فقط ساحكي لكم معاناتي ادعولي

[Ľă Mîšš HîBă]

رد: فقط ساحكي لكم معاناتي ادعولي

ربي يفرج عليك اختي,,,,,,,,,,,,,

 

[Moha le sage]

رد: فقط ساحكي لكم معاناتي ادعولي

السلام عليكم

اولا اكيد راني فرحان اللي فتح ربي عليك و بعثلك هاذ العريس ..


بالصح الحاجة لي ننصحك ما تديريهاش هي انك تحكيلو .. خاصة في الوقت الراهن ...


و شخصيا الوم الاخوة اللي سبقوني انهم اشارو عليك انك تحكيلو ...

و حتى و كنتي ضحية .. و حتى و لو كنتي صافية مع روحك و مع ربي 100 بالمية ... ما تحكيش ..


شوف يعني الهموم كامل لي فاتت عليك و المشاكل لي صراتلك .. و تزيد اول فرصة نورمالمون تنتاهزيها تروحي تفسديها باسم واش ؟؟؟ باسم الصراحة !!

شحال من وحدة خرجت مع واحد و لا زوج ولا ربعة .. شحال من واحد تعرف على العشرات .. هل اساس الزواج الصراحة ولا التوبة و البحث عن الستر و العفاف !!


هل في ميزك نتي لما يجي الخاطب لبنت تقلو راني مشيت مع فلان ولا
تعرفت على فلتان من باب تريح ضميرها ؟؟ هاذا تغابي و تضييع فرصة


حياتنا مهيش فيلم رومنسي ..حياتنا مهيش مسلسل ينتهي بالخير ديما و ينتصر فيه الحق على الباطل ...

حياتنا لازم تغتنمي فرصها لي تجي قدامك ... ماشي تحاولي تكوني مثالية و صاحبة مبادئ في مجتمع ما يرحمش ..يعيش فيه المنافق و الكذاب سلطان و يعيش مول النية ندمان و حسران ...


كاين فرق بين الكذب و التستر ... فرق كبير ... كاين وحد الوقت لازم الانسان يسطر سطر على الماضي و يشوف المستقبل ...


حاولي تتعرفي على عقليتو .. و لما تشوفي انو مقتنع بك و ان اي شي ما يغيروش من جيهتك تقدري تصارحيه ... و اذا كان الامر هاذا متعبك تقدري تصاريحه من ورا الزواج بعد فترة معينة تكونو تقربتو فيها لبعض ... و متخافيش من ردة فعلو ....


اخيرا استخيري ربي سبحانو و خبي سرك في قلبك حتان تجي فرصة و احكيه و اذا ما جاتش ما تحكيش .. خممي في مستقلبك .. في تغيير حالتك اللي فيها و الفاميليا لي مش قابلينك باسم العار ... رغم انك كنتي ضحية ... خمي تكوني اسرة و تبداي حياة جديدة ....

العبد ما لازمش يكون نية و جايح سوايع ..لازم يكون فحل و يعرف يدير قرارات ...


و مع لخر ربي يسهلك امورك ان شاء الله ...





​

 

[Moha le sage]

رد: فقط ساحكي لكم معاناتي ادعولي

كاين حلول بزااف ..... يقدر يجي للدار و تهدر معاه قبل الرؤية الشرعية ..... او تقول لمرت عمها انه عمها يقولوا الحقيقة ..... خويا بقايا انسان ... اذا كان مكتوبها ربي رايح يسهلهالها ان شاء الله ... عليها قلتلها الدعاء ثم الدعاء ..... ​

السلام عليكم ختي

السيد هاذا لي جاها مهوش اول زواج ليه .. و هي ثاني ... و كاين فرق في حوايج بزاف في صيغة الزواج هاذا ...


وعلاش تحكيلو حكاية تفسد بيها زواج قادر ينقذها من الغبينة لي راهي فيها !!

و علاش ما تسترش روحها و ربي يسترها من الفوق ... و تروح تحكيلو على ماضي و قصص ومن بعد تقول اذا فيه مكتوب يجي ديها !!

مالا ثاني تزيد تقلو منعرفش نطيب و نسيق و منعرفش نشايخ و نحكي و نخاف من المسؤولية و معرف واش من باب الصراحة و الحقيقة ...

لا يا ختي .. قبل ما تنصحيها شوفي حالتها و الضروف لي راهي عايشتها ... متشوفيش روحك كي راكي متهنية و تكتبي من ورا ليكرون .. حاولي تعيشي وش حكاتلك و حطي روحك في بلاصتها و خممي .. ...

ان شاء الله تتقنعي برايي ..