نحوس على مرا خدامة وعندها شهرية

[الزهرة الحمراء]

السلام عليكم سكان اللمة من صغيركم لكبيركم :d
يابن عمي الواحد لوكان مايسقسيش عليكم ماتسقسوش عليه ياخي باطل ماشي بالدراهم كيما فالتليفون :d (راني نقصر برك )

ان شاء الله تكونوا كامل ملاح المهم لي مليح ربي يدومها ولي ماشي مليح ربي يفرجها علييه

عندي شحال ماخربشتش هنا .وكنت من قبل درت موضوع على التقلاش تع لبنات تحت عنوان ياربي اعطيني راجل شباب وعندو bmw
وقلت علاه نحقروا غير لبنات لازم نحكوا على فئة اخرى من الرجال ولي هوما تاني يتقلشوا بزاااف (وراني قلت فئة معينة ماشي تجوني وتقوليلي ماشي كامل كيف كيف :p )
ياسيدي اليوم رانا رايحين نحكوا على الراجل لي يقولك نزوج وحدة خدامة ولا ماكانش (راني حاسة روحي في كاش برنامج :d)
المهم فالعوام اللخرة هادي ولييت وين نسمع واحد حاب يزوج يقولك آآآآآ انا نديها خدامة وعندها شهريتها ولا ماكانش منيتك يعني انت حاب تكمل نص دينك ولا تكمل نص شهريتك

حبيبنا والنساء لي ماشي خدامات نديروهم خليع مثلا يعني وحدة ماتخدمش ماتزوجش مع التخمام تاعك انت :smile02:
يعني دركا يامعشر الرجال لي رايحين تقراو الموضوع تاعي انا ماقلتش الواحد ماشي من حقو يشرط مبصح مع الوقت الواحد عاد يشرط عفايس لا علاقة
يعني بعد ماكان الواحد يشرط تكون مرا عاقلة وزينة وتكون ربة بيت :$ عادو شروط خلاف يعني وين يفوت الوقت وين يزيدوا شروط جديدة ومع الوقت حتى لحقنا الواحد يقولك لازم تكون خدامة معليش خدامة مافيها حتى مشكل مبصح دركا مولاتش اي خدامة قالك لازم شهريتها تكون فوق 5 ملاين :-o ولازم تكون عندها دارها وبالاك بالاك تكون عندها طوموبيل تاعها غير هكا مانزوجش

واش هادي حصة اطلب ماتتمنى :down:
يعني بيناتنا لحق هكا الزواج طمع في طمع المرا تطمع فالراجل والراجل يطمع فالمرا
ادا عاد هكا بناقص منو الزواج هذا
وعلابالي درك تجيني فئة وتقولي لازم يتعاونوا في زوج على هم الدنيا راني معاكم في هادي مبصح ماشي للدرجة هادي تلحق الشروط يديها تخلص فوق 5 ملاين ولا ماكانش زواج
ودركا انتوما نساء اللمة واش رايكم فالراجل لي يشرط هكا لازم يزوج مرا خدامة وعندها شهريتها وعندها دارها وغير هكا مايزوجش ؟
وانتوما رجال اللمة واش رايكم فالرجال لي يشرطو شروط كيما هادو ؟
ملاحظة : انا هنا مانيش نعمم على كامل الرجال علابالي كاين وكاين

ومانيش ضد المرأة لي تخدم بالعكس راني معاها
ومانيش ضد المعاونة بين الراجل والمرأة في مصاريف الدار
راني ضد الشروط التعجيزيةلبعض للشباب
وهنا انا نخلي الخط ليكم باه تحكوا وتفرغوا قلبكم وراني هنا نقرا كامل واش تكتبوا بكل صدر رحب حنا نحترموا كامل الأراء :regards01:
دمتم في رعاية الله وحفظه

 

[لؤلؤة قسنطينة]

رد: نحوس على مرا خدامة وعندها شهرية

السّلام عليكم
اليوم انا نكتب في بلاصتك شكرا على الاعتماد راني وصلت قبلك ههههه
والله راسي راهو يوجع وجسمي نحسو يتقطع بصح لساني نحسو صحيح ههههه
هادي يسمويها الثرثرة واش دير ههه وخاصة موضوع كيما هكا نحيا وانا على فراش الموت هههه
المهم بلا لف ودوران ندخلو في الموضوع لي قتلتيني ضحك بيه , وخاصة انو كامل واش قلتي صحيح ( بدون تعميم طبعاً )
ساعات نهز الجرنان على نيتي وطيح عيني في هادوك تاع عروض الزواج نشوف واحد كاتب نحوس عليها بيضاء البشرة
ولاخر يحوس عليها طويلة ولاخر عينها زرقة تجيني عادي بصح لي يبلوكيلي مخي كي نلقاهم كاتبين نحوس عليها خدامة
وإذا أمكن تعود عندها دار, زيد كمل تجيبلك معاها لولاد وفراش الدار ورحلة لتركيا وخلاص
هادي ماش غير حصة اطلب ما تتمنى هادي في حصة تقدر تربح ومايلقاهاش هههه

