- إنضم
- 13 أفريل 2013
- المشاركات
- 14,618
- نقاط التفاعل
- 54,537
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السّلام عليكم يا نآس لمّتي الغاليين والطيّبين
إن شاء الله راكم لاباس؟؟
إن شاء الله راكم لاباس؟؟
المهم بدون إطالة رايحة ندخلكم في الموضوع مباشرة ولي العنوان تاعو ربما يبان غريب,
مالا تبعوني نقولكم
مالا تبعوني نقولكم
بصراحة قبل يومين شفت موضوع أختي الزهرة الحمراء حول المقابر والزخرفة لي ولات عادة ومن تم جات في بالي الجنائز و أكيد تفكرت الفرق بين الجنائز بكري وبين اليوم والتطور الملحوظ لي رانا نشوفوه , وفي الاخير استنتجت بلي الجنائز والأعراس ولاو كيف كيف حتى ماعدنا نفرقو إذا رانا في جنازة ولا في عرس
مثلا بكري كي تكون جايز على دار تعرف إذا فيها جنازة ولا عرس, لأنو العرس بحرمتو وبمميزاتو , والجنازة أكيد تاني بحرمتها و كاين حوايج يميزوها ويفرقوها على العرس
بصح دركا ماعادش كاين فرق, الفرق الوحيد هو في العرس كاين انسان رايح يتزوج وفي الجنازة شخص مات هادا هو الفرق الوحيد
أما اوجه التشابه بزااااف ورايحة نذكر أهمها
مثلا في الأعراس نلقاو قبل أي عرس لازم بطاقات دعوة تروح لكل شخص, وبطاقات الدعوة معناها تعرض انسان حابو يحضر لعرسك, في الجنايز نفس الشي هههه تلقى الميت قبل مايموت وهو على قيد الحياة يقولك فلان مانحبوش يحضر لجنازتي وفلان ولد فلانة نحبو يجي لجنازتي خاطر نحبو ونحي فلان وفلان خاطر مارجعوليش دراهمي :-o واشوا التمسخير هادا؟؟ وفعلا نهار الجنازة كي يجي الشخص المرفوض ولا لي ماوصلتلوش الدعوة للجنازة رايح يتحاوز يعني باه يمشيو برغبة الميت , يعني شي يدوخ بكري كان حتى لي مايعرفكش ويدخل لجنازتك غير على وجه الحسنة ودرك ولات برغبتنا الشخصية , المهم لا علينا
بصح دركا ماعادش كاين فرق, الفرق الوحيد هو في العرس كاين انسان رايح يتزوج وفي الجنازة شخص مات هادا هو الفرق الوحيد
أما اوجه التشابه بزااااف ورايحة نذكر أهمها
مثلا في الأعراس نلقاو قبل أي عرس لازم بطاقات دعوة تروح لكل شخص, وبطاقات الدعوة معناها تعرض انسان حابو يحضر لعرسك, في الجنايز نفس الشي هههه تلقى الميت قبل مايموت وهو على قيد الحياة يقولك فلان مانحبوش يحضر لجنازتي وفلان ولد فلانة نحبو يجي لجنازتي خاطر نحبو ونحي فلان وفلان خاطر مارجعوليش دراهمي :-o واشوا التمسخير هادا؟؟ وفعلا نهار الجنازة كي يجي الشخص المرفوض ولا لي ماوصلتلوش الدعوة للجنازة رايح يتحاوز يعني باه يمشيو برغبة الميت , يعني شي يدوخ بكري كان حتى لي مايعرفكش ويدخل لجنازتك غير على وجه الحسنة ودرك ولات برغبتنا الشخصية , المهم لا علينا
في الأعراس المعروف الأطباق تكون متنوعة والحلويات تاني مانهدروش أشكال وألوان والجنازة تكون الإمكانيات محدودة يعني شوي نعمة ( كسكس) وشوي فواكه وخلاص
بصح دركا لالا, الجنازة تلقى فيها الأطباق كتر من تاع العرس, مرة واحد من الأقارب بصح من بعيد مات ودارولو ولادو الغدا والعشا تاع الجنازة, بصح ماشي صفة غدا وعشا تاع جنازة, قريب الحي كامل جا ياكل , الأطباق بالاك 4 ولا 5 وكل أنواع المشروبات والعصائر وزيد القهوة ب 5 ولا 6 حلويات والسهرة بالمكسرات والنسا تسربي تقول في عرس, المهم هادي ربما نقولو حسنة على باباهم
بصح دركا لالا, الجنازة تلقى فيها الأطباق كتر من تاع العرس, مرة واحد من الأقارب بصح من بعيد مات ودارولو ولادو الغدا والعشا تاع الجنازة, بصح ماشي صفة غدا وعشا تاع جنازة, قريب الحي كامل جا ياكل , الأطباق بالاك 4 ولا 5 وكل أنواع المشروبات والعصائر وزيد القهوة ب 5 ولا 6 حلويات والسهرة بالمكسرات والنسا تسربي تقول في عرس, المهم هادي ربما نقولو حسنة على باباهم
