :
نفس الطريقة السابقة فقط السلسلة بين كل صدفة وصدفة تكون 6 عيون
المرحلة الثانية عشر :
ديري ماي سيري حتى تصلي لوسط الاعمدة طلعي بسلسلة 4 عيون ثم زيدي عين و ديري عمود بلفتين ثم عين ثم عمود بلفتين وكملي حتى تتحصلي على 8 اعمدة بالسلسلة الاولى يصبح العدد 9 اعمدة
ديري نصف عمود على السلسلة تتحصلي على شكل صدفة كبيرة
وروحي مباشرة لوسط الاعمدة المقابلة وعاودي نفس العملية عمود بلفتين عين عمود بلفتين عين حتى تتحصلي على تسعة اعمدة وديري نصف عمود وكملي بنفس الطريقة حتى ترجعي للنقطة اللي بديتي بيها وديري منزلقة تتحصلي على 15 صدفة
هنا يبانلك العمل شاشية :p:dمي ماتخافيش فالمرحلة الموالية تتسقملك
المرحلة الثالثة عشر:
ديري وحدة ماي سيري عين نصف عمود عين نصف عمود عين وكملي حتى تصلي لنهاية الصدفة ديري نصف عمود ثم نصف عمود ثم كملي عين نصف عمود وهكدا
يعني دائما بين الصدفتين ديري نص عمود ثم نص عمود ثم عين
وكملي حتى ترجعي لنقطة البداية وديري منزلقة
:sport01::bravo01::yahoo01:
هذي اخر قطعة في جهازنا ....:yahoo01::bravo01::d
يالله همة يابنااااااااااات
حتى مبعد ان شا الله ^^