والله يدوخوك صح, رجال بكري مرتو كن يصيب الهوا مايشوفهاش وتاع درك ولا يقولك انا لازم مرتي تخدم ومايهمنيش
واش تخدم ووين تخدم, يعني كيما البنك تجيبلو الدراهم وخلاص يا لوكان في بلاصة تاع حرام
اصلاً انا مادابيا نقعد في الدار ونربي ولادي ونشوفهم يكبرو قدامي وراجلي هو لي يخدم , بصح اذا قالك تعاوني على ظروف الحياة معليش ربما نسا بكري تعاون راجلها وتجمع الحطب وتجيب الماء من راس الجبل وحنا درك نعاونوهم بشوي دراهم غير باه نتغلبو على غلاء المعيشة, بصح تاع هو راقد ويحوسني نخدم عليه غير مايخممش فيها هادي

هادا من جهة ومن جهة حكاية تاع خمس ملاين ولفوق والله هادا راهو حاب يكمل شهريتو كيما تقولي ماشي نص دينو,
خاطر مبني زواجو على الطمع ماش على الهنا والمودة والسعادة

وعلى هادي بنات درك ولاو يتشرطو وتقولك نكمل خدمتي رغما عنه واذا يمنعني ماكانش زواج , خاطر شافو الرجال نفسهم يحوسو عليها ومادابيه تجيه شهرية زايدة ليدو
بكري كان باه يتزوج يشوف بنت شكون واذا متربية واذا تحشم واذا عاقلة ورزينة , بصح درك يحوس اذا تخدم وعندها دار وسيارة


ربي يهدي هادا ما نقولو, والله حابة نحكي كتر بصح ماقدتش مخي مبلوكي وحاسة روحي رايحة نبدا نخبرط
كي نحس روحي مليحة نجي نكمل واش بقا في قلبي

تقبلي مروري ولي عودة للتعقيب على ردود باقي الاعضاء نحب نتوقب هههه​

 

[الزهرة الحمراء]

رد: نحوس على مرا خدامة وعندها شهرية

السّلام عليكم
اليوم انا نكتب في بلاصتك شكرا على الاعتماد راني وصلت قبلك ههههه
والله راسي راهو يوجع وجسمي نحسو يتقطع بصح لساني نحسو صحيح ههههه
هادي يسمويها الثرثرة واش دير ههه وخاصة موضوع كيما هكا نحيا وانا على فراش الموت هههه
المهم بلا لف ودوران ندخلو في الموضوع لي قتلتيني ضحك بيه , وخاصة انو كامل واش قلتي صحيح ( بدون تعميم طبعاً )
ساعات نهز الجرنان على نيتي وطيح عيني في هادوك تاع عروض الزواج نشوف واحد كاتب نحوس عليها بيضاء البشرة
ولاخر يحوس عليها طويلة ولاخر عينها زرقة تجيني عادي بصح لي يبلوكيلي مخي كي نلقاهم كاتبين نحوس عليها خدامة
وإذا أمكن تعود عندها دار, زيد كمل تجيبلك معاها لولاد وفراش الدار ورحلة لتركيا وخلاص
هادي ماش غير حصة اطلب ما تتمنى هادي في حصة تقدر تربح ومايلقاهاش هههه

والله يدوخوك صح, رجال بكري مرتو كن يصيب الهوا مايشوفهاش وتاع درك ولا يقولك انا لازم مرتي تخدم ومايهمنيش
واش تخدم ووين تخدم, يعني كيما البنك تجيبلو الدراهم وخلاص يا لوكان في بلاصة تاع حرام
اصلاً انا مادابيا نقعد في الدار ونربي ولادي ونشوفهم يكبرو قدامي وراجلي هو لي يخدم , بصح اذا قالك تعاوني على ظروف الحياة معليش ربما نسا بكري تعاون راجلها وتجمع الحطب وتجيب الماء من راس الجبل وحنا درك نعاونوهم بشوي دراهم غير باه نتغلبو على غلاء المعيشة, بصح تاع هو راقد ويحوسني نخدم عليه غير مايخممش فيها هادي

هادا من جهة ومن جهة حكاية تاع خمس ملاين ولفوق والله هادا راهو حاب يكمل شهريتو كيما تقولي ماشي نص دينو,
خاطر مبني زواجو على الطمع ماش على الهنا والمودة والسعادة

وعلى هادي بنات درك ولاو يتشرطو وتقولك نكمل خدمتي رغما عنه واذا يمنعني ماكانش زواج , خاطر شافو الرجال نفسهم يحوسو عليها ومادابيه تجيه شهرية زايدة ليدو
بكري كان باه يتزوج يشوف بنت شكون واذا متربية واذا تحشم واذا عاقلة ورزينة , بصح درك يحوس اذا تخدم وعندها دار وسيارة