نوليلو للنسا و الله يبارك على النسا مايطلقو عراس ولا جنائز في كل شي حاضرين, دركا والموضة الجديدة لي ظهرت هي اللبسة, حنا نعرفو الأعراس هي لي يتزين فيها العبد ويلبس ويتفاخر , بصح درك حتى في الجنائز , تلقاهم محمرين ومعمرين بالماكياج والشعر مصبوغ واللبسة هاديك تبرق من بعيد والذهب والفضة وهوما يتفاخرو على بعضهم , ولخرا تنعت في صياغتها ولخرا تقابلها من هيه تنعت في مشطة شعرها واشوا هادا ؟؟
الجنائز راحت حرمتها خلاص
الجنائز راحت حرمتها خلاص
نوليو للتمنشير , يعني نعرفو في الاعراس يبداو بالمقولات المشهورة العروسة ماش مليحة والعريس قصير , والصالة موسخة والقاطو يابس , والماكلة ماش بنينة وخلي وخلي
بصح في الجنائز ويمنشرو ؟؟ :-o , تلقاهم يبكيو ويطيحو زوج دمعات مع أهل الميت ومن بعد يدورو من هيه ويبدا التقطاع وحدة تقول " شفتي مرتو هي لي قتلتو بالمشاكل " ولخرا تقول " والله مرتو راهي فرحانة كي مات باه تدي رزقو" و لخرا تقول " شوفي هادي ماكلة يديروها الناس؟؟" ولخرا تكمل " راجلها خلا الخير وهوما حطو زوج حبات زيتون في الصحن "
والله تحير تاع الصح ومن بعد يقلبو الحالة ويوقفو مع مرت الميت ويقولولها والله غير تاكلي وماتعدبيش روحك وهي غير تاكل يقولو " شوفي والله ماصدقت هو ممدود قدامها وهي تاكل تقول مات حيوان "هههه
بصح في الجنائز ويمنشرو ؟؟ :-o , تلقاهم يبكيو ويطيحو زوج دمعات مع أهل الميت ومن بعد يدورو من هيه ويبدا التقطاع وحدة تقول " شفتي مرتو هي لي قتلتو بالمشاكل " ولخرا تقول " والله مرتو راهي فرحانة كي مات باه تدي رزقو" و لخرا تقول " شوفي هادي ماكلة يديروها الناس؟؟" ولخرا تكمل " راجلها خلا الخير وهوما حطو زوج حبات زيتون في الصحن "
والله تحير تاع الصح ومن بعد يقلبو الحالة ويوقفو مع مرت الميت ويقولولها والله غير تاكلي وماتعدبيش روحك وهي غير تاكل يقولو " شوفي والله ماصدقت هو ممدود قدامها وهي تاكل تقول مات حيوان "هههه
تاني في الاعراس تلقى الغنا والشطيح والناس تضحك وتحكي , وفي الجنايز ربما ماكانش الغنا والشطيح بصح الضحك والحكايات كاينين و مافهمتش عبد ميت وناس قلوبهم محروقين ونتوما تحكيو وتدردشو وتضحكو؟؟ اذا جايين تحكيو قصة حياتكم اقعدو في الدار واحكيو هنا من المفروض تصبرو أهل الميت ماشي تجيو تحكيو وحدة على كنتها ولخرا على عجوزتها وكاين حتى لي تتفكر همومها تبدا تندب والناس حاسبينها غاضهاالميت ههههه والله شي عجب
والله العبد مالقى مايقول , تلقاهم يريكلاميو على الماكلة ويقولك زيدلي صحن ماشبعتش, راك في عرس ولا جنازة؟؟ ولا جاي باه تاكل ؟؟ ويتحججلك ويقولك باه يدي الميت الحسنة, :down:
تلقاهم العداوة في نص الجنائز يدورو وجهم على بعضاهم ويعسو في بعضاهم وواحد يقول فلان راهو شافني وماسلمش عليا ولاخر شافني ودور وجهو عليا والله عيب كبير
راكم في جنازة ماش عرس
في العرس دير رايك بصح في الجنازة راهي حرمة للميت ولأهل الميت
والله مالقيت ما نقول نخليلكم درك الخط باه تعبرو وتعطيوني رايكم فلربما انا لي غالطة
تلقاهم العداوة في نص الجنائز يدورو وجهم على بعضاهم ويعسو في بعضاهم وواحد يقول فلان راهو شافني وماسلمش عليا ولاخر شافني ودور وجهو عليا والله عيب كبير
راكم في جنازة ماش عرس
في العرس دير رايك بصح في الجنازة راهي حرمة للميت ولأهل الميت
والله مالقيت ما نقول نخليلكم درك الخط باه تعبرو وتعطيوني رايكم فلربما انا لي غالطة
اتهلاو في رواحكم وماتحرمونيش من ردودكم القيمة
سلآم
سلآم
آخر تعديل بواسطة المشرف:
