راني عاجزة نتصرف وليت ما نعرفش روحي عاونوني

[mamatadia]

السلام عليكم ورحمة الله. حببت نطرح عليكم قصة رآها صاريتلي وهي أني وليت مانقدرش نتحكم في فمي وليت ما نعرفش نخبي واش في قلبي سواء مع الاقارب والأحبة والاصدقاء او مع الأجانب مثلا تصرالي حاجة ولا نعمل حاجة ونقول منقول حتى لواحد تعطيل صاحبتي نلقى روحي نحكيلها بلا ما نشعر ومن بعد نحس روحي ما نعرفش روحي أنا اللي راني انسانة قوية الشخصية مانيش فاهمة واش هاذا ومثلا ساعات نلقى واحد مانعرفهوش يبدأ يششغل يسقصي وسأعود أنا نجاوب وما نكذبش تقول عليا مجبرة على الإجابة ومن بعد تحير كيفاه ماحطيتلوش حد يعني ما نلقاش طريقة جريئة بلاش نوقفه بلا ما نجرحه قولولي اذا واحد فاهم الحالة الدولة والتانية راني بزاف كارها روحي

 

[sahiko hamza]

رد: راني عاجزة نتصرف وليت ما نعرفش روحي عاونوني

وعليم السلام ورحمة الله

راكي في الطريق الصحيح يا الاخت
والدليل هو انك درتي هاد الموضوع .

ماتتقلقيش روحك وحاولي تعتادي على انك تخمي في هاد الموضوع قبل ماتبدي في آي حكاية
ومايصرى غير الخير ان شاء الله .
​

 

[بنقابي افتخر]

رد: راني عاجزة نتصرف وليت ما نعرفش روحي عاونوني

مجرد كتابتك يعني انك في الطريق الى العلاج واصلي على هذا الفكر اختي
ونايكون غير الخير
ورددي هذا الدعاء
اللهم احفظ لساني عن العالمين

 

[mamatadia]

رد: راني عاجزة نتصرف وليت ما نعرفش روحي عاونوني

شكرا على الإجابة لكن ابحث عن طريقة عملية أقوم بتنفيذها لأَنِّي لو نصارح احبتي راح نفقد ثقتهم

 

[mamatadia]

رد: راني عاجزة نتصرف وليت ما نعرفش روحي عاونوني

شكرًا جدا خاصة الدعاء ربي يسترك

 

[NASRO DZ]

رد: راني عاجزة نتصرف وليت ما نعرفش روحي عاونوني

عليك بالدعاء اختي فقط
وان شاء الله خير

 

[مسك وعنبر]

رد: راني عاجزة نتصرف وليت ما نعرفش روحي عاونوني

السلام عليكم أختي أولا نهنيك على الصراحة ديالك والإنسان اللي يعترف بالنقائص نتاعو راهو في أول طريق للعلاج وأنا ننصحك باش تقراي كتب عن التنمية البشرية وخاصة على الطريقة الصحيحة للحوار والتحكم في النقاش رايحين إيفيدوك بالزاف بالإضافة إلى أنك تحاولي تقعدي مع روحك شوية في مكان هادىء تفكري في مجمل النقاشات ولا أنواع الحوار اللي كنت جزء منهم وسقسي نفسك دايما سؤال هو هل الناس كامل يستاهلو يعرفو أسرارك وحياتك الخاصة ؟والعواقب اللي ممكن تكون من وراء الحديث في شتى الأمور خاطر يا أختي الكريمة رانا في وقت صعيب وين الناس يستغلو نقاط الضعف باش يدربو بيها الآخرين وعليه يا أختي لازم عليك تحافضي على أسرارك حتى تحافضي على نفسك وقيمتك بين الناس وبالتوفيق إن شاء الله