ربي يهدي هادا ما نقولو, والله حابة نحكي كتر بصح ماقدتش مخي مبلوكي وحاسة روحي رايحة نبدا نخبرط
كي نحس روحي مليحة نجي نكمل واش بقا في قلبي

تقبلي مروري ولي عودة للتعقيب على ردود باقي الاعضاء نحب نتوقب هههه​

وعليكم السلام غاليتي
هههه راني نشوف فيك جيتي طيارة ديجا جيت رايحا نبعتلك ونقولك راهو تحط الموضوع حتى شفت الرد تاعك تبا ديتيها لصونيك فالسرعة (ماعلاباليش ادا تعرفيه ولالا )
وزيد على لسانك هداك هو الصح نسحقوه هو برك
نرجعوا للموضوع كفانا ثرثرة هههه
شفتي هدوك تع الجرنان انا تاني يحبسولي مخي كي يبدا يمد فالمواصفات تقول مانعرف شكون قالوا بلي رانا نصنعوا فالنساء ونديروهالو كيما يحب قلبو والله المرة الجاية الواحد يقولك ابحث عن زوجة لديها اطفال وكل شي نجي انا نمدلها اسمي برك تبا
ديفيرونص كبيرة بين بكري ودرك فهاد السوجي
دركا فالوقت تاعنا عادت غير المادة لي تمشي حاجة خلاف مايستعرفوش بيها
ربي يهدينا ويصلح احوالنا
مازال تزيدي ترجعي وتكملي واش في قلبك وتاني تعقبي على الردود :-oههههه راني نقصر مرحبا بيك في اي وقت الدار دارك
يعطيك الصحة حبيبة دمتي في رعاية الله وحفظه ​

 

[Salam Fleur]

رد: نحوس على مرا خدامة وعندها شهرية

اهلا زهرة

مجرد قريت العنوان دخلت نجري .... ههههههه .......

قبل ما نعطي راي نحكي حكاية ..... واحدة في عمرها 35 سنة شحال و هي تخدم في تاع لانام ..كانوا الخطابين ناقصين بزاااف قولي ماكانش ..... فوتت كونكور ... نجحت ... من بعد اسبوع من بدات تخدم تقدملها واحد .... شبط فيها كي لصقة ... تقول كان يعس فيها ..... ههههههههههههههه ............... راهي زوجته لقاته نورمال راجل ( في الهيئة يا درا واش كاين الداخل )


دركة نعطيك راي

ماسعديش و مافرحيش ......سما هذا رايح يتزوج شهريتي ماشي انا ........
كيفاه يولي الزواج هذا من بعد ...زواج مبني على المصلحة ماظنيتوش يعمر بزاااف ... و ماتطفر غير في المراة........ و الراجل لي صح راجل عمروه لا يروح يزوج امراة على جال شهريتها ... يدير معاها نية غذوة غير غذوة واحداها تعاونه بلا ما يطمع عادي ... دراهميا و دراهم راجلي واحد

انا واحدة من الناس كي نسمع حكايا هكذا نفهم بلي فيها ان و اخواتها

كيما هذاك لي عقد مع واحدة خدامة و من قالها تعاونيني نكمل الدار هي عاونته من بعد كي كمل الدار ... مادخلش بيها طلقلها ....... رفعت عليه قضية رجعتوا على الحديدة .... ههه


الراجل لي يحب يزوج يحوس على مولات الدين ماشي مولات الشهرية


شكرا على موضوعك الرائع
تقبلي مروري

​

 

[adel._dz]

رد: نحوس على مرا خدامة وعندها شهرية

الموضوع لا يعنيني لأنني ضد أن تكون زوجتي خدامة

 

[الزهرة الحمراء]

رد: نحوس على مرا خدامة وعندها شهرية

اهلا زهرة

//اهلا بيك حبيبة //​

مجرد قريت العنوان دخلت نجري .... ههههههه .......

//بلعقل برك تعودي طيحي كاش مايصرالك تحصليها فيا تاني مانيش ناقصة مشاكل ههه :p:p//​

قبل ما نعطي راي نحكي حكاية ..... واحدة في عمرها 35 سنة شحال و هي تخدم في تاع لانام ..كانوا الخطابين ناقصين بزاااف قولي ماكانش ..... فوتت كونكور ... نجحت ... من بعد اسبوع من بدات تخدم تقدملها واحد .... شبط فيها كي لصقة ... تقول كان يعس فيها ..... ههههههههههههههه ............... راهي زوجته لقاته نورمال راجل ( في الهيئة يا درا واش كاين الداخل )

//ان شاء الله ربي يطول في عشرتهم ومايكون غير الخير // ​

دركة نعطيك راي

ماسعديش و مافرحيش ......سما هذا رايح يتزوج شهريتي ماشي انا ........
كيفاه يولي الزواج هذا من بعد ...زواج مبني على المصلحة ماظنيتوش يعمر بزاااف ... و ماتطفر غير في المراة........ و الراجل لي صح راجل عمروه لا يروح يزوج امراة على جال شهريتها ... يدير معاها نية غذوة غير غذوة واحداها تعاونه بلا ما يطمع عادي ... دراهميا و دراهم راجلي واحد

//للأسف اختي كثر الزواج تع الطمع سواء من طرف المرا ولا الراجل وياخي يقولوا الطمع يفسد الطبع وكيما قلتي حاجة تع طمع عمرها ولا طول :smile02::smile02:// ​

انا واحدة من الناس كي نسمع حكايا هكذا نفهم بلي فيها ان و اخواتها

كيما هذاك لي عقد مع واحدة خدامة و من قالها تعاونيني نكمل الدار هي عاونته من بعد كي كمل الدار ... مادخلش بيها طلقلها ....... رفعت عليه قضية رجعتوا على الحديدة .... ههه

//ان واخواتها وسكتي زيديلها كان تاني هههه
ياخدعتي مسكينة واش صرالها :-oنستعرف بيها توريلو كيفاه يجي يلعب ببنات الناس //​

الراجل لي يحب يزوج يحوس على مولات الدين ماشي مولات الشهرية


شكرا على موضوعك الرائع
تقبلي مروري

​

ربي يهدينا ويصلح احوالنا
وربي يطيح بنات لحلال في ولاد لحلال وكل واحد يعطيه على حساب قلبو
يعطيك الصحة اختي على مرورك الرائع
دمي في رعاية الله وحفظه ​

 

[الزهرة الحمراء]

رد: نحوس على مرا خدامة وعندها شهرية

الموضوع لا يعنيني لأنني ضد أن تكون زوجتي خدامة

ربي يكتبلك بنت الحلال خويا لي تحفظك وتصونك ويعطيك واش راك متمني
دمت في رعاية الله وحفظه ​

 

[ماكانش]

رد: نحوس على مرا خدامة وعندها شهرية

انا مانشرطش وضد .......

 

[Hakan]

رد: نحوس على مرا خدامة وعندها شهرية

والله يااختي المشكلة ماهيش في الراجل بقدر ماتكون في المراة رانا شفناها
امراة في عمر العشرين يجو يخطبوها تقلهم نكمل القرايا
تمشي الاياام تكمل القرايا تقلهم نحب نخدم ايا تخدم تقلهم نحب نترسم وكي تترسم ويولي في عمرها 35 سنة ومشتقاتها
ترجع تحوس على الخطاب والمهم تلسق باسكو الصغيرات عليها مطلوبين وهي منبوذة من قبل الرجال
اذن يبقالها الخيار نتاع الراجل اللي يحبها خدامة برك باش يستمتع بالمال نتاعها اما الحياةةة السعيدة قليل وين تكون
اما من ناحية الرجل فاضن ان صاحب الشهامة مهما يكون غلاء في المعيشة. والخرطي الذي يوافقه ما يقبلش الاميرة نتاعو تخدم لانو هكاك رايح يتعامل مع راجل لانو دخول المراة معترك حياة القلب يخليها تفقد الانوثة نتاعها وتصبح هي والراجل كيف كيف
يعني واش تستناي من امراة تتقابض هي والرجال كل يوم اذا كانت في لابوست يرخسها الشعب والا في البلدية يرخسها الشعب
والا في التعليم يرخسها التلميذ اللي ماشي مربيينو الوالدين
يعني ما نضنش انو راجل بالنخوة نتاعو يسمح انو اي كان يرفع صوتو على مرتو شريكة حياتو
وشعاري في الحياة
مكانش معيشة غالية كاين ربي هو الرزااق و راني عشت النهارات اللي توقف فيها الاب نتاعي عن العمل والحمد لله مازالنا عايشين
المراة للدار وخدمة الزوج وليست لخدمة الشعب الجزائري
يعني واش رايكم في هذا الموقف لما يجيك جارك الميلود ويقلك هاك الشاك وبطاقة التعريف وقول لمرتك فتيحة تخرجلي الدراهم من لابوست
والله عيب عييييب​

 

[الزهرة الحمراء]

رد: نحوس على مرا خدامة وعندها شهرية

انا مانشرطش وضد .......

