السلام عليكم و رحمة الله و بركاته :thumb_up02:
ان شاء الله تكون كل sava :up:
انا حبيت نحكي على موضوع المراة العاملة
انا نعرف واحد ملي عرفتو يحوس على مرا و الله في زهرو النسا تقطعو :s لبنات كشما تحبو درك نمدلكم النيمرو نتاعي هههههههههه راهو خدام و عندو دار ما ناقصة غير بنت الحلال
كان يحوس على مرا ماكثة في البيت يعني انا نايدو خاطر يشوف في روحو قد مسؤوليتو و يقدر يقلشها بلا ما تحتاج للخدمة
مي هادي الحاجة عندها قداه من سنة
دركا السيد وي مازال حاب يتزوج مي يحوس على خدامة :s
وش السبب يا ترى
او ولات لامود في الجزائر
و المشكل انو مش غير هو تلقا دي جون يعني عايش بلا ما يخمم على حتى شيئ
لا خدمة لا والو
مصروفو يديه من عند باباه
و يحوس يزوج
و المشكل يحوس على مرا خدامة
مي من هنا نفهم انو يحوس على مرا تصرف عليه و على ملابسو و شعرو كيما تشوفو تقول ضربو التريسيتي
وش هذا الوقت الي وصلنالو
الرجل في الدار و المرا تخدم
مي الحكاية مش هنا كاين الي مرتو تخدم و تتعب و في الاخير هو يروح ياخذ الراتب تاعها
و يعيشها في لاميزار
حبيت نشارككم هذا الموضوع
- انتم وش رايكم في الموضوع
- هل انتم مع او ضد عمل المراة
- وهل شفتو حكايات مثل هاذي
بالنسبة لرجال المنتدى ما تزعفوش مني انا نحكي على اشباه الرجال و انتم الله يبارك عليكم
