حقائق عنكم..

[لؤلؤة قسنطينة]

رد: حقائق عنكم..

على السلامة مدام فيولا ويلكام ...ان يور هاوس
---
حقيقة

كي نتفكر بلي قريت قراية و مخدمتش بيها ..نعرف روحي خاطي مليار

لا بالعكس خويا, راك ربحت ثقافة, كن يجي واحد قرا نفس قرايتك تقدر تسكتو بالمعلومات لي عندك
ماش معناها كي ماتخدمش بقرايك يسمى خسرت, لا بالعكس راك ربحت ثقافة في مجال ما
واعتذر على التدخل ^^
ربي يهنيك​

 

[الباندي]

رد: حقائق عنكم..

لا عادي اختي القسنطينية على راحتك و في اي وقت
و ماذا استفيد اذا اسكت احدا ؟
على العموم ممكن كما قلت زيادة في الرصيد الثقافي ...
----

 

[Nina's]

رد: حقائق عنكم..

شوية حقائق عليا :
_ نرجع اكبر زواخة كي نلقى وحدة تتكبر عليا
_ ما نعاشرش العباد بزاف و ما نحبش الدصارة
_ نوزن كلامي بزاف كي نكون مع عباد ما نعرفهمش و العكس مع لي نعرفهم
_ نزعف بزاف و هذي هي الحاجة لي نكرهها في روحي
كي نتفكر حاجة نجي نقوللكم​

 

[لؤلؤة قسنطينة]

رد: حقائق عنكم..

لا عادي اختي القسنطينية على راحتك و في اي وقت
و ماذا استفيد اذا اسكت احدا ؟
على العموم ممكن كما قلت زيادة في الرصيد الثقافي ...
----

يعني قصدي في مجتمعنا واحد يقرا فرنسية تلقاه يخدم محاسب في كاش بيرو
يعني فهمتني؟؟ واحد ماقاعد يخدم بواش قرا هادا من جهة
ومن جهة خلاف, المجال لي راك قاري فيه نتا انا مانعرفوش, والمجال لي قارية فيه انا نتا ماتعرفوش
يعني على هادي قتلك تزيد الثقافة و ولما تزيد الثقافةو قصدي تكسب الحوار مع شخص آخر
هادا واش نقصد بتسكتو ^^​

 

[لؤلؤة قسنطينة]

رد: حقائق عنكم..

فيا طبيعة كل ما نجي نايضة من الصلاة ورايحة نهز الزربية
لازم نقول يا ربي يا حنين يا كريم
تقولي ماما تقول عجوزة عجزت تنوض ههههه​

 

["viola"]

رد: حقائق عنكم..

على السلامة مدام فيولا ويلكام ...ان يور هاوس
---
حقيقة

كي نتفكر بلي قريت قراية و مخدمتش بيها ..نعرف روحي خاطي مليار

ثانكيو ماي بروذر فروم انوذر موذر :d:d

ربي يفرج ..ها عاود الباك​

 

["viola"]

رد: حقائق عنكم..

شوية حقائق عليا :
_ نرجع اكبر زواخة كي نلقى وحدة تتكبر عليا
_ ما نعاشرش العباد بزاف و ما نحبش الدصارة
_ نوزن كلامي بزاف كي نكون مع عباد ما نعرفهمش و العكس مع لي نعرفهم
_ نزعف بزاف و هذي هي الحاجة لي نكرهها في روحي
كي نتفكر حاجة نجي نقوللكم​

مرحبا بيك ​

 

["viola"]

رد: حقائق عنكم..

حقيقة

*اني نواالف ثم ثم..
​

 

[{مُدَلَّلَتُهُ}]

رد: حقائق عنكم..

حقيقة . . .

يطيحلي المورال كي نقوللهم هاد العام تخرجت يقولولي حسبناك أنت هي الي ربحت الباك
'قصدهم اختي الصغيرة' -_-

نكره يقولولي مالكي نقصتي كيما هاك ؟ ! و أنا نحكم في روحي ها ماسمنتش الله غالب شا ندير

نكره يقولولي انت علاه ما تروحيش لمناسابات الفاميلا متكبرة ولا ماجيناكش قد المقام
نتوما اديرو مناسباتكم كي نكون نقرا و أنا شا باغية ندير

الجمل هادو كاملين سمعتهم اليوم -___-
​

 

["viola"]

رد: حقائق عنكم..

حقيقة . . .


نكره يقولولي مالكي نقصتي كيما هاك ؟ ! و أنا نحكم في روحي ها ماسمنتش الله غالب شا ندير


​

قستيني فالوتر الحساااس ​

 

[لؤلؤة قسنطينة]

رد: حقائق عنكم..

حقيقة

*اني نواالف ثم ثم..
​

هادي انا

حقيقة . . .

يطيحلي المورال كي نقوللهم هاد العام تخرجت يقولولي حسبناك أنت هي الي ربحت الباك
'قصدهم اختي الصغيرة' -_-

نكره يقولولي مالكي نقصتي كيما هاك ؟ ! و أنا نحكم في روحي ها ماسمنتش الله غالب شا ندير

نكره يقولولي انت علاه ما تروحيش لمناسابات الفاميلا متكبرة ولا ماجيناكش قد المقام
نتوما اديرو مناسباتكم كي نكون نقرا و أنا شا باغية ندير

الجمل هادو كاملين سمعتهم اليوم -___-
​

هههههههه ربي يكون في العون :d, انا عندي صاحبتي كي تروح لأعراس العايلة يقولولها نتي هاد العام جبتي البيام؟؟ هههه
تقولهم يماها ياو هاد العام ماستر 2 واش لي البيام, مسكينة صغيرة تبان تاع متوسط​

 

[{مُدَلَّلَتُهُ}]

رد: حقائق عنكم..

قستيني فالوتر الحساااس ​

هههه لاسيتي و يا لاسيتي ما درتي فينا المشكل يقولو الي يريزيدو يسمنو و أنا كي نروح نتسل الله يسترنا :p

 

["viola"]

رد: حقائق عنكم..

حقائق

*نكككره نروح نشري و نحششم نمووت نهدر مع مول الحانوت و نقول هاك مدلي حاجة ..لازم نروح مع طفلة و قولها اشريلي ؟

*جني و جن راجل ياكل العلك ..مام الطفلة كي طرطقو.. بصح مش كيما الراجل

*نزرب بزااااااف فالمشية تاعي ...

*نشتي نسمع الشعبي و المالوف و الحوزي و مشتقاته و صوتي فيه هااايل:d

​

 

[لؤلؤة قسنطينة]

رد: حقائق عنكم..

والله يا فيولا عندك جوانب فوطوكوبي عليا
حتى انا نحشم نشري من عند الحانوت , واذا دخلت نحمار قبل مانقولو اعطيني حاجة ههههه
وتاني حكاية الزربة, مرة وحدة طلعت معايا للمكتبة تاع الجامعة قلتلها دقيقة نرجع كتاب ونوليو, علابالك الطفلة قريب تغاشاتلي, كي وصلنا راحت طول تجري قعدت ههههه, وما جات تريح مسكينة حتى تلقاني قلتلها خلاص هيا نهبطو, قاتلي روحي تلعبي والله ماراني متحركة
اصلا راكي قتلتيني تقول تجري هههههه​

 

[أم أُنٌَيسة]

رد: حقائق عنكم..

والله يا فيولا عندك جوانب فوطوكوبي عليا
حتى انا نحشم نشري من عند الحانوت , واذا دخلت نحمار قبل مانقولو اعطيني حاجة ههههه
وتاني حكاية الزربة, مرة وحدة طلعت معايا للمكتبة تاع الجامعة قلتلها دقيقة نرجع كتاب ونوليو, علابالك الطفلة قريب تغاشاتلي, كي وصلنا راحت طول تجري قعدت ههههه, وما جات تريح مسكينة حتى تلقاني قلتلها خلاص هيا نهبطو, قاتلي روحي تلعبي والله ماراني متحركة
اصلا راكي قتلتيني تقول تجري هههههه​

كي حالتي انت و فيولا
والله من يومين غاليتي الحبيبة رحت مع صاحبتي لبيت جدها للقندورة ديال أختي قالتلي زعمة نقول نزرب كي نوصل ليكي نحبس
و هي تهبل لما نقللها بلي راني نمشي بالشوية عادة مانيش نزرب قلتلها تحبي تزربي قالتلي لالا هكدا بزاف معولة تقتليني ولا واش هههههههههههههه​

 

[adel._dz]

رد: حقائق عنكم..

حقيقة عليا
ماتهونش عليا العشرة
اشتقت الى رجال عرفتهم في وقت غابت فيه طينة الرجال

تحية احترام

 

[أم أُنٌَيسة]

رد: حقائق عنكم..

حقيقة عليا
بهلولة و مجنونة من النوع الرفيع
أنانية و متكبرة و قلبي حجرة و أسود كما ظلمات الليل الحالكة​

 

[الباندي]

رد: حقائق عنكم..

حقيقة ..
الفرصة الثانية عمري الا مديتها..اللي يغلط معايا غلطة منكرهوش بصح جامي يولي كما كان ..

 

[لؤلؤة قسنطينة]

رد: حقائق عنكم..

حقيقة عليا
بهلولة و مجنونة من النوع الرفيع
أنانية و متكبرة و قلبي حجرة و أسود كما ظلمات الليل الحالكة​

غير هادي مانصدقهاش
شيماء أرق من النسمة , كيفاه تكون أنانية ومتكبرة هادي؟؟؟
انا نشوف العكس :love01:​

 

[Salam Fleur]

رد: حقائق عنكم..

مازالوا الحقائق ماخلصوش ...هههههه .. لمزية ماعندناش ثقافة الطبيب النفساني لو مسكين هبل ​