ربي يرزق ببنت لحلال ويعطيك على قد قلبك اخي
دمت في رعاية الله وحفظه ​

 

[الزهرة الحمراء]

رد: نحوس على مرا خدامة وعندها شهرية

والله يااختي المشكلة ماهيش في الراجل بقدر ماتكون في المراة رانا شفناها
امراة في عمر العشرين يجو يخطبوها تقلهم نكمل القرايا
تمشي الاياام تكمل القرايا تقلهم نحب نخدم ايا تخدم تقلهم نحب نترسم وكي تترسم ويولي في عمرها 35 سنة ومشتقاتها
ترجع تحوس على الخطاب والمهم تلسق باسكو الصغيرات عليها مطلوبين وهي منبوذة من قبل الرجال
اذن يبقالها الخيار نتاع الراجل اللي يحبها خدامة برك باش يستمتع بالمال نتاعها اما الحياةةة السعيدة قليل وين تكون
اما من ناحية الرجل فاضن ان صاحب الشهامة مهما يكون غلاء في المعيشة. والخرطي الذي يوافقه ما يقبلش الاميرة نتاعو تخدم لانو هكاك رايح يتعامل مع راجل لانو دخول المراة معترك حياة القلب يخليها تفقد الانوثة نتاعها وتصبح هي والراجل كيف كيف
يعني واش تستناي من امراة تتقابض هي والرجال كل يوم اذا كانت في لابوست يرخسها الشعب والا في البلدية يرخسها الشعب
والا في التعليم يرخسها التلميذ اللي ماشي مربيينو الوالدين
يعني ما نضنش انو راجل بالنخوة نتاعو يسمح انو اي كان يرفع صوتو على مرتو شريكة حياتو
وشعاري في الحياة
مكانش معيشة غالية كاين ربي هو الرزااق و راني عشت النهارات اللي توقف فيها الاب نتاعي عن العمل والحمد لله مازالنا عايشين
المراة للدار وخدمة الزوج وليست لخدمة الشعب الجزائري
يعني واش رايكم في هذا الموقف لما يجيك جارك الميلود ويقلك هاك الشاك وبطاقة التعريف وقول لمرتك فتيحة تخرجلي الدراهم من لابوست
والله عيب عييييب​

السلام عليكم اخي
وبالنسبة للفكرة لي طرحتها في اول الرد نوافقك عليها خويا كاينين مرااات نسا هوما لي يلحقوا رواحهم للحالة هادي
وبالنسبة للجزء الثاني من ردك والموقف تع الجار ميلود موقف واحد مايحسدك علييه لوكان يصرا وصح مواقف كيما هادي راهي تصرا بزااف درك
هي من الاحسن المرا تتفرغ لدارها خير هكا كي يجي راجلها لعشية من الخدمة يلقاها قايمة بالدار وقايمة بروحها وكي يجي تتهلا فيه ماشي تروح تخدم نهار كامل وكي تجي لعشية ماتلقى تقوم بدارها ولا بروحها ولا براجلها تلحق عيانة تحوس غير وقتاه تحط راسها على لمخدة وتروح فيها ومن بعدة تقولك راجلي تبدل عليا
ربي يهدينا
خويا يعطيك الصحة ودمت في رعاية الله وحفظه ​

 

[@R@ZIK]

رد: نحوس على مرا خدامة وعندها شهرية

السلام عليكم
أهلا أختي وبموضوعك
بون نبداو
هنا على حساب عقلية الراجل وحتى المرا اما في نظري لي يخمم هكذا راجا فنيان وما عندو حتى مستقبل والمرأة المسيطرة هي لي تحب هذا النوع من الرجال
نحكيلك هذي
قالك واحد خدام agent في سوسيتي خطباتو بنت مول الشركة زين وهمة وخدامة مع باباها مي كبيرة في العمر ايا بين نهار وليلة لبساتو الكوستيم وبعثوه يقرا في فرنسا ودارت هي العرس وراحو شهر العسل لتركيا بيان سور هي مخلصاتو
في ميزك واش ولات خدمتو من agent للشفور نتاعها يديها الصباح للخدمة ويرجعها العشية واذا كانت عندها خدمة برا يروح معاها يعني ذيل نتاعها هذا زواج
وانا صديقتي تزوجت بواحد عادي لا طمع لكن مع مرور الوقت بدا البروفيتاج يبان كي توصل من الخدمة تقوقو علاه ما قضيتش مرا يقوللها نسيت ومرا مكنتش رافد دراهم حتى وين وصل يعيطلها ويقلها طلعي القضيان معاك بلاك نطول حتى ولات عادة اهمل البيت ولات هي دايما لي تقضي من شهريتها
مانيش نعمم بصح كل واحد وتخمامو والحمد الله كاين لي داوهم خدامات مي ما قربوش للشهرية نتاعهم
انا ضد هذي الفكرة
اسف للاطالة


تحياتي​

 

[نجيب]

رد: نحوس على مرا خدامة وعندها شهرية

السلام عليكم

هد الظاهرة راهي منتاشرا بزاااف في بلدنا و رانا نشوفوا الشباب يحوس على لي تخدم عليه

ايه تخدم عليه باسكو هو لازم يقابل بنات الجيران كل يوم كي يروحوا و كي يرجعوا

بالنسبة لي الى كان الشاب يحوس على وحدة تخدم عليه هدا من عندي مشي راجل و ميعرفش قيمة الرجلة و ميعرفش

قيمة المرأة و انسان ديوث كل ما يهمه هو المال و فقط .

لاكن ان كان الرجل يوافق على الزواج من امراة تعمل احتراما لرأيها فهدا شيء يخصه و حده .

أنا شخصيا نفضل المراة لي تريح فالدار و تمنيت ربي يكتبلي المرأة لي تريح فالدار .

منيش ضدد المرأة الي تخدم راني ضدد الرجل الماكث في البيت و زوجته تخدم عليه .

و الرزاق ربي اختي في كل الحالات لوكان يحب ربي يرزقهم الفقر يخدموا ليل و النهار هي و رجلها و ما يبنيو والو .

شكرا مرة اخرى على الموضوع​

 

[ARCHICAD2016]

رد: نحوس على مرا خدامة وعندها شهرية

موضوعك لم يعجبني اطلاقا ... اراه تدخل سافر في الشؤون الفرديه... يا اختي الكريمه كل واحد يمللك سلطه قراره بيده وهو حر في حياته تما ما بالنسبه للمراة ..... اذا كان البعض من شبابنا يركض وراء المال فهو حرّ واذا كان يركض الى الجمال هو حرّ واذا كان يركض وراء النسب هو حرّ اذكان يركض وراء الحسب هو حرّ.... ديننا لم يحرم النكاح لاجل المال ولا حتى الجمال ,,, ولكن اعطى الافضليه للدين ...
اذكان الشاب يركض وراءه خطبه مراة عامله هو حرّ في حياته وتقرير مصيره هو يرى مصلحته في ذللك
ولربما هذا الصنف من الرجال العقلاني الذي ينظر الى الزواج من زاويه المنطق .. هو يدري ارتفاع تكاليف
المعيشه وصعوبه الحياه و هو بذللك يفضل المرأة العاملة المستقله والمسؤوله التي تحمل مع عبيء الحياة
ويبدوا لي هذا الصنف من الرجال هم الاذكياء و اصحاب المنطق ... والفئة من الرجال الاخرى الخياليون والرومانسيون يفضلون المراة الجميله ولكن لاجرم في كلتا الحالتين اذكان القاسم المشترك بينهما هو الدين والاخلاق ...
وانصحك اختاه مرا اخرى اطرحي مواضيع فيها فائدة وليست مواضيع جارحة للأفراد .. يختار الرجل عاملة او ماكثة بالبيت هو حر حر ... ثقفوا انفسكم بعدم التدخل في شؤون الغير ... احيان اشعر بالاحتقار انني انتمي الى مجتمع منحط الفكر و تافه ولاياتي إلا بالتافه
ا

 

[ARCHICAD2016]

رد: نحوس على مرا خدامة وعندها شهرية

نظريات اختيار شريك الحياة؛

يحتاج نهوض الأمة وارتقائها إلى عائلات متماسكة تكون اللبنة الأولى والأسياسية لبناء المجتمع المسلم ولتمد هذه الأسر المجتمع بأفراد ناجحين وأبناء يحملون الخلق الراقي والنفس التواقة السوية الخالية من العقد والأمراض. ويحتاج بناء مؤسسة الزواج الناجحة والعظيمة إلى قدر كبير من التفهم والحكمة في اختيار شريك الحياة . لفترة الخطوبة أهمية كبيرة وهي فترة تعارف دقيق على الآخر ولكن بحدود ماشرَعه الله سبحانه وتعالى دون أي خلوةٍ أو انتهاك لماحرمَه الله.
أعزائي الشباب والشابات المقبلين على الزواج نعلم ان اختيار شريك الحياة المناسب ليس أبداً بالأمر الهين أو السهل إذ يحتاج منكم إلى قدرٍ كبير من التفهم والحكمة وعمل الاستخارات ومشاورة الأهل لذا نقدم لكم من بعض نظريات اختيار شريك أو شريكة الحياة المناسبة.
النظريات الخمس الأكثر شهرة واللتي يتم على أساسها اختيار شريك الحياة :
1.نظرية التكامل.
أي عندما يختار الرجل أو تختار الفتاة شريك حياتها المستقبلي على أساس إكمال ماينقصها من صفات فمثلاً ممكن إذا كانت المرأة غير متعلمة أن تتزوج من رجل متعلَم أو مثلاً إذا كانت المرأة من طبقة اجتماعية فقيرة يمكن أن تتزوج رجل من طبقة غنية لتكمل هذا النقص والعكس صحيح هذه الطريقة تسمى التكامل أي ان كلا الشريكين يكملا بعضهما البعض.
2.نظرية التكافؤ أو التشابه.
حين يختار الشاب أو الفتاة شريك الحياة على أساس أنه مثيله بالمستوى العلمي أو المستوى الديني أو حتى الاجتماعي هذه الطريقة هي الأكثر شيوعاً إلى حد ما إذ يعتمدها الكثير من الشباب والشابات.
3.نظريات التحليل النفسي.
نعني بنظرية التحليل النفسي أن الشاب ممكن أن يتزوج فتاة لأنها مثلا تشبه والدته بالشكل أو بنواحي أخرى وذلك يحدث أيضاً عند الفتاة إذا ممكن أن تتزوج شاب لأنه يشبه والدها فمثلاً إذا كان والدها طبيب ممكن أن ترغب بأن يكون زوجها المستقبلي طبيباً أيضاً.
4.نظرية القرب المكاني.
أي عندما تختار الفتاة أو الشاب شريك حياتهما المستقبلي على أساس أنه مثلا جارها في السكن أو زميلها في العمل أو حتى مثلاً زواج الأقرباء من بعضهم البعض حيث يتزوج الشاب من ابنة عمه وهكذا...
5.نظرية الجاذبية الجسمانية.
وأغلب الزيجات تتم عبر هذه النظري إذ هناك تقريباً 80% من الزيجات تتم لأن الشاب مثلاً أعجب بشكل الفتاة ومظهرها وأيضاً يمكن أن تختار الفتاة الشاب لأن شكله جميل وأعجبها.
أعزائي القرَاء هذه نظريات الزواج الأكثر شيوعاً ويمكن اختيار شريك الحياة بأكثر من نظرية . بقي لنا في الختام أن نأكَد على الدور الأساس لمؤسسة الزواج وفترة الخطوبة التمهيدية للزواج هي فترة مهمة قبل بدء مرحلة جديدة من الحياة لبناء أسرة متماسكة وسعيدة.

لقد جلبت لكم هذا التقرير ... لتثقفوا انفسكم و تفهمون جيدا فلسفة علم النفس و علم الاجتماع وفلسفة الطبقة المثقفة التي تحلل نفوس البشر و تنصفهم بأقلامها
عكس الفايسبوكي الذي يجلب تقريره من امزابل المجتمع ويرميه في المنتديات دون وعي و لاوضع في الحسبان شعور كل منهم وراء الحاسوب ريما شاب يريد خطبه عاملة ...

 

[stelllo]

رد: نحوس على مرا خدامة وعندها شهرية

رأي بأختصار
حتى ولو المرأة تخدم على الرجل الأساسيات وهي الكماليات
وطبعا تساعد في الأساسيات برغبتها مش بالاجبار حتى عبد ما يحتم عليها

 

[brahimalg]

رد: نحوس على مرا خدامة وعندها شهرية

السلام عليكم اختي الكريمة

لي خلاني نشارك موضوعك هو وقوعي في هذه المشكلة منذ حوالي شهر لحد الساعة التي اكتب فيها هذه الاسطر

و لي راهي دايرتلي مشكل كبييير

المهم انا كانت عندي صاحبتي منذ عام 2009 و جاوها واحد 7 خطابة و كانت ترفض بسبب العلاقة لي تجمعني معها و العام لي فات فتحتلي موضوع الخطبة و الزواج .. انا قلتلها ماشي مشكل بح انا شرطي الاول و الاخير الخدمة معنديش و منبعد قاتلي موش مشكل .. ايا العام لي فات درت الخطبة و زادت كملت ليسانس نتاعها هي

و درك كي حبيت نوجد للعرس قاتلي حابة نكمل ماستر و نخدم و حتى بعد الزاوج حابة نخدم
فقتلها انا يا قرايتك و خدمتك يا أنا
لحد الساعة كل شيء معلق

يعني كاين الرجال لي ميحبوش نساهم تخدم مي هوما يحبو الخدمة

و في الاخير ارجو ان تتقبلي مروري البسيط كما اطلب منكم ارائكم حول مشكلتي رغم انو ليس مكانها هنا هههه

و تقبلي +1 نقطة تقييم من عندي

​

 

[عاشقة الكرة]

رد: نحوس على مرا خدامة وعندها شهرية

السلام عليكم
اولا شكرا ليك أختي على الموضوع
الظاهرة الذي انتشرت بزاااف عند شبابنا ليوم نقدر نقلك المشكل في الرجال ااااه قصدي الذكور ماشي كامل يخممو هكا كاين وكاين ونقدر نقلك الديفو من النساء علاه تخدمي اااا طفلة وش هي الفايدة هاكي خدمتي ومن بعد تزوجتي ودرتي راجل أو مبعد يولي يطمع في دراهمك ويحاسبك الليل مع نهار.. .. وزيد اللي ميحبش مرتو تخدم راجل وهذا وش عندي نقول وقت الطمع ربي يهدينا

 

[الزهرة الحمراء]

رد: نحوس على مرا خدامة وعندها شهرية

السلام عليكم
أهلا أختي وبموضوعك
بون نبداو
هنا على حساب عقلية الراجل وحتى المرا اما في نظري لي يخمم هكذا راجا فنيان وما عندو حتى مستقبل والمرأة المسيطرة هي لي تحب هذا النوع من الرجال
نحكيلك هذي
قالك واحد خدام agent في سوسيتي خطباتو بنت مول الشركة زين وهمة وخدامة مع باباها مي كبيرة في العمر ايا بين نهار وليلة لبساتو الكوستيم وبعثوه يقرا في فرنسا ودارت هي العرس وراحو شهر العسل لتركيا بيان سور هي مخلصاتو
في ميزك واش ولات خدمتو من agent للشفور نتاعها يديها الصباح للخدمة ويرجعها العشية واذا كانت عندها خدمة برا يروح معاها يعني ذيل نتاعها هذا زواج
وانا صديقتي تزوجت بواحد عادي لا طمع لكن مع مرور الوقت بدا البروفيتاج يبان كي توصل من الخدمة تقوقو علاه ما قضيتش مرا يقوللها نسيت ومرا مكنتش رافد دراهم حتى وين وصل يعيطلها ويقلها طلعي القضيان معاك بلاك نطول حتى ولات عادة اهمل البيت ولات هي دايما لي تقضي من شهريتها
مانيش نعمم بصح كل واحد وتخمامو والحمد الله كاين لي داوهم خدامات مي ما قربوش للشهرية نتاعهم
انا ضد هذي الفكرة
اسف للاطالة


تحياتي​

مرحبا بيك اختي
هي صح ترجع لعقلية الراجل والتخمام كاين لي تلقايه يقولك انا نخدم نهار وليل باه نجيب لقمة لمرتي ونعيشها وماتخدمش وكاين لي تلقايه يقولك نديها خدامة تخدم عليا
وبالنسبة للقصة الاولى تاعك كايني نسا يحبوا هواما يحكموا فالراجل وتحب هي دير واش تحب تلقايها عندها دراهم تروح دير كيما دارت فلانه هادي وطبعا ادا طاحت في واحد طماع يقبل الذل والمهانة على جال دراهمها
والقصة الثانية صح كاينين رجال كيما هادو كي يشوفها خدامة يولي يتكل عليها في كل شي ربي يهدينا ويصلح احوالنا
وزيد كيما قلتي كاين تاني لي هو خدام وهي خدامة ومايقربش للشهرية تاعها هي تعاونوا برضايتها كل شهر تحطها فالدار :up:
يعطيك الصحة اختي على مرورك
دمتي في رعاية الله وحفظه
​

 

[الزهرة الحمراء]

رد: نحوس على مرا خدامة وعندها شهرية

السلام عليكم

هد الظاهرة راهي منتاشرا بزاااف في بلدنا و رانا نشوفوا الشباب يحوس على لي تخدم عليه

ايه تخدم عليه باسكو هو لازم يقابل بنات الجيران كل يوم كي يروحوا و كي يرجعوا

بالنسبة لي الى كان الشاب يحوس على وحدة تخدم عليه هدا من عندي مشي راجل و ميعرفش قيمة الرجلة و ميعرفش

قيمة المرأة و انسان ديوث كل ما يهمه هو المال و فقط .

لاكن ان كان الرجل يوافق على الزواج من امراة تعمل احتراما لرأيها فهدا شيء يخصه و حده .

أنا شخصيا نفضل المراة لي تريح فالدار و تمنيت ربي يكتبلي المرأة لي تريح فالدار .

منيش ضدد المرأة الي تخدم راني ضدد الرجل الماكث في البيت و زوجته تخدم عليه .

و الرزاق ربي اختي في كل الحالات لوكان يحب ربي يرزقهم الفقر يخدموا ليل و النهار هي و رجلها و ما يبنيو والو .

شكرا مرة اخرى على الموضوع​

وعليكم السلام الاخ نجيب
هوما كاين 2 نواع من الرجال فالموضوع هدا كاين لي يقبل مرتو تخدم احتراما لرايها كيما قلت وكاين لي يديها تخدم باه تخدم علييه
انا نعرف شحال من حالة كيما هادو في حياتي الشخصية وكل يوم نحكي معاهم
نعرف وحدة استاذة تخدم ربي يبارك علييها نهار زوجت كان عندها دار وطوموبيل يعني مايخصها والو حوست شحال من مرة على خدمة لراجلها وين تلقالوا هو وحدو يحبس هي مسكينة تروح تخدم كل صباح وهو يقولها خللي الطوموبيل تاعك يروح يدور بيها ربي يهدينا ويصلح احوالنا
وصح هدرتك خويا ربي يكتبلك حاجة واحد ماينحيهالك من يديك وكي مايكتبهالكش واحد مايعطيهالك
شكرا اخي لمرورك
دمت في رعاية الله وحفظه
​